តើប៉ូតាស្យូមក្នុងឈាមសំខាន់បែបណាសម្រាប់រាងកាយ? មនុស្សយើងត្រូវការសារធាតុចិញ្ចឹមប៉ូតាស្យូមពីរបបអាហារ ព្រោះផ្ដល់ប្រយោជន៍យ៉ាងដល់សុខភាព បេះដូង ប្រព័ន្ធប្រសាទ និងសាច់ដុំ ឲ្យដំណើរការបានល្អ។ ប៉ុន្ដែតើបើបរិមាណ ប៉ូតាស្យូមកើនឡើងខ្ពស់ វាអាចបង្កគ្រោះថ្នាក់មកលើយើងវិញ។ ជាពិសេសសម្រាប់អ្នកមានជំងឹ ខ្សោយតម្រងនោមតែម្ដង ព្រោះអាចប្រឈម ជំងឺលើសឈាម ជាងអ្នកមានសុខភាពធម្មតា ហើយក៏អាចប្រឈមផលវិបាកជំងឺបេះដូង និងខួរក្បាល។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
កម្រិតស្ដង់ដារប៉ូតាស្យូម
ជាធម្មតាកម្រិតប៉ូតាស្យូមក្នុងឈាមចន្លោះពី ៣,៥ ទៅ ៥,៥ មិល្លីម៉ូលក្នុងមួយលីត្រឈាម ប្រសិនបរិមាណលើសពីនេះ នឹងបង្ហាញអាការៈដូចជា មានអារម្មណ៍ ខ្សោយសាច់ដុំ ស្ពឹក ញាក់ ចង្អោរ ឬអារម្មណ៍ខុសពីធម្មតាផ្សេងទៀត។ បញ្ហាកើនឡើងកម្រិតប៉ូតាស្យូមក្នុងរាងកាយ មិនងាយកើនឡើងភ្លាមៗក្នុងរយៈពេលខ្លីនោះទេ គឺអាចចាប់ផ្ដើមកើនឡើងបន្ដិចម្ដងៗ ចំណាយពេលពី១សប្ដាហ៍ ទៅ១ខែ ដោយបង្ហាញរោគសញ្ញាបន្ដិចបន្តួច អាចមិនឲ្យយើងចាប់អារម្មណ៍។ ប៉ុន្ដែក្នុងករណីកម្រិតប៉ូតាស្យូមកើនឡើងខ្ពស់ក្នុងរយៈពេលខ្លី នោះវាក៏នឹងបង្ហាញរោគសញ្ញាដ៏គួរឲ្យភ័យព្រួយទាក់ទងទៅនឹងសុខភាពបេះដូង ដូចជា ញ័របេះដូង ដកដង្ហើមថប់ៗ ឈឺទ្រូង ចង្អោរ ឬ ក្អួត។ នេះគឺជាស្ថានភាពគំរាមកំហែងដល់អាយុជីវិត ត្រូវទៅមន្ទីពេទ្យ។
ហេតុអ្វីបានជាកម្រិតប៉ូតាស្យូមកើនឡើង?
ការកើនឡើង ប៉ូតាស្យូម អាចមកពីបញ្ហាតម្រងនោម ព្រោះតម្រងនោមមានតួនាទីរក្សាបរិមាណប៉ូតាស្យូមត្រឹមត្រូវស្របតាមតម្រូវការរាងកាយ។ តម្រងនោម មានតួនាទីរក្សាតុល្យភាព កម្រិតប៉ូតាស្យូម បើវាកើនឡើងនោះតម្រងនោមនឹងបញ្ចេញចោលតាមទឹកនោម ប៉ុន្ដែប្រសិនបើតម្រងនោមចុះខ្សោយ វាមិនអាចគ្រប់គ្រងបាន គឺមិនអាចច្រោះសារធាតុទាំងនោះ ចេញពីរាងកាយបានទេ ពេលនោះ ប៉ូតាស្យូមអាចកើនឡើង នៅក្នុងឈាមដល់កម្រិតមួយដែលគ្រោះថ្នាក់។ ក្រៅពីអ្នកជំងឺតម្រងនោម នៅមានជំងឺទឹកនោមផ្អែម និង ជំងឺ Addison’s disease ជាដើម ក៏អាចជួបបញ្ហាឡើងជាតិប៉ូតាស្យូមនេះដែរ។
យោងតាមការចុះផ្សាយរបស់អង្គការ មូលនិធិតម្រងនោមជាតិ អាមេរិក បានបង្ហាញថា ការញ៉ាំអាហារដែលមានជាតិប៉ូតាស្យូមច្រើនពេកក៏អាចបណ្តាលឱ្យកម្រិតប៉ូតាស្យូមឡើងខ្ពស់ បង្កឲ្យមានជំងឺលើសឈាមបានដែរ ជាពិសេសចំពោះអ្នកដែលមានជំងឺតម្រងនោមកម្រិតធ្ងន់។ អាហារទាំងនោះមានដូចជា ផ្លែឪឡឹក ទឹកក្រូច និង ចេក ដែលមានជាតិប៉ូតាស្យូមខ្ពស់។ ដោយឡែកអ្នកដែលចូលចិត្ដ ញ៉ាំប្រៃ ក៏ស្ថិតក្នុងការប្រឈមកើនឡើងកម្រិតប៉ូតាស្យូមក្នុងឈាមផងដែរ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
ជារួមការកើនឡើងកម្រិតប៉ូតាស្យូមក្នុងឈាម អាចកើតមានក្នុងចន្លោះពេលយូរ អាចន្លោះពេលពី១សប្ដាហ៍ ទៅ១ខែ សម្រាប់អ្នកដែលមានសុខភាពធម្មតា មិនងាយកើនឡើងនោះទេ ប៉ុន្ដែក្នុងករណីចំពោះអ្នកមានជំងឺខ្សោយតម្រងនោមវិញ អាចប្រឈមនឹងការកើនឡើងឆាប់រហ័ស និង ប្រឈមគ្រោះថ្នាក់គំរាមកំហែងដល់អាយុជីវិត។
[embed-health-tool-bmi]
