ជាទូទៅ គ្នាយើងច្រើនតែញ៉ាំអាហារដោយអង្គុយនៅលើកៅអី ជាជាងការអង្គុយផ្ទាល់ដី។ ប៉ុន្តែ កាលពីបុរាណកាល មនុស្សយើងអង្គុយផ្ទាល់នឹងដី និងញ៉ាំអាហារប្រកបដោយផាសុកភាព។ យ៉ាងណាមិញ រវាងការអង្គុយញ៉ាំអាហារនៅលើកៅអី និងអង្គុយផ្ទាល់ដី តើឥរិយាបថមួយណាដែលផ្ដល់ប្រយោជន៍ដល់យើង? ខាងក្រោមនេះ គឺជាហេតុផលចម្បង ដែលយើងគប្បីអង្គុយញ៉ាំអាហារផ្ទាល់ដី ជាជាងអង្គុយនៅលើកៅអី។
អង្គុយពែនភ្នែនពេលញ៉ាំអាហារមានអត្ថប្រយោជន៍ ៥យ៉ាង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ការរំលាយអាហារកាន់តែប្រសើរជាងមុន
ការអង្គុយពែនភ្នែនផ្ទាល់ដី អាចជួយធ្វើឲ្យដំណើរការរំលាយអាហាររបស់យើងកាន់តែប្រសើរឡើងពីព្រោះសកម្មភាពញ៉ាំអាហារបែបនេះ អាចធ្វើឲ្យសាច់ដុំពោះមានចលនា ដែលបង្កើនការបញ្ចេញអាស៊ីដក្រពះ និងអាចឲ្យការរំលាយអាហារមានភាពរហ័សជាងមុន។
២. ស្រកទម្ងន់
ការងើបចុះឡើងបង្កើនចលនារាងកាយ។ លើសពីនេះ វាក៏ជួយឲ្យយើងមានអារម្មណ៍ឆាប់ឆ្អែត។ ជាជាងការអង្គុយនៅលើកៅអី យើងគួរក្រាលកន្ទេល និងអង្គុយពែនភ្នែន ព្រមទាំងរក្សាខ្នងឲ្យត្រង់ល្អ។ ចូរអនុវត្តតាមវិធីសាស្ត្រនេះឲ្យបានទៀងទាត់ ប្រសិនបើគ្នាយើងចង់សម្រកខ្លាញ់។ ពិតណាស់ឥរិយាបថនេះមានប្រសិទ្ធភាពក្នុងការបន្ធូរអារម្មណ៍ ក៏ដូចជាជួយកាត់បន្ថយភាពអស់កម្លាំង និងភាពទន់ខ្សោយខាងរាងកាយ។
៣. បង្កើនចរន្តឈាម
ជាមួយគ្នានេះដែរ ការអង្គុយពែនភ្នែនជួយបង្កើនចរន្តឈាមនៅក្នុងរាងកាយ ព្រមទាំងធ្វើឲ្យសរសៃប្រសាទស្ងប់ល្អ និងបញ្ចេញភាពតានតឹង។ វាក៏ធ្វើឲ្យបេះដូងរបស់យើងមានសុខភាពល្អ នៅពេលដែលយើងអង្គុយ ដោយបន្ថយសម្ពាធនៅលើរាងកាយ និងបេះដូង។
៤. ពង្រឹងឥរិយាបថ
ដូចទៅនឹងការហាត់យូហ្គាដែរ ការអង្គុយពែនភ្នែនអាចជួយរក្សាឥរិយាបថល្អ ក៏ដូចជាកាត់បន្ថយការឈឺចាប់សាច់ដុំ និងសន្លាក់។ វាធ្វើឲ្យយើងមានភាពស្វាហាប់ ជួយឲ្យខ្នងត្រង់ ព្រមទាំងផ្ដល់កម្លាំងដល់ជើងរបស់យើងថែមទៀតផង។ យោងតាមការសិក្សាមួយចំនួនបានបង្ហាញថា អ្នកដែលអនុវត្តឥរិយាបថបែបនេះ អាចជួយឲ្យមានអាយុវែង ពីព្រោះវាប្រៀបដូចជាសិល្បៈក្នុងការក្រោកឈរឡើង ដោយមិនចាំបាច់មានជំនួយណាមួយ។
៥. សម្រាកទាំងផ្លូវកាយ និងផ្លូវចិត្ត
ការអង្គុយពែនភ្នែនគឺជាឥរិយាបថស័ក្ដិសមក្នុងការធ្វើសមាធិ ហើយវាក៏មានអត្ថប្រយោជន៍ច្រើនក្នុងការកាត់បន្ថយស្រ្តេស។ បន្ថែមពីនេះ វាក៏ជាឥរិយាបថដ៏ល្អឥតខ្ចោះក្នុងការធ្វើលំហាត់ប្រាណដង្ហើមដែលជួយបង្កើនលំហូរអុកស៊ីសែននៅក្នុងរាងកាយរបស់យើង។ ពិសេសជាងនេះទៅទៀត វាក៏ជួយតម្រង់ឆ្អឹងខ្នង ព្រមទាំងបន្ធូរសាច់ដុំស្មាផងដែរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម