បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

ចុករួយចង្កេះ ឈឺខ្នងពេលពោះ កុំបារម្ភអី ម៉ាក់ៗអាចសាកតិចនិកទាំងនេះ!

ស្រីៗគ្នាយើងកំពុងតែពពោះ ឧស្សាហ៍ឈឺខ្នង ឈឺចង្កេះមែនទេ? កុំបារម្ភពេក អាការៈចុករួយចង្កេះ ឈឺខ្នងពេលពពោះ ជារឿងធម្មតាប៉ុណ្ណោះ ដោយសារតែរាងកាយ និងអ័រម៉ូនប្រែប្រួល ស្បូនរីកធំ រុញសាច់ដុំ និងសរីរាង្គផ្សេងៗទៀត។ ដើម្បីសម្រួលអាការៈចុករួយចង្កេះ និងឈឺខ្នង ពេលពពោះ ប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន សែនសុខ លោកវេជ្ជបណ្ឌិត ចាន់ ស៊ីណេត បានណែនាំនូវតិចនិកមួយចំនួនខាងក្រោមនេះ។

១. គេងឲ្យបានគ្រប់គ្រាន់ សម្រាកឲ្យច្រើន

ពេលពពោះរាងកាយស្រីៗយើងកាន់តែចុះខ្សោយ ងាយទទួលរងសម្ពាធផ្សេងៗ យកល្អគួរតែសម្រាកឲ្យបានច្រើន និងគេងឲ្យបានគ្រាន់។

២. សម្រួលឥរិយាបថឲ្យបានល្អ

ស្របពេលរាងកាយយើងកំពុងរីកធំធាត់ ពោះរបស់យើងក៏ធំទៅបន្តិចម្តងៗ នាំឲ្យទម្ងន់ខាងមុខធ្ងន់ជាងខាងក្រោយ ជាកត្តានាំឲ្យយើងចាប់ផ្តើមមានអារម្មណ៍ឈឺខ្នង និងរួយចង្កេះជាដើម។ ប៉ុន្តែយើងអាចដោះស្រាយបញ្ហានេះតាមរយៈឥរិយាបថត្រឹមត្រូវមួយចំនួនដូចខាងក្រោម៖

– ក្រោកឈរឡើងឲ្យត្រង់

– ពើងទ្រូងឡើងឲ្យខ្ពស់

– ទម្លាក់ស្មាទៅក្រោយ ហើយសម្រាកបន្ធូរអារម្មណ៍

– កុំសម្លឹងចុះមើលជើងយើងឲ្យសោះ

នៅពេលយើងឈរក្នុងស្ថានភាពមួយមានអារម្មណ៍ផាកសុភាព នោះនឹងជួយឲ្យការឈឺចាប់ខ្នងរសាត់ទៅបានដែរ។ ចំពោះការអង្គុយវិញ យើងអាចជ្រើសរើសកៅអីណាដែលអាចទប់ខ្នងយើងបានស្រួល ឬអាចប្រើខ្នើយដើម្បីទប់ខ្នងផ្នែកខាងក្រោម។

ចង់គណនាថ្ងៃសម្រាលកូន ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

៣. ប្រើស្បែកជើងកែងទាបៗ ឬបាតរាបស្មើ

យើងត្រូវពាក់ស្បែកជើងកែងទាប មិនចោត ពោលគឺប្រើស្បែកជើងណាដែលយើងពាក់ទៅស្រួលខ្លួន និងហាមពាក់ស្បែកជើងកែងចោត ដែលជាហេតុធ្វើឲ្យខ្លួនយើងមិនមានលំនឹងល្អ និងអាចបណ្តាលឲ្យដួលបាន។

៤. ក្រោកឡើងឲ្យបានត្រឹមត្រូវ

ពេលអង្គុយចុះដើម្បីរើសរបស់តូចៗអ្វីមួយ ដោយត្រូវអង្គុយចុះនោះ គឺត្រូវប្រើកម្លាំងជើងក្រោកឡើងវិញឲ្យបានត្រឹមត្រូវ និងមិនត្រូវប្រើចង្កេះ ឬខ្នងដើម្បីយោងទម្ងន់ខ្លូនយើងឡើងមកលើវិញជាដាច់ខាត។ នេះជាចំណុចសំខាន់មួយ ត្រូវធ្វើដោយប្រុងប្រយ័ត្ន ឬអាចសួរការណែនាំបន្ថែមពីគ្រូពេទ្យ។

៥. គេងផ្អៀង

ការគេងផ្អៀង មិនគេងសង្កត់លើខ្នង ជារឿងត្រឹមត្រូវសម្រាប់ស្រីៗកំពុងពពោះ ដោយរក្សាជង្គង់ម្ខាង ឬទាំងសងខាងឲ្យបានត្រង់។ អាចពិចារណាប្រើខ្នើយសម្រាប់ស្រីៗពពោះដាក់នៅចន្លោះជង្គង់ទាំងពីរ កល់ក្រោមពោះ និងខ្នងដើម្បីរក្សាឥរិយាបថគេងឲ្យបានត្រឹមត្រូវ។

បញ្ហាដំណេកពេលពពោះ

៦. ធ្វើសកម្មភាពប្រចាំថ្ងៃ និងហាត់ប្រាណ

សកម្មភាពធម្មតាប្រចាំថ្ងៃ ក៏ជួយសុខភាពខ្នងយើងរឹងមាំល្អ ក៏ប្រហែលជាអាចបំបាត់ការឈឺចាប់ត្រង់ខ្នងបាន អំឡុងពេលកំពុងពពោះ។ តាមរយៈការណែនាំពីអ្នកជំនាញ ស្រីៗគ្នាយើងកំពុងពពោះ អាចបញ្ចេញសកម្មភាពស្រាលៗ ពិសេសការហាត់ប្រាណ ដូចជាដើរ ជាដើម។ ការព្យាបាលដោយចលនា គួបផ្សំនឹងហាត់ប្រាណ សុទ្ធតែអាចជួយបំបាត់ការឈឺចាប់បាន។

៧. មិនគួរលើករបស់ធ្ងន់ ឬធ្វើដំណើរឆ្ងាយ

ការលើកដាក់របស់ធ្ងន់ និងការធ្វើដំណើរផ្លូវឆ្ងាយពេក អាចនឹងជះឥទ្ធិពលមិនល្អចំពោះសុខភាពស្ត្រីពពោះ តែបើចាំបាច់ យើងត្រូវលើករបស់អ្វីមួយដោយយឺតៗ ឬដោយប្រើកម្លាំងជើង។ បើថង់អីវ៉ាន់យើងធ្ងន់ គួររំលែកជា២ស្មើគ្នា យួរដោយដៃសងខាង។ ចំពោះការធ្វើដំណើរផ្លូវឆ្ងាយគួរចៀសវាងនៅត្រីមាសដំបូង និងជិតដល់ពេលសម្រាលកូន។

៨. សាកល្បងស្អំរបស់ក្តៅ ឬត្រជាក់ ឬម៉ាស្សា

មានភស្តុតាងជាច្រើន ត្រូវគេជឿថា មានគុណប្រយោជន៍ជាច្រើនអាចបំបាត់អាការៈឈឺខ្នងសម្រាប់ស្រីៗមានផ្ទៃពោះ គឺការម៉ាស្សាថ្មមៗត្រង់ចង្កេះ ឬខ្នង ឬអាចប្រើវវត្ថុត្រជាក់ ឬក្តៅមកស្អំក៏បាន។

អត្ថបទគួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ដេត ធន្នី · កែ 31/10/2024

ចុករួយចង្កេះ ឈឺខ្នងពេលពោះ កុំបារម្ភអី ម៉ាក់ៗអាចសាកតិចនិកទាំងនេះ!

១. គេង​ឲ្យ​បាន​គ្រប់​គ្រាន់ សម្រាក​ឲ្យ​ច្រើន

២. សម្រួល​ឥរិយាបថ​ឲ្យ​បាន​ល្អ

៣. ប្រើ​ស្បែក​ជើងកែងទាបៗ ឬបាតរាបស្មើ

៤. ក្រោកឡើង​ឲ្យ​បាន​ត្រឹម​ត្រូវ

៥. គេង​ផ្អៀង

៦. ធ្វើ​សកម្មភាព​ប្រចាំ​ថ្ងៃ និង​ហាត់​ប្រាណ

៧. មិន​គួរ​លើក​របស់​ធ្ងន់ ឬ​ធ្វើ​ដំណើរ​ឆ្ងាយ

៨. សាក​ល្បង​ស្អំ​របស់​ក្តៅ ឬ​ត្រជាក់ ឬម៉ាស្សា