កាហ្វេជាភេសជ្ជៈមួយប្រភេទផ្ដល់អត្ថប្រយោជន៍ច្រើនដល់សុខភាព ប៉ុន្ដែមានករណីខ្លះភេសជ្ជៈនេះ បានធ្វើឲ្យអ្នកញ៉ាំជួបបញ្ហារាករូស អស់កម្លាំងទៅវិញ។ បទពិសោធន៍អ្នកផឹកកាហ្វេ ក្នុងចំណោម ១០នាក់ មាន២ ទៅ ៣នាក់ ធ្លាប់ឆ្លងកាត់បញ្ហានេះ។ ការរាករូស ដោយកាហ្វេអាចបង្កគ្រោះថ្នាក់ដែរទេ? ហើយបណ្ដាលមកពីអ្វី?
អ្នកខ្លះផឹកកាហ្វេហើយជួបបញ្ហារាក តើមកពីអ្វី?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ការរាកដោយសារការផឹកកាហ្វេ មិនអាចបង្កគ្រោះថ្នាក់ដល់សុខភាពអ្នកញ៉ាំនោះទេ។ អាការៈនេះ នឹងបាត់ទៅវិញ ក្រោយពេលសារធាតុកាហ្វេអ៊ីន ក្នុងប្រព័ន្ធរំលាយអាហារត្រូវបញ្ចុះអស់តាមរយៈលាមក និងទឹកនោម។ ការរាកប្រភេទនេះគឺដោយសារ ការរំញោចនៃចលនាសារធាតុកាហ្វេអ៊ីន ជាមួយនឹងពោះវៀន ជំរុញឲ្យពោះវៀន ធ្វើការលើស៤ដងជាងពេលធម្មតា។ ហើយអាការៈនេះអាចលេចឡើង ក្រោយពេលញ៉ាំការហ្វេប្រមាណជា ចន្លោះពី ៥ ទៅ ១០នាទី។
មុខងារកាហ្វេអ៊ីន
កាហ្វេអ៊ីនជាសារធាតុចម្បងក្នុងកាហ្វេ វាមានមុខពិសេស ជួយបង្កើនការំញោចដល់សរីរាង្គគ្រប់ផ្នែក មិនថាប្រព័ន្ធប្រសាទ ចង្វាក់បេះដូង ឬប្រព័ន្ធរំលាយអាហារនោះទេ។ ប្រព័ន្ធប្រសាទ ជួយឲ្យមានអារម្មណ៍ស្រស់ស្រាយ ខួរក្បាលសកម្ម ចំពោះបេះដូង ជួយសម្រួលសរសៃឈាម ដំណើរការល្អ កាត់បន្ថយកូលេស្ដេរ៉ូល និងប្រព័ន្ធរំលាយអាហារជួយ ឲ្យដំណើរការរំលាយបានលឿន។
លោក Caroline Bletcher វេជ្ជបណ្ឌិតផ្នែករបបអាហារ បានមានប្រសាសន៍ថា កាហ្វេគឺជាបណ្ដុំនៃសារធាតុចិញ្ចឹមជាច្រើន ធ្វើឲ្យរំញោចក្រពះពោះវៀន មានន័យថាវាបង្កើនល្បឿននៃចលនាកន្ត្រាក់សាច់ដុំដែលអាចផ្លាស់ទីអាហារតាមផ្លូវរំលាយអាហារបានលឿន។ ដំណើរការនេះនឹងធ្វើឲ្យមានអាការៈរាក និងឈឺរមួលក្នុងពោះ។
មួយវិញទៀត កាហ្វេអ៊ីន អាចរំញោចទៅដល់ការផលិតអ័រម៉ូន gastrin ដែលមានមុខងារផ្ដល់សញ្ញាឲ្យក្រពះបញ្ចេញអាស៊ីត។ បើបរិមាណអ័រម៉ូននេះច្រើន ក្រពះក៏ត្រូវបញ្ចេញជាតិអាស៊ីតច្រើនផងដែរ។
កត្ដាមួយទៀតគឺបណ្ដាលមកពី អង់ស៊ីមក្នុងប្រព័ន្ធរំលាយអាហារមានសមត្ថភាពខ្សោយ មិនអាចបំបែកសារធាតុកាហ្វេអ៊ីនបាន។ ការណ៍នេះស្រដៀងទៅនឹងអ្នកមាន អាលែកហ្ស៊ីទឹកដោះគោ និងជាតិស្ករ fructose ជាដើម។
ការបង្ហាញអាការៈ
អ្នកផឹកកាហ្វេ មិនថាដាក់ស្ករច្រើនឬតិចនោះទេ ឲ្យតែមានសារធាតុកាហ្វេអ៊ីន ក្រោយពេលផឹក ៥ ទៅ ១០នាទី នឹងមានអាការៈ ឈឺពោះ រាក ស្ទើរតែមិនអាចចូលបន្ទប់ទឹកទាន់។ អាការៈនេះ អាចអូសបន្លាយរយៈពេលយូរឬឆាប់ អាស្រ័យលើបរិមាណនៃកាហ្វេដែលបានផឹក។ ដោយឡែកចំពោះប្រភេទកាហ្វេដែលគ្មានសារធាតុកាហ្វេអ៊ីន (decaf coffee) កាហ្វេអ៊ីនទាបបំផុត ក៏អាចបង្កឲ្យរាកដែរ ប៉ុន្ដែអាចបង្កឡើងក្រោយ ៣០នាទី និងភាគរយនៃការរាកមានតិចប៉ុណ្ណោះ។
វិធីដោះស្រាយ
ការផឹកកាហ្វេហើយរាក ភាគច្រើនកើតលើអ្នកដែលទើបចាប់ផ្ដើមផឹកកាហ្វេ ឬអ្នកកម្រផឹកកាហ្វេ។ ប្រសិនជាគ្នាយើងជួបបញ្ហានេះ ត្រូវញ៉ាំទឹកឲ្យបានច្រើន និងញ៉ាំផ្លែឈើដែលសម្បូរជាតិទឹក ព្រោះពេលរាក រាងកាយត្រូវប្រឈមនឹងការចុះខ្សោយជាតិទឹក។ ក្នុងករណីនេះ បើរាកខ្លាំងអ្នកជំងឺអាចប្រឈមនឹងការវិលមុខ ឈឺក្បាល និងអស់កម្លាំងផងដែរ។
ការផឹកកាហ្វេរាកអាចបណ្ដាលឲ្យរលាកក្រពះពោះវៀនដែរទេ?
កាហ្វេអ៊ីន ថ្វីដ្បិតអាចបង្កការរំញោច បញ្ចេញជាតិអាស៊ីតក្រពះច្រើនខុសធម្មតាមែន ប៉ុន្ដែករណីនេះ មិនអាចធ្វើឲ្យក្រពះ ពោះវៀនរលាកបានទេ។ លោក Bridgette Wilson វេជ្ជបណ្ឌិតផ្នែករបបអាហារមានប្រសាសន៍ថា ប្រសិនបើយើងគ្មានជំងឺរលាកពោះវៀន (irritable bowel syndrome) នោះមិនមានអ្វីត្រូវព្រួយបារម្ភនោះឡើយ ប៉ុន្ដែប្រសិនបើអ្នកមានជំងឹនេះ នោះការផឹកកាហ្វេគឺជារឿងមិនល្អវិញ។
តើគួរធ្វើណាបែបណាទើបអាចញ៉ាំកាហ្វេបាន?
ប្រសិនជាអ្នកចូលចិត្ដកាហ្វេ ចង់បានសុខភាពល្អ ញ៉ាំការហ្វេបានធម្មតាដូចគេឯង នោះមិនមែនជារឿងពិបាកទេ។ យើងអាចអនុវត្ដវីធីងាយៗដូចជា៖
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម