រួចភ្នែកជាអាការៈមួយស្ដែងឡើងនៅពេលដែល ភ្នែកមិនអាចសម្លឹងអ្វីមួយបានច្បាស់ល្អ នោះដោយសារការសម្លឹងមានរយៈពេលយូរ ប្រឈមនឹងចំណាំងផ្លាតពន្លឺ ឬត្រូវខ្យល់ខ្លាំង។ អាការៈនេះអាចកើតឡើងច្រើន មិនថាក្មេងឬចាស់នោះទេ ប្រសិនបានដឹងពីរបៀបនៃការពារភ្នែកឲ្យបានល្អ។
ចង់ពិនិត្យជំងឺសរសៃឈាមបេះដូង ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ចុករួយភ្នែកអាចកើតឡើងរយៈពេលខ្លី ហើយក៏បាត់ទៅវិញដោយខ្លួនឯង។ ថ្វីដ្បិតតែមិនមែនជាបញ្ហាធ្ងន់ធ្ងរ ប៉ុន្ដែក៏ជាអាការៈមួយគួរព្រួយបារម្ភប្រសិនជាកើតឡើងញឹកញាប់ ដោយមិនមានវិធានការដោះស្រាយ។
រោគសញ្ញានៃអាការៈរួយភ្នែក
- ឈឺ អស់កម្លាំង ក្រហាយ ឬរមាស់ភ្នែក
- ភ្នែកស្ងួតឬហូរទឹកភ្នែក
- មើលឃើញមិនច្បាស់
- ឈឺក្បាល
- រួយក ស្មា ឬខ្នង
- ចាញ់ពន្លឺ
- ការលំបាកក្នុងការផ្តោតអារម្មណ៍
- មានអារម្មណ៍ថាអ្នកមិនអាចបើកភ្នែកបានអស់
មូលហេតុដែលបណ្ដាលឲ្យចុករួយភ្នែក
- សម្លឹងមើលអេក្រង់ឧបករណ៍ឌីជីថលច្រើន
- ភ្នែកបើកខ្លាំង មិនបានសម្រាក
- បើកបរផ្លូវឆ្ងាយ និងធ្វើសកម្មភាពផ្សេងទៀតដែលពាក់ព័ន្ធនឹងការផ្តោតអារម្មណ៍ក្នុងរយៈពេលយូរ
- ត្រូវបានប៉ះពាល់នឹងពន្លឺភ្លឺឬចាំង
- ប្រឹងមើលក្នុងពន្លឺ
- មានជំងឺភ្នែកស្ងួត
- ត្រូវបានប៉ះពាល់នឹងខ្យល់ស្ងួតចេញពីកង្ហារ ប្រព័ន្ធកំដៅ ឬប្រព័ន្ធម៉ាស៊ីនត្រជាក់
អត្ថបទគួរអាន៖
- ថ្នាំបន្តក់ភ្នែក អាចប្រើរាល់ថ្ងៃបានអត់?
- ជំងឺរលាកត្របកភ្នែកបង្កឡើងដោយសារអ្វី? គ្រោះថ្នាក់អត់?
- លម្អិតជុំវិញមូលហេតុភ្នែកឆ្លងរោគ ឈឺឡើងក្រហម រហូតដល់ពិការ
- អង្កេតបញ្ហាភ្នែក ៧ចំណុចនេះ ព្រោះអាចបញ្ជាក់ពីស្ថានភាពសុខភាពខុសៗគ្នា
- តិចនិកងាយៗ បញ្ចៀសការឆ្លងមេរោគភ្នែកទូទៅ
- ប្រយ័ត្ន! ភ្នែកឡើងបាយ មកពីមូលហេតុប៉ុន្មាននេះ ហើយអាចធ្វើឲ្យងងឹត
តើចុករួយភ្នែកអាចជារោគសញ្ញានៃជំងឺភ្នែកដែរទេ?
ជាក់ស្ដែងណាស់ ចុករួយភ្នែកក៏អាចជារោគសញ្ញាមួយក្នុងចំណោមរោគសញ្ញាដទៃទៀត នៃជំងឺស្ងួតភ្នែក។ ព្រោះនៅពេលដែលភ្នែកមិនទទួលបានសំណើមគ្រប់គ្រាន់ ក៏បណ្ដាលឲ្យយើងមិនអាចសម្លឹងបានយូរ និង មើលមិនឃើញច្បាស់ល្អនោះទេ។ ថ្វីដ្បិតយើងមិនអាចសម្គាល់បានភ្លាមៗថា ការចុករួយភ្នែកជារោគសញ្ញាជំងឺភ្នែកស្ងួត១០០% ប៉ុន្ដែយើងអាចសង្កេតមើលថា អាការៈនេះកើតឡើងញឹកញាប់ ជាមួយនឹងរោគសញ្ញាផ្សេងៗទៀតដូចជា មានអាការៈក្ដៅភ្នែក ភ្នែកឡើងក្រហម ហៀរទឹកភ្នែកច្រើន មានការរំខានក្នុងភ្នែក នឹងហើមត្របកភ្នែក។ ចូរប្រុងប្រយ័ត្ននឹងរោគសញ្ញាទាំងនេះ ក្នុងករណីសង្ស័យត្រូវទៅជួបជាមួយគ្រូពេទ្យឲ្យបានត្រឹមត្រូវ។
[embed-health-tool-ovulation]
