ការថែទាំមាត់

ស្វែងយល់! អាហារគួរញ៉ាំ និងមិនគួរញ៉ាំពេលឈឺធ្មេញ

ឈឺធ្មេញ គ្នាយើងភាគច្រើនប្រហែលធ្លាប់បានឆ្លងកាត់រួចមកហើយ គឺធ្វើឲ្យយើងពិបាកទ្រាំខ្លាំងណាស់ ពិសេសចង់ញ៉ាំអីក៏មិនបានស្រួលដូចចិត្ដនោះដែរ។ ការឈឺធ្មេញមានច្រើនមូលហេតុដូចជា ធ្មេញមានបញ្ហាបែក ស្រាំ ធ្មេញពុក ហើមអញ្ចាញ ធ្មេញសឹក ឬឈឺថ្គាមទាល់ជាដើម។ ចង់គណនា BMI ចុចទីនេះ! ចង់គណនា BMR ចុចទីនេះ! ការឈឺធ្មេញថ្វីដ្បិតវាមិនប៉ះពាល់សុខភាពយើងធ្ងន់ធ្ងរ ប៉ុន្ដែវាបង្កការរំខានដល់ការរស់នៅប្រចាំថ្ងៃ ធ្វើឲ្យយើងពិបាកទ្រាំ និង ពិបាកញ៉ាំអាហារទៀតផង។ ដូច្នេះហើយយើងគួរយល់ច្បាស់ពីប្រភេទអាហារដែលយើងអាចញ៉ាំបាន ស្រួលទំពារ និង ងាយរំលាយបានល្អ។ អាហារទាំងនោះមានដូចជាផ្លែប៉ោម ដំឡូងបារាំង ដំឡូងជ្វា យ៉ាអ៊ួ (មិនត្រជាក់) និង នំប៉័ងធ្វើពីស្រូវសាលី ពោលប្រភេទអាហារដែលទន់ៗ មិនដាក់សម្ពាធលើធ្មេញយើងអាចញ៉ាំបាន។ បន្ថែមពីនេះទៅទៀត យើងគួរតែច្នៃអាហារទាំងនោះជាចំណែក ឬដុំតូចៗ មុនពេលញ៉ាំគឺកាន់តែប្រសើរ។ ប្រភេទអាហារមិនគួរញ៉ាំពេលឈឺធ្មេញ ក្នុងខណៈដែលយើងកំពុងឈឺធ្មេញ ឬកំពុងព្យាបាលធ្មេញ អាហារមួយចំនួន យើងគួរតែកាត់បន្ថយ ឬអាចកុំញ៉ាំសោះកាន់តែល្អ ដូចជា ពពួកអាហារត្រជាក់ពេក (អាហារកក) អាហារក្ដៅពេក ផ្លែឈើមានជាតិជូរខ្លាំង គ្រាប់ធញ្ញជាតិ អាហារហឹរ អាហារផ្អែមពេក អាហារមានជាតិកាត់ខ្ពស់ និងពពួកភេសជ្ជៈផ្អែមៗគ្រឿងកំប៉ុងតែម្ដង។ ការញ៉ាំអាហារមិនបានត្រឹមត្រូវល្អអាចបណ្ដាលអាការៈឈឺធ្មេញកាន់តែធ្ងន់ធ្ងរ មិនតែប៉ុណ្ណោះការព្យាបាលកាន់តែយូរ។ ដូច្នេះការជ្រើសរើសអាហារញ៉ាំបានត្រឹមត្រូវ ក៏អាចជួយកាត់បន្ថយការឈឺចាប់ និងការព្យាបាលកាន់តែមានប្រសិទ្ធភាព។ អត្ថបទគួរអាន៖ […]

ការថែទាំមាត់

ជួបបញ្ហាក្លិនមាត់មិនល្អ! សាកតិចនិកនេះ អាចជួយបាន

ក្លិនមាត់អាក្រក់គឺពិតជាបញ្ហាមួយដែលរំខានហើយព្រមទាំងប៉ះពាល់ដល់ភាពជឿជាក់របស់យើងគ្រប់គ្នាផងដែរ។ អត្ថបទខាងក្រោមនេះនឹងបង្ហាញគ្នាយើងពីតិចនិកខ្លះៗជួយផ្លាស់ប្ដូរក្លិនមាត់ពីអាក្រក់មកល្អវិញ។ ១- ដុសធ្មេញហោចណាស់២ដងក្នុងមួយថ្ងៃ ក្លិនមាត់មិនល្អគឺបណ្ដាលមកពីបាក់តេរីផ្ដុំគ្នា និងកម្ទេចកម្ទីចំណីអាហារដែលជាប់នៅនឹងធ្មេញរបស់យើង។ ដោយសារតែមានប្រហោង និងកន្លុកកន្លៀតសំរាប់ឲ្យបាក់តេរីកកើតឡើង និងវិវឌ្ឍនៅក្នុងមាត់ យើងត្រូវប្រុងប្រយ័ត្នឲ្យបានច្រើនលើការដុសសម្អាតធ្មេញដើម្បីកម្ចាត់ក្លិនមិនល្អនេះ។ ប្រើច្រាសដែលមានសរសៃទន់ហើយកាន់ផ្អៀងក្នុងមុំ៤៥ដឺក្រេ ដុសធ្មេញមួយៗ និងឲ្យបានម៉ត់ចត់។ យ៉ាងណាមិញត្រូវប្រើកម្លាំងថ្នមៗព្រោះកម្លាំងខ្លាំងពេកអាចប៉ះពាល់ដល់អញ្ចាញធ្មេញរបស់យើង។ ការដុសធ្មេញបានត្រឹមត្រូវគឺចំណាយពេលប្រហែល៣នាទីតែប៉ុណ្ណោះ។ ថែរក្សាគ្រប់កន្លែងនៅក្នុងប្រអប់មាត់ដូចជាអញ្ចាញធ្មេញអណ្ដាតនិងធ្មេញ។ ២- សម្អាតអណ្ដាត ដោយសារតែអណ្ដាតរបស់យើងមានផ្ទៃច្រើនហើយគ្របដណ្ដប់ទៅដោយសណ្ឋានបែបទួលនិងចង្អូរ ការដុសធ្មេញតែមួយមុខគឺមិនគ្រប់គ្រាន់ទេ ព្រោះអណ្តាតក៏មានផ្ទុកបាក់តេរីច្រើនជាងកន្លែងផ្សេងទៀតនៃប្រអប់មាត់របស់យើង។ យើងអាចប្រើឧបករណ៍សម្រាប់សម្អាតអណ្តាតតែម្ដងឬប្រើច្រាសដែលមានសរសៃទន់ក៏បាន សម្អាតអណ្ដាតពីក្រោយទៅមុខនិងលាងសម្អាតចេញរាល់ការអូសទាញម្ដងៗ ប្រសិនបើយើងទ្រាំមិនបានចង់ក្អួតយើងអាចពិភាក្សាជាមួយគ្រូពេទ្យជំនាញថាគួរធ្វើឬអត់ ៣- ប្រើអំបោះទាក់ធ្មេញប្រចាំថ្ងៃ ការប្រើអំបោះទាក់ធ្មេញគឺមានសារសំខាន់ដូចទៅនឹងការដុសធ្មេញឬសម្អាតអណ្ដាតដូចគ្នាតែមនុស្សភាគច្រើនតែងតែមិនចាប់អារម្មណ៍នឹងវិធីនេះ។ នៅពេលដែលយើងប្រើអំបោះទាក់ធ្មេញដំបូងអញ្ចាញរបស់យើងអាចមានឈាមហូរ ស្របពេលដែលយើងរុញកម្ទេចចំណីចេញដែលជាប់ក្នុងអញ្ចាញក្នុងរយៈពេលយូរ។ ហិតក្លិនអំបោះទាក់ធ្មេញក្រោយពេលទាក់ធ្មេញរួចនោះយើងនឹងដឹងថាហេតុអ្វីបានជាមាត់យើងមានក្លិនមិនល្អ។ ៤- ប្រើទឹកខ្ពុរមាត់ ប្រើទឹកខ្ពុរមាត់ជាប្រចាំនឹងរក្សាសំណើមក្នុងមាត់និងគ្មានបាក់តេរី។ ជ្រើសរើសទឹកខ្ពុរមាត់ដែលមានផ្ទុកសារធាតុក្លរិចឌីអុកស៊ីត ។ បាក់តេរីភាគច្រើនដែលបង្កឲ្យមានក្លិនមាត់មិនល្អគឺសម្ងំពួននៅខាងក្រោយអណ្ដាតដែលឆ្ងាយពេកមិនអាចកម្ចាត់ចេញតាមរយៈការសម្អាតអណ្ដាត។ ដូចនេះការខ្ពុរមាត់ជាប្រចាំជាមួយទឹកដែលមានសារធាតុក្លរិចស៊ីឌីននឹងជួយបន្សាបបាក់តេរីទាំងនោះ។ មុននឹងធ្វើការដុសសម្អាតធ្មេញកោសអណ្ដាតឬប្រើអំបោះទាក់ធ្មេញ យើងគួរតែខ្ពុរមាត់ជាមុនសិន។ បន្ទាប់មកទៀតសឹមចាប់ផ្ដើមការសម្អាតនិងខ្ពុរម្ដងទៀតជាចុងបញ្ចប់។ ការធ្វើបែបនេះគឺដើម្បីប្រាកដថាយើងបានកម្ចាត់ចេញនូវបាក់តេរីទាំងនោះ។ ៥- ទំពារស្ករកៅស៊ូ ស្ករកៅស៊ូប្រភេទណាក៏បានព្រោះថាស្ករកៅស៊ូនឹងជួយភ្ញោចដល់ការបញ្ចេញទឹកមាត់ច្រើន។ មានស្ករកៅស៊ូមួយចំនួនដែលល្អប្រើជាងប្រភេទដទៃ: ស្កររសជាតិឈើអែមមានប្រសិទ្ធភាពប្រឆាំងបាក់តេរី ស្ករកៅស៊ូផ្អែមជាមួយសារធាតុស៊ីលីតុលមានលក្ខណៈប្រសើរជាងស្ករដទៃព្រោះសារធាតុទាំងនោះអាចប្រឆាំងបាក់តេរីពីការកកើតសារថ្មីនៅក្នុងមាត់។ ប្រសិនបើជំហានខាងលើទាំងនេះនៅតែមិនមានប្រសិទ្ធភាពគ្នាយើងគួរតែជួបពិភាក្សាជាមួយគ្រូពេទ្យជំនាញសម្រាប់ដំបូន្មានបន្ថែម និងទទួលការព្យាបាល។

ចំណេះដឹងទូទៅ

ស្វែងយល់! អាហារគួរញ៉ាំ និងមិនគួរញ៉ាំពេលឈឺធ្មេញ

មានបញ្ហាស្រៀវធ្មេញ គួរដោះស្រាយបែបណា?

អ្នកណាខ្លះទម្លាប់ដកដង្ហើមតាមមាត់? មកដឹងផលប៉ះពាល់សុខភាពទាំងនេះ

ចង់ជឿជាក់ នេះតិចនិចបំបាត់ក្លិនមាត់ងាយៗទាំង ៥

កំពូលអាហារ ៤ មុខឆ្ងាញ់ៗ តែអាចធ្វើឲ្យធ្មេញលឿងសាហាវ

ស្វែងរក ការថែទាំមាត់

ស្ងួតមាត់ក្រោយភ្ញាក់ពីគេង តាមពិតមកពីមូលហេតុទាំងនេះ

បង្កើតទម្លាប់ទាំងនេះ បបូរមាត់ស្ងួត ប្រេះ លែងជាបញ្ហាសម្រស់ទៀតហើយ

រលាកអញ្ចាញធ្មេញទុកចោលយូរ អាចបង្កជាជំងឺផ្សេងទៀតលើរាងកាយ

កត្តាប៉ុន្មាននេះ បណ្ដាលឲ្យកើតបញ្ហាធ្មេញបង្ករោគ យូរទៅអាចរាលដាលដល់ខួរក្បាល

ដុសធ្មេញរាល់ថ្ងៃ ដឹងអត់ថាគួរប្ដូរច្រាសដុសធ្មេញនៅពេលណា?

ទឹកថ្នាំខ្ពុរមាត់ គួរប្រើមួយថ្ងៃប៉ុន្មានដង ល្អ?

ជួបបញ្ហាក្លិនមាត់មិនល្អ! សាកតិចនិកនេះ អាចជួយបាន

ចែកគ្នាដឹង! តិចនិកដោះស្រាយបញ្ហាឈឺធ្មេញពេលយប់

អនុវត្តគន្លឹះពិសេសទាំង ៧ នេះ ជួយមាត់ធ្មេញមានសុខភាពល្អ

ដឹងវិធីងាយៗទាំងនេះ អាចជួយកាត់បន្ថយអាការៈឈឺធ្មេញ

អ្នកជំនាញវេជ្ជសាស្ត្ររបស់យើង