ការថែទាំមាត់

១- តើ​អ្វី​ទៅ​គឺ​ជា​ជំងឺរលាកសាច់​អញ្ចាញគ្របធ្មេញ​? ​ ជំងឺរលាក​សាច់អញ្ចាញគ្របធ្មេញ​គឺ​ជា​ការ​រលាក​ជាលិកា​អញ្ចាញ​ដែល​គ្រប​ពី​លើ​ធ្មេញ​ថ្គាម​ទ័ល​ដែល​ចេញ​មកបណ្ដាល​ឲ្យ​ហើម​និង​បង្ក​រោគ​នៅ​ជុំវិញ​ធ្មេញ​ហើយ​ភាគ​ច្រើន​កើត​ឡើង​ចំពោះ​ក្មេង​ជំទង់​ដែល​ឈាន​ចូល​យុវវ័យ​ ឬ​អ្នក​ដែល​មាន​អាយុ​ខ្ទង់​២០​ឆ្នាំឡើង​។ រលាកសាច់អញ្ចាញគ្របធ្មេញគឺ​មាន​ភាព​ខុស​គ្នា​ពី​ជំងឺ​រាក់​ស៊ី​ធ្មេញ​ព្រោះ​វា​កើត​ឡើង​តែ​នៅ​លើ​សាច់​អញ្ចាញ​ធ្មេញ​ដែល​ដុះ​គ្រប​ពី​លើ​ធ្មេញ​ថ្គាម​ទាល់​មួយ​កំណាត់​តែ​ប៉ុណ្ណោះ​។ ចំណែក​ការ​បង្ក​រោគ​របស់​គឺជំងឺនេះគឺ​​ស្រដៀង​ទៅ​នឹង​ការ​ឡើង​ខ្ទុះ​នៅ​អញ្ចាញ​ធ្មេញ​ដូច​ទៅ​នឹង​ជំងឺ​រាក់​ស៊ី​ធ្មេញ​ដែរ ព្រោះ​មាន​កម្ទេច​ចំណី​អាហារ​ជាប់​ក្រោម​សាច់​អញ្ចាញ​ធ្មេញ។ ២- តើ​រោគ​សញ្ញា​នៃ​ជំងឺ​រលាកសាច់អញ្ចាញគ្រប​ធ្មេញមាន​អ្វី​ខ្លះ? ឈឺ​ចាប់ មាន​ការ​រលាក​បង្ក​រោគ ហើម​សាច់​អញ្ចាញ​ធ្មេញ​(ដោយសារ​មាន​ខ្ទុះ​ខាង​ក្នុង) មាន​ក្លិន​មិន​ល្អ​(ដោយ​សារ​ខ្ទុះ​ហៀរ​ចេញ​ពី​អញ្ចាញ​) ហើម​កូន​កណ្ដុរ​នៅ​ក ពិបាក​ហា​មាត់ ក្រៅពីនេះ​នៅ​អាច​មាន​រោគ​សញ្ញា​មួយ​ចំនួន​ទៀត​ដែល​មិន​បាន​រៀប​រាប់​ក្នុង​ចំណុច​ខាង​លើ ​ហេតុ​នេះ​ប្រសិន​បើ​គ្នា​យើង​មាន​សំណួរ​ ឬ​ចម្ងល់​សូម​ទៅ​ពិគ្រោះ​យោបល់​បន្ថែម​ជាមួយ​គ្រូពេទ្យ​ជំនាញ។ ៣- ការ​ព្យាបាលជំងឺរលាកសាច់អញ្ចាញគ្រប​ធ្មេញ តើ​គួរ​ធ្វើ​បែប​ណា? ជួនកាល​នៅ​ពេល​​មាន​ការ​រលាក​សាច់​អញ្ចាញ​គ្រប​ពាក់​កណ្ដាល​ធ្មេញ​ដែល​មាន​លក្ខណៈ​ស្រាល​យើង​អាច​ព្យាបាល​ដោយ​ខ្លួន​ឯង​បាន​ដោយ​មិន​ចាំបាច់​ប្រើ​ថ្នាំ​ផ្សះ​នោះ​ទេ ​រួមមាន​ការ​ដុស​សម្អាតធ្មេញ​ជាមួយ​សរសៃ​ច្រាស​ទន់​ដែល​មាន​ចុង​សរសៃ​ស្ដើង​យ៉ាង​យក​ចិត្ត​ទុក​ដាក់​នៅ​កន្លែង​ដែល​រលាក​ដើម្បី​សម្អាត​ចេញ​នូវ​កាក​សំណល់​អាហារ​ដែល​ជាប់​ស្ទះ​និង​ប្រើប្រាស់​ទឹក​ខ្ពុល​មាត់​ដើម្បី​ឲ្យ​កាន់​តែ​មាន​ប្រសិទ្ធភាព។ ការ​ខ្ពុរ​មាត់​​ដោយ​ទឹក​អំបិល​ក៏​អាច​ជួយ​ព្យាបាល​កន្លែង​​រលាក​បាន​ដែរ​ និង​បន្ថែម​ពី​នេះ​ទៀត​ការ​ខ្ពុរមាត់​ជាមួយ​សារធាតុ​អ៊ីដ្រូហ្សែន​ពីរុកសាយ​លាយ​ជាមួយ​ទឹក​គឺ​មាន​ប្រសិទ្ធភាព​កាត់​បន្ថយ​នូវ​បាក់តេរី​ដែល​មាន​នៅ​កន្លែង​បង្ក​រោគ។ តើ​គួរ​ទៅ​ជួប​គ្រូពេទ្យ​ធ្មេញ​ពេល​ណា? បើសិនជា​យើង​ឈាន​ដល់​​​រលាក​អញ្ចាញ​គ្រប​ធ្មេញ​ពាក់​កណ្ដាល​​​មាន​លក្ខណៈ​ធ្ងន់ធ្ងរ​ដូចជា​មាន​ហើម​ និង​គ្រុន​ក្ដៅ​គួរ​តែ​ទៅ​ធ្វើ​ការ​ព្យាបាល​ជាមួយ​អ្នក​ជំនាញ​(គ្រូពេទ្យ​ធ្មេញ)​ប្រសើរ​ជាង​រក​វិធី​ដោះស្រាយ​ដោយ​ខ្លួន​នៅ​ផ្ទះ។ ៤- វិធី​បង្ការជំងឺរលាកសាច់អញ្ចាញគ្របធ្មេញ​ វិធី​បង្ការ​កុំ​ឲ្យ​មាន​ជំងឺ​​នេះ គឺ​ត្រូវ​មាន​អនាម័យ​មាត់​ធ្មេញ​ឲ្យ​ល្អ​ជា​ពិសេស​ជាមួយ​នឹង​ធ្មេញ​ថ្គាម​ទ័ល​ដែល​ទើប​ដុះ​ចេញ​មក​ថ្មីៗ​ ដោយ​មិន​ត្រូវ​ឲ្យ​មាន​កម្ទេច​ចំណី​​អាហារ​ដក់​ជាប់​នាំ​ឲ្យ​មាន​បាក់តេរី​កើត​ឡើង​នោះ​ទេ។ យ៉ាង​ណា​មិញ​ប្រសិន​បើ​វិធី​នេះ​មិន​មាន​ប្រសិទ្ធភាព​​ហើយ​ការ​រលាក​សាច់​អញ្ចាញ​គ្រប​ធ្មេញ​ត្រលប់​មក​វិញ ​គឺ​យើង​ប្រហែល​ជា​ចាំបាច់​ត្រូវ​ធ្វើ​ការ​កាត់​ចេញ​ ឬ​ក៏​ត្រូវ​ធ្វើ​ការ​វះ​ថ្គាម​ទ័លចេញ​។ អត្ថបទពាក់ព័ន្ធ៖  មិនមែន​​រឿង​តូច​ទេ រលាក​អញ្ចាញ​ធ្មេញ​ប៉ះ​ពាល់​សុខភាព​ច្រើន​មុខ​ណាស់ ទម្លាប់អាក្រក់ ១៥នេះ ​​បំផ្លាញធ្មេញ​​មិន​ដឹង​ខ្លួន ​ជំងឺ​មាត់​ធ្មេញ​ ២ ប្រភេទ​​គួរឲ្យ​បារម្ភ​បំផុត បើ​មាន​ឆាប់​ទៅ​ព្យាបាល​ឲ្យ​លឿន ក្នុង​ករណី​មាន​សំណួរ​ឬ​មន្ទិល​សង្ស័យ​ជុំវិញ​សុខភាព​អ្នក​ជម្រើស​ល្អ​បំផុត​សូម​ពិគ្រោះ​និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។Hello Health Group មិន​ចេញ​វេជ្ជបញ្ជា​ មិន​ធ្វើ​រោគវិនិច្ឆ័យ​ ឬ​​ព្យាបាល​ជូន​ទេ៕

មាន​បញ្ហា​ធុំ​ក្លិន​មាត់ យើង​ម្នាក់ៗ​ច្បាស់​ជា​បាត់​បង់​ទំនុក​ចិត្ត​​ក្នុង​និយាយ​ស្តី​ជាមួយ​មនុស្ស​ជុំវិញ​ខ្លួន​មិន​ខាន អ៊ីចឹង​ហើយ​គួរ​តែ​ដឹង​ពី​មូល​ហេតុ​ពិត​ប្រាកដ​ដែល​នាំ​ឲ្យ​មាន​បញ្ហា​ក្លិន​មាត់ និង​គន្លឹះ​មួយ​ចំនួន​ក្នុង​ការ​ដោះស្រាយ​បញ្ហា​ទាំង​នោះ។ មូលហេតុនាំធុំក្លិនមាត់ បើ​តាម​ការ​បកស្រាយ​នៅ​លើ​ហ្វេសប៊ុក​ផេក​ផ្លូវការ របស់​មន្ទីរពេទ្យ កាល់ម៉ែត បញ្ហា​ក្លិន​មាត់ ៨៥% មាន​ប្រភព​មក​ពី​ក្នុង​មាត់ និង ២៥%ទៀត មក​ពី​កត្តា​ផ្សេងៗ។ ១. មូលហេតុ​ពី​ក្នុង​មាត់ ក. កា​រធ្វើ​អនាម័យ​មាត់​ធ្មេញ​មិន​បាន​ល្អ ខ. កត្តា​ធ្មេញ – មាន​ធ្មេញ​ពុក​ខូច ពុកប្រហោង ធ្មេញសល់ឫស – ធ្មេញ​ថ្គាម​ទាល់ ដែល​ពិបាក​សម្អាត និង​ងាយ​ជាប់​ចំណី – ធ្មេញ​មាន​បំណះ ប៉ះ​យូរ​ឆ្នាំ – ធ្មេញ​ដាក់ ឬ​ស្រោប​ធ្មេញ ជ្រាប​ទឹក – ធ្មេញ​ដាក់​ប្រភេទ​ជ័រ – ធ្មេញ​បង្ក​រោគ​ក​ខ្ទុះ។ គ. កត្តា​អញ្ចាញ – មាន​កំណក​កំបោរ​តាម​ជើង​ធ្មេញ – ​លាក​អញ្ចាញ ហូរ​ខ្ទុះ – មាន​ជំងឺ​អញ្ចាញ​ផ្សេងៗ។ ឃ. កត្តា​ធ្មេញ​ដាក់ – ការ​ដាក់​ធ្មេញ​មិន​ត្រឹម​ត្រូវ​តាម​បច្ចេកទេស – មាន​ដក់​ចំណី​ក្រោម​ធ្មេញ​ដាក់ – ការ​ប្រើ​សម្ភារៈ​ធ្វើ​ធ្មេញ​មិន​ល្អ – ការ​ប្រើ​រយៈ​ពេល​យូរ នាំ​ឲ្យ​មាន​ជ្រាប​ទឹក។ ង. កត្តា​អណ្ដាត – មាន​ផ្សិត​លើ​អណ្ដាត – មាន​មេរោគ​តោង​លើ​អណ្តាត។ ២. កត្តា​ផ្សេងៗ – ស្ងួត​មាត់ – មាន​រលាក ឬ​ដំបៅ​ផ្សេងៗ​ក្នុង​មាត់ – ការ​ពាក់​ឧបករណ៍​ផ្សេងៗ​ក្នុង​មាត់ (ឧបករណ៍​ពត់​ធ្មេញ ឧបករណ៍​គេង​ស្រមុក) – រលាក​ច្រមុះ និង​រលាក​បំពង់ក​ – រលាក​ទង​សួត មាន​ដុំ​សាច់​ក្នុង​សួត – ភើ​មក​ជូរ និង​មាន​ច្រាល​ទឹក​អាស៊ីត – […]

មាត់​ធ្មេញ​គ្មាន​អនាម័យ មិន​ត្រឹមតែ​មាន​បញ្ហា​ច្រើនទេ ក៏​ប្រឈម​ជំងឺ​មហារីក​ទៀត​ផង។ ក្នុងមាត់​យើង អាច​មាន​ផ្ទុក​បាក់តេរី​រាប់​ពាន់ ​រាប់​លានប្រភេទ ​អាច​បង្ក​​ការ​រលាក​ និង​ជះ​ឥទ្ធិពល​អាក្រក់​ទៅ​លើ​សរីរាង្គ​ដទៃ​ទៀត​ ហើយ​បើ​យោង​​តាម​​ការ​ស្រាវជ្រាវ​ថ្មី​មួយ របស់​អ្នក​ជំនាញ​​ស៊ុយអែត គ្នា​យើង​សម្បូរ​​កំបោរ​ជាប់​ធ្មេញ​ ភាគ​ច្រើន​ប្រឈម​កើត​ជំងឺ​មហារីក​លំពែង ខណៈការ​សិក្សា​នៅ​ហូឡង់ កំបោរ​ធ្មេញ​ច្រើន មាន​ទំនាក់ទំនង​ជា​មួយ​សុខភាព​បេះដូង​ផងដែរ។ ដើម្បី​ទទួល​បាន​មាត់​ធ្មេញមាន​សុខភាព​ល្អ គ្នា​យើង​គួរ​ចាប់​ផ្តើម​បង្ក​ទម្លាប់​ល្អ “Hello គ្រូពេទ្យ” រៀប​រាប់​ក្នុង​អត្ថបទ​នេះ​ទៅ។ ១- ដុស​សម្អាត​ធ្មេញ ​អណ្ដាត ​និង​សាច់​ថ្ពាល់​ខាង​ក្នុង ដុស​សម្អាត​ធ្មេញ​ ជា​វិធី​ដែល​ងាយ​ស្រួល ​និង​លឿន​បំផុត​ ដើម្បី​កម្ចាត់​កាក​សំណល់​​អាហារ​ ឬ​កំបោរ​ជាប់​ធ្មេញ​ ព្រោះ​កាលណា​ធ្មេញ​ស្អាត​មិន​មាន​កំបោរ​កាន់ ​បាក់តេរី​ក្នុង​មាត់​ ក៏​មិន​សូវ​មាន​ដែរ។ ប៉ុន្ដែ​ការ​ដុស​សម្អាត​តែ​ធ្មេញ​មួយ​មុខ​ ​មិនទាន់​​គ្រប់គ្រាន់​នោះ​ទេ​ អណ្ដាត​ និង​សាច់​ថ្ពាល់​ខាង​ក្នុង ​ក៏​គួរ​សម្អាតដោយ​​យក​ចិត្ត​ទុក​ដាក់​ផង​ដែរ។ ២- ប្រើ​អំបោះ​ទាក់​ចន្លោះ​ធ្មេញ ​ប្រើ​អំបោះ​ទាក់​ចន្លោះ​ធ្មេញ​ត្រឹមត្រូវ​ ​មាន​ប្រយោជន៍​ច្រើនជួយ​សម្អាត​ធ្មេញ​នៅ​ពេល​ដែល​សរសៃ​ច្រាស​ចូល​ទៅ​មិន​ដល់។ ម៉្យាង​ទៀត ​អំបោះ​ទាក់​ធ្មេញ​មាន​ច្រើន​ប្រភេទ​សម្រាប់​ជ្រើសរើស​ គ្នាយើង​​មាន​បំណះ​ធ្មេញ​គ្រើម ​គួរ​ប្រើ​អំបោះ​ទាក់ ​មាន​ជាតិ​ក្រមួន ​ហើយ​បើយើង​មាន​ធ្មេញ​ចន្លោះ ​គួរ​ប្រើ​អំបោះ​ទាក់​ប្រភេទ​ខ្សែ​ក្រង​។ ម៉្យាង​ទៀត​ សម្រាប់គ្នា​យើង​មាន​ធ្មេញ​ធម្មតា ​អាច​ប្រើ​អំបោះ​ទាក់​​គ្មាន​ជាតិ​ក្រមួនបាន។ ៣- ប្រើ​ថ្នាំ​ដុស​ធ្មេញ​ និង​ទឹក​ខ្ពុល​មាត់​​មាន​ជាតិ​ភ្លុយអរ (Fluoride) ភ្លុយអរ ​គឺ​ជា​សារធាតុ​រ៉ែ​ធម្មជាតិ ​ល្អ​សម្រាប់ជួយ​ឲ្យ​ធ្មេញ​រឹង​មាំ ​និង​ការពារ​ជាតិ​កាត់​របស់​អាស៊ីដ។ ម៉្យាង​ទៀត​ យើង​​គួរ​តែ​ជ្រើសរើស​ថ្នាំ​ដុស​ធ្មេញ […]

និយមន័យ១- អ្វី​ទៅ​ជាជំងឺរលាកអណ្ដាត? រលាកអណ្ដាត មក​ពី​ភាសា​បច្ចេក​ទេស​ហៅថា Glossitis សំដៅ​​ពេល​យើង​​មានបញ្ហា​​អណ្ដាតឡើង​ហើម ​និង​រលាក។ ជំងឺ​​នេះ​ ច្រើន​កើត​ឡើង​លើ​ផ្ទៃ​អណ្ដាត ហើយ​​មើល​ទៅ​ឃើញ​មាន​សភាពរលោង ខណៈ​ប្រភេទ​ជំងឺ​លាក​អណ្ដាត​ មាន​ផ្សេងៗ​គ្នា រួមមាន៖ – រលាក​អណ្ដាត​ស្រួច​ស្រាវ៖ ជា​ការ​រលាក​នៅ​លើ​អណ្ដាត កើត​ឡើង​ភ្លាមៗ និង​ជា​ញឹក​ញាប់ ​មាន​រោគ​សញ្ញា​ធ្ងន់​ធ្ងរ។ ជំងឺ​​រលាក​អណ្ដាត​ប្រភេទ​នេះ ច្រើន​កើត​ឡើង​នៅ ពេលយើង​​មាន​ប្រតិកម្ម​អាលែកហ្ស៊ីអ្វី​មួយ។ – រលាក​អណ្ដាត​រ៉ាំរ៉ៃ៖ ជា​ការ​រលាក​អណ្ដាត​កើត​មាន​បន្ត​បន្ទាប់ ហើយ​ជំងឺ​​រលាក​អណ្ដាត​ប្រភេទ​នេះ អាច​កើត​មាន​​ ជា​មួយ​នឹង​រោគ​សញ្ញា​​បញ្ហា​សុខភាព​ដទៃ​ទៀត។ – រលាកអណ្ដាត Atrophic (Atrophic Glossitis)៖ កើត​ឡើង​នៅ​ពេលផ្នែក​គ្រើម​ជាច្រើននៃ​គល់​អណ្ដាត (Papillae) ត្រូវ​បាន​បាត់​បង់។ ជំងឺ​នេះ​ នាំ​ឲ្យ​មាន​ការ​ផ្លាស់​ប្ដូរ​ពណ៌​ និង​រូប​រាង​របស់​អណ្ដាត។ ប្រភេទជំងឺ​ការ​រលាក​អណ្ដាត​នេះដែរ នឹង​ធ្វើ​ឲ្យ​អណ្ដាត​មើល​ទៅ​ឡើង​រលោង​ខ្លាំង។ ២- ជំងឺ​រលាកអណ្ដាតកើត​ឡើង​ញឹក​ញាប់​ទេ? ជំងឺរលាក​អណ្តាត អាច​កើត​មាន​លើ​មនុស្ស​គ្រប់​វ័យ។ បើ​មាន​ចម្ងល់ សូម​ពិគ្រោះ​ជាមួយ​គ្រូពេទ្យ​។ រោគ​សញ្ញា៣- រោគ​សញ្ញាជំងឺ​រលាក​​អណ្តាត​មាន​​អ្វី​ខ្លះ? រោគ​សញ្ញា​ជំងឺ​រលាកអណ្ដាត ​កើត​មាន​ញឹក​ញាប់ដូច​ជា៖ – ឈឺ​នៅ​លើ​អណ្ដាត – ហើម​អណ្ដាត – អណ្ដាត​ប្រែ​ពណ៌ – មិន​អាច​និយាយ ញ៉ាំ ឬ​លេប​អាហារ – បាត់​បង់​ភាព​គ្រើម​នៅ​លើ​ផ្ទៃ​របស់​អណ្ដាត។ អាច​នៅ​មាន​រោគ​សញ្ញា​ផ្សេង​ទៀត​​មិន​បាន​រៀប​រាប់​ខាង​លើ ដូច​នេះ​បើ​មាន​ការ​ព្រួយ​បារម្ភ​ពី​រោគ​សញ្ញាណា​មួយ សូម​ពិគ្រោះ​ជាមួយ​គ្រូពេទ្យ។ ៤- ពេល​ណា​ត្រូវ​ទៅ​ជួប​ពេទ្យ? បើមាន​​រោគ​សញ្ញា​ដូច​រៀប​រាប់​ខាង​លើ ឬ​មាន​សំណួរ​អ្វី​មួយ សូម​ពិគ្រោះ​ជាមួយ​គ្រូពេទ្យ​ភ្លាម […]

ធ្មេញ ជាផ្នែមួយ​ជួយ​សម្រស់​កាន់​តែ​ទាក់ទាញ ពិសេស​ពេលយើង​សើច បើ​សើច​មក​ធ្មេញលឿងផ្អេះ ឬខ្មៅអែ ទោះ​មុខ​ស្អាត​ប៉ុណ្ណា ស្បែក​​រលោង​យ៉ាង​ណា ក៏​បាត់​បង់​ភាព​ទាក់ទាញ​មួយ​ភាគ​ធំ​ដែរ។ មាន​ដឹងអ្វី​ខ្លះ​​មូលហេតុនាំ​ឲ្យ​ធ្មេញ​ខ្មៅ ធ្មេញ​លឿង​អត់? ហើយ​ចង់​ដឹង​វិធី​ដោះ​ស្រាយ​ដែរទេ? បើ​ចង់​ដឹង អត្ថបទ “Hello គ្រូពេទ្យ” មួយនេះ មាន​បញ្ជាក់​ទាំង​អស់​តែ​ម្តង។ ១- មូលហេតុធ្មេញមានខ្មៅ ឬលឿង មាន​ហេតុផល​ជាច្រើន​ធ្វើ​ឲ្យ​ធ្មេញ​ប្រែ​ពណ៌​ជា​ខ្មៅ ឬលឿង ដោយ​សារ​ជាតិ​ស្អិត​មាន​ក្នុង​អាហារ និង​វត្ថុ​មួយ​ចំនួន បានទៅ​ជាប់​លើ​ធ្មេញ គួប​ផ្សំ​ជាមួយ​កង្វះ​អនាម័យ​មាត់ធ្មេញ​ទៀត​នោះ ធ្វើ​ឲ្យ​ធ្វើ​យើង​ឡើងលឿង និង​ខ្មៅតែ​ម្តង ហើយ​មូលហេតុ​ចម្បង​មាន​ដូច​ជា៖​ – ជក់​បារី៖ ​គ្រប់​គ្នា​សុទ្ធ​តែ​ដឹង​ថាហើយ ​ផ្សែង​បារី​ ធ្វើ​ឲ្យ​កើត​ មហារីក​សួត មហារីក​បំពង់ក​​ ក្លិនមាត់​ និងដង្ហើមមិនល្អ ព្រមទាំង​មាន​​ជ័រស្អិត​ជាប់​ធ្មេញ​ ធ្វើ​ឲ្យ​ធ្មេញ​ប្រែ​ជា​លឿង។ – ខ្វះអនាម័យមាត់ធ្មេញ៖ ក្រោយ​​ញ៉ាំអាហារ យើង​ត្រូវ​ដុះ​ធ្មេញ​ ខ្ពុរ​មាត់​ដើម្បី​បញ្ចេញ​មេរោគ ​និង​ទឹក​ជ្រលក់​ដែល​បាន​ញ៉ាំ កុំ​ឲ្យ​នៅ​ជាប់​នឹង​ធ្មេញ។ ​បើ​មិន​អញ្ចឹង​ទេ​ អាហារ​ទាំងនោះ​ នឹង​ស្អិត​ជាប់​ធ្មេញ​ ធ្វើធ្មេញ​ប្រែ​ទៅ​ជា​ពណ៌​លឿង។ – ស្ថានភាពសុខភាព៖ ការ​ព្យាបាល​ជំងឺ​ដោយ​ប្រើ​គីមី​ ឬ​វិទ្យុសកម្ម​ ពិសេស​ព្យាបាលជំងឺ​មហារីក ​អាច​ជាមូល​ហេតុ​ចម្បង​មួយ ធ្វើ​ឲ្យ​ធ្មេញ​យើង​ប្រែពណ៌។ – អាហារ៖ ​ញាំ​អាហារ​មួយ​ចំនួន​ […]

ធ្មេញ ជា​សរីរាង្គសំខាន់​បំផុតមួយ បើ​ធ្មេញ​មាន​បញ្ហា ពុក ផុយ ឬបាក់ អាចប៉ះពាល់​ការ​ញ៉ាំអាហារ ប៉ះពាល់​ផ្លួវអារម្មណ៍ ហេតុនេះគ្នាយើង គួរ​ចេញ​ថែរក្សា​ធ្មេញ​ធម្មជាតិ​យើង​ឲ្យ​បាន​ល្អ បើ​មាន​កូនតូច គួរ​បង្រៀន​ឲ្យ​ចេះ​ថែ​រក្សា​ធ្មេញ​ឲ្យហើយទៅ។ ថែទាំធ្មេញ មាន​តែ​វិធី​មួយ​ប៉ុណ្ណោះ គឺ​ដុស​ធ្មេញឲ្យ​បាន​ត្រឹម​ត្រូវ ​ហើយ​ការ​ដុស​ធ្មេញ​មិន​មែន​ចេះ​តែ​ដុសទេ ត្រូវដឹង​ពី​ប្រភេទ​ច្រាសដុះ​ធ្មេញ​ស័ក្តិសម និង​មិន​ប៉ះពាល់អញ្ចាញ​។ “Hello គ្រូពេទ្យ” នឹង​ប្រាប់វិធី​រើសច្រាស​ដុសធ្មេញ​ឲ្យ​យើង​បាន​ដឹង។ ១- វិធីជ្រើស​រើសច្រាស ដើម្បី​ឲ្យធ្មេញ​រលោង​ភ្លឺ​ថ្លា ​គួរ​ជ្រើស​យក​ច្រាស​ណា ​មាន​សរសៃ​ច្រាស​តូច ​និង​ទន់​ល្អ​ ដើម្បី​បង្ការ​ការ​ប៉ះពាល់​ទៅ​លើ​អញ្ចាញ​ធ្មេញ​។ ពេល​ដុះ​ពន្លក​ធ្មេញ​ ​គួរ​ប្រើ​ច្រាស​ណា​​មាន​ដង​ស្រួល​កាន់​ ហើយ​ពេល​ធ្មេញ​កំពុង​លូតលាស់ ពិសេស​ក្មេង​ៗ ត្រូវ​រើស​យក​ច្រាស​ណា​​មាន​ដង​វែង​ល្មម ដើម្បី​អាចសម្អាត​បាន​ដល់​ក្នុង​ ពិសេស​នៅ​ម្ដុំ​ធ្មេញ​ថ្គាម ខណៈក្មេង​ជំទង់ ​និង​មនុស្ស​ពេញ​វ័យ ក្បាល​ច្រាស​ និង​ដង ​ត្រូវ​សមស្រប​នឹង​ទំហំ​មាត់​ ដើម្បី​មាន​ភាព​ងាយ​ស្រួល​ក្នុង​ការ​សម្អាត។ ២- ត្រូវ​ប្រើ​ច្រាស​ធម្មតា​ ឬ​ច្រាស​អគ្គិសនី? នៅ​លើ​ទី​ផ្សារ​ ច្រាស​ដុស​ធ្មេះ​មាន​ច្រើន​ប្រភេទ ​និងច្រើន​ជម្រើស មិន​ថាច្រាស​អគ្គិសនី​ ឬ​ធម្មតា​ទេ​ ឲ្យ​តែ​សម្អាត​បាន​ត្រឹម​ត្រូវ​ទៅ គឺ​ល្អ​ហើយ​ដែល​ជាទូទៅ​គួរ​ដុះ​ធ្មេញ ២​ ដង/​ថ្ងៃ។ ប៉ុន្តែ​ដើម្បី​ទាក់ទាញ​ចំណាប់អារម្មណ៍ក្មេង​ឲ្យ​ដុស​សម្អាត​ធ្មេញ​ជា​ប្រចាំ គួរ​រើស​យក​ច្រាស​អគ្គិសនី​ព្រោះ​ថាក្មេង ទទួល​បាន​ទាំង​ភាព​រីករាយ​ពេល​ដុស​ធ្មេញ​ម្ដងៗ​ និង​បាន​ទាំង​សុខភាព​មាត់​ធ្មេញ​ល្អ​ទៀត។ អត្ថបទ​ពាក់ព័ន្ធ៖ តិចនិក​បង្រៀនកូច​តូចៗឲ្យចេះដុសសម្អាតធ្មេញ អាថ៌កំបាំង​ជួយ​អ្នកធ្មេញលឿងៗ ឲ្យស​វិញបាន ៣- សរសៃ​ច្រាស​ទន់​ទើប​ល្អ នៅ​ពេល​ប្រើ​សរសៃ​ច្រាស​ទន់​ […]

ប្រសិនបើ​មិន​បាន​ចាប់អារម្មណ៍​ថែរក្សា និង​ស្អាត​មាត់​ធ្មេញ​ឲ្យ​បាន​ជា​ប្រចាំ​ទេ យើង​អាច​មិន​សូវ​ជឿជាក់​លើ​ខ្លួនឯង ពេល​ទៅ​និយាយ​ជាមួយ​អ្នក​ដទៃ។ មាត់​ធ្មេញ​មាន​សុខភាព​ល្អ អាច​ធ្វើឲ្យ​ខ្យល់​ដកដង្ហើម​ស្រស់​ថ្លា ហើយ​នរណា​ក៏​ចង់​នៅ​ជិត​ដែរ។ ​អ្នក​ជំនាញ​សុខភាព​មាត់​ធ្មេញ​ ទន្ត​បណ្ឌិត សាន ដាណេត នៅ​​គ្លីនិក​ធ្មេញ​ប៊ូទិក ប្រាប់​មក​កាន់ Helloគ្រូពេទ្យ ​ថា មាន​រឿង ៤ យ៉ាង​សំខាន់​ៗ​ដែល​ត្រូវ​យក​ចិត្ត​ទុក​ដាក់ ដើម្បី​រក្សា​សុខភាព​មាត់​ធ្មេញ​ឲ្យ​ល្អ៖ ១- វិធី​ដុសធ្មេញ និង​ប្រើ​ទឹកខ្ពុរមាត់ ការ​ដុស​សម្អាត​ធ្មេញ​ត្រូវ​ធ្វើ​យ៉ាង​ហោច​ណាស់​ឲ្យ​បាន ២ ដង/ថ្ងៃ គឺ​ព្រឹក​ម្ដង និង​យប់​ម្ដង ហើយ​គួរតែ​ស្វែង​យល់​ពី​របៀប​ដុស​ធ្មេញ​ឲ្យ​បាន​ត្រឹមត្រូវ ព្រោះតែ​​ធ្មេញ​មាន​ជាប់​កាកសំណល់ ធ្វើ​ឲ្យ​មាន​ក្លិន​មាត់។ ដំបូង​ត្រូវ​​ជ្រើសរើស​ថ្នាំ​ដុស​ធ្មេញ​ល្អ និងដឹង​​របៀប​ដុស​ធ្មេញ​ត្រឹមត្រូវ​ ដោយ​ដុស​ពី​លើ​ចុះ​មក​ក្រោម ទើប​អាច​ជ្រៀត​ចូល​ចន្លោះ​ធ្មេញ តែ​មិនមែន​ដុស​បញ្ច្រាស​ធ្មេញទេ ហើយ​ដុស​ឲ្យ​បាន​គ្រប់​គន្លិកគន្លាក់។ បន្ទាប់ពី​ដុស យើង​គួរតែ​មាន​ទឹក​ខ្ពុរ​មាត់ ដើម្បី​បន្ថែម​ខ្យល់​ដង្ហើម​ស្រស់​ស្រាយ​ដល់​ខ្លួនឯង និង​អ្នក​ដទៃ។ អត្ថបទពាក់ព័ន្ធ៖ ​ ជំងឺ​មាត់​ធ្មេញ​ ២ ប្រភេទ​​គួរឲ្យ​បារម្ភ​បំផុត បើ​មាន​ឆាប់​ទៅ​ព្យាបាល​ឲ្យ​លឿន ចង់បានធ្មេញស​ស្អាត ត្រូវ​កែទម្លាប់​អាហារ​អាក្រក់​ទាំង​នេះជាមុន ២- ជ្រើសរើស​ច្រាស់​ដុសធ្មេញ ការ​ជ្រើសរើស​ច្រាស់​ដុសធ្មេញ ជា​កត្តា​សំខាន់។ យើង​​ត្រូវ​ជ្រើសរើស​ច្រាស់​ណា​ដែល​ទន់ និង​ត្រូវ​ផ្លាស់ប្ដូរ​ជា​រៀងរាល់​ខែ តែ​បើ​មិនបាន​​រាល់​ខែ ​ក៏យ៉ាងហោចណាស់ ៣ ខែ​/ម្តង​ដែរ។ ៣- ប្រើ​សរសៃ​ហ្លុស ការ​ដុសធ្មេញ​តែ​មួយ​មុខ គឺ​មិន​អាច​សម្អាត​ចន្លោះ​ធ្មេញ​បាន​ល្អ​ទេ ហើយ​ជម្រើស​មួយ​ទៀត​គឺ​ត្រូវ​ប្រើ​សរសៃ​ហ្លុស​បន្ថែម ទើប​អាច​សម្អាតបាន​គ្រប់​ជ្រុង​ជ្រោយ និង​នៅ​តាម​ចន្លោះ​ធ្មេញ​បាន​ប្រសើរ​មួយ​កម្រិត​ទៀត។ ៤. ពិនិត្យ​ធ្មេញ​ជាមួយ​ទន្តបណ្ឌិត​ជំនាញ ដើម្បី​ច្បាស់​ពី​បញ្ហា​មាត់​ធ្មេញ​នេះ […]

ទម្លាប់រស់នៅប្រចាំថ្ងៃជះឥទ្ធិពលខ្លាំងទៅលើសុខភាព ជាពិសេសមាត់ធ្មេញ។ បញ្ហាកាន់តែច្រើនចំពោះអ្នកធ្វើការក្នុងអូហ្វីស ដោយសាររវល់ការងារ អត់មានពេលដុសធ្មេញ ខណៈរបស់ញុំា ដូចជា ម្ជូរ កាហ្វេ សម្បូរជាតិអាស៊ីដ ធ្វើឲ្យខូចស្រទាប់ការពារធ្មេញ។   នេះជាជំងឺមាត់ធ្មេញដែលឧស្សាហ៍ជួប និងរោគសញ្ញាមាន៖   ១- #ពុកធ្មេញ   មនុស្សពេញវ័យភាគច្រើនអាចមានរោគពុកធ្មេញ មកពីមានកំណកកំបោរជាប់ធ្មេញច្រើន បង្កើតជាអាស៊ីដទៅកម្ចាត់ស្រទាប់ការពារធ្មេញ។ ជាពិសេស អ្នកជក់បារីអាចកើតជំងឺនេះច្រើន។   - ការពារ និងព្យាបាល៖ ដុសធ្មេញឲ្យទៀងទាត់ និងប្រើអំបោះទាក់ចន្លោះធ្មេញ កន្លែងដែលច្រាសដុសមិនដល់។ ពិនិត្យធ្មេញយ៉ាងហោច ២ ដង ក្នុងមួយឆ្នាំ ដើម្បីសម្អាតកំបោរ បើមានរោគពុកធ្មេញ ត្រូវរប៉ះធ្មេញ ហើយបើធ្មេញខូចខ្លាំង ពេទ្យអាចដកធ្មេញចេញ ឬស្រោបដាក់ធ្មេញថ្មីជំនួស។   ២- #អញ្ចាញធ្មេញ   ជំងឺអញ្ចាញធ្មេញ បែងចែកទៅតាមកម្រិត ដូចជា ហើម ហូរឈាមតិចៗរហូតបាក់ធ្មេញ។ វាកើតឡើង ដោយសារការរលាកអញ្ចាញធ្មេញ បង្កដោយកំបោរដែលជាជម្រកបាក់តេរី។ មូលហេតុនេះធ្វើឲ្យរង្គើធ្មេញ ដោយសារការស្រកអញ្ចាញធ្មេញ ហើយបើមានឡើងខ្ទុះ ត្រូវប្រើថ្នាំព្យាបាល។   - ការពារ និងព្យាបាល៖ បើអញ្ចាញធ្មេញមានបញ្ហា ទាមទារកោសសម្អាតទាំងក្បាលធ្មេញ និងជើងធ្មេញដើម្បីបំបាត់កំបោរក្រោមអញ្ចាញធ្មេញ។ ធ្វើបែបនេះនឹងបង្ការបាក់តេរីកុំឲ្យកើតវិញ និងធ្វើឲ្យអញ្ចាញធ្មេញឆាប់ជា។   ៣- #ជំងឺឆ្លង   ជំងឺឆ្លងដែលឧស្សាហ៍ជួបប្រទះក្នុងជំងឺមាត់ធ្មេញ គឺជំងឺរើម ដែលឆ្លងតាមការប៉ះនឹងវីរុស ( […]

គ្នាយើងខ្លះ ចង់សម្អាតធ្មេញជាប្រចាំ ក្រៅពីដុសធ្មេញ ប្រើអំបោះទាក់ចន្លោះធ្មេញ អត់ទាន់គ្រប់គ្រាន់ទេ ទាល់តែប្រើទឹកខ្ពុរមាត់ទៀត ទើបគ្រប់ ព្រោះចង់បានក្លិនមាត់ក្រអូប។   ការពិតទៅ ទឹកខ្ពុលមាត់មិនត្រឹមតែជួយកែប្រែក្លិនមាត់ទេ ថែមទាំងផ្ដល់ផលល្អសម្រាប់សុខភាពមាត់ធ្មេញទៀត។ មិនជឿ ស្ដាប់ "Hello គ្រូពេទ្យ" បកស្រាយ៖   ១- #ទឹកខ្ពុរមាត់ល្អម៉េចខ្លះ?   - កាត់បន្ថយរោគពុកធ្មេញ៖ ទឹកខ្ពុរមាត់ដែលមានសារធាតុ ភ្លុយអរ អាចជួយបង្ការរោគពុកធ្មេញ និងជ្រាបចូលទៅពង្រឹងកាចាធ្មេញ (ស្រទាប់ក្រៅបង្អស់នៃធ្មេញ) ដែលរងការខូចខាតដោយរោគពុកធ្មេញ។   - បង្ការជំងឺអញ្ចាញធ្មេញ៖ វាអាចខូចខាត ដែលបង្កដោយកំបោរដែលជាប់នៅចន្លោះអញ្ចាញធ្មេញ ដូច្នេះគួរប្រើទឹកខ្ពុរមាត់ដែលមានសារធាតុ អាល់កុល ឬ chlorhexidine សម្រាប់សម្លាប់បាក់តេរី និងបង្ការរាក់ស៊ីធ្មេញ។   - ក្លិនមាត់ស្រស់ថ្លា៖ ទឹកខ្ពុរមាត់អាចកាត់បន្ថយក្លិនមិនល្អ បណ្ដោះអាសន្នបាន។ សម្រាប់រសជាតិជីរអង្កាមវិញ ពេញនិយមណាស់ ព្រោះអាចសម្លាប់បាក់តេរីដែលបង្កជាក្លិនមិនល្អបាន។   ២- #គួរប្រើគ្រឿងជំនួយអត់?   គ្នាយើងភាគច្រើនតែងដុសធ្មេញសិន បន្ទាប់មកប្រើអំបោះទាក់ធ្មេញ រួចខ្ពុរមាត់ ដើម្បីឲ្យមានក្លិនមាត់ក្រអូប។ គួរអានការណែនាំលើដបសិន មុននឹងប្រើ។   ៣- #ក្មេងៗគួរប្រើទឹកខ្ពុរមាត់អត់?   អាយុក្រោម ៦ឆ្នាំ ឬក្មេងជាងនេះ កុំប្រើ។ ជាពិសេសទឹកខ្ពុរមាត់ដែលមានសារធាតុ ភ្លុយអរ ព្រោះអូនៗច្រើនតែលេបចូលក្នុងពោះ។ ហេតុនេះ ប៉ាម៉ាក់ត្រូវមើលសញ្ញាសម្គាល់ ព្រមទាំងការកំណត់អាយុនៅលើដបផង។   ៤- #រើសទឹកខ្ពុរមាត់របៀបម៉េច?   ជ្រើសរើសទឹកខ្ពុរមាត់តាមស្តង់ដារ […]