ស្ត្រីមួយចំនួនបាន និងកំពុងជួបប្រទះការឈឺចាប់ដែលមិនអាចបំភ្លេចបានក្នុងមួយជីវិត។ ជាក់ស្ដែង ទោះបីជាពេលខ្លះមើលទៅរឹងមាំ ប៉ុន្តែនាងអាចនឹងលួចយំតែម្នាក់ឯង។ ការតស៊ូ ជម្នះរាល់ឧបសគ្គទាំងនេះ ទាមទារឲ្យស្ត្រីយើងមានការអត់ធ្មត់ និងខិតខំប្រឹងប្រែង ក៏ដូចជាមានការតាំងចិត្តខ្ពស់។ បើទោះបីជាមាន ឬគ្មានជំនួយ និងការយកចិត្តទុកដាក់ពីមនុស្សជាទីស្រលាញ់ មិត្តភ័ក្ដិ ឬក្រុមគ្រួសារ ស្ត្រីខ្លះនៅតែមិនបោះបង់ចោលខ្លួនឯង។ ពិតណាស់ ការមើលថែទាំខ្លួនឯង និងស្រលាញ់ខ្លួនឯងឲ្យបានច្រើនគឺជាថ្នាំដ៏ស័ក្ដិសិទ្ធិ។ យ៉ាងណាមិញ ដើម្បីចែករំលែកជាបទពិសោធន៍ និងចំណេះដឹងខ្លះៗ ស្ត្រីយើងចំនួន៣នាក់ បានរៀបរាប់ពីរឿងរ៉ាវឈឺចាប់ដែលពួកគាត់បានជួបប្រទះដោយផ្ទាល់។
ខ្ញុំស្ដាយ ដោយមិនបានថែទាំខ្លួនឲ្យស្រួលបួលក្រោយសម្រាលកូនរួច។ បើនៅចង់បានរាងមុនបង្កើតកូន ខ្ញុំសូមផ្ដាំដល់ម៉ាក់ដែលទើបតែសម្រាលកូនរួច សូមញ៉ាំអាហារដែលសម្បូរជាតិសរសៃ បំបៅដោះកូនបើអាច ជៀសវាងអាហារដែលមានស្ករបន្ថែម ហើយហាត់ប្រាណឲ្យបានទៀងទាត់។
