ជាតិដែកជាសារធាតុរ៉ែដែលរាងកាយត្រូវការដើម្បីផលិតហេម៉ូក្លូប៊ីន (Hemoglobin) ដែលជាប្រតេអ៊ីននៅក្នុងកោសិកាឈាមក្រហម មាននាទីដឹកនាំអុកស៊ីសែនពីសួតទៅចែកចាយគ្រប់ជាលិកាក្នុងរាងកាយ និងមាយអូក្លូប៊ីន (myoglobin) ដែលជាប្រតេអ៊ីនចែកចាយអុកស៊ីសែនទៅឱ្យសាច់ដុំ។ ជាងនេះទៅទៀត រាងកាយយើងក៏ត្រូវការជាតិដែកដើម្បីផលិតអ័រម៉ូនដែរ។ បរិមាណជាតិដែករាងកាយត្រូវការប្រចាំថ្ងៃគឺអាស្រ័យលើអាយុនិង ភេទ ក្នុងនោះស្រីៗស្ថិតក្នុងវ័យបន្តពូជត្រូវការជាតិដែកច្រើនជាងបុរសដែលមានវ័យដំណាលគ្នា។
១. តម្រូវការបរិមាណជាតិដែករបស់ស្រីៗ
ស្រីៗស្ថិតក្នុងវ័យបន្តពូជត្រូវការជាតិដែកប្រចាំថ្ងៃច្រើនជាងបុរសដែលមានវ័យដំណាលគ្នាដោយសារស្រីៗបាត់បង់ឈាមពេលមករដូវនិងដោយសារមានផ្ទៃពោះ។
- ក្មេងស្រីជំទង់ ១៤-១៨ ឆ្នាំ៖ ១៥ មិល្លីក្រាមក្នុងមួយថ្ងៃ
- ស្ត្រីស្ថិតក្នុងវ័យបន្តពូជ ១៩-៥០ ឆ្នាំ៖ ១៨ មិល្លីក្រាមក្នុងមួយថ្ងៃ
- ស្ត្រីពពោះ៖ ២៧ មិល្លីក្រាមក្នុងមួយថ្ងៃ
- ស្ត្រីបំបៅដោះ៖ ៩-១០ មិល្លីក្រាមក្នុងមួយថ្ងៃ
- ស្រ្តីចាប់ពីអាយុ ៥១ ឆ្នាំឡើងទៅ៖ ៨ មិល្លីក្រាមក្នុងមួយថ្ងៃ
[embed-health-tool-ovulation]
២. ប្រភពជាតិដែក
យើងអាចទទួលបានជាតិដែកគ្រប់គ្រាន់ដោយបានពីអាហារមួយចំនួនដូចជា៖
- សាច់គោ ជ្រូក មាន់ ទា និងគ្រឿងសមុទ្រ
- សណ្តែក បន្លែស្លឹកបៃតង ដំឡូងជ្វា
- គ្រាប់ស្វាយចន្ទី គ្រាប់រីករាយ គ្រាប់កៅឡាក់
- ទំពាំងបាយជូរក្រៀម ដំណាប់លម៉ើ
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
៣. ផលវិបាកកង្វះជាតិដែក
កង្វះជាតិដែកក្នុងរយៈពេលខ្លីមិនបង្កឱ្យមានរោគសញ្ញាអ្វីទេ ព្រោះរាងកាយនឹងប្រើប្រាស់ជាតិដែកដែលស្តុកទុកក្នុងថ្លើម។ ប៉ុន្តែយូរៗទៅ ជាតិដែកដែលស្តុកទុកក្នុងរាងកាយនឹងអស់ដែលធ្វើឱ្យកោសិកាឈាមក្រហមរួមតូចនិងថយកម្រិតហេម៉ូក្លូប៊ីន។ ជាលទ្ធផល ឈាមមិនអាចដឹកនាំអុកស៊ីសែនពីសួតទៅចែកចាយពាសពេញរាងកាយបានទេ ហើយបង្កឱ្យយើង៖
- ល្ហិតល្ហៃគ្មានកម្លាំងកំហែង
- ស្លេកស្លាំង
- វិលមុខ ឈឺក្បាល
- ថប់ដង្ហើម ញ័រទ្រូង
- ពិបាកផ្ចង់អារម្មណ៍ ភ្លេចភ្លាំង
- ត្រជាក់ដៃជើង
- ជ្រុះសក់
ដើម្បីឱ្យរាងកាយស្រូបយកជាតិដែកបានល្អ យើងមិនគួរញុំាអាហារសម្បូរជាតិដែកស្របពេលជាមួយនឹងភេជ្ជៈមានផ្ទុកជាតិកាហ្វេអ៊ីនដូចជា តែ កាហ្វេ ឬទឹកក្រូចកំប៉ុងទេ។
អត្ថបទគួរអាន៖
- ស្រីៗគួរពិនិត្យ ៥ ចំណុចនេះ ជាប្រចាំដើម្បីការពារបញ្ហារោគស្រ្តី
- ធ្វើម៉េចដឹងថាគីសដៃស្បូនជាគីសធម្មតា ឬគីសត្រូវព្យាបាល?
- ៥ ចំណុចទាក់ទងនឹងដុំសាច់ក្នុងស្បូន ស្រីៗគួរដឹង
- ៥ សំណួរទាក់ទងនឹងការថែរក្សាសុខភាពទ្វារមាស ស្រីៗគួរដឹង
- តិចនិកបន្តឹងទ្វារមាស និងជួយសុខភាពផ្លូវទឹកនោម
- ស្រ្តីឆាប់អស់រដូវ អាចប្រឈមនឹងបញ្ហាសុខភាព ៣ យ៉ាងនេះ
ចំណុចសំខាន់
- ក្មេងស្រីជំទង់ ១៤-១៨ ឆ្នាំ៖ ១៥ មិល្លីក្រាមក្នុងមួយថ្ងៃ
- ស្ត្រីស្ថិតក្នុងវ័យបន្តពូជ ១៩-៥០ ឆ្នាំ៖ ១៨ មិល្លីក្រាមក្នុងមួយថ្ងៃ
- ស្ត្រីពពោះ៖ ២៧ មិល្លីក្រាមក្នុងមួយថ្ងៃ
- ស្ត្រីបំបៅដោះ៖ ៩-១០ មិល្លីក្រាមក្នុងមួយថ្ងៃ
- ស្រ្តីចាប់ពីអាយុ ៥១ ឆ្នាំឡើងទៅ៖ ៨ មិល្លីក្រាមក្នុងមួយថ្ងៃ
