ក្មេងខ្លះអាចមានអត្តចរិតរឹងរូសតាំងពីកំណើត មិនស្តាប់បង្គាប់ប៉ាម៉ាក់ ឬអ្នកណាម្នាក់ឡើយ។ សូម្បីតែកិច្ចការងាយៗ ដូចជាការគេង ងូតទឹក ឬញ៉ាំអាហារក៏អាចបង្កជាបញ្ហាបានដែរ។ ពិតណាស់ បើកូនមានអត្តចរិតបែបនេះ ប៉ាម៉ាក់ច្បាស់ជាស្រ្តេសខ្លាំងមិនខាន ដូច្នេះហើយ ដើម្បីដោះស្រាយបញ្ហាកូនក្បាលរឹង ប៉ាម៉ាក់អាចសាកល្បងគន្លឹះមួយចំនួនខាងក្រោមនេះ។
មាតិកា
បើកូនក្បាលរឹងមិនស្តាប់បង្គាប់សោះ ប៉ាម៉ាក់អាចដោះស្រាយតាមវិធីទាំងនេះ
គន្លឹះជួយដោះស្រាយបញ្ហាកូនមានចរិតរឹងរូស
១. ព្យាយាមស្តាប់
ការទំនាក់ទំនងគឺជារឿងដ៏សំខាន់មួយ។ ប្រសិនបើប៉ាម៉ាក់ចង់ឲ្យកូនស្តាប់អ្វីដែលប៉ាម៉ាក់និយាយ យើងក៏ត្រូវតាំងចិត្តស្តាប់អ្វីដែលកូននិយាយដូចគ្នា។ ក្មេងរឹងរូស តែងប្រកាន់ខ្ជាប់ទៅនឹងគំនិតរបស់ខ្លួន និងចូលចិត្តជជែកតវ៉ា។ ដូច្នេះហើយ ប៉ាម៉ាក់គួរស្តាប់ពីហេតុផលរបស់កូនសិន មុននឹងបង្ខំកូនឲ្យធ្វើអ្វីដែលក្មេងមិនចង់ធ្វើ។
២. ផ្តល់ជម្រើសដល់កូន
សម្រាប់កូនដែលរឹងរូស ប៉ាម៉ាក់គួរតែផ្តល់ជម្រើសដល់កូន និងណែនាំលក្ខណៈប្រយោល។ ឧទាហរណ៍ ជំនួសការបង្គាប់ឲ្យកូនទៅគេង យើងគួរតែសួរកូនថា តើកូនចង់ស្តាប់រឿងនិទានមួយណាមុនចូលគេង? យ៉ាងណាមិញ យើងគួរតែកំណត់ពីជម្រើសត្រឹម២ ឬ៣ឲ្យបានច្បាស់លាស់ ជាជាងផ្តល់ជម្រើសច្រើនជ្រុល ដែលអាចនាំឲ្យកូនមានការភ័ន្តច្រឡំ។
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៣. ផ្តល់ការគោរពដល់កូន
ទន្ទឹមនឹងនេះដែរ ប៉ាម៉ាក់គួរសហការជាមួយកូន ដោយរកវិធានជាក់លាក់សម្រាប់កូនក៏ដូចជារៀនស្វែងយល់ពីអារម្មណ៍ និងគំនិតកូន។ អនុញ្ញាតឲ្យកូនធ្វើអ្វីដែលខ្លួនអាចធ្វើបាន និងជៀសវាងជួយដល់កូនគ្រប់យ៉ាង ដែលចំណុចនេះបង្ហាញថាយើងជឿជាក់លើកូន។
៤. បង្កើតបរិយាកាសរីករាយនៅផ្ទះ
ទន្ទឹមនឹងនេះដែរ ក្មេងៗច្រើនតែរៀនសូត្រតាមការអង្កេតមើល និងបទពិសោធន៍ជាក់ស្តែង។ ប្រសិនបើកូនឃើញប៉ាម៉ាក់ឧស្សាហ៍ឈ្លោះប្រកែកគ្នា ក្មេងអាចរៀនតាមយើង ហើយកត្តានេះក៏អាចបង្កជាបរិយាកាសស្រ្តេស ដែលអាចប៉ះពាល់ដល់អារម្មណ៍ និងអាកប្បកិរិយារបស់កូនដែរ។ ហេតុនេះហើយ យើងមិនគួរបង្ហាញអារម្មណ៍ខឹងសម្បារចំពោះដៃគូនៅនឹងមុខកូនឡើយ។
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Dealing With a Stubborn Child
https://www.newkidscenter.org/Dealing-with-a-Stubborn-Child.html
How to Cope with a Stubborn Toddler
https://www.rileychildrens.org/connections/how-to-cope-with-a-stubborn-toddler
Got A Stubborn Kid? Or Is Your Child Lying To You? Here Are A Few Tips To Deal With Them
https://www.podareducation.org/blog-got-a-stubborn-kid-or-is-your-child-lying-to-you-here-are-a-few-tips-to-deal-with-them
កំណែប្រែបច្ចុប្បន្ន
31/08/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម