ប៉ាម៉ាក់មួយចំនួន ជឿថាខ្លួនកំពុងតែធ្វើអ្វីដែលល្អបំផុតសម្រាប់កូន ដោយការដាក់កំហិតដ៏តឹងរ៉ឹង និងឲ្យកូនអនុវត្តតាម។ ប៉ុន្តែ យើងអាចបង្ខំឲ្យកូនធ្វើតាមត្រឹមតែរយៈពេលខ្លីប៉ុណ្ណោះ ហើយទង្វើបែបនេះ ក៏អាចបណ្ដាលឲ្យកូនមានបញ្ហាអាកប្បកិរិយាថែមទៀតផង។
មាតិកា
ប៉ាម៉ាក់តឹងរុឹងចំពោះកូនពេក តើអាចបង្កផលវិបាកអ្វីខ្លះដល់កូន?
ពិតណាស់ ប៉ាម៉ាក់ដែលចិញ្ចឹមកូនបែបតឹងរ៉ឹងជ្រុល មិនស្ដាប់ពីគំនិតយោបល់របស់កូនឡើយ ហើយថែមទាំង៖
- មានអារម្មណ៍ថា ការបង្គាប់បញ្ជាគឺជាក្ដីស្រលាញ់
- មានច្បាប់វិន័យតឹងរ៉ឹងដែលឲ្យកូនត្រូវអនុវត្តន៍តាម
- ពិន័យកូនធ្ងន់ធ្ងរ
- មិនបង្ហាញក្ដីស្រលាញ់ និងភាពកក់ក្ដៅឲ្យកូន
- ទាមទារច្រើនជ្រុលពីកូន។
ផលវិបាកនៃការចិញ្ចឹមកូនតឹងរុឹងជ្រុល
ជាក់ស្ដែង ប៉ាម៉ាក់ដែលចិញ្ចឹមកូនតឹងរុឹងជ្រុល ទាមទារឲ្យកូនធ្វើតាមខ្លួន ដោយកូនមិនអាចសួរសំណួរ ឬតវ៉ាអ្វីបានឡើយ។ បន្ថែមពីនេះ ប៉ាម៉ាក់អាចនឹងដាក់ពិន័យកូនធ្ងន់ធ្ងរ ប្រសិនបើមិនគោរពតាម ដែលធ្វើឲ្យការចិញ្ចឹមកូនបែបនេះ ក្លាយជាការរំលោភបំពានទាំងផ្លូវកាយ និងផ្លូវចិត្តរបស់កូនទៅវិញ។ លើសពីនេះ កូនអាចប្រឈមនឹងបញ្ហាមួយចំនួន ដូចជា៖
- មិនឲ្យតម្លៃលើខ្លួនឯង
- ប្រព្រឹត្តបទល្មើស
- បាក់ទឹកចិត្ត
- ត្រូវក្មេងៗផ្សេងទៀតធ្វើបាប
- មានបញ្ហាអាកប្បកិរិយា។
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
តើការចិញ្ចឹមកូនបែបណាទើបល្អបំ?
ប៉ាម៉ាក់ដែលប្រើវិធីអប់រំណែនាំកូន អាចជួយឲ្យកូនជោគជ័យក្នុងជីវិតជាងប៉ាម៉ាក់ដែលតឹងរ៉ឹងជ្រុល ព្រោះបានផ្ដល់ភាពកក់ក្ដៅ និងក្ដីស្រលាញ់ដល់កូន។
នៅពេលចិញ្ចឹមបីបាច់កូន ប៉ាម៉ាក់គួរអប់រំណែនាំកូនតាមវិធីសាស្រ្តមួយចំនួននេះ៖
- មានការរំពឹងទុកដែលសមហេតុផល និងស័ក្ដិសមទៅតាមវ័យរបស់កូន
- ជួយឲ្យកូនអភិវឌ្ឍជំនាញរបស់ខ្លួន ជំនួសឲ្យការដាក់ពិន័យ
- ជួយឲ្យកូនរៀនគ្រប់គ្រងកំហឹង និងស្ថានភាពពិបាក
- ណែនាំឲ្យកូនមានភាពឯករាជ្យ
- ធ្វើជាគំរូល្អដល់កូន
- ស្ដាប់កូនដោយយកចិត្តទុកដាក់។
អត្ថបទគួរអាន៖
- កូនចូលចិត្តញ៉ាំក្រៀមក្រោះ ល្អ ឬមិនល្អ? ប៉ះពាល់ការលូតលាស់ ឬអត់?
- ឮតែល្បី SYNBIOTICS! ជាអ្វីឲ្យប្រាកដ? មានប្រយោជន៍អ្វីខ្លះ?
- អាហារកូនៗចូលចិត្ត ពង្រឹងប្រព័ន្ធភាពស៊ាំចៀសផុតពីជំងឺផ្សេងៗ
- រោគសញ្ញា និងវិធីដោះស្រាយបញ្ហាជ្រាបពោះវៀនលើក្មេង
- កូនផឹកទឹកដោះគោ គួរផ្ដល់វីតាមីនបំប៉នឲ្យញ៉ាំទៀត ឬអត់?
- អាហារល្អសម្រាប់សុខភាពក្រពះ–ពោះវៀនកូន ម៉ាក់ៗគួរជ្រើសរើស
តើការចិញ្ចឹមកូនបែបអប់រំណែនាំផ្ដល់អត្ថប្រយោជន៍អ្វីខ្លះដល់កូន?
- បង្កើនទំនាក់ទំនងល្អរវាងប៉ាម៉ាក់និងកូន
- ជួយឲ្យកូនមានទំនុកចិត្តលើខ្លួនឯង និងផ្ដល់តម្លៃចំពោះខ្លួនឯង
- ចេះគ្រប់គ្រងកំហឹងបានល្អ
- មានទំនួលខុសត្រូវ និងចូលរួមសហការល្អ
- មានទំនួលខុសត្រូវក្នុងសង្គម
- មានភាពរីករាយក្នុងជីវិត ទទួលបានភាពជោគជ័យច្រើន និងមានសមត្ថភាពខ្ពស់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Can You Be Too Strict A Parent?
https://international-schools.org/the-parenting-life/can-you-be-too-strict-a-parent/
What’s Wrong with Strict Parenting?
https://www.thefyi.org/whats-wrong-strict-parenting/
Is it Good for Children to Have Strict Parents?
https://insights.gostudent.org/en/is-it-good-for-children-to-have-strict-parents
កំណែប្រែបច្ចុប្បន្ន
29/08/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម