មិនមែនតែពិភពលោកទេ ស្រុកខ្មែរក៏មានកុមារកើត អូទីសឹ្សម ច្រើនដែរ ម៉ាក់ប៉ាត្រូវតែប្រយ័ត្ន និងសង្កេតកូនៗឲ្យមែនទែន។ អូទីសឹ្សម ជាការពិការភាពលើការអភិវឌ្ឍខួរក្បាល ដែលកើតឡើងលើកុមារតូចៗ ដែលជាទូទៅបេប៊ីលូតលាស់ធម្មតាចាប់ពី ១ឆ្នាំកន្លះ-២ឆ្នាំ បន្ទាប់មកគេបែរជាបញ្ឈប់ការលូតលាស់ផ្នែកបញ្ញាស្មារតីតែម្តងនៅអាយុ ៣ ឆ្នាំ។
១- សញ្ញាសម្គាល់ក្មេងអូទីសឹ្សម
ក្មេងអូទីសឹ្សម មិនអាចប្រាស្រ័យទាក់ទងល្អជាមួយអ្នកដទៃនោះទេ ភាគច្រើនមានសញ្ញាសម្គាល់ដូចខាងក្រោម៖
- មិនមានទំនាក់ទំនងជាមួយឪពុកម្តាយ ឬអ្នកដទៃ
– គិតដដែលៗ អត់មានអីរីកចម្រើន
– មិនចាប់អារម្មណ៍ ឬមិនមើលមុខមនុស្សជុំវិញខ្លួន
– ដកខ្លួនពីសកម្មភាពផ្សេងៗ
– ពន្យារពេលក្នុងការរៀននិយាយ
– និយាយពាក្យដដែលៗ
– រពឹស ឆាប់តូចចិត្ត
– ហៅឈ្មោះក៏មិនឆ្លើយ មិនសើច ឬញញឹមតប
– បាត់បង់ជំនាញភាសា។
២- មូលហេតុបង្កឲ្យកើតអូទីសឹ្សម
អ្នកវិទ្យាសាស្ត្រមិនទាន់ដឹងមូលហេតុពិតប្រាកដែលនាំឲ្យកុមារកើតអូទីសឹ្សមនៅឡើយទេ តែទោះយ៉ាងវាប្រហែលមកពីហ្សែនច្រើនជាង ក្រៅពីនោះមានកត្តាបរិយាកាសជុំវិញ ដូចជាម៉ាក់ៗបានប៉ះពាល់សារធាតុគីមី ឬប្រើពពួកថ្នាំ Valproic acid ឬ Thalidomide (ថ្នាំព្យាបាលជំងឺឆ្កួតជ្រូក និងថ្នាំបំបាត់ក្អូត) អំឡុងពពោះ។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៣- ការព្យាបាលកុមារកើតអូទីសឹ្សម
មជ្ឈមណ្ឌលសម្រាប់ការគ្រប់គ្រង និងការពារជំងឺរបស់សហរដ្ឋអាមេរិក បានប្រកាសថា គ្មានវ៉ាក់សាំងការពារ គ្មានវិធីព្យាបាលជំងឺអូទីស្សឹមនោះទេ ប៉ុន្ដែថ្នាំខ្លះអាចជួយឲ្យមុខងារមួយចំនួនប្រសើរឡើង។ ដូច្នេះកុមារកើតអូទីហ្សឹមមានតែការព្យាបាលដោយការជំរុញទឹកចិត្តប៉ុណ្ណោះ ហើយត្រូវចំណាយពេលយូរ និងបង្រៀនដោយអត់ធ្មត់ខ្លាំងបំផុត។ កុមារប្រភេទនេះឆាប់ប្រតិកម្មខ្លាំងចំពោះសំឡេង រសជាតិ រូបរាង ឬក្លិន ដូច្នេះម៉ាក់ប៉ាចាំបាច់ត្រូវ៖
– បង្រៀនកូនជាពិសេស ដោយប្រើពាក្យងាយៗ
– លើកទឹកចិត្តឲ្យកូនចេះសម្លឹងមុខ
– ចំណាយពេលនៅជាមួយកូនឲ្យបានច្រើនបំផុត
– កុំប្រៀបធៀបកូនជាមួយអ្នកដទៃ
– ប្រើរូបភាពដើម្បីទាក់ទងជាមួយកូន។
[embed-health-tool-due-date]
ដំបូងៗបើសិនជាសង្កេតឃើញកូនបាត់បង់សមត្ថភាពរាងកាយ ភាសា និងជំនាញដែលគេគួរចេះ ឬក៏គេចាប់ផ្តើមដកខ្លួនចេញពីសកម្មភាពផ្សេងៗ ដូចរៀបរាប់នៅសញ្ញាសម្គាល់ខាងលើនេះ ម៉ាក់ប៉ាត្រូវប្រញាប់នាំកូនទៅជួបគ្រូពេទ្យជំនាញឲ្យបានឆាប់។
អត្ថបទគួរអាន៖
- ជំនាញសង្គមទាំង៥ ប៉ាម៉ាក់គួរបង្រៀនកូនៗឲ្យចេះចាំ
- វិធីសាស្រ្តអប់រំកូនពេលមានកំហុស កុំឲ្យកូនបាត់ជំនឿចិត្តលើខ្លួនឯង
- កូនអាយុប៉ុន្មានអាចឱ្យគេងឱបតុក្កតាបាន?
- ប៉ាម៉ាក់ផ្ដល់ការស្រឡាញ់មិនស្មើគ្នា អាចប៉ះពាល់ការលូតលាស់របស់កូន
- ប៉ាម៉ាក់ចង់ឲ្យខួរក្បាលកូនលូតលាស់ល្អ កុំរំលងតិចនិកទាំងនេះ
- ប្រើពាក្យអវិជ្ជមាន ប៉ះពាល់ការលូតលាស់កូនច្រើនយ៉ាង ម៉ាក់ប៉ាគួរដឹង
