ពិតណាស់ ប្រភេទក្រុមឈាមមិនត្រឹមតែធ្វើឲ្យយើងយល់ច្បាស់ពីការបរិច្ចាគ ឬទទួលឈាមពីអ្នកណាម្នាក់ប្រកបដោយសុវត្ថិភាពប៉ុណ្ណោះទេ វាក៏អាចធ្វើឲ្យយើងដឹងអំពីហានិភ័យសុខភាពជាក់លាក់មួយចំនួនដូចគ្នា។
១. ជំងឺបេះដូង
ការស្រាវជ្រាវបានបង្ហាញថា អ្នកដែលមានឈាមក្រុមO មានហានិភ័យទាបក្នុងការកើតជំងឺសរសៃឈាមបេះដូង។ កត្តានេះពីព្រោះតែក្រុមឈាមប្រភេទផ្សេងមានកូលេស្តេរ៉ូល និងប្រូតេអ៊ីនកម្រិតខ្ពស់ ដែលពាក់ព័ន្ធនឹងការកកឈាម។
២. ជំងឺមហារីកក្រពះ
ទន្ទឹមនឹងនេះដែរ ក្រុមឈាមប្រភេទA, AB និងB មានហានិភ័យក្នុងការកើតជំងឺមហារីកក្រពះខ្ពស់ជាងក្រុមឈាមប្រភេទO ជាពិសេសអ្នកដែលមានក្រុមឈាមA ។ ក្រុមអ្នកស្រាវជ្រាវយល់ថា នេះប្រហែលមកពីការឆ្លងមេរោគH.pylori ច្រើនកើតចំពោះអ្នកដែលមានឈាមប្រភេទA។
ចង់គណនារង្វាស់ចង្វាក់បេះដូង ចុចទីនេះ!
ចងពិនិត្យជំងឺសរសៃឈាមបេះដូង ចុចទីនេះ!
៣. បញ្ហាការចងចាំ
ការសិក្សាមួយបានបង្ហាញថា អ្នកដែលមានបញ្ហាការចងចាំគឺច្រើនតែជាអ្នកមានក្រុមឈាមប្រភេទAB។
៤. ភាពតានតឹង
ភាពតានតឹងបង្កើនកម្រិតអ័រម៉ូនCortisol ដែលជាអ័រម៉ូនស្រ្តេស។ ចំពោះអ្នកដែលមានក្រុមឈាមប្រភេទA មានកម្រិតអ័រម៉ូនCortisol ច្រើនជាងក្រុមឈាមប្រភេទផ្សេងទៀត។
៥. ជំងឺគ្រុនចាញ់
អ្នកដែលមានឈាមប្រភេទO អាចមិនសូវកើតជំងឺគ្រុនចាញ់។ ជាធម្មតា យើងអាចឆ្លងជំងឺគ្រុនចាញ់តាមរយៈមូសដែលផ្ទុកមេរោគ។ យ៉ាងណាមិញ ប៉ារ៉ាស៊ីតដែលបង្កមេរោគនេះ ពិបាកនឹងភ្ជាប់ខ្លួនទៅនឹងកោសិកាឈាមក្រុមOណាស់។
[embed-health-tool-bmi]
អត្ថបទគួរអាន៖
- មូលហេតុអ្វីអូនតូចឧស្សាហ៍ហើមកូនកណ្តុរ?
- ដឹងទេ! បាត់បង់ឈាមប៉ុណ្ណេះលីត្រ យើងអាចបាត់បង់ជីវិតបាន
- មានរបួស ឬមុត ហូរឈាមយូរ អាចមានជំងឺឈាមក្រកក
- គ្រាប់ឈាមសឡើងច្រើន កើតមហារីកឈាមមែនទេ?
- មានអត់ ជំងឺឈាមស ស៊ីឈាមក្រហម?
៦. ដំបៅក្រពះ
ចំណែកឯបញ្ហាដំបៅក្រពះ អាចបង្កឲ្យមានការឈឺចាប់នៅស្រទាប់ក្រពះ ឬពោះវៀនផ្នែកខាងលើ។ ជំងឺមួយនេះ ច្រើនតែកើតជាញឹកញាប់លើអ្នកមានក្រុមឈាមប្រភេទ O។
