ប៉ារ៉ាស៊ីតម្យ៉ាងឈ្មោះថា Trichomonas Vaginalis ដែលបង្កឲ្យកើតជំងឺកាមរោគ អាចបំផ្លាញជាលិកាមាត់ស្បូន បង្កើតជាដំបៅ និងជំរុញឲ្យស្រីៗយើងងាយឆ្លងពពួកវីរុស HPV ។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប៉ារ៉ាស៊ីតម្យ៉ាងឈ្មោះថា Trichomonas Vaginalis ដែលបង្កឲ្យកើតជំងឺកាមរោគ អាចបំផ្លាញជាលិកាមាត់ស្បូន បង្កើតជាដំបៅ និងជំរុញឲ្យស្រីៗយើងងាយឆ្លងពពួកវីរុស HPV ។
តាមការសិក្សាលើស្ត្រីច្រើនជាងកន្លះលាននាក់ បានឲ្យដឹងថា អ្នកដែលធ្លាប់ឆ្លងប៉ារ៉ាស៊ីត Trichomonas Vaginalis មានហានិភ័យខ្ពស់ដល់ទៅ៧៩%នៃការឆ្លងវីរុស HPV ដែលនាំឲ្យកើតជំងឺមហារីកមាត់ស្បូន។ ពិតណាស់ វីរុសនេះតែឯង មិនមានសមត្ថភាពគ្រប់គ្រាន់បង្កទៅជាជំងឺមហារីកឡើយ ប៉ុន្តែកត្តាជំរុញមួយចំនួនទៀត ដូចជាការជក់បារី ការប្រើថ្នាំពន្យារកំណើតលើសពី៥ឆ្នាំឡើងទៅ និងការឆ្លងជំងឺកាមរោគប្រភេទផ្សេងទៀត សុទ្ធតែអាចបង្កើនហានិភ័យនៃការកើតជំងឺមហារីកមាត់ស្បូនបាន។
ចង់គណនារង្វាស់ចង្វាក់បេះដូង ចុចទីនេះ!
ជាក់ស្តែង ជំងឺកាមរោគអាចនាំឲ្យគ្នាយើងមានការធ្លាក់ទឹករម្អិលដែលមានក្លិនមិនល្អ រមាស់ និងក្រហាយទ្វារមាស។ យ៉ាងណាមិញ ប្រហែល៨៥%នៃជំងឺនេះ ក៏អាចគ្មានរោគសញ្ញាផងដែរ ដែលនេះធ្វើឲ្យយើងពិបាកក្នុងការធ្វើរោគវិនិច្ឆ័យ។
ជាទូទៅ ស្រីៗយើងច្រើនមានហានិភ័យខ្ពស់ក្នុងឆ្លងវីរុស HPV នៅវ័យ២០ឆ្នាំ ប៉ុន្តែការបង្ករោគនេះ អាចនឹងបាត់ទៅវិញដោយខ្លួនឯង។ ទោះជាយ៉ាងនេះក្តី ស្ត្រីអាយុចាប់ពី៣០ឆ្នាំឡើងទៅ ហើយមានផ្ទុកវីរុស HPV គឺអាចវិវត្តន៍ទៅជាជំងឺមហារីកក្នុងរយៈពេលប្រហែលពី៥ឆ្នាំ ទៅ១០ឆ្នាំ។ យ៉ាងណាមិញ ប្រហែលជា៩០%នៃអ្នកដែលមានផ្ទុកវីរុសនេះ អាចជាសះស្បើយដោយខ្លួនឯងនៅចន្លោះពេលពី១ឆ្នាំទៅ២ឆ្នាំ។
លោកវេជ្ជបណ្ឌិត John White អ្នកប្រឹក្សាសុខភាពផ្លូវភេទនៅការិយាល័យ NHS និងជានាយកផ្នែកវេជ្ជសាស្ត្រនៅ Preventx បានឲ្យដឹងថា ស្ត្រីអាចផ្ទុកប៉ារ៉ាស៊ីត Trichomonas Vaginalis ជាច្រើនឆ្នាំ។ ក្នុងករណីដែលយើងមិនធ្វើការព្យាបាលទេនោះ ប៉ារ៉ាស៊ីតប្រភេទនេះ អាចបង្កើនឱកាសនៃការកើតវីរុស HIV ក៏ដូចជាបង្កឲ្យមានផលវិបាកផ្សេងៗអំឡុងពេលពពោះ។ ដើម្បីជៀសវាងផលវិបាកនៃប៉ារ៉ាស៊ីត Trichomonas Vaginalis និងកាត់បន្ថយការចម្លងរោគ គ្នាយើងគួរតែធ្វើតេស្ដរកការប៉ារ៉ាស៊ីតនេះ និងព្យាបាលដោយការប្រើថ្នាំផ្សះឲ្យបានទាន់ពេលវេលា។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕