ចាស់ៗជំនាន់មុនមានទំនៀមទម្លាប់ ឬជំនឿច្រើនណាស់ សូម្បីតែការពពោះក៏ពួកគាត់មានជំនឿមិនតិចដែរ ហើយជឿថា ម៉ាក់ៗជួនកាលក៏ចង់ធុញនឹងការត្រណមនេះត្រណមនោះដែរ។ យ៉ាងណាមិញមានម៉ាក់ៗមួយចំនួនអះអាងតាមជំនឿចាស់ៗថា ផឹកទឹកដូងច្រើនពេលពពោះ កូនកើតមកក្រចេះដើរ ព្រោះទឹកដូងធ្វើឲ្យជង្គង់កូនទន់?
ដឹងអត្ថន័យពណ៌ និងរូបរាងលាមកទារក ចុចទីនេះ!
ឆ្លើយតបទៅនឹងការអះអាងខាងលើ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិនសែនសុខ បានពន្យល់ថា ការអះអាងថា ផឹកទឹកដូងច្រើនពេលពពោះ កូនកើតមកក្រចេះដើរ បើគិតតាមក្បួនពេទ្យគឺមិនពិតទេ ព្រោះនៅក្នុងវេជ្ជសាស្ត្រ កូនក្រចេះដើរទាក់ទងនឹងការលូតលាស់ផ្នែករាងកាយ។
វេជ្ជបណ្ឌិតរូបនេះបន្ថែមថា កូនចេះដើរ ក៏ពាក់ព័ន្ធនឹងវ័យ ឬអាយុដែលកូនត្រូវចេះដើរដែរ មិនមានអ្វីទាក់ទងទៅនឹងការផឹកដូងសោះ។ ផ្ទុយទៅនឹងជំនឿរបស់ចាស់ៗ ទឹកដូង ជាជម្រើសល្អមួយដែលមានប្រយោជន៍ខ្លាំងមែនទែនសម្រាប់អ្នកម្ដាយកំពុងពពោះ ដោយសារវាសម្បូររ៉ែមានប្រយោជន៍ដែលអាចជួយទ្រទ្រង់រាងកាយ ជួយរក្សាលំនឹង pH ក្នុងឈាម និងពង្រឹងចលនាសាច់ដុំ និងសម្រួលពេលយើងមានអាការៈគ្រុនក្ដៅដែរ។
ទាក់ទងនឹងជំនឿពីទឹកដូងក្នុងពេលពពោះនេះដែរ ចាស់ៗតែងតែឲ្យស្ត្រីមានផ្ទៃពោះផឹកទឹកដូងឲ្យបានច្រើន ជាពិសេសពេលជិតសម្រាល ត្រូវផឹកទឹកដូងទុំរាល់ថ្ងៃ ដើម្បីឲ្យស្រួលកើតកូន។ ប៉ុន្តែ ការលើកឡើងបែបនេះ ក៏មិនមែនជាការពិតឡើយ ដោយខាងវិទ្យាសាស្ត្រមិនបានបញ្ជាក់ថាវាអាចជួយអ្វីបាននោះទេ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Coconut Water in Pregnancy Benefits, Side Effects & More https://bebodywise.com/blog/coconut-water-in-pregnancy/
Benefits of Coconut During Pregnancy https://www.mamabix.com/blog/benefits-of-coconut-during-pregnancy
Benefits of Coconut Water During Pregnancy https://www.lalpathlabs.com/blog/coconut-water-during-pregnancy/
Coconut Water During Pregnancyhttps://www.newhealthadvisor.org/Coconut-Water-During-Pregnancy.html
What is coconut water and what’s behind the hype? https://www.mayoclinic.org/healthy-lifestyle/nutrition-and-healthy-eating/expert-answers/coconut-water/faq-20207812
កំណែប្រែបច្ចុប្បន្ន
25/08/2023
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
