គន្លឹះខ្លឹមៗ ថែទាំខ្លួនចំពោះម៉ាក់ៗកំពុងពពោះចំរដូវរងា

ម៉ាក់​ៗ​ដែល​កំពុង​ពពោះ​ចំ​រដូវ​រងា​ ច្បាស់​ជា​មាន​ការ​ព្រួយបារម្ភ​ពី​ការ​ថែទាំ​ផ្ទៃ​ពោះ​​មិន​ខាន​ ពីព្រោះ​រដូវ​នេះ អាច​នាំ​មក​នូវ​ជំងឺ​ឆ្លង​ផ្សេង​ៗ​ដែល​មាន​នៅ​ក្នុង​ខ្យល់​អាកាស។ ដូច្នេះ​ហើយ​ ដើម្បី​ជៀសវាង​ផលប៉ះពាល់​ផ្សេង​ៗ​ចំពោះ​ខ្លួន​ឯង និង​ទារក​ក្នុង​ផ្ទៃ ម៉ាក់​ៗ​ចាំបាច់​ត្រូវ​ថែទាំ​សុខភាព​ជា​ពិសេស ដោយ​អនុវត្តន៍​តាម​គន្លឹះ​ខ្លឹម​ៗ​ខាង​ក្រោម​នេះ៖

បញ្ហា​ប្រឈម​នៅ​រដូវ​រងា​សម្រាប់​ស្រ្តី​ពពោះ

• ស្បែក​ស្ងួត​ និង​រលាក
• ប្រព័ន្ធ​ភាព​សាំ​ចុះ​ខ្សោយ​ដែល​ធ្វើ​ឲ្យ​ម៉ាក់​ងាយ​ផ្តាសាយ​ និង​គ្រុន​ក្តៅ
• មិន​សូវ​បញ្ចេញ​សកម្មភាព​រាងកាយ​

គណនាទម្ងន់ស្ត្រីអំឡុងពពោះ

គន្លឹះ​ខ្លី​ខ្លឹម​សម្រាប់​ថែទាំ​ផ្ទៃពោះ​អំឡុង​ពេល​រដូវ​រងា

ពិត​ណាស់​ សម្រាប់​ម៉ាក់​ៗ​ដែល​កំពុង​ពពោះ​​ចំ​​រដូវ​រងារ​នេះ គួរ​យក​ចិត្ត​ទុក​ដាក់​ និង​ថែទាំ​សុខភាព​​​ឲ្យ​បាន​ដិតដល់​ ដើម្បី​​ធានា​ថា​ទារក​ក្នុង​ផ្ទៃ​មាន​ការ​លូតលាស់ និង​ការអភិវឌ្ឍ​បាន​ល្អ តាម​រយៈ៖

• ស្លៀក​សំលៀក​បំពាក់​ច្រើន​ជាន់
• ​ប្រើ​ក្រែម​ផ្តល់​សំណើម​សម្រាប់​ស្រ្តី​ពពោះ
• បញ្ចូល​របបអាហារ​ដែល​មាន​វីតាមីន​D ដូចជា​ត្រី​មាន​ខ្លាញ់ និង​ផលិតផល​មាន​ជាតិ​ទឹកដោះ​គោ
• ញ៉ាំ​ទឹក​ឲ្យ​បាន​ច្រើន
• គេង​ឲ្យ​បាន​គ្រប់គ្រាន់
• ពិនិត្យ​ផ្ទៃពោះ​ឲ្យ​បាន​ទៀងទាត់​​តាម​ការណែនាំ​របស់​គ្រូពេទ្យ។​

​​​​​ក្រៅ​ពី​នេះ ម៉ាក់​ៗ​​ក៏​ចាំបាច់​ថែទាំ​សុខភាព​ផ្លូវ​ចិត្ត​ឲ្យ​បាន​ល្អ​ប្រសើរ​ដូច​គ្នា ពីព្រោះ​ថា​​ស្រ្តេស និង​ការ​ថប់បារម្ភ​ អាច​ប៉ះពាល់​ខ្លាំង​ដល់​ទារក​ក្នុង​ផ្ទៃ ដូច្នេះ​ហើយ​ ម៉ាក់​ៗ​​គួរ​គិត​ដល់​សកម្មភាព​កម្សាន្ត​អារម្មណ៍​ផ្សេងៗ ក៏​ដូចជា​រក្សា​ទំនាក់ទំនង​​ល្អ​ជាមួយ​នឹង​អ្នក​ជាទី​ស្រលាញ់​ ព្រម​ទាំង​ស្វែង​រក​ជំនួយ​ ប្រសិនបើ​មាន​អារម្មណ៍​ថា​ស្រ្តេស​ខ្លាំង។