backup og meta

ម៉ាក់ៗដឹងអត់ថា ស្រ្ដេស​អាច​ធ្វើ​ឲ្យ​រលូត​កូន?

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ យ៉ានណែត​ នីគែល · កែ Sep 07, 2023

    ម៉ាក់ៗដឹងអត់ថា ស្រ្ដេស​អាច​ធ្វើ​ឲ្យ​រលូត​កូន?

    ស្រីៗ​គ្នា​យើង​មិន​តិច​ទេ​ឥឡូវ​នេះ កំពុង​មាន​បញ្ហា​មាន​កូន​ហើយ​អត់​នៅ។ រលូត​កូន មាន​កត្តា​ជា​ច្រើន​ ក្នុង​នោះ​រួម​ទាំង​ភាព​តាន​តឹង​អារម្មណ៍ ឬ​ហៅ​ថា​ភាសា​អ្នក​ក្រុង​ថា ស្ត្រេស។ អ៊ីចឹង “Hello គ្រូពេទ្យ” សូម​បកស្រាយ។

    ការ​ស្រាវជ្រាវ​ថ្មី​នៅ​អាមេរិក​រក​ឃើញ​ថា ស្រីៗ​កើត​ស្ត្រេស អាច​ប្រឈម​នឹង​បញ្ហា​រលូត​កូន គុណ​នឹង ៣ ដង អំឡុង​ពេល​មាន​ផ្ទៃពោះ (៣ សប្ដាហ៍​ដំបូង) ធៀប​ទៅ​នឹង​ស្រីៗ​ធម្មតា។

    គណនាទម្ងន់ស្ត្រីអំឡុងពពោះ

    ១- រលូតកូន និង​អ័រម៉ូន ករទីសុល

    ក្នុង​ការ​សិក្សា​ថ្មី លោក​វេជ្ជបណ្ឌិត Pablo A. Nepomnaschy មក​ពី​វិទ្យាស្ថាន​សុខាភិបាល​ជាតិ នៅ​រដ្ឋ​កាលីហ្វ័រញ៉ា ខាង​ជើង បាន​ពិនិត្យ​កម្រិត​អ័រម៉ូន​ក្នុង​ទឹក​នោម​ស្ត្រី ១៦ នាក់ (អាយុ ១៨-៣៤ ឆ្នាំ)។ ក្នុង​ការ​ស្រាវជ្រាវ​រយៈ​ពេល ១ ឆ្នាំ​នោះ ទឹក​នោម​របស់​ស្រ្ដី​ទាំង​នេះ ត្រូវ​បាន​ពិនិត្យ ៣ដង/សប្ដាហ៍ ​យ៉ាង​យក​ចិត្ត​ទុក​ដាក់ ដើម្បី​រក​អ័រម៉ូន​ធ្វើ​ឲ្យ​ស្ត្រេស ហៅ​ថា ករទីសុល (Cortisol)។

    នេះ ជា​ការ​សិក្សា​ដំបូង​បង្អស់ ដើម្បី​រក​ទំនាក់ទំនង​រវាង​អត្រា​កើន​ឡើង​កម្រិត​អ័រម៉ូន​ករទីសុល និង​ការ​រលូត​កូន អំឡុង​ពេល​ទើប​មាន​ផ្ទៃពោះ។ វេជ្ជបណ្ឌិត Nepomnaschy អះអាង​ថា ការ​រលូត​កូន​ភាគ​ច្រើន កើត​ឡើង​ក្នុង​រយៈពេល ៣ សប្ដាហ៍​ដំបូង​នៃ​ការ​មាន​ផ្ទៃ​ពោះ។

    ពពោះ

    ក្រុម​អ្នក​វិទ្យាសាស្ត្រ​បាន​វាស់វែង​កម្រិត​អ័រម៉ូន ករទីសុល របស់​ស្ត្រី​គ្រប់​រូប ដោយ​ធៀប​នឹង​កម្រិត​ធម្មតា​នៃ​អ័រម៉ូន​របស់​ពួកគេ។ ទីបំផុត អ្នក​វិទ្យាសាស្ត្រ​អាច​សន្និដ្ឋាន​​ថា ស្ត្រី ៩០% ដែល​មាន​កម្រិត​អ័រម៉ូន​ស្ត្រេស​ខ្ពស់ ប្រឈម​បញ្ហា​រលូត​កូន​នៅ ៣ សប្ដាហ៍​ដំបូង​ ធៀប​នឹង​ស្ត្រី ៣៣% ដែល​មាន​កម្រិត​អ័រម៉ូន​ធម្មតា។

    ២- តួនាទី​អ័រម៉ូន ករទីសុល ធ្វើ​ឲ្យ​រលូត​កូន នៅ​តែ​ជា​អាថ៌កំបាំង

    ទោះ​បី​យ៉ាង​ណា​ក៏​ដោយ ក្រុម​ការងារ​របស់​លោក មិន​អាច​បំភ្លឺ​ឲ្យ​ច្បាស់​នៅ​ឡើយ​លើ​ការ​ពាក់ព័ន្ធ​ផ្ទាល់​របស់​អ័រម៉ូន ករទីសុល មក​លើ​បញ្ហា​រលូត​កូន ឬ​មិន​ទាន់​ច្បាស់​ថា​តើ អ័រម៉ូន​នេះ​បង្ក​ឲ្យ​ការ​បញ្ជូន​ផ្សេងៗ​ទៀត​ក្នុង​រាងកាយ​ដែល​បណ្ដាល​ឲ្យ​រលូត​កូន នៅ​ឡើយ។

    បច្ចុប្បន្ន កំពុង​មាន​ការ​ស្រាវជ្រាវ​ផ្សេងៗ​ទៀត​លើ​ទំនាក់ទំនង​រវាង​ស្ត្រេស និង​ការ​រលូត​កូន ដើម្បី​ឯកភាព​គ្នា​លើ​ករណី​នេះ។

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ យ៉ានណែត​ នីគែល · កែ Sep 07, 2023

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម