ស្រីៗគ្នាយើងមួយចំនួនតែងមានការបារម្ភរឿងមានផ្ទៃពោះ។ ពេលខ្លះភ័យមានផ្ទៃពោះមុនផែនការ ខ្លះទៀតបារម្ភខ្លាចមិនមានផ្ទៃពោះ ព្រោះខំប្រឹងប្រែងរាល់ថ្ងៃ មិនដឹងធ្វើយ៉ាងណាទើបដឹងមាន ឬមិនមានក្រោយបាត់រដូវប៉ុន្មានថ្ងៃ។ ឈប់សង្ស័យច្រើនទៀត យើងអាចពិនិត្យដឹងខ្លួនឯង ថាមានឬអត់បាន មិនចាំបាច់រត់ទៅរកពេទ្យទៀតទេ។
ការធ្វើតេស្ដដើម្បីដឹងថាមានផ្ទៃពោះ មានវិធីសាមញ្ញ២យ៉ាង។ មួយតេស្ត ទឹកនោម និងមួយទៀតតេស្តឈាម។ ការធ្វើតេស្តតាមវិធីសាស្ត្រទាំងពីរ ក្នុងចេតនាតែមួយគត់ដើម្បីរកវត្តមានរបស់អ័រម៉ូនមួយប្រភេទហៅថា hCG។ hCGជាអ័រម៉ូនបញ្ចេញដោយសុកនៅពេលអំប្រ៊ីយ៉ុងតោងភ្ជាប់ផ្ទៃស្បូន កើតមានប៉ុន្មាន ថ្ងៃក្រោយការបង្កកំណើត។
១- តេស្តទឹកនោម
មធ្យោបាយនេះ អាចធ្វើទៅបាន២របៀបផ្សេងពីគ្នា ដោយទី១ យកក្រដាស រេដុករ ទៅជ្រលក់ក្នុងទឹកនោម និងមួយទៀត អាចបន្តក់ទឹកនោមលើឧបករណ៍ពិនិត្យតែម្តង។ បច្ចុប្បន្នគឺកាន់តែទំនើបទៀត ព្រោះឧបករណ៍នឹងបង្ហាញឡើងជាអក្សរច្បាស់ៗបញ្ជាក់មានផ្ទៃពោះ ឬមិនមានថែមទៀតផង។
ជាទូទៅលទ្ធផលអាចទទួលយកជាការបាន មានតែធ្វើតេស្តអំឡុងពេលបាត់រដូវភ្លាមៗប៉ុណ្ណោះទើបអាចមិនច្បាស់ការ បើធ្វើតេស្តត្រឹមត្រូវតាមការណែនាំ លទ្ធផលគួរឲ្យទុកចិត្តដល់ទៅ ៩៧%។ ក្រៅពីនេះ នៅមានវិធីធ្វើផ្សេងទៀត អាចកំណត់ការមានផ្ទៃពោះឬមិនមាន។
គណនាថ្ងៃមេជីវិតញីទុំធ្លាក់នៅទីនេះ
អត្ថប្រយោជន៍ពីការធ្វើតេស្តទឹកនោម
– ងាយស្រួល
– ចំណេញថវិកា
– រក្សាការសម្ងាត់
– លទ្ធផលបានភ្លាមៗ
– ធ្វើបានខ្លួនឯងនៅផ្ទះ។
គុណវិបិត្តពីការតេស្តទឹកនោម
លទ្ធផលខុស អាចកើតមានបើសិនជាធ្វើតេស្តមិនត្រឹមត្រូវ ព្រោះពេលខ្លះលទ្ធផលអវិជ្ជមានក៏មិនប្រាកដថាគ្មានកូន ១០០% ទេ។ ស្ថិតក្នុងដំណាក់កាលកំពុងបង្កកំណើតសប្ដាហ៍ដំបូងធ្វើតេស្តបែបនេះមិនទាន់រកឃើញអ័រម៉ូន hCG ច្បាស់នៅឡើយ។
បើទោះជាលទ្ធផលតេស្តអវិជ្ជមានក៏ពិតមែន ប៉ុន្តែមានសញ្ញាមួយចំនួនកើតឡើងដូចជា៖ បាត់រដូវ ល្ហិតល្ហៃ ចង្អោរ ឬឡើងដោះ ស្រីៗយើងគួរតែធ្វើតេស្តម្ដងទៀត អំឡុងពេលមួយសប្តាហ៍ក្រោយពីតេស្តលើកទីមួយ ឬអាចទៅរកគ្រូពេទ្យជំនាញពិគ្រោះផ្ទាល់ក៏បាន។
[embed-health-tool-ovulation]
២- តេស្តឈាម
តេស្តប្រភេទនេះធ្វើបាន២របៀបដូចគ្នា។ ទីមួយរកមើលពីកម្រិតអ័រម៉ូន និងមួយទៀតរកមើលថាមានវត្តមានរបស់ទារក ឬអត់តាមរយៈអ័រម៉ូន hCG ដដែល។
អត្ថប្រយោជន៍ការធ្វើតេស្តឈាម
– បញ្ជាក់ច្បាស់ពីកម្រិតអ័រម៉ូនក្នុងឈាម
– បានលទ្ធផលភ្លាមៗ និងច្បាស់ជាងការធ្វើតេស្តទឹកនោម។
គុណវិបត្តិនៃតេស្តឈាម
– ត្រូវធ្វើនៅមន្ទីរពេទ្យ
– ចំណាយថវិកាច្រើន
– ចំណាយពេលវេលារង់ចាំ។
សម្រាប់តេស្ដឲ្យដឹងថាមានកូនអត់ តើគ្នាយើងគិតថា មួយណាល្អជាង?
អានបន្ថែម៖
- អាថ៌កំបាំងកន្លែងសម្ងាត់ ស្រីៗខ្លួនឯងភាគច្រើនអត់ដឹង
- ស្ត្រីចៀសមិនផុតពីការផ្លាស់ប្ដូរទ្វារមាស ៤ យ៉ាងនេះ ក្រោយសម្រាលកូនរួច
- ស្រីៗសម្អាតកន្លែងសម្ងាត់ជារឿងសំខាន់ តែបើសម្អាតដោយវិធីនេះនឹងគ្រោះធំមិនខាន
- ស្រីៗគួរដឹង នេះជាមូលហេតុនិងរោគសញ្ញារលាកទ្វារមាសដោយបាក់តេរី
- ស្រីៗបាត់បង់បាត់តេរីល្អក្នុងទ្វារមាស ងាយឆ្លងរោគ ធ្លាក់ស មកមូលហេតុទាំងនេះ
- ស្រុតស្បូនមកពីមូលហេតុអី? មានសញ្ញាម៉េចខ្លះ?
- ម៉េចបានស្រីៗមានបញ្ហារលុងប្រដាប់ភេទ?
