កាន់តែកៀកថ្ងៃសម្រាលកូនម៉ាក់ៗរឹតតែត្រូវប្រយ័ត្នប្រយែងខ្លួន ចៀសវាងធ្វើរឿងមួយចំនួននាំឲ្យប៉ះពាល់កូនក្នុងផ្ទៃ។ ក្នុងនោះលោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ ណែនាំរឿងគ្រោះថ្នាក់មួយចំនួន ដែលម៉ាក់ៗគ្រប់ខែគួរតែប្រុងប្រយ័ត្ន។
[embed-health-tool-due-date]
– កុំឈរយូរពេក ព្រោះអាចនាំឲ្យវិលមុខដួល
– កុំធ្វើការនៅក្រោមកម្ដៅថ្ងៃ នាំឲ្យងងឹតមុខ
– ប្រយ័ត្នប្រយែងចំណីអាហារផ្អាប់ ព្រោះនាំឲ្យឈឺពោះ ឬរាករូស
– កុំអង្គុយលើកៅអី អង្រឹង ឬគ្រែចាស់ៗ ខ្លាចបែកបាក់ ដាច់រហែកនាំឲ្យគ្រោះថ្នាក់
– កុំឡើងចុះកន្លែងខ្ពស់តែម្នាក់ឯង
– កុំធ្វើការងារលីសែងធ្ងន់ធ្ងរ លើសកម្លាំង
– កុំអង្គុយធ្វើការតែមួយកន្លែងរយៈពេលច្រើនម៉ោង
– កុំស្លៀកពាក់រឹបតឹងពេក ព្រោះពិបាកក្នុងការដង្ហើម
– ប្រយ័ត្នប្រយែងកន្លែងមានទឹក ព្រោះអាចរអិលដួល
លោកវេជ្ជបណ្ឌិតក៏បានបន្ថែមទៀតថា ម៉ាក់ៗត្រូវញ៉ាំអាហារល្អៗដែលមានតុល្យភាពចំពោះសុខភាព ដើម្បីចៀសវាងការខ្វះ ឬលើសឈាម និងជំងឺទឹកនោមផ្អែម។ មួយវិញទៀតត្រូវឧស្សាហ៍ដើរឲ្យបានច្រើន ដើម្បីឲ្យកូនក្នុងផ្ទៃសំយុងក្បាលចូលអាងត្រគាក និងងាយស្រួលពេលសម្រាល។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
