ក្រោយសម្រាលកូនរួច ស្រីៗមួយចំនួនបែរជាមានបញ្ហាផ្លូវចិត្ត ផ្លាស់ប្តូរទាំងអារម្មណ៍ផ្លូវចិត្ត ផ្លូវកាយ និងអាកប្បកិរិយា ពិសេសស្រីៗដែលមានកូនដំបូង ខ្វះបទពិសោធក្នុងចិញ្ចឹមបីបាច់កូន។

បើតាមការឲ្យដឹងពីលោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ ការដែលស្រីៗជួបវិបត្តិផ្លូវចិត្តក្រោយពេលសម្រាលកូនរួចថ្មីថ្មោង បណ្តាលមកពីកត្តាផ្លូវចិត្ត និងជីវសាស្ត្រ។ ក្នុងនោះមានការការប្រែប្រួលអ័រម៉ូន កត្តាជីវភាពខ្វះមុខខ្វះក្រោយ កូនធ្វើទុក្ខសម្រាកមិនបានគ្រប់គ្រាន់ មិនមានអ្នកជំនួសដៃជើង ឬក៏ទំនាក់ទំនងប្តីប្រពន្ធលែងផ្អែមល្ហែមដូចមុន។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

អាការៈបាក់ទឹកចិត្តក្រោយសម្រាលកូន៖

– ពិបាកគេង

– រវើរវាយ

– អស់កម្លាំងល្ហិតល្ហៃ

– អារម្មណ៍ងាយប្រែប្រួល

– អស់សង្ឃឹមក្នុងជីវិត

– មិនឃ្លាន

– គិតខ្លី ចង់ធ្វើអត្តឃាត។

បាក់ទឹកចិត្ត

ទោះយ៉ាងណាស្រីៗមួយចំនួន ជួបអាការៈបាក់ទឹកចិត្តតែក្នុងរយៈ៣ខែដំបូងប៉ុណ្ណោះ ដោយសារតែកូននៅតូចពេក ត្រូវមើលថែទាំកូនទាំងយប់ទាំងថ្ងៃ អ្នកខ្លះរកតែពេលគេងក៏មិនបាន ញ៉ាំក៏មិនត្រង់មាត់ទៀត។

ប៉ុន្តែចំពោះស្រីៗដែលមានបញ្ហាផ្លូវចិត្តធ្ងន់ធ្ងរ កុំឲ្យនៅអូសបន្លាយយូរអី ត្រូវសុំជំនួយពីអ្នកផ្ទះ ពិសេសស្វាមី ឬប្រញាប់ទៅពិគ្រោះជាមួយពេទ្យចិត្តសាស្ត្រ ដើម្បីឲ្យស្ថានភាពផ្លូវចិត្តប្រសើរឡើងវិញ។

អត្ថបទគួរអាន៖

អាការៈបាក់ទឹកចិត្តក្រោយសម្រាលកូន ស្រីៗជួបប្រទះញឹកញាប់ មានអីខ្លះ?