អាហារសំខាន់ៗទាំងនេះ ជួយទ្រទ្រង់សុខភាពសួតឲ្យរឹងមាំ

ការញ៉ាំអាហារប្រចាំថ្ងៃ បានជួយទ្រទ្រង់សុខភាព និងជំនួយថាមពលដល់រាងកាយឲ្យដំណើរបានល្អ។ បន្ថែមពីនេះ ការញ៉ាំអាហារឲ្យបានត្រឹមត្រូវក៏រឹតតែប្រសើរ ព្រោះ បានរួមចំណែក ជួយដល់ការព្យាបាល បញ្ហាខូចខាត នៃសរីរាង្គកាយរបស់យើង។ តួយ៉ាងដូចជា បញ្ហាសួត ក៏ត្រូវការរបបអាហារណាដែលសម្បូរទៅដោយ​សារធាតុចិញ្ចឹមសំខាន់ៗជាប្រចាំ ដើម្បីដំណើរការប្រព័ន្ធដង្ហើម​បាន​ល្អ​។

១. ជាតិខ្លាញ់

ចំណុចនេះ គឺសំដៅទៅលើប្រភេទ អាហារដែលមានផ្ទុកទៅដោយសារធាតុខ្លាញ់ ២ប្រភេទ នោះគឺ ខ្លាញ់ Monounsaturated (ខ្លាញ់មិនឆ្អែត) និង ខ្លាញ់ Polyunsaturated (ខ្លាញ់ឆ្អែត)។ ខ្លាញ់ទាំងពីរមានតួនាទីយ៉ាងសំខាន់ជួយគ្រប់គ្រងប្រព័ន្ធចរន្ដ​សម្ពាធឈាមពីបេះដូង បែងចែកទៅកាន់​ផ្នែកផ្សេងៗនៃសរីរាង្គ​ទាំងអស់ក្នុងរាងកាយ។ មិនត្រឹមតែប៉ុណ្ណោះសារធាតុចិញ្ចឹម ក្នុងប្រភេទខ្លាញ់ទាំងពីរនេះក៏បាន ចូលរួមកាត់បន្ថយ កម្រិតកូលេស្តេរ៉ូល LDL (ជាខ្លាញ់មិនល្អ) និងបញ្ហារលាក ដូចជាជំងឺរលាកសួតជាដើម ដែលអាចបណ្ដាលឲ្យសួតមិនអាចដំណើរការល្អ ហើយពិបាកដកដង្ហើម។ ខ្លាញ់ទាំងពីរ ត្រូវបានរកឃើញ មានដូចជាប្រេងអូលីវ ប្រេងរុក្ខជាតិ ប្រេងសណ្ដែក ផ្លែប៊័រ ប្រេងផ្កាឈូករ័ត្ន ប្រេងល្ង គ្រាប់សណ្ដែក គ្រាប់ធញ្ញជាតិ ត្រីសាល់ម៉ុន និង​ ត្រីសាឌីន។

អត្ថបទទាក់ទង៖

• ខ្លាញ់សត្វ និងខ្លាញ់រុក្ខជាតិ មានគុណប្រយោជន៍ គុណ​វិបត្តិអ្វីខ្លះ?
• ខ្លាញ់ត្រី ល្អសម្រាប់ក្មេងៗ និងចាស់ៗ ច្រើនយ៉ាង
• គន្លឹះ​ទាំង​៥​ ការពារ​សុខភាព​សួត​ពី​ជំងឺ​​ស្ទះ​ផ្លូវ​ដង្ហើម​រ៉ាំរ៉ៃ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
• តិចច្រឡំជំងឺទឹកចូលសួត និងចូលស្រោមសួតជាជំងឺតែមួយ តាមពិត ២ នេះខុសគ្នាដាច់
• សញ្ញា​សុខភាព​តូចៗ ១៥ យ៉ាង បញ្ជាក់​ថា ប្រុសៗ​អាច​អាយុ​ខ្លី បើ​អត់​តាម​ដាន
• បើ​ចង់​តម​អាហារ ផ្លែឈើ ៣ ប្រភេទ​នេះ​ល្អបំផុត​សម្រាប់​សុខភាព

២. ប្រូតេអ៊ីន

អាហារប្រូតេអ៊ីន ជាប្រភេទអាហារដែលសរីរាង្គកាយទាំងអស់ត្រូវការជាចាំបាច់ ដើម្បីផលិតកោសិកាប្រព័ន្ធភាពស៊ាំ និងជំនួយថាមពល។ ក្នុងបំណែងចែក​នៃរបបអាហារប្រចាំថ្ងៃជាក់ស្ដែង យើងអាចញ៉ាំអាហារដែលមាន ប្រូតេអីនយ៉ាងតិចឲ្យបាន ២ពេល ព្រោះការធ្វើបែបនេះ នឹងជួយឲ្យសរីរាង្គកាយរបស់យើង​ទទួលបាន​ជាតិប្រូតេអ៊ីនគ្រប់គ្រាន់ បូករួមទាំងភាពរឹង​មាំ នៃប្រព័ន្ធភាពសាំ។ មិន ត្រឹមតែប៉ុណ្ណោះ ប្រភពប្រូតេអ៊ីន ក៏បានជួយបង្កើន​សមត្ថភា​ព​ធ្វើការរបស់សួត​ឲ្យកាន់តែប្រសើរ ដោយកាត់បន្ថយ កោសិការអសកម្ម។ របបអាហារប្រូតេអ៊ីនដែលផ្ដល់អត្ថប្រយោជន៍ខ្ពស់ដល់សួតមានដូចជា សាច់គ្មានខ្លាញ់ ស៊ុត និង​សណ្តែក ជាដើម។

៣. ជាតិសរសៃ

ក្នុងចំណុចនេះផ្ដោតសំខាន់ទៅលើ ប្រភេទអាហារដែលមានផ្ទុកនូវជាតិ​កាបូអ៊ីដ្រាត ហើយមានជាតិសរសៃខ្ពស់ ដែលអាច​ជួយគ្រប់គ្រងប្រព័ន្ធរំលាយអាហារ និងកម្រិតជាតិស្ករក្នុងឈាម។ លើសពីនេះ ប្រភេទអាហារសរសៃ បានជួយដល់មុខងារ​សួត​ក្នុងការប្រឆាំងទៅនឹងបញ្ហា រលាក ព្រោះថា ការរលាកសួត អាចបណ្ដាលឲ្យឈានទៅដល់​មាន​បញ្ហា​ធ្ងន់​ធ្ងរនៃជំងឺហឺត និង ជំងឺ​ស្ទះដង្ហើមរ៉ាំរ៉ៃ (COPD)បាន។ អាហារសរសៃត្រូវមាននៅក្នុង សណ្តែក ដំឡូងជ្វា ផ្លែប៊ឺរី ផ្លែប៉ោម អង្ករសម្រូប ប៉ាស្តា នំបុ័ង និងគ្រាប់ធញ្ញជាតិទាំងមូល។

៤. ផលិតផលស្រស់

ក្នុងន័យនេះគឺផ្ដោតសំខាន់ទៅលើការញ៉ាំអាហារប្រភេទ​បន្លែ ផ្លែឈើស្រស់ ដែលមានផ្ទុកទៅដោយ​សារធាតុរ៉ែ វីតាមីន សរសៃ​ហ្វៃប៊ឺ និងប៉ូតាស្យូម។ តួយ៉ាងដូចជា ជាតិប៉ូតាស្យូម ដែលសម្បូរក្នុងផ្លែចេក ផ្ដល់អត្ថប្រយោជន៍ជាខ្លាំង ក្នុងការគ្រប់គ្រងសម្ពាធឈាម និងធ្វើឲ្យ​ការរំលាយអាហារដំណើរការប្រសើរឡើង ដូច្នេះ មានសារៈសំខាន់ណាស់សម្រាប់សុខភាព ដើម្បីរក្សាមុខងារសួតបានល្អជៀសផុតពីជំងឺ។ បន្លែ ផ្លែឈើស្រស់ ទាំង​នេះមានដូចជា ផ្លែប៊ឺរី ចេក ម្នាស់ ទំពាំងបាយជូ ប្រូខូលី សណ្តែក និង​ប៉េងប៉ោះ ជាដើម។