ការចុកសាច់ដុំអំឡុងពេលរួមភេទកើតឡើងជាទូទៅ។ ជួនកាល យើងអាចជួបបញ្ហាចុកប្រអប់ជើង ឬជើង ក៏ដូចជាចុកនៅត្រង់ពោះផ្នែកខាងក្រោម។ តើបញ្ហានេះ បណ្តាលមកពីកត្តាអ្វីខ្លះ ហើយគួរដោះស្រាយបែបណា?
ចុកសាច់ដុំពេលកំពុងរួមភេទ អាចបំផ្លាញជីវិតស្នេហា ដោះស្រាយបែបណា?
ហេតុអ្វីបានជាបញ្ហាចុកសាច់ដុំកើតឡើងនៅពេលរួមភេទ?
ការឈានដល់ចំណុចកំពូល អាចជាមូលហេតុដែលនាំឲ្យយើងប្រឈមនឹងការចុកសាច់ដុំ។ ជាមួយគ្នានេះដែរ កត្តាអតុល្យភាពអ័រម៉ូនក្នុងរាងកាយក៏រួមចំណែកផងដែរ។ មូលហេតុទូទៅមួយចំនួនទៀត រួមមាន៖
- កង្វះជាតិទឹក
- បែកញើសច្រើនជ្រុល
គន្លឹះកាត់បន្ថយបញ្ហាចុកសាច់ដុំអំឡុងពេលរួមភេទ
១. ផ្លាស់ប្ដូរឥរិយាបថ
ការផ្លាស់ប្ដូរឥរិយាបថអំឡុងពេលរួមភេទ អាចជួយដោះស្រាយបញ្ហាចុកសាច់ដុំនេះបាន។ គ្នាយើងគួរជ្រើសរើសឥរិយាបថណា ដែលមិនចាំបាច់ប្រើសម្ពាធ ឬកម្លាំងខ្លាំងជ្រុល ទើបជាការប្រសើរ។
២. ផ្លាស់ប្ដូររបបអាហារ
របបអាហារមានសារៈសំខាន់ណាស់ចំពោះរាងកាយទាំងមូល។ គ្នាយើងដឹងអត់ថា កង្វះប៉ូតាស្យូមអាចនាំឲ្យសាច់ដុំរឹង? អ៊ីចឹងហើយ យើងមិនគួររំលងរបបអាហារដែលសម្បូរទៅដោយប៉ូតាស្យូម ដូចជាចេក ក្រូច ដំឡូងបារាំង ប៉េងប៉ោះ និងម្នាស់ ដែលអាចជួយសម្រួលចរន្តឈាម កាត់បន្ថយឱកាសនៃការចុករួយសាច់ដុំឡើយ។
៣. វីតាមីនE
ទន្ទឹមនឹងនេះដែរ វីតាមីនE គឺជាសារធាតុចិញ្ចឹមដ៏ល្អមួយទៀត ដែលអាចជួយពង្រឹងប្រព័ន្ធភាពស៊ាំ និងកាត់បន្ថយបញ្ហាចុកសាច់ដុំ។ សារធាតុចិញ្ចឹមប្រភេទនេះ មាននៅក្នុងគ្រាប់ធញ្ញជាតិ ផ្លែឈើ ល្ង សណ្តែកសៀង និងប្រេងអូលីវ។ បន្ថែមពីនេះ បន្លែស្លឹកបៃតងដូចជាផ្កាខាត់ណាខៀវ ស្ពៃពួយឡេង ក៏សម្បូរទៅដោយវីតាមីនEដូចគ្នា។
៤. ពង្រឹងសាច់ដុំ
ក្រៅពីនេះ យើងគួរតែអនុវត្តគន្លឹះមួយចំនួនខាងក្រោមនេះ ដើម្បីជួយពង្រឹងសាច់ដុំ ព្រមទាំងជួយឲ្យសុខភាពផ្លូវភេទប្រសើរឡើង ដោយ៖
- ញ៉ាំទឹកឲ្យបានច្រើន
- ផ្តល់ការបបោសអង្អែលដល់ដៃគូ មុននឹងចាប់ផ្តើមប្រតិបត្តិការលើគ្រែ
- ធ្វើលំហាត់ប្រាណ
- ជៀសវាងជក់បារី
- កាត់បន្ថយការផឹកគ្រឿងស្រវឹង។
អត្ថបទគួរអាន៖
ត្រួតពិនិត្យដោយ
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខអត្ថបទដោយ នូ សោភ័ណ្ឌ · កែ 24/01/2023