ក្រោយថ្ងៃមង្គល រឿងបន្ទាប់ដែលត្រូវពិភាក្សាគ្នា គឺផែនការគ្រួសារ ជាពិសេសរឿងយកកូន។ អ្នកខ្លះ ការភ្លាម បានកូនភ្លែត។ ខ្លះការរាប់ឆ្នាំហើយ នៅតែអត់កូនទៀត ទោះចង់បានខ្លាំងប៉ុនណាក៏ដោយ។ ក្រៅពីមានដោយចៃដន្យ បើចង់បានកូន គេមានបច្ចេកទេសដូចជា ពេលណាល្អបំផុតដែលរួមភេទទៅ មានឱកាសមានកូនខ្ពស់។
១- រួមភេទពេលណាល្អ?
គឺមុនអូវុលរបស់ស្រីៗផ្ទុះបែក ព្រោះមេជីវិតស្រីៗអាចរស់បានតែ ១ ថ្ងៃប៉ុណ្ណោះ ខណៈមេជីវិតបុរស អាចរស់នៅបាន ៣-៥ ថ្ងៃ។ បង្កើនលទ្ធភាព និងឱកាសមានកូនបាន គឺគួររួមភេទ មុន “អូវុល” ផ្ទុះ ដើម្បីឲ្យមេជីវិតញី-មេជីវិតឈ្មោលជួបគ្នាបង្កកំណើត។ បើមេជីវិតទាំងពីរអត់ជួបគ្នាទេ ព្យាយាមរួមភេទយ៉ាងណា ក៏មិនអាចបង្កកំណើតបានដែរ។
គណនាទម្ងន់ស្ត្រីពពោះ ចុចទីនេះ
រឿងដែលពិបាកបំផុត គឺកំណត់ ឬដឹងច្បាស់ពីពេលវេលាអូវុលផ្ទុះបែក។ ប៉ុន្តែយើងអាចកំណត់ថ្ងៃ ឬចំណាំលើប្រតិទិនបាន។ ជាទូទៅ ស្រីៗមានវដ្ដរដូវ ២៨ ថ្ងៃ ហើយការផ្ទុះបែកអូវុល គឺនៅពាក់កណ្ដាលនៃវដ្ដរដូវ ឬមុន ២ អាទិត្យ មុនពេលវដ្ដរដូវថ្មីចាប់ផ្ដើម។ ផ្ទុយទៅវិញ បើស្រីៗមានវដ្ដរដូវ ៣៥ ថ្ងៃវិញ ថ្ងៃដែលផ្ទុះបែកអូវុលភាគច្រើន កើតឡើងនៅអាទិត្យទី ៣ នៃរដូវ មិនមែនពាក់កណ្ដាលនៅថ្ងៃទី ១៧ នៃវដ្ដរដូវទេ។
គួរស្វែងយល់បន្ថែមពី
- មេជីវិតញី និងឈ្មោល ជួបគ្នាដោយវិធីណា?
- ក្រោយពេលរួមភេទ មេជីវិតឈ្មោលធ្វើម៉េចអាចបង្កកំណើតបាន?
- អាថ៌កំបាំងទាំង ៥ ពាក់ព័ន្ធមេជីវិតឈ្មោល ប្រុសៗភាគច្រើនអត់ដឹង
២- ធ្វើម៉េចដឹងថាអូវុលផ្ទុះបែក?
ទាល់តែយកចិត្តទុកដាក់មែនទែន ទើបដឹង។ ជាធម្មតា យ៉ាងហោចណាស់ ស្រីៗគួរអង្កេតលើវដ្ដរដូវ ២ ខែជាប់គ្នា។ ខាងក្រោមនេះ ជាសញ្ញាមួយចំនួនដែលអាចកើតឡើង អំឡុងអូវុលផ្ទុះបែក៖
– មានទឹករំអិលពណ៌សអន្ធិលៗហូរចេញពីទ្វារមាសច្រើនជាងធម្មតា
– កម្ដៅខ្លួនឡើងបន្តិច។ ការតាមដានកម្ដៅក្នុងខ្លួន ២-៣ ខែជាប់គ្នា អាចងាយស្រួលនឹងស្វែងរកថ្ងៃដែលអូវុលផ្ទុះបែក។
៣- រដូវអត់ទៀង ពិបាកមានកូន?
បញ្ហាសុខភាព អារម្មណ៍តានតឹង តប់ប្រមល់ មានសម្ពាធ ហាត់ប្រាណធ្ងន់ៗ គីឡូឡើងស្រកខ្លាំង សុទ្ធតែអាចប៉ះពាល់ដល់វដ្តរដូវរបស់ស្រីៗ។ វដ្តរដូវមិនទៀង ការកំណត់ថ្ងៃផ្ទុះបែករបស់អូវុលកាន់តែពិបាក។ រពិត ករណីរដូវមិនទៀង គេមានរូបមន្តគណនាថ្ងៃលទ្ធភាពមានកូន។ ឧទាហរណ៍ថា៖
– ខែទី១ វដ្ដរដូវមាន ២៨ ថ្ងៃ
– ខែទី២ វដ្ដរដូវមាន ២១ ថ្ងៃ
– ខែទី៣ វដ្ដរដូវមាន ៣២ ថ្ងៃ
[embed-health-tool-ovulation]
អ៊ីចឹង ដើម្បីកំណត់ថ្ងៃលទ្ធភាពអាចមានកូន ពេលរួមភេទ គឺគេយកវដ្ដរដូវខ្លីបំផុត ដក ១៧ ចេញ និងវដ្ដរដូវវែងបំផុត ដក ១១ ចេញ។ ថ្ងៃដែលនៅសល់ចន្លោះនោះ គឺជាថ្ងៃដែលមានលទ្ធភាពមានកូន។
ក្នុងករណីរដូវមកមិនទៀង ឬបាត់លើសពី ៣៥ ថ្ងៃ កុំនៅដំអក់ ប្រញាប់ទៅជួបពេទ្យឯកទេសរោគស្ត្រីព្យាបាល ដើម្បីពិនិត្យរកមូលហេតុពាក់ព័ន្ធនឹងការរាំងរដូវ ដូចជា ជំងឺគីសទឹកក្នុងអូវែ (PCOS) ការស្រកគីឡូខ្លាំងពេក ជំងឺក្រពេញទីរ៉ូអ៊ីត ឬក៏កើនឡើងរបស់អ័រម៉ូនប្រូឡាក់ទីនក្នុងឈាម ជាដើម។
អត្ថបទគួរអាន៖
- ចំណង់ផ្លូវភេទស្រីៗឡើងខ្ពស់ អាចមកពីមូលហេតុទាំងនេះ
- តើការរួមភេទអាចដុតកាឡូរីបានច្រើនដូចការហាត់ប្រាណដែរ ឬអត់?
- “រួមភេទតាមមាត់” មានគុណវិបត្តិ ក៏មានគុណសម្បត្តិដែរ
- អាថ៌កំបាំងទាំង ៦ ជួយជីវិតផ្លូវភេទកាន់តែប្រសើរ
- ប្រុសៗប្រយ័ត្នផង! មិនចង់អសមត្ថភាពផ្លូវភេទ កុំឲ្យកើតជំងឺនេះ
- កត្តាទាំង៣ បញ្ជាក់ថាគេងគ្រប់គ្រាន់ជួយជំរុញបង្កើនផ្លូវភេទ
៤- ប្រើក្បាច់ស្រី
បើខ្ជិលរាប់ថ្ងៃ ឬអង្កេតតាមដានវដ្តរដូវ អ្វីដែលគួរធ្វើ គឺប៉ូវកម្លាំង ធ្វើម៉េចព្យាយាមរួមភេទយ៉ាងហោចណាស់ ២ ទៅ ៣ ដងរៀងរាល់សប្ដាហ៍។
