ជីវិតផ្លូវភេទ មិនថាស្រី មិនថាប្រុស បើមានបញ្ហា និងប៉ះពាល់ដល់ជីវិតរស់នៅប្រចាំថ្ងៃបាន ហេតុនេះ “Hello គ្រូពេទ្យ’ ចង់ប្រាប់អាថ៌កំបាំងខ្លះៗ ជួយឲ្យជីវិតផ្លូវភេទយើងកាន់តែប្រសើរ និងមានសុខភាពល្អយូរអង្វែង។
១- ញ៉ាំអាហារសុខភាពល្អ
ផ្លូវភេទ មានទំនាក់ទំនងផ្ទាល់ជាមួយបញ្ហាសុខភាពទូទៅរបស់យើង ដើម្បីជួយឲ្យជីវិតផ្លូវភេទកាន់តែសកម្ម ដំបូងបង្អស់ យើងត្រូវយកចិត្តទុកដាក់លើអាហារយើងញ៉ាំប្រចាំថ្ងៃ។ អាហារល្អៗ មិនត្រឹមតែអាចបំប៉នសុខភាពយើងនោះទេ ថែមទាំងអាចជួយរាងកាយយើងមានសមត្ថភាពឆ្លើយតបគ្រប់ស្ថានការណ៍ រាប់បញ្ចូលទាំងពេលឡើងឋានសួគ៌ជាដើម។ លើសពីនេះ អាហារសុខភាពល្អ ដូចជា អាហារមានជាតិសូដ្យូម និងខ្លាញ់មិនល្អទាប អាចជួយរាងកាយមានសមត្ថភាពប្រយុទ្ធប្រឆាំងជំងឺលើសឈាម លើសជាតិខ្លាញ់បានទៀតផង ដែលជំងឺទាំងនេះ សុទ្ធតែជាមូលហេតុនាំឲ្យយើង ពិសេសប្រុសៗ អសមត្ថភាពផ្លូវភេទ និងតែងកើតមានលើប្រុសៗម្នាក់ ក្នុងចំណោម ២នាក់ ពេលឈានចូលវ័យចាប់ពី ៤០ ឆ្នាំឡើង។
អត្ថបទពាក់ព័ន្ធ៖
- មិនចង់ឲ្យសកម្មភាពលើគ្រែធ្លាក់ចុះ គួរចៀសអាហារប៉ុន្មានមុខនេះទៅ
- តើការរួមភេទអាចជួយបំបាត់ការឈឺក្បាលប្រកាំងបានពិតមែនឬអត់?
២- កុំជក់បារី
ជក់បារី ធ្វើឲ្យរាងកាយចុះខ្សោយ រាប់ទាំងកម្លាំងដើម្បីប្រតិបត្តិការឡើងឋានសួគ៌ដូចគ្នា។ លើសពីនេះ ថ្នាំជក់អាចធ្វើឲ្យគ្រប់សរសៃឈាមនៃរាងកាយរួមតូច រាប់បញ្ចូលទាំងសរសៃឈាមរបស់អាអូនតូចទៀតផង។ ប្រុសៗមានបញ្ហាចុះខ្សោយលំហូរឈាម នាំឲ្យមានបញ្ហាលិង្គមិនឡើងរឹង ខណៈស្រីៗវិញ បើប្រដាប់ភេទគ្មានឈាមហូរចូលគ្រប់គ្រាន់ នឹងនាំឲ្យបាត់បង់ទឹករំអិល នាំឲ្យប៉ះពាល់ការរួមភេទដូចគ្នា។
អត្ថបទពាក់ព័ន្ធ៖
- វិធីព្យាបាល “លិង្គមិនឡើងរឹង” ដែលជាសុបិន្តអាក្រក់បំផុតក្នុងជីវិតប្រុសៗ
- ប្រុសៗ មានបញ្ហាអាអូនតូចមិនឡើងរឹង អាចឆាប់ស្លាប់
៣- រក្សាទម្ងន់ឲ្យបានល្អ
គ្នាយើងលើសទម្ងន់ ឬធាត់ជ្រុល សុទ្ធតែប្រឈមខ្ពស់កើតជំងឺលើសឈាម និងលើសជាតិខ្លាញ់ ទាំងជំងឺទឹកនោមផ្អែម និងបញ្ហាសុខភាពផ្សេងទៀត ដែលជះឥទ្ធិពលអាក្រក់ទៅលើជីវិតផ្លូវភេទ។ គ្រប់គ្រងទម្ងន់រាងកាយបានល្អ អាចជួយប្រឆាំងជំងឺផ្សេងៗ ដែលទាក់ទងនឹងបញ្ហាលិង្គមិនឡើងរឹង ក៏ដូចជាបញ្ហាផ្លូវភេទផ្សេងៗទៀត។ លើសពីនេះ នៅពេលយើងមានអារម្មណ៍ល្អចំពោះរាងកាយយើង ក៏អាចជួយប្រតិបត្តិការក្តៅសាច់កាន់តែរោលរាល និងពោរពេញដោយភាពជឿជាក់។
អត្ថបទពាក់ព័ន្ធ៖ ពិតអត់! អ្នកធាត់ខ្លាំងសម្មភាពលើគ្រែធ្លាក់ចុះ?
៤- កំណត់បរិមាណផឹកគ្រឿងស្រវឹងឲ្យបានត្រឹមត្រូវ
គ្នាយើងភាគច្រើនគិតថា គ្រឿងស្រវឹងអាចជួយឲ្យអារម្មណ៍ផ្លូវភេទកាន់តែពុះកញ្ជ្រោល ប៉ុន្តែការពិតគឺថា ផ្ទុយស្រលះពីអ្វីយើងគិត។ អ្នកស្រាវជ្រាវ អះអាងថា ផឹកគ្រឿងស្រវឹងច្រើន នឹងជះឥទ្ធិពលអវិជ្ជមានទៅលើសសមត្ថភាពផ្លូវភេទ ទាំងប្រុសៗ ទាំងស្រីៗ។ ចំពោះប្រុសៗ នាំឲ្យពិបាករក្សាភាពរឹងរបស់លិង្គឲ្យបានយូរ ឬលិង្គមិនឡើងរឹង ខណៈស្រីៗ នឹងធ្វើឲ្យបាត់បង់ចំណង់ផ្លូវភេទ ឬមិនងាយឈានដល់ចំណុចកំពូល។
៥- ការប្រាស្រ័យទាក់ទងជាមួយដៃគូ
ដើម្បីជួយឲ្យជីវិតផ្លូវភេទកាន់តែត្រេកត្រអាល និងកាន់តែប្រសើរ រឿងសំខាន់បំផុត គឺធ្វើឲ្យអារម្មណ៍យើងទាំងសងខាង មានផាសុកភាព។ គួររកកន្លែងសមរម្យ ដើម្បីនិយាយជាមួយដៃគូយើង ពីអ្វីយើងចូលចិត្តអំឡុងពេលរួមភេទ ក៏ដូចអ្វីដៃគូយើងចង់បានដូចគ្នា។ ករណីនេះ គ្នាយើងគួរបើកចិត្តឲ្យទូលាយ ព្យាយាមស្វែងរកអ្វីថ្មីអំឡុងពេលប្រតិបត្តិការក្តៅសាច់ ហើយគួរតែគោរពគ្នាទៅវិញទៅមក ដោយមិនត្រូវនាំឲ្យទាំងសងខាងមានអារម្មណ៍មិនល្អនោះទេ។
៦- ចេះការពារខ្លួន
បើស្រីៗគ្នាយើង នៅមិនទាន់បានត្រៀមខ្លួនឲ្យបានល្អ ចំពោះរឿងមានផ្ទៃពោះមិនបានព្រៀងទុកនៅឡើយ ត្រូវប្រាកដថា យើងបានប្រើវិធីពន្យារកំណើតត្រឹមត្រូវអំឡុងពេលរួមភេទ ទោះក្នុងវិធីណាក៏ដោយ។ ក្នុងចំណុចនេះ ប្រើស្រោមអនាម័យ អាចជួយយើងបានទ្វេដង ជួយទាំងកាន់បន្ថយអត្រាប្រឈមមានផ្ទៃពោះ និងការពារពីជំងឺឆ្លងតាមរួមភេទ ជាច្រើនទៀតផង។ បើយើងបានធ្វើតេស្តឈាមរួចទៀតនោះ កាន់តែជួយដៃគូទាំងសងខាង កាត់បន្ថយការប្រឈមពពួកជំងឺ លងតាមរួមភេទកាន់តែខ្ពស់។
អត្ថបទពាក់ព័ន្ធ៖
- មូលហេតុ និងតិចនិក ជួយជីវិតផ្លូវភេទស្រីៗត្រលប់មកវិញ
- ធាត់ពេកធ្វើឲ្យចំណង់ផ្លូវភេទថយចុះ តើពិតអត់?
- មានបញ្ហាផ្លូវភេទ ប្រើអាហារបំប៉នជួយបានអត់?
- អាហារបង្កើនអារម្មណ៍ផ្លូវភេទ មនុស្សភាគច្រើនមានជំនឿខ្លាំង
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-ovulation]
