ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប៉ាម៉ាក់ដឹងអត់ថា ការហែលទឹកផ្តល់អត្ថប្រយោជន៍យ៉ាងច្រើនដល់កូនតុចៗ ដែលយើងនឹកស្មានមិនដល់។ ជាទូទៅ ថ្នាក់ហែលទឹកជាច្រើនចាប់ផ្តើមនៅពេលដែលទារកមានអាយុចាប់ពី៦ខែឡើងទៅ ប៉ុន្តែប៉ាម៉ាក់គួរពិគ្រោះជាមួយនឹងគ្រូពេទ្យកុមារជាមុនសិន មុននឹងឲ្យកូនចាប់ផ្តើមរៀនហែលទឹក។ ខាងក្រោមនេះជាអត្ថប្រយោជន៍មួយចំនួននៃការរៀនហែលទឹកចំពោះកុមារតូចៗ។
ស្បែកគឺជាសរីរាង្គដែលទទួលអារម្មណ៍ អ៊ីចឹងហើយ នៅពេលហែលទឹក កូនអាចទទួលបានព័ត៌មានយ៉ាងច្រើន ហើយក៏មានភាពជិតស្និទ្ធនឹងបរិយាកាសផងដែរ។ នៅពេលដែលកូនជ្រមុជទឹក អាអូននឹងទទួលអារម្មណ៍ដឹងពីចលនា ពពុះ និងសំឡេង ដែលកត្តានេះជាការបង្កើតជាលិកាសរសៃប្រសាទ ដើម្បីជួយដល់ការអភិវឌ្ឍខួរក្បាលរបស់ក្មេង។ បន្ថែមពីនេះ ការហែលទឹកក៏អាចបង្កើនសមត្ថភាពសួត ដែលជំរុញលំហូរឈាមទៅកាន់ខួរក្បាល។
ចង់គណនាថ្ងៃសម្រាលកូន ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ទឹកជួយឲ្យអារម្មណ៍ធូរស្រាល និងបន្ធូរភាពតានតឹង។ ជាក់ស្តែង ប្រព័ន្ធប្រសាទកាន់តែរឹងមាំ នៅពេលដែលយើងហែលទឹកញឹកញាប់។ ដូចគ្នានេះដែរ ការហែលទឹកជួយឲ្យកូនចំណាយថាមពល និងដុតបំផ្លាញកាឡូរីច្រើន ដូច្នេះហើយ ទើបធ្វើឲ្យក្មេងគេងស្កប់ស្កល់ជាងមុន ហើយចំណង់អាហារកាន់តែល្អ។
អ្នកជំនាញចិត្តសាស្ត្របានឲ្យដឹងថា ការជ្រមុជ ឬហែលទឹកក្នុងជម្រៅជាក់លាក់មួយ អាចជួយបង្កើតចរិតលក្ខណៈដល់កូន ដូចជាចេះតស៊ូជម្នះរាល់ឧបសគ្គ អាចគ្រប់គ្រងខ្លួនឯងបាន គោរពវិន័យ និងមានភាពឯករាជ្យ។ ក្មេងដែលអាចហែលទឹកតាំងពីតូច មានភាពជឿជាក់លើខ្លួនឯង មានទំនាក់ទំនងល្អក្នុងសង្គម និងមានភាពជាអ្នកដឹកនាំដ៏ខ្លាំងក្លា។
ទន្ទឹមនឹងនេះដែរ ការហែលទឹកអាចជួយសម្រាលបន្ទុកពីឆ្អឹងជំនីរ ដោយអាចឲ្យកូនធ្វើចលនាដោយសេរី និងសកម្មនៅក្នុងទឹក។ ការជម្នះលើភាពធន់នឹងទឹក អាចរួមចំណែកដល់ការពង្រឹងក្រុមសាច់ដុំទាំងអស់ និងអភិវឌ្ឍសន្លាក់។ ដូច្នេះហើយ កុមារដែលរៀនហែលទឹកតាំងពីតូច អាចរៀនអង្គុយ ក្រោកឈរ លូន និងដើរបានឆាប់រហ័សជាងក្មេងធម្មតា។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
