ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អាការៈក្អួតដែលកើតលើកុមារតូចៗ អាចបណ្តាលមកពីមូលហេតុជាច្រើន។ ពេលខ្លះ អាអូនមើលទៅហាក់ដូចជាមានសុខភាពល្អធម្មតានៅពេលថ្ងៃ ប៉ុន្តែពេលយប់បែរជាក្អួតទៅវិញ។ តើមូលហេតុអ្វីខ្លះដែលបណ្តាលឲ្យក្មេងក្អួតនៅពេលយប់?
បញ្ហាពុលអាហារកើតឡើងដោយសារតែការញ៉ាំអាហារ ឬភេសជ្ជៈដែលមានមេរោគ។ កត្តានេះបណ្តាលឲ្យក្អួត គ្រុនក្តៅ គ្រុនរងារ ឈឺក្រពះ និងរាករូសជាដើម ហើយវាអាចបង្ហាញរោគសញ្ញានៅរយៈពេលជាច្រើនម៉ោងក្រោយ។ ដូច្នេះហើយ ទើបកុមារខ្លះចាប់ផ្តើមមានអាការៈក្អួតនៅពេលយប់។
អំឡុងពេលសម្រាក រាងកាយអាចបង្កើតការចាល់អាស៊ីដ ដែលអាចបង្កជារោគសញ្ញាមួយចំនួន ដូចជាក្រហាយទ្រូង ដកដង្ហើមខ្លីៗ និងពិបាកដកដង្ហើម ព្រមទាំងអាចនាំឲ្យកូនកើតមានអាការៈក្អួតកណ្តាលយប់ផងដែរ។
ទន្ទឹមនឹងនេះ ជំងឺហឺតក៏អាចបណ្តាលឲ្យកុមារក្អកញឹកញាប់ និងបង្កឲ្យកើតមានអាការៈក្អួត នៅពេលដែលផ្លូវដង្ហើមឆាប់ទទួលរំញោច។ ជាលទ្ធផល អាអូនអាចមានអាការៈក្អកខ្លាំង និងក្អួត។
ការឆ្លងមេរោគ ដូចជាការឆ្លងមេរោគលើផ្លូវទឹកនោម រលាកស្រោមខួរ (Meningitis) និងរលាកខ្នែងពោះវៀនក៏អាចបណ្តាលឲ្យក្អួតផងដែរ។
មិនមែនតែមនុស្សពេញវ័យនោះទេ ដែលជួបអាការៈគេងមិនដកដង្ហើម សូម្បីតែកុមារក៏អាចមានបញ្ហានេះដូចគ្នា។ ក្នុងករណីនេះ កូនអាចដកដង្ហើមតាមមាត់ ជាពិសេសអំឡុងពេលយប់ ដែលធ្វើឲ្យបំពង់កស្ងួត និងបណ្តាលឲ្យក្អក ឬក្អួត។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ពិតណាស់ ការព្យាបាលអាស្រ័យលើមូលហេតុនៃការក្អួត និងរោគសញ្ញាដែលពាក់ព័ន្ធ។ កុមារត្រូវការការតាមដានរកមូលហេតុនៃការក្អួតនៅពេលយប់នេះឲ្យបានច្បាស់លាស់។ ប្រសិនបើអាអូនគ្រាន់តែក្អួតម្តង ឬពីរដងដោយគ្មានរោគសញ្ញាផ្សេងទៀត ប៉ាម៉ាក់អាចឲ្យកូនញ៉ាំទឹកឲ្យបានច្រើន គឺគ្រប់គ្រាន់ហើយ។
បន្ថែមពីនេះ ប៉ាម៉ាក់គប្បីសង្កេតមើលពណ៌នៃកម្អួត ហើយប្រសិនបើវាមានពណ៌លឿងលាយបៃតង ឬត្នោត ឬមានឈាម ប៉ាម៉ាក់គួរនាំកូនទៅជួបជាមួយគ្រូពេទ្យជាបន្ទាន់។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
