តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អង្រឹងអេឡិចត្រូនិក​សម្លាប់ទារក ៥នាក់ ទៀតហើយ

អង្រឹងអេឡិចត្រូនិក​សម្លាប់ទារក ៥នាក់ ទៀតហើយ

ប្រយ័ត្ន​ផង​! ព្រោះអង្រឹង​អេឡិចត្រូនិករបស់​ក្រុមហ៊ុន​មួយ​ផ្សេង​ទៀត​នៅ​អាមេរិក បាន​សម្លាប់​ទារក ៥​នាក់ ធ្វើ​ឲ្យ​ក្រុមហ៊ុន ប្រកាស​ប្រមូលផលិត​ផល​ខ្លួន​ ត្រឡប់​ចូល​រោង​ចក្រ​ជាបន្ទាន់។​

ក្រុម​ហ៊ុន​​​ផលិត​​សម្ភារៈ​ប្រើ​ប្រាស់​​​សម្រាប់​ទារក និង​ក្មេង នៅ​សហរដ្ឋអាមេរិក​ យីហោ Kids2 កាលពី​ចុង​សប្តាហ៍​កន្លង​ទៅ ​បាន​​ប្រកាស​ប្រមូល​​​​​​​អង្រឹង​ទារក​​របស់​ខ្លួន​គ្រប់​ម៉ូដែល បន្ទាប់​ពី​មាន​ករណី​​ទារក​​​ ៥​នាក់​ ស្លាប់​​ដោយ​សារ​​​​ផលិត​ផល​នេះ​។

នេះ​ជា​ករណី​ថ្មី​មួយ​ទៀត ក្រោយ​អង្រឹង​ប្រភេទ​នេះ ឈ្មោះ Rock ‘n Play Sleeper របស់ក្រុមហ៊ុន Fisher-Price កាល​ពី​ដើម​ខែមេសា បាន​ធ្វើ​ឲ្យ​ទារកយ៉ាង​ងហោចណាស់ ៣២ នាក់ស្លាប់ និង​ប្រកាស​ប្រមូល​ចូល​រោងចក្រ​វិញ​។

តាម​សារព័ត៌មាន​ CNN ក្រោយ​​មាន​ករណី​ខាង​លើ ក្រុមហ៊ុន​​​​ល្បី​ខាង​​ផលិត​សម្ភារៈ​ក្មេង​​​ Kids2​ បាន​​ប្រមូល​​​ផលិត​ផល​អង្រឹង​ទារក​​ ប្រមាណ​ ៧​សែន ដែល​ក្នុង​នោះ​រួម​មាន​ម៉ូដែល​ Bright Starts, Ingenuity និង​ Disney Baby។ ហើយ​ចំពោះ​មូលហេតុ​​ នាំ​ឲ្យ​ទារក​ស្លាប់​ក៏​ព្រោះ​តែ​​​ទម្រ​​​​ផលិត​ផល​អង្រឹង​​ទាំង​នោះ​​មាន​រំញ័រ​មិន​ល្អ​ ធ្វើ​ឲ្យ​ប៉ះ​ពាល់​ត្រង់​ពោះ​ទារក​ពិបាក​ដក​ដង្ហើម ​ពេល​ទារក​រើ​បម្រះ ដូច​គ្នា​ទៅ​នឹង​ករណី​ក្រុមហ៊ុន Fisher-Price ដែរ។

អត្ថបទ​ពាក់​ព័ន្ធ៖

  • អាមេរិក​ប្រាប់​ឲ្យ​ឈប់​ប្រើអង្រឹង​​ទារកមួយ​ប្រភេទ ក្រោយ​មាន​ទារក​ស្លាប់
  • WHO ​ព្រមានប៉ាម៉ាក់ដែលចូល​ចិត្ត​ឲ្យ​កូន​មើលទូរសព្ទ

ជា​មួយ​​ស្ថានភាព​បន្ទាន់​​ខាង​លើ​នេះ គណៈកម្មការ​សុវត្ថិភាព​ផលិត​ផល​​សហរដ្ឋអាមេរិក​ ក៏​បាន​ចេញ​សេចក្តី​ប្រកាស​ភ្លាម​ៗ​ ឲ្យ​ប៉ាម៉ាក់ទាំងអស់ ​បញ្ឈប់​ការ​ប្រើ​ប្រាស់​ប្រភេទ​អង្រឹង​ខាង​លើ​។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ មាន រតនា កែសម្រួល​ចុងក្រោយ 29/04/2019
ត្រួតពិនិត្យដោយ សន សុភា