បន្ទាប់ពីកើតចេញពីក្នុងផ្ទៃម្តាយ ជាទូទៅទារកនឹងស្រកទម្ងន់បន្តិច ម៉ាក់ប៉ាច្បាស់ជាឆ្ងល់មិនខាន ហេតុអីបានទារកកើតមកស្រកគីឡូ? ក្មេងស្រកគីឡូក្រោយកើតគួរឲ្យបារម្ភអត់? ចុះពេលណាទើបអាចឡើងគីឡូវិញ?

បន្ទាប់ពីកើត ទារកនឹងស្រកគីឡូ មិនមែនដោយសារតែមានជំងឺអីនោះទេ។ វេជ្ជបណ្ឌិតឯកទេសរោគកុមារ អ៊ុន យូ បានពន្យល់ថា បន្ទាប់ពីកើតចេញពីក្នុងផ្ទៃម្តាយ ជាទូទៅទារកនឹងស្រកទម្ងន់ប្រមាណជា ៥-១០% នៃទម្ងន់ពេលកើត នេះក៏ដោយសារទារកត្រូវសម្របខ្លួននឹងបរិយាកាសខាងក្រៅ ទារកត្រូវការពេលដើម្បីរៀនបឺតជញ្ជក់ក្បាលដោះ ដែលខុសពីនៅក្នុងផ្ទៃម្តាយ។

“ពេលកើតមកភ្លាម បើទារកទម្ងន់ ៣ គីឡូ បន្ទាប់មកអាចនៅសល់ក្រោម ៣ គីឡូ អាច ២គីឡូ៧ខាំ ឬ២គីឡូ៨ខាំ អីនោះទេ គឺស្រកពី ៥ ទៅ ១០% នៃទម្ងន់ពេលកើតភ្លាមៗ ហេតុអីបានអ៊ីចឹង? មកពីទារកមិនទាន់ចេះសម្របខ្លួនក្នុងការរស់នៅ និងបឺតស្រូបទឹកដោះទៅចិញ្ចឹមខ្លួនទេ”។ លោកវេជ្ជបណ្ឌិត អ៊ុន យូ រៀបរាប់។

ទារកទើបកើត

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

តើពេលណាទារកឡើងគីឡូវិញ? លោកវេជ្ជបណ្ឌិតថា មិនយូរនោះទេ ទារកនឹងនឹងឡើងគីឡូវិញ នៅពេលគេអាយុបាន ២សប្តាហ៍ ម៉ាក់ប៉ាកុំព្រួយបារម្ភអី។

ការឡើងទម្ងន់របស់ទារកចាប់ពីពេលកើត រហូតដល់អាយុ ១ឆ្នាំ៖

៣ ខែដំបូង ៖ ទារកឡើងទម្ងន់ពី ២០-៣០ ក្រាម/ថ្ងៃ

៣-៦ ខែ ៖ ទារកឡើងទម្ងន់ ២០ ក្រាម/ថ្ងៃ

៦-៩ ខែ ៖ ទារកឡើងទម្ងន់ ១៥ ក្រាម/ថ្ងៃ

៩-១២ ខែ ៖ ទារកឡើងទម្ងន់ ១២ ក្រាម/ថ្ងៃ

ត្ថបទពាក់ព័ន្ធ៖

ចំណុចសំខាន់

ជាទូទៅទារកនឹងស្រកទម្ងន់ប្រមាណជា ៥-១០% នៃទម្ងន់ពេលកើត នេះក៏ដោយសារទារកត្រូវសម្របខ្លួននឹងបរិយាកាសខាងក្រៅ ទារកត្រូវការពេលដើម្បីរៀនបឺតជញ្ជក់ក្បាលដោះ ដែលខុសពីនៅក្នុងផ្ទៃម្តាយ។

ម៉េចបានទារកស្រកគីឡូក្រោយកើត ហើយពេលណាឡើងវិញ?

ចំណុចសំខាន់