ការថែទាំទារក Archives - Page 19 of 26

ដឹងតិចនិច ៥ នេះ ជួយឱ្យទារកគេងលក់ស្កប់រាល់ថ្ងៃ

ការគេងលក់ស្កប់មានសារៈសំខាន់ណាស់ចំពោះទារក ព្រោះមិនត្រឹមតែ ជួយឱ្យទារកមានកម្លាំង និងស្មារតីល្អបន្ទាប់ពីក្រោកពីគេងទេ ថែមទាំងជួយទារកក្នុងការអភិវឌ្ឍរាងកាយ ខួរក្បាល និងប្រព័ន្ធការពាររាងកាយទៀតផង។ ចឹងគួរធ្វើម៉េចជួយឱ្យទារកគេងលក់ស្កប់ល្អ? ដើម្បីជួយ ឱ្យទារកគេងលក់ស្កប់ ម៉ាក់ប៉ាគួរដឹងគន្លឹះទាំងនេះ៖ ១. បង្កើតទម្លាប់មុនពេលគេង ទារករៀនគេងដោយចាប់យកសញ្ញាពីជុំវិញខ្លួន។ ម៉ាក់ប៉ាអាចបង្កើតទម្លាប់មុនពេលគេង ដោយចាប់ផ្តើមជាមួយការរក្សាបន្ទប់គេង ឬកន្លែងគេងឱ្យស្ងប់ស្ងាត់ និងបន្ថយពន្លឺភ្លើង ឬពន្លឺថ្ងៃ ៣០ នាទីមុនពេលដាក់កូនគេង។ ចៀសវាងលេង ឬប្រឡែងលេងជាមួយកូនមុនពេលដាក់កូនឱ្យគេង ព្រោះការរំភើបរីករាយអាចធ្វើឱ្យកូនពិបាកគេង ឬគេងហើយភ្ញាក់មកវិញ។ មួយវិញទៀត ម៉ាក់ប៉ាត្រូវបន្ថយសំឡេង និងនិយាយទៅកាន់កូនបែបលួងលោម ក្នុងគោលបំណងបន្ធូររម្មណ៍កូន។ បន្ទាប់មក ម៉ាក់ប៉ាអាចបង្កើតទម្លាប់ងូតទឹកឱ្យកូន អានរឿងនិទាន ច្រៀងបំពេរ ឬចាក់ភ្លេងបំពេរជាដើម មុនពេលដាក់កូនឱ្យគេង។ ត្រូវប្រកាន់ខ្ជាប់ និងធ្វើតាមទម្លាប់ដដែលៗជារៀងរាល់ពេល យូរៗទៅកូននឹងសុំានឹងទម្លាប់មុនពេលគេងទាំងនេះ។ នៅពេលម៉ាក់ប៉ាធ្វើទម្លាប់ទាំងនេះ កូននឹងដឹងថាដល់ពេលគេងហើយ។ ២. សង្កេតមើលសញ្ញាកូនងងុយគេង បើម៉ាក់ប៉ាឃើញកូនស្ងប់ស្ងាត់ មិនចង់លេង មិនចាប់អារម្មណ៍នឹងសកម្មភាពជុំវិញខ្លួន ស្ងាប់ ញីភ្នែក បៀមម្រាមដៃ មួម៉ៅ ឬសម្លឹងមើលទៅលើបានន័យថា កូនងងុយគេងហើយ។ ម៉ាក់ប៉ាគួររៀបចំឱ្យកូនឱ្យចូលគេង។ ៣. បង្កើតបរិយាកាសកន្លែងគេងកូនឱ្យមានផាសុកភាព កន្លែង ឬបន្ទប់គេងកូនគួរតែមិនមានសម្លេងរំខាន និងមានសីតុណ្ហភាពត្រជាក់ល្មមត្រឹម ២០-២២ អង្សារសេ។ ពូក ឬកម្រាលគេងកូនត្រូវរាបស្មើ មិនទន់ពេក […]

ការថែទាំទារក

របៀបថែទាំកូនកើតមិនគ្រប់ខែ ឲ្យមានសុខភាពល្អ

ការថែទាំទារកមិនគ្រប់ខែមិនមែនជារឿងងាយស្រួលឡើយសម្រាប់ម៉ាក់ប៉ា ព្រោះថាទារកខ្សោយជាងក្មេងគ្រប់ខែ នេះជាការលើកឡើងរបស់លោកវេជ្ជបណ្ឌិត ហ៊ាង រតនា ឯកទេសទូទៅ។ លោកឡើងថា ទារកកើតមិនគ្រប់ខែ គ្រូពេទ្យតែងតែណាត់តាមដានសុខភាព ព្រោះសរីរាង្គកូនក៏ខ្សោយជាងធម្មតា ហើយចង់ដឹងពីការលូតលាស់ និងទម្ងន់ត្រូវស្តង់ដារតាមខែនីមួយៗអត់។ ក្រៅពីការណាត់ជួបជាមួយគ្រូពេទ្យហើយ ម៉ាក់ប៉ាខ្លួនឯងត្រូវយកចិត្តទុកដាក់បំផុតជាមួយកូន និងបំបៅកូនដោយទឹកដោះម៉ាក់ៗឲ្យបានច្រើនតាមអាចធ្វើទៅបាន ដើម្បីឲ្យជីវជាតិចម្រុះមានក្នុងទឹកដោះចូលទៅទ្រទ្រង់រាងកាយ និងប្រយុទ្ធប្រឆាំងជាមួយវីរុស។ រឿងសំខាន់ ២ យ៉ាងដែលម៉ាក់ប៉ាត្រូវប្រកាន់ខ្ជាប់អនាម័យ និងអាហារ ដោយកូនចាប់ពីអាយុ ៦ ខែឡើងត្រូវយកចិត្តទុកដាក់ជាមួយបបរខាប់គ្រប់គ្រឿង និងបន្លែផ្លែឈើ ដើម្បីឲ្យកូនទទួលបានជាតិប្រូតេអ៊ីន វីតាមីន និងជាតិរ៉ែ។ ចំណែកការរស់នៅទៀតសោតត្រូវប្រកាន់អនាម័យខ្ពស់ ព្រោះប្រព័ន្ធភាពស៊ាំកូនកើតមិនគ្រប់ខែមិនសូវរឹងមាំ ដូចនេះមុនបំបៅកូនត្រូវលាងសម្អាតក្បាលដោះ ហើយសម្លៀកបំពាក់ត្រូវបោកសម្អាត និងហាលថ្ងៃឲ្យបានស្អាតល្អ ចានក្បានត្រូវលាងសម្អាតជាមួយសាប៊ូកម្ចាត់បាក់តេរីឲ្យស្អាតគ្រប់ពេល។ បើនិយាយពីខ្លួនយើងវិញ ចាំបាច់ត្រូវស្អាតគ្រប់ពេលវេលាទាំងសម្លៀកបំពាក់ អនាម័យដៃ ក្រចកដៃ និងសក់ក្បាល កុំឲ្យប៉ះពាល់ដល់កូន។ មួយវិញទៀត ម៉ាក់ៗមានកូនកើតមិនគ្រប់ខែ គួរតែព្យាយាមបំបៅកូនដោយទឹកដោះម្ដាយ ហើយចៀសវាងទឹកដោះគោ ព្រោះខ្លាចការលាងសម្អាតកំប៉ុងមិនល្អ បូករួមជ្រើសរើសម្សៅទឹកដោះគោមិនប្រុងប្រយ័ត្នហួសកាលបរិច្ឆេទ ឬមិនដឹងពីរបៀបឆុងទៀត ធ្វើឲ្យកូនរាករូស។ អត្ថបទពាក់ព័ន្ធ៖ ម៉ាក់ៗឲ្យកូនតូចងូតទឹកក្ដៅ ទទួលបានអត្ថប្រយោជន៍អ្វីខ្លះ? គួរដឹង! កូនកើតអត់គ្រប់ខែ មានជំងឺគំរាមកំហែងច្រើនយ៉ាង ទារកកើតមិនគ្រប់ខែ សុខភាពខ្សោយ ត្រូវការបៅទឹកដោះម្ដាយតែមួយគត់