តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

អាអូន បៅ​ទឹកដោះគោ ជំនួស​ទឹកដោះ​ម៉ាក់ៗ ប្រឈម​​កើត​ជំងឺម្យ៉ាង

អាអូន បៅ​ទឹកដោះគោ ជំនួស​ទឹកដោះ​ម៉ាក់ៗ ប្រឈម​​កើត​ជំងឺម្យ៉ាង

ក្រោយ​សម្រាល ម៉ាក់ៗជាច្រើន ​នាសម័យ​នេះ មានពេល​សម្រាក​តិច​មែនទែន ​នៅជិត មើលថែ និង​បំបៅដោះ​បេប៊ី ព្រោះ​រវល់​ការងារ ឬ​របររកស៊ី។ ដូច្នេះ ចង់ ឬ​មិន​ចង់​ទើប​ទារកបៅដោះ​ម៉ាក់​បាន​តិច ឬ​អត់​ហ្មង។ ករណី​នេះ មាន​ការ​បញ្ជាក់​ថា​​​ បេប៊ី​បៅទឹកដោះគោ ប្រឈម​កើត​ជំងឺ​ធាត់។

នៅ​​ព័រទុយហ្គាល់ បញ្ជាក់​ដូច្នេះ ក្រោម​ការ​​គាំទ្រ​ដោយ​អង្គការ​សុខភាព​ពិភពលោក ពិនិត្យ​លើ​អត្រា​បំបៅដោះ​បេប៊ី ក្នុង​ប្រទេស​ចំនួន២២។ លទ្ធផល បង្ហាញ​ថា បេប៊ី​ពុំដែល​បៅ​ទឹកដោះ​ម៉ាក់ៗ មាន​អត្រា ២៥% កើត​ជំងឺធាត់ ជាង​បេប៊ី​បៅដោះ​ម៉ាក់ៗ យ៉ាង​តិច ៦ខែ។ អ្នកជំនាញ​ខាងវេជ្ជសាស្ត្រ ជឿ​ថា ទឹកដោះគោ ធ្វើ​ឲ្យ​បេប៊ី ឡើង​គីឡូ និង​លូតលាស់​លឿន ដោយសារ​វាមាន​ជាតិ​ប្រូតេអ៊ីន​ខ្ពស់ និង​ជំរុញ​កំណើន​កោសិកា​បង្ក​ឲ្យ​ធាត់។

ពាក់ព័ន្ធ​បញ្ហា​នេះ លោក​វេជ្ជបណ្ឌិត Joao Breda អ្នក​ចូលរួម​ក្នុង​ការសិក្សា​នេះ មកពី​ការិយាល័យ​អង្គការ​សុខភាព​ពិភពលោក ប្រចាំ​សហភាព​អឺរ៉ុប ថា “យើងចាំបាច់​រកមើល​វិធានការ​បន្ថែមទៀត ដើម្បីជំរុញ​ឲ្យ​ម៉ាក់ៗ​បំបៅដោះ​បេប៊ី…”។

ការ​បំបៅដោះ​របស់​ម៉ាក់ៗ កាត់បន្ថយ​ភាពប្រឈម​ការឡើង​គីឡូ​របស់​បេប៊ី ដោយសារ​អ័រម៉ូន សារធាតុបំប៉ន និង​បាក់តេរី​ក្នុងទឹកដោះ​ម៉ាក់ៗ ជួយ​ផ្លាស់ប្ដូរ​បាក់តេរី​មិនល្អ​ក្នុង​ពោះវៀន​របស់​បេប៊ី។ ជាងនេះទៅទៀត ទឹកដោះ​ម៉ាក់ៗ កម្ចាស់​សារធាតុ​បង្ក​ឲ្យ​ធាត់​ប្រកប​ដោយ​ប្រសិទ្ធភាព ជំនួស​ឲ្យ​ការ​ផ្ទុក​សារធាតុ​បង្ក​ឲ្យ​ធាត់ និង​បង្កើន​គីឡូ​បេប៊ី។ ផ្ទុយទៅវិញ ទឹកដោះគោ បង្កើន​កម្រិត​អាំងស៊ុយលីន​របស់​បេប៊ី និង​បណ្ដាល​ឲ្យ​បេប៊ី លូតលាស់​លឿន និង​ពង្រីក​កោសិកា​បង្ក​ឲ្យ​ធាត់។

ទារក Hello គ្រូពេទ្យ

អត្ថបទពាក់ព័ន្ធ៖

លោកស្រី Sue Ashmore នាយក​កម្មវិធី​គំនិតផ្ដួចផ្ដើម​ទារក​រីករាយ ប្រចាំ​អង្គការ​យូនីសេហ្វ នៅ​ចក្រភព​អង់គ្លេស បញ្ជាក់ថា ទឹកដោះម៉ាក់ៗ ផលិត​ជាពិសេស​សម្រាប់​ទារក។ វាជាវ៉ាក់សាំង​ដំបូង ការពារ​ការឆ្លងជំងឺ​នានា ហើយវា​ជះឥទ្ធិពល​លើ​សុខភាព​រយៈពេល​វែង រួមទាំង​ប្រឆាំង​នឹង​ជំងឺ​ធាត់​ផងដែរ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ គីង ច័ន្ទវាសនា​ កែសម្រួល​ចុងក្រោយ 01/08/2019
ត្រួតពិនិត្យដោយ ជីព ចិត្ត