ការបំបៅដោះ Archives - Page 10 of 18

អំឡុងពេលបំបៅដោះកូន ម៉ាក់ៗគួរថែទាំអនាម័យបែបណាទើបល្អ?

ការបំបៅដោះកូន គឺជាការបង្កើតទំនាក់ទំនងដ៏មានន័យរវាងម៉ាក់ៗ និងទារក ហើយក៏ជាពេលផ្តល់អាហារបំប៉នដ៏ចាំបាច់ដល់អាអូនផងដែរ។ ដើម្បីធានាថា ការបំបៅដោះកូន ប្រកបដោយផាសុកភាព និងមានអនាម័យល្អ ម៉ាក់ៗត្រូវថែទាំអនាម័យផ្ទាល់ខ្លួនជាប់ជាប្រចាំ។ គន្លឹះជួយឲ្យការបំបៅដោះកូនប្រកបដោយប្រសិទ្ធភាព និងភាពងាយស្រួល ១. ផ្លាស់ប្ដូរសំលៀកបំពាក់បំបៅដោះជារៀងរាល់ថ្ងៃ ពិតណាស់ ទឹកដោះអាចនឹងជ្រាបចេញទៅលើសំលៀកបំពាក់បំបៅ អ៊ីចឹងហើយ ម៉ាក់ៗគួរផ្លាស់ប្ដូរសម្លៀកបំពាក់បំបៅឲ្យបានញឹកញាប់ ដើម្បីរក្សាអនាម័យ និងបញ្ចៀសបាក់តេរី និងក្លិនមិនល្អ ក៏ដូចជាបង្ការការរលាក ឬការចម្លងរោគនៅលើសុដន់ និងស្បែកអាអូន។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. ជូតសម្អាតសុដន់ ទន្ទឹមនឹងនេះដែរ យើងគួរតែសម្អាតសុដន់ នៅមុនពេលបំបៅដោះ ពីព្រោះមេរោគផ្សេងៗ អាចតោងជាប់នឹងស្បែកម៉ាក់។ ម៉ាក់ៗគួរជ្រើសរើសកំណាត់ជូត ដែលគ្មានជាតិអាកុល គ្មានបន្ថែមក្លិន និងគ្មានសារធាតុPhenoxyethanol ព្រមទាំងអាចរក្សា Microflora ល្អនៃស្បែកសុដន់។ ៣. សម្អាតឧបករណ៍បូមទឹកដោះ ឧបករណ៍បូមទឹកដោះ បង្កនូវភាពងាយស្រួលដល់ការបំបៅដោះកូន។ ប៉ុន្តែ ម៉ាក់ៗចាំបាច់ត្រូវសម្អាតឧបករណ៍នេះ ជារៀងរាល់ថ្ងៃ ដើម្បីបង្ការការឆ្លងបាក់តេរី និងអាចជួយរក្សាទឹកដោះឲ្យមានសុវត្ថិភាពនៅពេលដែលកូនបៅ។ ៤. ប្រើអាវទ្រនាប់សម្រាប់បំបៅដោះជាទៀងទាត់ ចំពោះអាវទ្រនាប់សម្រាប់បំបៅដោះ ត្រូវបានរចនាឡើងដើម្បីជួយសម្រួលដល់ការបំបៅដោះ ដែលមានភាពងាយស្រួល និងរក្សាអនាម័យបានល្អ ព្រមទាំងកាត់បន្ថយការឆ្លងមេរោគផ្សេងៗពីដៃ ទៅសុដន់ ឬមាត់របស់ទារក។ ដូចនេះ ម៉ាក់ៗគួរតែជ្រើសរើសប្រភេទអាវណាដែលមានខ្យល់ចេញចូលនិងដោះដូរដៃអាវបាន ទើបជាការប្រសើរ។ [embed-health-tool-baby-poop-tool] ៥. លាងសម្អាតដៃមុនពេលបំបៅដោះកូន ចុងក្រោយនេះ […]

ការបំបៅដោះ

ម៉ាក់ៗមានជំងឺត្រអកអាចបំបៅដោះកូនបានដែរទេ?

ស្រីៗមួយចំនួនអាចនឹងធ្លាប់មានជំងឺត្រអក (Eczema) និងតែងមានស្ថានភាពធ្ងន់ធ្ងរអំឡុងពេលមានផ្ទៃពោះ ខណៈម៉ាក់ៗមួយចំនួនទៀតអាចនឹងមានជំងឺត្រអកលើកដំបូងអំឡុងពេលពពោះ និងអាចបន្តមានក្រោយពេលសម្រាលទៀត។ ម៉ាក់ៗទើបសម្រាលហើយមានជំងឺនេះអាចនឹងមានចម្ងល់ថាតើអាចបំបៅដោះកូនបានដែរទេ? ជំងឺត្រអកគឺជាបញ្ហាស្បែកដែលមិនចម្លងទៅមនុស្សផ្សេងទៀតទេ និងមានអាការៈដូចជារមាស់ ស្បែកឡើងគ្រើមស្បែកឡើងក្រហម និងស្ងួតខ្លាំង។ ជំងឺត្រអកតែងឡើងនៅតាមដៃជើង ក មុខ និងសុដន់ទោះបីជាករណីកម្រកើតមានក៏ដោយ។ ទោះបីជាជំងឺនេះមិនទាន់មានវិធីព្យាបាលឲ្យជាដាច់ក៏ដោយ ប៉ុន្តែវាអាចបាត់ទៅដោយខ្លួនឯងដែរ។ សម្រាប់ស្រ្តីបំបៅដោះកូនវិញទោះជាកើតជំងឺនេះក៏នៅតែអាចបំបៅដោះកូនបានដូចគ្នា ដោយគ្រាន់តែយើងត្រូវសម្អាតថ្នាំដែលលាប ករណីកើតលើសុដន់ ឲ្យបានស្អានមុននឹងបំបៅដោះកូន។ សម្រាប់មូលហេតុបង្ក គេក៏មិនទាន់ដឹងច្បាស់ទេ ប៉ុន្តែអាចមកពីការឆ្លើយតបរបស់ប្រព័ន្ធភាពស៊ាំ និងភាគច្រើនកើតមានលើអ្នកមានបញ្ហាប្រព័ន្ធភាពស៊ាំ ជំងឺហឺត ស្ត្រេសខ្លាំង ស្បែកស្ងួត និងកត្តាបរិស្ថានផ្សេងៗ។ សម្រាប់គ្នាយើងមួយចំនួនអាចមានអាការៈជំងឺនេះរហូត និងគ្នាយើងមួយចំនួនអាចមានជំងឺក្នុងពេលណាមួយដូចជាពេលពពោះជាដើម។ ជំងឺត្រអកតែងកើតមាននៅអំឡុងពេលពពោះត្រីមាសទី១ និងទី២។ ប៉ុន្តែដោយសារជំងឺប្រភេទនេះក៏អាចបង្កដោយកត្តាបរិស្ថាន និងកត្តាខាងក្នុងរបស់រាងកាយ(ប្រព័ន្ធភាពស៊ាំ) ដែលនេះអាចនឹងមានការពិបាកក្នុងការដឹងថាពេលណាជំងឺនេះអាចកើតមានអំឡុងពេលពពោះ ឬក្រោយពេលសម្រាលកូនរួច។ ក្នុងករណីដែលអាការៈនៅតែបន្តមានក្រោយសម្រាលរួច ការបន្តការព្យាបាលគឺរឿងចាំបាច់ណាស់។ ការព្យាបាលសម្រាប់ស្ត្រីបំបៅដោះកូនគឺស្រដៀងទៅនឹងអំឡុងពេលពពោះដែរដោយនៅតែអាចបន្តប្រើថ្នាំលាបបន្ថែមសំណើមដល់ស្បែក (emollient) និង ប្រើថ្នាំលាបពពួក ស្តេរ៉ូអ៊ីត (Topical steriod) ហើយការងូតទឹកដោយប្រើពេលតិច និងចៀសវាងសាប៊ូដែលកាត់ខ្លាំងអាចធ្វើឲ្យស្បែកស្ងួត គឺសុទ្ធតែជួយបន្ថយអាការៈផងដែរ រួមទាំងមានការកំណត់មិនឲ្យប្រើប្រាស់ថ្នាំមួយចំនួនព្រោះអាចប៉ះពាល់ដល់ទារក។ ក្នុងករណីស្ត្រីបំបៅដោះកូនមានជំងឺត្រអកនៅសុដន់អាចប្រើថ្នាំលាបបន្ថែមសំណើម (emollient) និងថ្នាំលាបពពួក ស្តេរ៉ូអ៊ីត នៅនឹងសុដន់ពេលមុនបំបៅដោះកូន និងគួរធ្វើការសម្អាតឲ្យបានល្អមុននឹងបំបៅដោះកូនម្ដងទៀត។ យ៉ាងណាមិញ សម្រាប់ការប្រើប្រាស់ថ្នាំលាប ឬថ្នាំលេបផ្សេងៗ […]