ការបំបៅដោះ Archives - Page 8 of 18

អំឡុងពេលបំបៅដោះកូន ម៉ាក់ៗគួរថែទាំអនាម័យបែបណាទើបល្អ?

ការបំបៅដោះកូន គឺជាការបង្កើតទំនាក់ទំនងដ៏មានន័យរវាងម៉ាក់ៗ និងទារក ហើយក៏ជាពេលផ្តល់អាហារបំប៉នដ៏ចាំបាច់ដល់អាអូនផងដែរ។ ដើម្បីធានាថា ការបំបៅដោះកូន ប្រកបដោយផាសុកភាព និងមានអនាម័យល្អ ម៉ាក់ៗត្រូវថែទាំអនាម័យផ្ទាល់ខ្លួនជាប់ជាប្រចាំ។ គន្លឹះជួយឲ្យការបំបៅដោះកូនប្រកបដោយប្រសិទ្ធភាព និងភាពងាយស្រួល ១. ផ្លាស់ប្ដូរសំលៀកបំពាក់បំបៅដោះជារៀងរាល់ថ្ងៃ ពិតណាស់ ទឹកដោះអាចនឹងជ្រាបចេញទៅលើសំលៀកបំពាក់បំបៅ អ៊ីចឹងហើយ ម៉ាក់ៗគួរផ្លាស់ប្ដូរសម្លៀកបំពាក់បំបៅឲ្យបានញឹកញាប់ ដើម្បីរក្សាអនាម័យ និងបញ្ចៀសបាក់តេរី និងក្លិនមិនល្អ ក៏ដូចជាបង្ការការរលាក ឬការចម្លងរោគនៅលើសុដន់ និងស្បែកអាអូន។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. ជូតសម្អាតសុដន់ ទន្ទឹមនឹងនេះដែរ យើងគួរតែសម្អាតសុដន់ នៅមុនពេលបំបៅដោះ ពីព្រោះមេរោគផ្សេងៗ អាចតោងជាប់នឹងស្បែកម៉ាក់។ ម៉ាក់ៗគួរជ្រើសរើសកំណាត់ជូត ដែលគ្មានជាតិអាកុល គ្មានបន្ថែមក្លិន និងគ្មានសារធាតុPhenoxyethanol ព្រមទាំងអាចរក្សា Microflora ល្អនៃស្បែកសុដន់។ ៣. សម្អាតឧបករណ៍បូមទឹកដោះ ឧបករណ៍បូមទឹកដោះ បង្កនូវភាពងាយស្រួលដល់ការបំបៅដោះកូន។ ប៉ុន្តែ ម៉ាក់ៗចាំបាច់ត្រូវសម្អាតឧបករណ៍នេះ ជារៀងរាល់ថ្ងៃ ដើម្បីបង្ការការឆ្លងបាក់តេរី និងអាចជួយរក្សាទឹកដោះឲ្យមានសុវត្ថិភាពនៅពេលដែលកូនបៅ។ ៤. ប្រើអាវទ្រនាប់សម្រាប់បំបៅដោះជាទៀងទាត់ ចំពោះអាវទ្រនាប់សម្រាប់បំបៅដោះ ត្រូវបានរចនាឡើងដើម្បីជួយសម្រួលដល់ការបំបៅដោះ ដែលមានភាពងាយស្រួល និងរក្សាអនាម័យបានល្អ ព្រមទាំងកាត់បន្ថយការឆ្លងមេរោគផ្សេងៗពីដៃ ទៅសុដន់ ឬមាត់របស់ទារក។ ដូចនេះ ម៉ាក់ៗគួរតែជ្រើសរើសប្រភេទអាវណាដែលមានខ្យល់ចេញចូលនិងដោះដូរដៃអាវបាន ទើបជាការប្រសើរ។ [embed-health-tool-baby-poop-tool] ៥. លាងសម្អាតដៃមុនពេលបំបៅដោះកូន ចុងក្រោយនេះ […]

ការបំបៅដោះ

ម៉ាក់ៗមានបញ្ហាសម្ពាធឈាមឡើងខ្ពស់ តើអាចបំបៅដោះកូនបានអត់?

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ ម៉ាក់ៗខ្លះប្រហែលជាអាចឆ្ងល់ថាបើយើងមានបញ្ហាសម្ពាធឈាមឡើងខ្ពស់តើនៅតែអាចបំបៅដោះកូនបានឬអត់? ជាការពិតយើងអាចនៅតែបំបៅដោះកូនបានធម្មតា បើទោះបីជាយើងត្រូវប្រើថ្នាំខ្លះក៏ពិតមែន តែត្រូវចាំថាការប្រើប្រាស់ថ្នាំណាមួយត្រូវតែមានការពិភាក្សាជាមួយគ្រូពេទ្យជាមុន។ ដូចម៉ាក់ៗដឹងហើយថាការបំបៅដោះមិនត្រឹមតែមានប្រយោជន៍ដល់កូនយើងទេ តែក៏មានប្រយោជន៍ផ្នែកសុខភាពដល់យើងដូចគ្នា ទោះបីជាយើងកំពុងជួបបញ្ហាឡើងសម្ពាធឈាមខ្ពស់ក៏ដោយ។ ការបំបៅដោះកូនមិនបានធ្វើឲ្យស្ថានភាពសម្ពាធឈាមយើងកាន់តែអាក្រក់នោះទេ ប៉ុន្តែប្រហែលជាអាចជួយសម្រួលដល់សម្ពាធឈាមក្នុងរយៈពេលវែងទៅវិញទេ។ វិទ្យាស្ថានសិក្សាពីកុមាររបស់អាមេរិកបានណែនាំម៉ាក់ៗឲ្យបំបៅដោះកូនបានយ៉ាងតិច៦ខែបន្ទាប់ពីកើត។ ដូចគ្នាដែរបើយើងមានបញ្ហាសម្ពាធឈាមឡើងខ្ពស់មុនពេល និងអំឡុងពេលមានផ្ទៃពោះ យើងប្រហែលជាត្រូវការការព្យាបាលបន្តទៀតក្រោយសម្រាលកូន។ អ្វីដែលល្អសម្រាប់យើង មិនប្រាដកថាល្អសម្រាប់កូនយើងនោះទេ។ ដូចនេះហើយយើងក៏ត្រូវពិភាក្សាជាមួយគ្រូពេទ្យពីផលប្រយោជន៍នៃការបំបៅដោះ ឬទឹកដោះគោម្សៅថាល្អសម្រាប់យើង និងកូនយើង។ បើម៉ាក់ៗប្រើថ្នាំបញ្ចុះសម្ពាធឈាមអាចប៉ះពាល់កូនដែរឬទេ? ថ្នាំបញ្ចុះសម្ពាធឈាមភាពភាគច្រើនគឺអាចចូលដល់ទឹកដោះម្ដាយក្នុងកម្រិតតិចតួចណាស់។ ថ្នាំបញ្ចុះសម្ពាធឈាមប្រើសម្រាប់ស្រ្តីមានផ្ទៃពោះ ក៏ត្រូវគេអះអាងថាមានសុវត្ថិភាពពេលម៉ាក់ៗបំបៅដោះកូនដូចគ្នា ប៉ុន្តែត្រូវចាំថាមិនមែនគ្រប់ប្រភេទថ្នាំសុទ្ធតែដូចគ្នានោះទេ។ ជាក់ស្តែងដូចជាប្រភេទថ្នាំBeta-Blockers ត្រូវគេរកឃើញថាចូលទៅក្នុងទឹកដោះម្ដាយក្នុងបរិមាណច្រើន ដែលនេះមិនល្អសម្រាប់ការបំបៅដោះទេ។ បើអ៊ីចឹងតើម៉ាក់ៗគួរប្រើទឹកដោះគោម្សៅជំនួសឲ្យការបំបៅដោះ? ម៉ាក់ៗកុំបារម្ភពេកអី ស្រីៗផ្សេងទៀតក៏បានជួបបញ្ហាផ្សេងៗដូចយើងដែរ និងបារម្ភដូចគ្នាថាគួរតែ ឈប់បំបៅដោះកូន ឬក៏គួរនៅបន្ត។ ម៉ាក់ៗត្រូវដឹងថាទាំងការបំបៅដោះកូន និងទឹកដោះគោម្សៅ តិចឬច្រើនអាចមានផលវិជ្ជមាន និងអវិជ្ជមានចំពោះកូនយើង ដូចនេះត្រូវពិភាក្សាជាមួយគ្រូពេទ្យឲ្យបានច្បាស់ ដើម្បីជ្រើសរើសវិធីណាមួយល្អសម្រាប់យើង និងកូនយើង ក្នុងកាលៈទេសៈមួយនេះ។ ជាការពិតណាស់ការបំបៅដោះកូននៅតែត្រូវបានអ្នកជំនាញចាត់ទុកការមានប្រយោជន៍ខ្លាំងដល់អូនៗ និងនៅតែណែនាំឲ្យបំបៅដោះកូនជាជាងវិធីផ្សេង។ មួយវិញទៀត កន្លងមកទោះបីជាម៉ាក់ៗបានទទួលការព្យាបាល និងប្រើថ្នាំបញ្ចុះសម្ពាធឈាមក៏ពិតមែន តែតាមកំណត់ត្រាវេជ្ជសាស្រ្តបានអះអាងដដែលថាមានសុវត្ថិភាព។ ដូចនិយាយពីខាងលើអ៊ីចឹង បើម៉ាក់ៗកំពុងព្យាបាលបញ្ហាសម្ពាធឈាមឡើងខ្ពស់ និងត្រូវបំបៅដោះកូនទៀត គឺត្រូវតែជជែកពិភាក្សាជាមួយគ្រូពេទ្យ ថាគួរប្រើថ្នាំប្រភេទណាមិនប៉ះពាល់ដល់កូន ពេលបំបៅដោះ។