បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

តើ Prebiotics និង Probiotics ជាអ្វី និងមានអត្ថប្រយោជន៍អ្វីខ្លះដល់កុមារ?

ពិតណាស់ សុខភាពក្រពះពោះវៀនដើរតួនាទីយ៉ាងសំខាន់ចំពោះការលូតលាស់ និងការអភិវឌ្ឍទូទៅរបស់កុមារ។ នៅពេលដែលកូនមានសុខភាពក្រពះពោះវៀនល្អ នោះការធ្វើមេតាបូលីស ក៏ដូចជាការស្រូបយកសារធាតុចិញ្ចឹមក៏បានល្អដូចគ្នា ដែលកត្តានេះ អាចជួយជុំរុញឲ្យកូនមានសុខភាពល្អ និងរាងកាយម៉ាំមួន។

តើ Prebiotics និង Probiotics ជាអ្វី និងមានអត្ថប្រយោជន៍អ្វីខ្លះដល់កុមារ?

ប៉ាម៉ាក់ដឹងអត់ថា នៅពេលដែលកូនមានអាយុ៣ឆ្នាំ បាក់តេរីល្អនៅក្នុងក្រពះពោះវៀនអាអូនចាប់ផ្តើមអភិវឌ្ឍពេញលេញហើយ ហើយបាក់តេរីទាំងនេះអាចរស់នៅជាច្រើនឆ្នាំ ឬអាចពេញមួយជីវិតផងក៏មាន។ យ៉ាងណាមិញ ដើម្បីរក្សាពពួកបាក់តេរីទាំងនេះឲ្យបានស្ថិតស្ថេរ យើងចាំបាច់ត្រូវគិតគូរដល់សារធាតុ២គឺ Prebiotic និង Probiotic។

ចង់គណនាថ្ងៃសម្រាលកូន ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

តើ Prebiotics និង Probiotics ជាអ្វី និងមានអត្ថប្រយោជន៍អ្វីខ្លះដល់កុមារ?

Probiotics គឺជាប្រភេទបាក់តេរីដែលមានជីវិត និងល្អសម្រាប់សុខភាពកុមារ។ អត្ថប្រយោជន៍នៃសារធាតុនេះ ធ្វើឲ្យសុខភាពក្រពះពោះវៀនរបស់កុមាររឹងមាំ តាមរយៈការធ្វើឲ្យមីក្រុបក្នុងក្រពះពោះវៀនមានតុល្យភាព។ សារធាតុ Probiotics នេះ សម្បូរក្នុងប្រភេទអាហារផ្អាប់ ដូចជា យ៉ាអួរ និងប្រភេទជ្រក់ ជាដើម។

ដោយឡែក Prebiotics គឺជាប្រភេទអាហារសរសៃដែលអាហាររបស់ Probiotics ហើយអត្ថប្រយោជន៍របស់វាគឺជួយឲ្យសារធាតុ Probiotics ដែលជាបាក់តេរីល្អ មានភាពធំធាត់ និងរឹងមាំ ដើម្បីពង្រឹងសុខភាពក្រពះពោះវៀន។ សារធាតុនេះ សម្បូរនៅក្នុងបន្លែ ផ្លែឈើ និងគ្រាប់ធុញ្ញជាតិមួយចំនួនដូចជា ផ្លែចេក ខ្ទឹមស ខ្ទឹមបារាំង និងទំពាំងបារាំងជាដើម។

សុខភាពក្រពះពោះវៀន

ហេតុនេះ មានន័យថា ការផ្តល់អាហារបន្ថែមដល់កូនដែលមានសារធាតុ Probiotics និង Prebiotics ដែលបង្កើតទៅជាសារធាតុមួយឈ្មោះថា Synbiotics អាចជួយឲ្យបាក់តេរីក្នុងពោះវៀនមានលំនឹង ដែលជាហេតុធ្វើឲ្យពោះវៀនមានសុខភាពល្អ ធ្វើមេតាបូលីសបានត្រឹមត្រូវ និងជួយឲ្យប្រព័ន្ធភាពស៊ាំរឹងមាំ។

លើសពីនេះទៅទៀត សារធាតុទាំង២ ក៏មានតួនាទីផ្សេងទៀតដូចជា កាត់បន្ថយការបង្ករោគនានាក្នុងក្រពះពោះវៀន ដែលនាំឲ្យកុមារមានបញ្ហារាករូស ឬការបង្ករោគផ្លូវដង្ហើមជាដើម ហើយអាចជួយកុមារកាត់បន្ថយការប្រឈមនឹងការកើតអាលែកហ្ស៊ីផ្សេងៗ ផងដែរ។

ក្នុងករណីដែលកូនកំពុងតែញ៉ាំទឹកដោះគោ ប៉ាម៉ាក់ គួរជ្រើសរើសយកម្សៅទឹកដោះគោណាដែលមានសារធាតុទាំងពីរនេះរួមគ្នា Probiotics និង Prebiotics ដើម្បីជួយឲ្យក្រពះពោះរៀន ក៏ដូចជាប្រព័ន្ធភាពស៊ាំរបស់កូនរឹងមាំ៕

ចំណុចសំខាន់

Probiotics គឺជាប្រភេទបាក់តេរីដែលមានជីវិត និងល្អសម្រាប់សុខភាពកុមារ។ អត្ថប្រយោជន៍នៃសារធាតុនេះ ធ្វើឲ្យសុខភាពក្រពះពោះវៀនរបស់កុមាររឹងមាំ តាមរយៈការធ្វើឲ្យមីក្រុបក្នុងក្រពះពោះវៀនមានតុល្យភាព។ ដោយឡែក Prebiotics គឺជាប្រភេទអាហារសរសៃដែលជាអាហាររបស់ Probiotics ហើយអត្ថប្រយោជន៍របស់វាគឺជួយឲ្យសារធាតុ Probiotics ដែលជាបាក់តេរីល្អ មានភាពធំធាត់ និងរឹងមាំ ដើម្បីពង្រឹងសុខភាពក្រពះពោះវៀន។
ហេតុនេះ មានន័យថា ការផ្តល់អាហារបន្ថែមដល់កូនដែលមានសារធាតុ Probiotics និង Prebiotics អាចជួយឲ្យបាត់តេរីក្នុងពោះវៀនមានលំនឹង ដែលជាហេតុធ្វើឲ្យពោះវៀនមានសុខភាពល្អ ធ្វើមេតាបូលីសបានត្រឹមត្រូវ និងជួយឲ្យប្រព័ន្ធភាពស៊ាំរឹងមាំ។ ក្នុងករណីដែលកូនកំពុងតែញ៉ាំទឹកដោះគោ ប៉ាម៉ាក់ គួរជ្រើសរើសយកម្សៅទឹកដោះគោណាដែលមានសារធាតុ Probiotics និង Prebiotics ខ្ពស់ ដើម្បីជួយឲ្យក្រពះពោះរៀន ក៏ដូចជាប្រព័ន្ធភាពស៊ាំរបស់កូនរឹងមាំ៕

អត្ថបទគួរអាន៖

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ នូ សោភ័ណ្ឌ · កែ 21/03/2024