ទារក Archives - Page 6 of 60

ម៉េចបានទារកទើបកើតខ្លះមានបញ្ហាផ្ចិតលៀន? អាចបាត់ទៅវិញខ្លួនឯងអត់?

មានម៉ាក់ៗមួយចំនួនឆ្ងល់ថា បើអាអូនមានបញ្ហាផ្ចិតលៀន ឬក្លនលើផ្ចិតកូន អាចមានផលប៉ះពាល់ដល់សុខភាពកូនដែរទេ? ហើយវាអាចបាត់ទៅវិញដោយខ្លួនឯងដែរអត់? ពិតណាស់ បញ្ហាផ្ចិតលៀនតែងកើតឡើងជាញឹកញាប់លើទារក និងកុមារតូចៗ ហើយជាពិសេសគឺទារកដែលកើតមិនគ្រប់ខែ។ ជាទូទៅ ផ្ចិតលៀនមានរាងជាដុំពកដែលគ្មានការឈឺចាប់ ឬនៅជិតនឹងផ្ចិតរបស់ទារក។ វាអាចរីកមាឌនៅពេលដែលអាអូនសើច ក្អក យំ ឬបន្ទោបង់ និងរួមតូចទៅវិញ នៅពេលដែលកូនគេង។ ភាគច្រើនបញ្ហាផ្ចិតលៀនអាចបាត់ទៅវិញដោយខ្លួនឯង នៅពេលដែលកូនមានអាយុ៤ឬ៥ឆ្នាំ។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ម៉េចបានទារកកើតមកមានបញ្ហាផ្ចិតលៀន? រង្វង់ទងផ្ចិតគឺជាសាច់ដុំដែលព័ទ្ធជុំវិញផ្ចិត។ អំឡុងពេលពពោះ ទងផ្ចិតហូរតាមរង្វង់ទងផ្ចិតដើម្បីនាំឈាម និងសារធាតុចិញ្ចឹមដល់ទារកដែលកំពុងលូតលាស់ ហើយរង្វង់ទងផ្ចិតនឹងបិទជិតក្រោយសម្រាល ប៉ុន្តែប្រសិនបើវាមិនបិទជិតត្រឹមត្រូវទេនោះ អាអូនអាចជួបបញ្ហាប៉ោងនៅជិតផ្ចិត ជាពិសេសនៅពេលដែលទារកយំ ឬក្អក។ [embed-health-tool-child-growth-chart] ពេលណាដែលគួរជួបជាមួយនឹងគ្រូពេទ្យ? តាមធម្មតា ផ្ចិតលៀនអាចនឹងបាត់ទៅវិញដោយមិនចាំបាច់ធ្វើការវះកាត់នោះទេ ប៉ុន្តែប៉ាម៉ាក់គួរតាមដានពីការប្រែប្រួលនៅលើផ្ចិតរបស់ទារក។ ប្រសិនបើផ្ចិតកូននៅតែលៀនមិនបាត់ក្រោយអាអូនអាយុ៥ឆ្នាំ ប៉ាម៉ាក់គួរនាំកូនទៅជួបជាមួយនឹងគ្រូពេទ្យ ឬក្នុងករណីដែល៖ ផ្ចិតលៀនកាន់តែធំ មានហើម ឬរឹង ផ្ចិតលៀនចេញនៅពេលដែលទារកគេង និងមិនអាចសង្កត់ឲ្យចូលក្នុងបាន កូនមានអាការៈឈឺចាប់នៅពេលប៉ះផ្ចិត ស្បែកនៅលើផ្ចិតដែលលៀនមានពណ៌ក្រហម ឬខ្មៅជាងធម្មតា។ អត្ថបទគួរអាន៖ ដឹងគន្លឹះទាំងនេះ ការពារកូនពីបញ្ហាស្បែកក្នុងខែរងា គួរដឹង! កំហុស ៣ យ៉ាងម៉ាក់ប៉ាអាចធ្វើពេលកូនក្តៅខ្លួន ឃើញសញ្ញាទាំងនេះ អាចថាអូនៗកំពុងមានបញ្ហាប្រព័ន្ធរំលាយអាហារហើយ សារធាតុ Gluten ជាអ្វី? ហេតុអ្វីកុមារមួយចំនួនគួរចៀសវាង? អាហារល្អសម្រាប់សុខភាពក្រពះ–ពោះវៀនកូន […]

ការបំបៅដោះ

កូនអាលែកហ្ស៊ីនឹងទឹកដោះគោ ម៉ាក់ៗមានជម្រើសអ្វីឲ្យកូនបៅ?

ពេលកូនអាលែកហ្ស៊ីនឹងទឹកដោះគោមានន័យថា ប្រព័ន្ធភាពស៊ាំរបស់ដែលជាធម្មតាជួយប្រឆាំងនឹងការឆ្លងរោគផ្សេងៗនោះ មានប្រតិកម្មខ្លាំងជ្រុលទៅនឹងប្រូតេអ៊ីនក្នុងទឹកដោះគោ។ ពេលកូនបៅទឹកដោះគោ រាងកាយកូននឹងគិតថាប្រូតេអ៊ីនទាំងនោះជាសារធាតុបង្កគ្រោះថ្នាក់ ហើយរាងកាតខំទប់ទល់ជាមួយប្រូតេអ៊ីនទាំងនោះ។ ការប្រឆាំងនេះ បង្កជាប្រតិកម្មអាលែកហ្ស៊ី ដោយសាររាងកាយបានបញ្ចេញសារធាតុគីមីឈ្មោះថាហ៊ីស្តាមីន(Histamine)។ ក្មេងៗបៅម្សៅទឹកដោះគោអាចមានប្រតិកម្មអាលែកហ្ស៊ី ហើយប្រតិកម្មនេះអាចនឹងលេចចេញជារោគសញ្ញានៅពេលកូនបៅម្សៅទឹកដោះគោនៅប៉ុន្មានថ្ងៃដំបូង ឬប៉ុន្មានសប្ដាហ៍បន្ទាប់។ ក្មេងៗដែលបៅដោះម្ដាយមានកត្តាប្រឈមនឹងប្រតិកម្មជាមួយទឹកដោះគោទាប ជាងក្មេងដែលបៅម្សៅទឹកដោះគោ។ ចំណែកការសិក្សាខ្លះទៀតបង្ហាញថា ទឹកដោះពពែ ក៏កម្រនឹងធ្វើក្មេងមានប្រតិកម្មអាលែកហ្ស៊ីដែរ បើធៀបនឹងទឹកដោះគោ។ ១. រោគសញ្ញាប្រតិកម្មម្សៅទឹកដោះគោ កូនបើកូនមានប្រតិកម្មអាលែកហ្ស៊ីនឹងម្សៅទឹកដោះគោ រោគសញ្ញាអាចនឹងលេចចេញដូចជា៖ ដកដង្ហើមឮសំឡេងឆ្មា ក្អក មិនស្រួលក្នុងពោះ ក្អួត រាក រមាស់ស្បែក ភ្នែក ឬហៀរទឹកភ្នែក ឡើងកន្ទាលត្រអាក ហើម អាចមានសម្ពាធឈាមចុះទាប ស្ថានភាពធ្ងន់ ឬស្រាលនៃប្រតិកម្មអាលែកហ្ស៊ីអាចមានសភាពផ្សេងៗគ្នាពីក្មេងម្នាក់ទៅម្នាក់ទៀត។ មួយវិញទៀត ពេលខ្លះកូនយើងបៅម្សៅទឹកដោះគោដំបូងៗមិនសូវមានប្រតិកម្មទេ តែក្រោយៗមកទៀតក៏មានប្រតិកម្មកាន់តែខ្លាំង ក៏មានដែរ។ ការណ៍នេះមានន័យថាថ្វីបើដំណាក់កាលដំបូងៗមានប្រតិកម្មកម្រិតស្រាល តែនៅពេលបន្ទាប់អាចនឹងប្រតិកម្មធ្ងន់ធ្ងរក៏មាន។ ចំណាំ៖ ក្មេងខ្លះអាចមានបញ្ហាមិនស៊ាំនឹងទឹកដោះគោ ដែលអាចញ៉ាំហើយប្រែជារាក ឈាមក្នុងលាមក មិនព្រមញ៉ាំ ឬធ្វើឲ្យមានបញ្ហាក្នុងពោះ ឬចុកពោះ ដែលរោគសញ្ញានេះអាចកើតមានច្រើនម៉ោងក្រោយញ៉ាំ ឬក្រោយញ៉ាំបានច្រើនដង។ ក្មេងខ្លះអាចមានបញ្ហាមិនស៊ាំជាមួយជាតិឡាក់តូសក្នុងទឹកដោះគោ។ បញ្ហានេះធ្វើឲ្យរាងកាយកូនជួបបញ្ហាពិបាករំលាយទឹកដោះគោ។ បើសិនជាប៉ាម៉ាក់មិនច្បាស់ថា កូនមានប្រតិកម្មអាលែកហ្ស៊ី ជាមួយទឹកដោះគោ ឬមានបញ្ហានឹងជាតិឡាក់តូសក្នុងម្សៅទឹកដោះគោ គួរជួបពិភាក្សាជាមួយគ្រូពេទ្យ។ ២. បើកូនមិនអាចបៅម្សៅទឹកដោះគោបាន គួរធ្វើម៉េច? បើម៉ាក់ៗបំបៅកូនដោយទឹកដោះ ហើយឃើញថាកូនមានប្រតិកម្មអាលែកហ្ស៊ី ពេលម៉ាក់ៗញ៉ាំទឹកដោះគោ ឬអាហារធ្វើពីទឹកដោះគោ ម៉ាក់ៗគួរពិភាក្សាជាមួយគ្រូពេទ្យ ដូចគ្នាដែរ បើម៉ាក់ៗបំបៅកូនដោយម្សៅទឹកដោះគោ ហើយឃើញកូនមានប្រតិកម្មអាលែកហ្ស៊ី ម៉ាក់ៗគួរពិភាក្សាជាមួយគ្រូពេទ្យ ហើយគ្រូពេទ្យអាចនឹងណែនាំម៉ាក់ៗឲ្យប្ដូរប្រភេទម្សៅទឹកដោះសត្វដែលកំពុងប្រើទៅប្រភេទផ្សេង។ ការសិក្សាមួយចំនួនបានលើកឡើងថា ទឹកដោះពពែក្រៅពីសម្បូរសារធាតុចិញ្ចឹមច្រើន នៅមានអត្ថប្រយោជន៍ផ្សេងទៀតដូចជា៖ មានប្រូតេអ៊ីនងាយរំលាយ មិនសូវបង្កបញ្ហាប្រតិកម្មអាលែកហ្ស៊ីដូចទឹកដោះគោ មានប្រយោជន៍ដល់សុខភាពបេះដូង។ ដូចនេះ ម៉ាក់ៗ ក៏អាចពិភាក្សាជាមួយគ្រូពេទ្យ បើកូនអាលែកហ្ស៊ីនឹងម្សៅទឹកដោះគោ […]