home

វ័យកូនចេះដើរនិង​ជិតចូលរៀន

វ័យកូនចេះដើរនិង​ជិតចូលរៀន - ក្នុង​ចន្លោះ​អាយុ​១ខួប ទៅ ២ខួប ឬ​១២ ទៅ ២៤ខែ ជា​ពេល​ដែល​ទាមទារ​ការ​យក​ចិត្ត​ដាក់​ច្រើន​របស់​ម៉ាក់ៗ ដើម្បី​បន្ត​ការ​លូត​លាស់​របស់​កូន​ដោយ​សុខភាព​ល្អ​បរិបូរណ៍​ដោយ​គ្មាន​លក្ខខណ្ឌ និង​ត្រៀម​ខ្លួន​សិក្សា​ពី​បញ្ហា​នានា​ពេល​កូន​ឈឺ​ថ្កាត់​ជា​ដើម បូករួម​ទាំង​ការ​បន្ថែម​ការ​យល់ដឹង​បន្ថែម​លើ​ផ្នែក​អាហារូបត្ថម្ភ​ដ៏​ត្រឹមត្រូវ​ក្រៅ​ពី​ការ​បំបៅដោះកូន​

ចំណេះដឹងទូទៅ

វ័យកូនចេះដើរនិង​ជិតចូលរៀន

បើម៉ាក់ប៉ាចង់ឱ្យកូនហាត់ប្រាណ ម៉ាក់ប៉ា​គួរ​ពិចារណា​កីឡា​ហែលទឹក​ព្រោះក្មេងៗ​ចូល​ចិត្តលេងទឹកណាស់។ ការហែលទឹកមិនត្រឹមតែជាកីឡាដែលសប្បាយទេ ថែមទាំង​ធ្វើឱ្យក្មេងៗមានសុខភាពល្អ និងជួយឱ្យក្មេងៗអភិវឌ្ឍផ្នែកផ្សេង​ៗទៀតជាច្រើន។ ខាង​ក្រោម​នេះជាហេតុផលទាំង ៦ ដែលកូនតូចៗគួររៀនហែលទឹក។ ១. ហែលទឹកជួយការពារការលង់ទឹក យោងតាម​របាយការណ៍អត្រា​មរណភាព​កុមារ​របស់​អង្គការ​សុខភាព​ពិភពលោក (WHO)​ នៅ​ប្រទេស​កម្ពុជាការលង់ទឹក គឺជា​បុព្វហេតុ​ចម្បង​នៃ​ការស្លាប់​របស់​កុមារ​បន្ទាប់​ពី​ទារក​។ ការចេះ​ហែលទឹករួមទាំងការមានចំណេះដឹងអំពីរបៀបមាន​សុវត្ថិភាព​នៅក្នុងទឹកអាចកាត់បន្ថយហានិភ័យនៃការលង់ទឹករបស់ក្មេងៗបាន។ ​ ២. ហែលទឹកជាកីឡាដែលមានផលប៉ះពាល់ទាប ហែលទឹកគឺជាកីឡាដែលមានផលប៉ះពាល់ទាប បើប្រៀបធៀប​ទៅនឹងកីឡាពេញ​និយម​​ផ្សេង​ទៀត​ដូចជា បាល់បោះ បាល់ទាត់ វាយសី...។ យោងតាមសាកលវិទ្យាល័យ Bucknell រាងកាយនឹងអណ្តែត ៩០ % នៅ​ពេល​ដែល​ស្ថិតនៅក្នុងទឹក​ជម្រៅ​ត្រឹមក   ដូច្នេះកូនៗនឹងមិនដួល ប៉ះទង្គិច របួសជង្គង់ គ្រេចកជើង របួសស្មា គ្រេចកដៃ ឬឈឺសន្លាក់ដូចកីឡានៅលើគោកឡើយ។ ៣. ហែលទឹកជាការហាត់ប្រាណពេញរាងកាយ ការហែលទឹកជួយបង្កើនកម្លាំង ភាពបត់បែន ភាពអត់ធន និងធ្វើឱ្យរាងកាយ​មាន​តុល្យភាព។ វាគឺជាលំហាត់ប្រាណបេះដូង និងសួត ព្រោះវាជួយបង្កើន​ការស៊ូទ្រាំ​ដង្ហើម និងជួយបង្កើនប្រសិទ្ធភាពរាងកាយក្នុងការប្រើអុកស៊ីសែន។ ឯសាច់ដុំដៃ ជើង និងខ្នងក៏ត្រូវបានប្រើក្នុងពេលដំណាលគ្នាដែរ ដែលជួយដុតបំផ្លាញកាឡូរី។ ការ​ហែល​​ទឹក​ស័ក្ដិសម​បំផុតសម្រាប់កុមារធាត់។ ៤. ការហែលទឹកជួយក្មេងៗអភិវឌ្ឍលឿន ការរៀនហែលទឹកតាំងពីក្មេងជួយអភិវឌ្ឍប្រាជ្ញាក្មេងៗ។ សាស្ត្រាចារ្យ Robyn Jorgensen ​អ្នកដឹកនាំស្រាវជ្រាវលើគម្រោងដែលសិក្សារយៈពេល ៤ ឆ្នាំលើកុមារជាង ៧ ០០០ នាក់បង្ហាញថា […]

ស្វែងរក​បន្ថែម​ទៀត វ័យកូនចេះដើរនិង​ជិតចូលរៀន មាតិកា

ស្វែងរក​បន្ថែម​ទៀត វ័យកូនចេះដើរនិង​ជិតចូលរៀន អត្ថបទ

ការលូតលាស់មុនអាយុ ៥ឆ្នាំ

ពិត​ណាស់​ ក្មេង​ៗ​ចាំបាច់​ត្រូវ​រក្សា​អនាម័យ​ខ្លួន​ប្រាណ​ ដើម្បី​ទទួល​បាន​សុខភាព​ល្អ​ និង​អារម្មណ៍​ស្រស់ស្រាយ​។​ ជាក់​ស្ដែង​​ ការ​រក្សា​អនាម័យ​ខ្លួន​ប្រាណ​ល្អ​ក៏​ធ្វើ​ឲ្យ​កុមារ​ចេះ​ស្រលាញ់​ខ្លួន​ឯង​ និង​ពោរពេញ​ទៅ​ដោយ​ភាព​ជឿជាក់​ផង​ដែរ​។ បង្រៀន​​ឲ្យ​កូន​ចេះ​ធ្វើ​អនាម័យ​ខ្លួន​ប្រាណ​ ​​​​​​យើង​រាល់​គ្នា​ត្រូវការ​​ថែទាំ​ខ្លួន​ប្រាណ​ឲ្យ​ស្អាត​ល្អ ដើម្បី​កម្ចាត់​មេរោគ​ និង​បាក់តេរី​ ក៏​ដូចជា​ជៀសផុត​ពី​ជំងឺ​ផ្សេង​ៗ​។​ ការ​ធ្វើ​អនាម័យ​ខ្លួន​ប្រាណ​ស្អាត​ក៏​ជួយ​ឲ្យ​យើង​មាន​ភាព​ជឿជាក់​លើ​ខ្លួន​ឯង​ ដោយ​កម្ចាត់​ចោល​បញ្ហា​ផ្សេង​ៗ​ដូចជា​​មាន​ក្លិន​មាត់​ ​និង​ក្លិន​ខ្លួន​មិន​ល្អ​ជាដើម។​ ចំពោះ​កុមារ​ មូលដ្ឋាន​នៃ​ការ​ធ្វើ​អនាម័យ​ខ្លួន​ប្រាណ​មាន​ដូចជា៖ លាង​សម្អាត​ដៃ​ ខ្ទប់​មាត់​រាល់​ពេល​ក្អក​ ងូត​ទឹក​ជា​ទៀងទាត់​ ដុស​សម្អាត​ និង​ប្រើ​​ខ្សែ​​ទាក់​ធ្មេញ​ ​ប៉ា​ម៉ាក់​គប្បី​ជួយ​ណែនាំ​កូន​ឲ្យ​អនុវត្ត​ទម្លាប់​អនាម័យ​ផ្ទាល់​ខ្លួន​ល្អ​ ពីព្រោះ​ថា​ទម្លាប់​ទាំង​នេះ​នឹង​កាន់​តែ​មាន​សារសំខាន់​នៅ​ពេល​ដែល​កុមារ​កាន់​តែ​ធំ​ទៅ​ៗ និង​​ឈាន​ចូល​ដល់​វ័យ​ជំទង់​។​ ជា​ទូ​ទៅ​ ការ​បង្រៀន​ក្មេង​ឲ្យ​ចេះ​ថែទាំ​ខ្លួន​ប្រាណ​ នៅ​ពេល​ដែល​ពួក​គេ​ចូល​ដល់​វ័យ​ជំទង់​នឹង​កាន់​តែ​មាន​​​ការ​ពិបាក​ជាង​មុន​​មិន​ខាន​។ លាង​សម្អាត​ដៃ​ ​មេរោគ​ភាគ​ច្រើន​​សាយ​ភាយ​​តាមរយៈ​ការ​ប៉ះពាល់​ដៃ​។​ ដូច្នេះ​ហើយ​ ប៉ា​ម៉ាក់​គប្បី​ឲ្យ​កូន​លាង​សម្អាត​ដៃ​ជា​ញឹកញាប់​ ដើម្បី​ការពារ​ខ្លួន​ និង​អ្នក​ដទៃ​ពី​ជំងឺ​ផ្សេងៗ​។ ចូរ​លើក​ទឹក​ចិត្ត​ឲ្យ​កូន​លាង​សម្អាត​ដៃ​ជាមួយ​នឹង​សាប៊ូ​ និង​ទឹក​៖ នៅ​ពេល​ដែល​ដៃ​កខ្វក់​ មុន​ពេល​ញ៉ាំ​អាហារ​ ឬ​រៀបចំ​អាហារ​ បន្ទាប់​ពី​ប៉ះពាល់​សាច់​ឆៅ​ រួម​ទាំង​សាច់​មាន់​ និង​សាច់​គោ​ បន្ទាប់​ពី​ប៉ះពាល់​វត្ថុ​រាវ​ណាមួយ​ ដូចជា​ឈាម​ ទឹក​នោម​ ឬ​កម្អួត ​​បន្ទាប់​ពី​ប៉ះពាល់​សត្វ​ បន្ទាប់​ពី​ញើស​សំបោរ​ កណ្ដាស់​ ឬ​ក្អក​ បន្ទាប់​ពី​ចេញ​ពី​បង្គន់​ ងូត​ទឹក​ ​កុមារ​ត្រូវការ​ងូត​ទឹក​សម្អាត​ខ្លួន​ជា​ទៀងទាត់​។​ ដូច​នេះ ប៉ា​ម៉ាក់​គប្បី​ណែនាំ​ឲ្យ​កូន​ងូត​ទឹក​​ពីរ​ដង​ក្នុង​មួយ​ថ្ងៃ​នៅ​ពេល​ព្រឹក​ព្រលឹម​ និង​នៅ​មុន​ពេល​ចូល​គេង​​។ ជាមួយ​គ្នា​នេះ​ដែរ​ យើង​ត្រូវ​ប្រាកដ​ថា​កូន​បាន​លាង​សម្អាត​ខ្លួន​ប្រាណ​សព្វ​ល្អ រួម​ទាំង​​ក្លៀក​ និង​នៅ​បរិវេណ​ប្រដាប់​បន្ត​ពូជ​ ក៏​ដូចជា​គូទ​ ហើយ​ពួក​គេ​ត្រូវ​ជូត​សម្អាត​ខ្លួន​ឲ្យ​ស្ងួត​ល្អ​ មុន​ពេល​ស្លៀក​សំលៀក​បំពាក់​។ ​សំលៀក​បំពាក់ និង​ស្បែក​ជើង​ ​កុមារ​ត្រូវការ​ផ្លាស់ប្ដូរ​សំលៀក​បំពាក់​ជា​រៀងរាល់​ថ្ងៃ​ ទោះ​បី​ជា​សំលៀក​បំពាក់​នោះ​មិន​​មាន​ក្លិន​មិន​ល្អ​ក៏​ដោយ​ […]

ការលូតលាស់មុនអាយុ ៥ឆ្នាំ

ការ​ដាក់​ទណ្ឌកម្ម​ដោយ​វាយ​ពេល​កូន​ធ្វើ​ខុស​ ទំនង​ជា​មិន​សូវ​មាន​ប្រ​សិទ្ធ​ភាព​នោះ​ទេ​។ ការសិក្សា​ខ្លះ​បង្ហាញ​ថា​ប៉ា​ម៉ាក់​វាយ​កូន​ព្រោះ​តែ​កូន​និយាយ​កុហក ​នឹង​ធ្វើ​ឲ្យ​កូន​កាន់តែ​ចេះ​និយាយ​កុហក​ថែម​ទៀត ដើម្បី​រួច​ផុត​ពីការ​វាយ​របស់​ប៉ា​ម៉ាក់​។ ខាង​ក្រោម​នេះ​ជា​តិច​និក​អប់​រំ​កូន​ដោយ​មិន​ប្រើ​ហិង្សា​មួយ​ចំនួន​ ប៉ាម៉ាក់​គួរ​ពិចារណា​អនុវត្ត​មុន​ឈានដល់​ដាក់ទណ្ឌកម្ម​កូន​។ ១. សួរ​សិន​មុន​​ដាក់​ទណ្ឌកម្ម​ ប៉ា​ម៉ាក់​កុំ​ឃើញ​កូន​ធ្វើ​ខុស ឬ​ធ្វើ​មិន​ត្រូវ​ចិត្ត​ខ្លួន ក៏​សម្រេច​ចិត្ត​វាយ​ដាក់​ទណ្ឌ​កម្ម​កូន​ភ្លាម​ៗ​ដែរ​នោះ​។ ដូច​គ្នា​ដែរ ក៏​មិន​គួរ​ស្រែក​ដាក់​កូន​ភ្លាម​ៗ​ដែរ​ ពេល​ឃើញ​គេ​ធ្វើ​ខុស ការ​ស្រែក​គំហក​ដាក់​កូន​ ដូច​ជា​យើង​ធ្វើ​ឲ្យកូន​​ភ័យ និង​ប៉ះពាល់​ដល់​ផ្លូវ​ចិត្ត​កូន​ដែរ​។ ប៉ា​ម៉ាក់​ត្រូវ​សួរ​នាំ​កូន​ជាមុន​សិន​ ថា​មក​ពី​អ្វី​បាន​ជា​គេ​ធ្វើ​ខុស ឬ​ធ្វើ​ទង្វើ​បែប​ហ្នឹង​។ ពេល​ខ្លះ​កូន​មិន​បាន​ដឹង​ទេ​ថា​អ្វី​ដែល​គេ​កំពុង​ធ្វើ​គឺ​ជា​កំហុស ឬ​អាច​ថា​គេ​យល់​ខុស​ក៏​ថា​បាន​។ ប៉ា​ម៉ាក់​ត្រូវ​និយាយ​ជាមួយ​កូន​ឲ្យ​បាន​ច្បាស់ ទើប​អាច​ជួយ​កូន​កែ​តម្រូវ​កំហុស និង​ដឹង​ថា​ទង្វើ​ដែល​គេ​ធ្វើ​ជា​រឿង​មិន​ល្អ ហើយ​លើក​ក្រោយ​មិន​ធ្វើ​កំហុស​ទៀត​។ ប៉ា​ម៉ាក់​ក៏​អាច​ប្រាប់​កូន​ដែរ​ពេល​កូន​ធ្វើ​ខុស អាច​និយាយ​​ថា៖ «​ប៉ា ឬ​ម៉ាក់​ខឹង​កូន» ដើម្បី​ឲ្យ​កូន​ដឹង​ថា​ទង្វើ​របស់​គេ​ធ្វើ​ឲ្យ​ប៉ា​ម៉ាក់​មិន​សប្បាយ​ចិត្ត​ ជា​ជាង​វាយ​កូន​។ ២. ប្រាប់​ហេតុ​ផល​ដល់​កូន​ កូន​ធំ​បន្តិច​អាច​និយាយ​ស្ដាប់​គ្នា​បាន និង​អាច​ដឹង​ពី​កំហុស​ប្រើ​ប៉ា​ម៉ាក់​ពន្យល់​ប្រាប់។ ពន្យល់​កូន​ឲ្យ​ដឹង​ពី​អារម្មណ៍​អ្នក​ដទៃ បើ​កូន​បាន​ធ្វើ​ទង្វើ​មិន​ល្អ​លើ​អ្នក​ផ្សេង។​ ឧទាហរណ៍​ថា ប៉ា​ម៉ាក់​​អាច​ឲ្យ​កូន​គិត ថា​តើ​ក្មេង​ដទៃ​​មាន​អារម្មណ៍​បែប​ណា បើ​កូន​បំផ្លាញ​ប្រដាប់​លេង​របស់​គេ​ ជាង​ជាង​ស្រែក​សម្លុត​ ឬ​វាយ​កូន​ពេល​ធ្វើ​ខុស​។ សំខាន់ ធ្វើ​យ៉ាង​ណា​ឲ្យ​កូន​ដឹង​ពី​ផល​កើត​ចេញពី​ទង្វើ​របស់​គេ ដែល​អាច​ធ្វើ​ឲ្យ​អ្នក​ដទៃ​បារម្ភ ឬ​មិន​សប្បាយ​ចិត្ត​។   ៣. គិត​ឲ្យ​បាន​​ច្រើន​ដង មុន​សម្រេច​ចិត្ត​វាយ​កូន ប៉ា​ម៉ាក់​ត្រូវ​គិត​ឲ្យ​បាន​ច្រើន​ដង​ដែរ ថា​ពិត​ជា​​ត្រូវ​ប្រើ​ទណ្ឌ​កម្ម​ប្រភេទ​នេះ?​ ប៉ា​ម៉ាក់​ត្រូវ​ដឹង​ថា មិន​មែន​រាល់​កំហុស​ដែល​កូន​ធ្វើ​សុទ្ធ​តែ​ដល់​ថ្នាក់​ត្រូវ​ដាក់​ទណ្ឌ​កម្ម​ដោយ​វាយ​ដំ​នោះ​ទេ​។ ឧទាហរណ៍​ថា កូ​ន​បាន​ធ្វើ​ខុស​ពី​អ្វី​ដែល​បាន​និយាយ​គ្នា មិន​មែន​មាន​ន័យ​ថា​យើង​ត្រូវ​ដាក់​ទណ្ឌ​កម្ម​កូន​ទេ នេះ​អាច​ថា​កូន​បាន​រៀន​វិធី​ថ្មី​សម្រាប់​ខ្លួន​គេ​។ ដូច​គ្នា​ដែរ ពេល​ខ្លះ​ប៉ា​ម៉ាក់​ត្រូវ​គិត​ឡើង​វិញ​ដែរ​ថា […]

ការលូតលាស់មុនអាយុ ៥ឆ្នាំ

ពិត​ណាស់​ថា​ គ្មាន​ប៉ាម៉ាក់​ណា​ចង់​ឲ្យ​កូន​មាន​ចរិត​មិន​ល្អ​នោះ​ទេ តែ​ទង្វើ​សាមញ្ញ​ៗ​របស់​ប៉ាម៉ាក់មួយ​ចំនួន​អាច​ធ្វើ​ឲ្យ​កូន​ខូច​បាន​។ តើ​ទង្វើ​ទាំង​នោះ​មាន​អ្វី​ខ្លះ? ស្វែង​យល់​ទាំង​អស់​គ្នា​។​ ១. មិ​ន​ធ្វើ​តាម​ការ​និយាយ​ បើ​ប៉ាម៉ាក់​ថា​មិន​ឲ្យ​របស់​អ្វី​មួយ​ដល់​កូន​ហើយ សូម​ធ្វើ​ឲ្យ​បាន​។ ប៉ាម៉ាក់​ខ្លះ​ថា​មិន​ឲ្យ​កូន​ញ៉ាំ​ស្ករ​គ្រាប់​ទេ តែ​ពេល​កូន​ខឹង​គប់​របស់​របរ​ចោល ក៏​ប្ដូរ​ចិត្ត​ឲ្យ​កូន​ញ៉ាំ​វិញ។ ការ​ធ្វើ​ដូច​នេះ ធ្វើ​ឲ្យ​កូន​ដឹង​ចិត្ត​ប៉ាម៉ាក់​ថា​ពេល​គេ​ខឹង គេ​នឹង​បាន​អ្វី​ដែល​ត្រូវ​ការ ហើយ​អ្វី​ដែល​ប៉ាម៉ាក់​និយាយ​មិន​យក​ជា​ការ​នោះ​ទេ​។ ដូច​គ្នា​ដែរ ប៉ា​ម៉ាក់​ខ្លះ​ទៀត បាន​គំរាម​កូន​ថាបើ​មិន​ធ្វើ​តាម​​នឹង​មិន​បាន​របស់​នេះ​របស់​នោះ មិន​ឲ្យ​មើល​ទូរសព្ទ ឬ​មិន​បាន​ដើរ​លេង​ជា​ដើម​។ ប៉ុន្តែ​នៅ​​ពេល​កូន​មិន​ធ្វើ​តាម​ ប៉ាម៉ាក់​នៅ​តែ​មិន​បាន​ធ្វើ​តាម​អ្វី​ដែល​ខ្លួន​ប្រាប់​កូន​ដដែល​។ ការ​​ធ្វើ​ដូច​នេះ ធ្វើ​ឲ្យ​កូន​ដឹង​ថា​ ទោះ​បី​ជា​គេ​មិន​ស្ដាប់​តាម​ប៉ា​ម៉ាក់ ក៏​គេ​មិន​ទទួល​ពិន័យ​អ្វី​ដែរ​។​ ​​២.​រក​លេស​ជំនួស​កូន​ ពេល​កូន​ធ្វើ​ខុស​អ្វី​មួយ ប៉ា​ម៉ាក់​ខ្លះ​ខំ​រក​លេស​ជំនួស​កូន​ថា​មកពី​កូន​នៅ​តូច​ពេក មកពី​កូន​មិន​ដឹង ឬ​មកពី​កូន​ឃ្លាន​ជា​ដើម​។ ការ​រក​លេស​ជំនួស​កូន​នេះ​ នឹង​ធ្វើ​ឲ្យ​កូន​មិន​ចេះ​ទទួល​ស្គាល់​កំហុស ហើយ​យូរ​ៗ​ទៅ​​កូន​នឹង​លែង​មាន​ការ​ទទួល​ខុស​ត្រូវ​លើ​ទង្វើ​ខ្លួន​​។​​ ៣. ចូល​ចិត្ត​ស្រែក​ដាក់​កូន​ ប៉ា​ម៉ាក់​ខ្លះ​ទំនង​ជា​គិត​ថា​ការ​ស្រែក​គំហក​ដាក់​កូន​ធ្វើ​ឲ្យ​កូន​ស្ដាប់​ឮ និង​ធ្វើ​តាម ប៉ុន្តែ​ការ​ធ្វើ​បែប​នេះ​មាន​ប្រសិទ្ធភាព​រយៈពេល​ខ្លី​ប៉ុណ្ណោះ មិន​បាន​យូរ​អង្វែង​ទេ និង​ថែមទាំង​អាច​ធ្វើ​ឲ្យ​ទំនាក់​ទំនង​ប៉ាម៉ាក់​និង​កូន​ល្អក់​កករ​នឹងគ្នា​ទៅ​វិញ​។ និយាយ​ជាមួយ​កូន​ដោយ​សម្ដីទន់​ភ្លន់ តែ​ច្បាស់​លាស់ នឹង​ធ្វើ​ឲ្យ​កូន​យល់ ហើយ​អាច​ពង្រឹង​ទំនាក់ទំនង​ប៉ា​ម៉ាក់ និង​កូន​បាន​រឹង​មាំ​ល្អ​ទៀត​ផង​។ ដូច​គ្នា​ដែរ ប៉ា​ម៉ាក់​ខ្លះ​ទៀត ចូល​ចិត្ត​គំរាម​ដាក់​ទណ្ឌកម្ម​កូន បើ​ហ៊ាន​ធ្វើ​ខុស​អ្វី​មួយ តែ​ជាក់​ស្ដែង​ពេល​កូន​ធ្វើ​ខុស​បែរ​ជា​មិន​ដាក់ទោស​ នាំ​ឲ្យ​កូន​ដឹង​ថា​គេ​គ្មាន​ហេតុ​ផល​អ្វី​ត្រូវ​ធ្វើ​តាម​ការ​បង្គាប់ ឬ​ណែនាំ​របស់​ប៉ា​ម៉ាក់​នោះ​ដែរ​។ ៤. វាយ​កូន​ ការ​សិក្សា​បាន​រក​ឃើញ​ថា​ ការ​អប់រំ​កូន​ដោយ​ការ​វាយ​ដំ នឹង​ធ្វើ​ឲ្យ​កូន​អាច​ក្លាយ​ជា​មនុស្ស​ហិង្សា​ពេល​ធំឡើង កូន​បាត់​បង់​ការ​ចេះ​អាណិត​អាសូរ និង​អាច​មាន​ចារិត​ឫកពា​មិន​សូវ​ចុះ​សម្រុង​ក្នុង​សង្គម​ផង​ដែរ​។ ការ​អប់​រំ​កូន​ដោយ​រំពាត់ មិន​មាន​ប្រសិទ្ធ​ភាព​យូរ​អង្វែង​ទេ តែ​នឹង​ធ្វើ​ឲ្យ​កូន​រក​វិធី​គេច​ពី​ការ​ត្រូវ​រំពាត់​ទៅ​វិញ […]

អាហារូបត្ថម្ភ

ប៉ាម៉ាក់​មាន​កូន​តូចៗ​មិន​មែន​ចេះ​តែ​ឲ្យ​កូន​ញ៉ាំអាហារ​តាម​ការ​នឹក​ឃើញ​នោះ​ទេ ព្រោះថាអាហារ​ ភេសជ្ជៈ​ខ្លះអាច​ប៉ះពាល់​សុខភាព​កូន​បាន។ ការ​ជ្រើស​រើស​អាហារ​សម្រាប់​កូន​បាន​ត្រឹម​ត្រូវ​ជួយ​ឲ្យ​កូនៗ​មាន​ការ​លូតលាស់​ផ្នែក​រាង​កាយ និង​ខួរ​ក្បាល​បាន​ល្អ។ អ៊ីចឹង​ម៉ាក់ៗ​ ឬប៉ាៗ​ដឹងទេថា​កូនតូចៗ​គួរញ៉ាំ ឬមិន​គួរញ៉ាំអាហារ​ណាខ្លះ? តស់​បើ​ឆ្ងល់​អាច​សាក​ល្បង​ឆ្លើយ​សំណួរ​ខាង​ក្រោម​ទាំងអស់​គ្នាមើល៍ ក្រោយ​ឆ្លើយ​ចប់​ម៉ាក់ៗ​នឹង​ដឹងថាខ្លួន​បាន​យល់ដឹងច្រើន​ប៉ុនណា ព្រោះថា​ឆ្លើយ​ចប់​ ចម្លើយ​ក៏នឹង​លោត​មក​ដូចគ្នា។​ បើ​ម៉ាក់ៗ​ចង់​ស្វែង​យល់ពី​តិចនិក​ចិញ្ចឹម​កូន ថែទាំ​កូន​បន្ថែមទៀត សូមចុចត្រង់​នេះ! សំណួរពាក់ព័ន្ធ៖  សំណួរ​ប្រចាំ​សប្ដាហ៍៖ វីតាមីន និងរ៉ែសំខាន់ៗសម្រាប់កូន ម៉ាក់ៗគួរដឹង សំណួរប្រចាំសប្ដាហ៍៖ មានកូនអាយុក្រោម១ឆ្នាំ ម៉ាក់ៗគួរដឹងរឿងនេះ   View Survey

ការលូតលាស់មុនអាយុ ៥ឆ្នាំ

ម៉ាក់ៗ​ជា​ច្រើន​មាន​ចម្ងល់​ទាក់ទិននឹង​ម៉ោង​គេង​របស់​កូន ​ព្រោះ​កូន​ខ្លះ​គេង​ច្រើន​ជាង​ម៉ឹម ឬ​កូន​ខ្លះ​ទៀត​ម៉ឹម​ច្រើន​ជាង​គេង។ វេជ្ជបណ្ឌិត ហ៊ាង រតនា នឹង​បង្ហាញ​ពី​ម៉ោង​គេង​ត្រឹមត្រូវ​របស់​ទារក​ទើប​នឹង​កើត​ភ្លាម​រហូត​ដល់​កូន​មាន​អាយុ​ ២​ឆ្នាំ។ - ទារក​ទើប​កើត​-៣ខែ គួរ​ឲ្យ​គេង ១៤ ទៅ ១៧ ម៉ោង/ថ្ងៃ - ទារក​អាយុ​ចន្លោះ ៤-១១ខែ គួរឲ្យ​គេង ១២ ទៅ ១៦ ម៉ោង/ថ្ងៃ - ទារក​អាយុ ចន្លោះ ១២- ១៦ខែ គួរ​ឲ្យ​គេង ១០ ទៅ ១២ ម៉ោង/ថ្ងៃ - ទារក​អាយុ ១៧-២៤​ខែ គេង​ឲ្យ​បាន ១០ ម៉ោង/ថ្ងៃ វេជ្ជបណ្ឌិត​ជំនាញ​ជំងឺ​ទូទៅ និង​កុមារ​រូប​នោះ​បាន​បន្ថែម​ទៀត​ថា​ក្មេង​ទើប​កើត​គេង ២ ឬ ៣​ម៉ោង​ត្រូវ​លើក​មក​បំបៅ​ម្ដង បើ​ទោះ ជា​កូន​មិន​ឃ្លាន​ក៏​ដោយ។ មួយ​វិញ​ទៀត នៅ​ការ​ម៉ឹម​តែ​មួយ​មុខ​មិន​អាច​ជួយ​ឲ្យ​សុខភាព​កូន​រឹងមាំ​ឡើយ​ទាល់​តែ​គេង​បានគ្រប់​គ្រាន់​តាម​តម្រូវ​ការ​ដែរ​ទើប​ទារក​លូតលាស់​បាន​ល្អ។ លោក​បាន​បន្ត​ថា ក្មេង​ទើប​កើត​គេង​យូរ​ណាស់​ហើយ​វ័យ​កាន់​តែ​ធំ​ ការ​គេង​ក៏​ចាប់​ផ្ដើម​បន្ថយ​បន្តិច​ម្ដង ៗ រហូត​ដល់​អាយុ​២ ឆ្នាំ ​ក្មេង​ខ្លះ​លែង​ចង់​គេង​ថ្ងៃ​ហើយ ឬ​គេង​តែ​ម្ដង​ប៉ុណ្ណោះ រហូត​ដល់​យប់​ទើប​ចូល​គេង​ដូច​មនុស្សធំ។ ប៉ុន្តែ​មិន​គួរ​ទម្លាប់​ឲ្យ​កូនចូល​គេង​យប់​ជ្រៅ​ម៉ោង​១០ ឬ​ម៉ោង១១ ឡើយ​ព្រោះ​ចូល​គេង​វេលា​នោះ​កូន​គេង​មិន​ស្កប់​ទេ​ យ៉ាង​ច្រើន​ត្រឹម​ម៉ោង​៨ […]

អាហារូបត្ថម្ភ

មាន​ម៉ាក់​ប៉ា​មួយ​ចំនួន​ពិបាក​ចិត្ត​រឿង កូន​ៗ​អាយុ​២-៣​ឆ្នាំ​ហើយ តែ​ឲ្យ​ញ៉ាំ​បាយ អត់​ចេះ​ញ៉ាំ មួយ​ថ្ងៃ​ៗ​ផឹកតែ​ទឹក​ដោះ​គោ។ បើ​ចង់​ឲ្យ​កូន​ងាក​មក​ញ៉ាំ​បាយ​ដូច​ក្មេង​ធម្មតា មាន​វិធី​អី​ល្អ​ជួយ​ឲ្យ​កូន​ញ៉ាំ​បាយ​បាន​ដូច​គេ​ដូច​ឯង​? ដើម្បី​ដោះស្រាយ​​បញ្ហា​នេះ លោក​វេជ្ជបណ្ឌិត អ៊ុន យូ ឯក​ទេស​រោគ​កុមារ​បាន​ឲ្យ​ដឹង​ថា កាល​ណា​ដែល​កូន​ធំ​ៗ អាយុ២-៣ឆ្នាំ​ហើយ តែ​អត់​ញ៉ាំ​បាយ ញ៉ាំ​តែ​ទឹក​ដោះ​គោ ក្មេង​នោះ​អាច​ប្រឈម​នឹង​កង្វះ​ជីវជាតិ​មួយ​ចំនួន និង​អាច​ខ្វះ​គ្រាប់​ឈាម​ក្រហម​ទៀត។ សម្រាប់​មធ្យោបាយ​ដែល​ចង់​ឲ្យ​កូន​ងាក​ទៅ​ញ៉ាំ​បាយ​ពេល​ជាមួយ​មនុស្ស​ធំ​ដែរ គឺ​អាស្រ័យ​ទៅ​លើ​ព្យាយាម​របស់​ម៉ាក់​ប៉ា។ ទី១. នៅ​ពេល​ញ៉ាំ​បាយ ម៉ាក់​ប៉ា​មិន​គួរ​ឲ្យ​កូន​មើល​ទូរស័ព្ទ ឬ​ទូរទស្សន៍​អី​ទេ គឺ​ឲ្យ​កូន​ផ្ដោត​អារម្មណ៍​ទៅ​លើ​ការ​ញ៉ាំ​បាយ​មួយ​មុខ​គត់​។ ទី២. ម៉ាក់​ប៉ា​ត្រូវ​មាន​សិល្បៈ​ក្នុង​ការ​បញ្ចុក​បាយ​កូន លួង​លោម​កូន ហើយ​ត្រូវ​ព្យាយាម​រហូត​ទាល់​កូន​ចេះ​ញ៉ាំ​បាយ បើ​មិន​ដូច្នេះ​ទេ កូន​នៅ​តែ​អត់​ចេះ​បាយ​អ៊ីចឹង។ លោក​វេជ្ជបណ្ឌិតបាន​បញ្ជាក់​ថា "ព្រោះ​តែ​ខ្លាច​កូន​ធំ​មិន​ចេះ​ញ៉ាំ​បាយ​ចឹង​ហើយ ទើប​ពេទ្យ​ណែនាំ​ថា ពេល​កូន​អាយុ​គ្រប់៦​ខែ​ឲ្យ​ញ៉ាំ​អាហារ​ដូច​ជា បបរ​ខាប់​គ្រប់​គ្រឿង​បន្ថែម​ពី​លើ ការ​បៅ​ដោះ​ម្ដាយ ឬ​ទឹក​ដោះ​គោ ព្រោះ​វា​ដូច​បង្រៀន​កូន​ឲ្យ​ញ៉ាំ​អាហារ​ផ្សេង​បន្តិច​ម្តង​ៗ​ទៅ​តាម​វ័យ រហូត​កូន​ចេះ​ញ៉ាំ​បាយ​"។​​​ លោក​វេជ្ជបណ្ឌិត​ថា បើ​ម៉ាក់​ប៉ា​មាន​កូន​ធំ​អត់​ចេះ​ញ៉ាំ​បាយ មិន​បាច់​ទៅ​រំពឹង​ថ្នាំ​ដែល​ធ្វើ​ឲ្យ​កូន​ចេះ​ញ៉ាំ​បាយ​វិញ​ទេ ពពួក​វីតាមីន​ដែល​ភាគ​ច្រើន​ឃើញ​ម៉ាក់​ប៉ា​ឲ្យ​កូន​ញ៉ាំ គ្រាន់​តែ​ជួយ​បំពេញ​ជីវជាតិ​ដែល​ខ្វះ និង​ភ្ញោច​ឲ្យ​កូន​ញ៉ាំ​បាយ​ច្រើន​ប៉ុណ្ណោះ​ទេ ប៉ុន្តែ​បើ​ចង់​ឲ្យ​កូន​ចេះ​ញ៉ាំ​បាយ គឺ​មាន​តែ​ការ​ច្នៃ​ប្រឌិត​របស់​ម៉ាក់​ប៉ា​ទើប​អាច​ជួយ​បាន។​

វ័យកូនចេះដើរ

ប៉ាម៉ាក់​អាច​ចម្លែក​ចិត្ត​បើ​យើង​មិន​ដែល​ប្រើ​ពាក្យ​អាក្រក់ អសុរោះ ឬ​ពាក្យ​​ជេរ​ នៅ​ក្នុង​គ្រួសារ​ តែ​កូន​តូច​របស់​យើង​បែរជា​ចេះជេរ​យើង ឬ​អ្នក​ដទៃ​ទៅ​វិញ។ ធម្មតា​ក្មេង​​អាច​មិន​ដឹង​ថា​ពាក្យ​ដែល​គេ​កំពុង​ប្រើជា​ពាក្យ​អាក្រក់ ឬជា​ពាក្យ​ក្នុង​ន័យ​ជេរ នរណា​ម្នាក់​នោះ​ទេ ទំនងជា​គេ​គិត​ថា​ជា​ពាក្យ​ថ្មី ឬ​ទើប​បាន​ឮ ហើយ​ក៏​យក​មក​ប្រើ​។ ដូច​នេះ ប៉ា​ម៉ាក់​ត្រូវ​ដឹង​តិច​និក​មួយ​ចំនួន​នេះ​ដើម្បី​អប់​រំ​កូន​កុំ​ឲ្យ​ប្រើ​ពាក្យ​មិន​ល្អ អសុរោះ​​​ទាំងនេះ។ ១.កុំទាន់​ប្រតិកម្ម​នឹង​កូន​ភ្លាមៗ​ ពេល​កូន​យើង​ប្រើ​ពាក្យ​ជេរ​ ឬ​អសុរោះ​ក្នុង​កាលៈទេសៈ​ណាមួយ ទំនង​ជាកូន​គិតថា៖ វាជា​ពាក្យ​ថ្មី កំប្លែង​ គួរឲ្យ​ចង់និយាយ កូន​អាច​បង្ហាញ​ពី​អារម្មណ៍​ខឹង ដោយ​បាន​ឃើញ​មនុស្ស​ធំ​ធ្វើ​ដូច​នេះពេល​មាន​អារម្មណ៍​មិន​ល្អ​ ឬ​ខឹង​។ កូន​ចង់បាន​ការ​យក​ចិត្ត​ទុក​ដាក់​ពី​មនុស្ស​ធំ ​បើ​កូន​យើង​ប្រើ​ពាក្យ​មិន​សមរម្យ អសុរោះ​ដើម្បី​បាន​ការ​យក​ចិត្ត​ទុក​ដាក់ ម៉ាក់ៗ​កុំ​ទាន់​ឆ្លើយ​តប​ទៅ​កូន​ភ្លាមៗ​​ ការ​ធ្វើ​ដូច​នេះ​អាច​ធ្វើ​ឲ្យ​កូន​ឈប់​និយាយ​ពាក្យ​មិន​ល្អ​ទៀត និង​ធ្វើ​ឲ្យ​កូន​ដឹង​ថា​ការ​ប្រើ​ពាក្យ​មិន​ល្អ មិន​មែន​ជា​វិធី​ទទួល​បាន​ការ​ចាប់​អារម្មណ៍​នោះ​ទេ​។   ២. សួរ​កូន​​ដោយ​ចិត្ត​ត្រជាក់​ថា​ម៉េច​បាន​ប្រើ​ពាក្យ​នេះ? ​បន្ទាប់​ពី​យើង​ធ្វើ​មិន​ដឹង​មិន​ឮ​នឹង​ពាក្យ​នេះ​រួច​​ហើយ យើង​ក៏​គួរ​ចាប់​ផ្ដើម​សួរ​កូន​ថា​ហេតុអ្វី​បានជា​កូន​និយាយ​ពាក្យ​មិន​ល្អ​ទាំង​នេះ។ ប៉ាម៉ាក់​កុំ​សួរ​សំណួរ​ដោយ​ត្រង់ៗ​ពេក​អី ដោយ​អាច​សួរ​កូន​ថា​ «កូន​មាន​អារម្មណ៍​យ៉ាង​ម៉េច បាន​ជា​និយាយ​ពាក្យ​មិន​ល្អ​ចេញ​មក?»​ ចម្លើយ​របស់​កូន​អាច​នឹង​ថា​ព្រោះ​តែ​គិត​ថា​គេ​ចូល​ចិត្ត​ពាក្យ​ហ្នឹង ស្ដាប់​ទៅ​ដូច​ចង់​និយាយ​តាម ឬ​ក៏​គេ​មាន​អារម្មណ៍​ខឹង​ជា​ដើម​។​ ៣. ទទួល​យក​ចម្លើយ​រ​បស់​កូន និង​ផ្ដល់​ដំណោះ​ស្រាយ បន្ទាប់​ពី​ដឹង​ពី​មូល​ហេតុ​ដែល​កូន​និយាយ​ពាក្យ​មិន​ល្អ​ហើយ យើង​គួរ​តែ​រក​វិធី​​​ប្រាប់​កូនឲ្យ​ចេះ​ប្រើ​ពាក្យ​សមរម្យ​និយាយ​ជំនួស​វិញ​។ បើសិនជា​កូន​គិត​ថា​ពាក្យ ជេរ អសុរោះ ជា​ពាក្យ​គួរ​ឲ្យ​ចង់​និយាយ យើង​គួរ​តែ​ប្រាប់​កូន​ថា​ពាក្យ​ទាំងនោះ​ជា​ពាក្យ​សម្រាប់​តែ​មនុស្ស​ធំ​ប្រើ​ប៉ុណ្ណោះ។ ត្រង់​ចំណុច​នេះ យើង​មិន​បាច់​ពន្យល់​វែង​ឆ្ងាយ​ក៏​បាន​ ព្រោះ​ថា​ក្មេង​តូចៗ​មិន​សូវ​ជា​យល់​បាន​ច្រើនទេ បើ​យើង​ពន្យល់​ស្មុគ​ស្មាញ​ពេក​។ ប៉ុន្តែ​បើ​កូន​យើង​ប្រើ​ពាក្យ ជេរ​ ព្រោះតែ​ពួកគេ​ខឹង យើង​គូរ​លើក​ទឹក​ចិត្ត​ឲ្យ​កូន​និយាយ​ពាក្យ​សមរម្យ​ជំនួស​វិញ ដោយ​អាច​ប្រាប់​ថា​ពេល​កូន​ខឹង កូន​គួរ​និយាយ «ខ្ញុំ​មាន​អារម្មណ៍​ខឹង​ […]

អាហារូបត្ថម្ភ

របប​អាហារ​របស់​ទារក និង​កុមារ​ប្រែប្រួល​ទៅ​តាម​អាយុ​របស់​ពួក​គេ ដោយ​ចាប់​ផ្តើម​ពី​អាហារ​ទន់ៗ ក្នុង​បរិមាណ​ពី​តិច​ទៅ​ច្រើន។ ពេល​កូន​ឈាន​ដល់​អាយុ ១-២ ឆ្នាំ តើ​ម៉ាក់ៗ​គួរ​បំបៅ​ដោះ​កូន​ប៉ុន្មាន​ដង? ហើយ​ផ្តល់​អាហារ​អីខ្លះ ទើប​សម​ស្រប​នឹង​អាយុ​ពួក​គេ? នៅចន្លោះអាយុ ១-២ ឆ្នាំ ម៉ាក់ៗត្រូវបន្ត​បំបៅ​កូន​ដោយ​ទឹក​ដោះ​ម្តាយ ឬ​ទឹក​ដោះ​គោ​ ទាំង​ពេល​យប់ ឬ​ពេល​ថ្ងៃ យ៉ាង​ហោច​ណាស់​បំបៅ​កូន​ឲ្យ​បាន ៣ដង/២ម៉ោង។ ងាក​មក​ប្រភេទ និង​បរិមាណ​អាហារ​ដែល​ត្រូវ​ផ្តល់​ឲ្យ​កូន​នៅ​អំឡុង​អាយុ ១-២ ឆ្នាំ វិញ ម៉ាក់​គួរ​តែ​ផ្តល់​ទៅ​តាម​គោលការណ៍​ណែនាំ​របស់​ក្រសួង​សុខាភិបាល ខាង​ក្រោម​នេះ។ ប្រភេទ​អាហារ​ត្រូវ​ផ្តល់​ឲ្យ​កូន៖ បបរ​ខាប់​គ្រប់​គ្រឿង​ដែល​មាន​ត្រី​កិន​ឲ្យ​ម៉ដ្ដ ស៊ុត ឬសាច់ ល្ពៅ និង​បន្លែ​ស្លឹក​បៃតង​ចាស់​ដែល​ពាត (កិន) ចិញ្ច្រាំ​ម៉ដ្ត។ ចំនួន​ដង៖ ៣ដង/ថ្ងៃ បរិមាណ​អាហារ៖ ១ចាន​ចង្កឹះ​ពេញ ក្នុង​១ពេលៗ និង​ត្រូវ​ផ្តល់​បន្ថែម​នូវ​អាហារ​ក្រៅ​ពេល (អាហារសម្រន់) ឲ្យបាន ២ដង/ថ្ងៃ អាហារ​ក្រៅ​ពេល​ទាំង​នោះ​មានដូច ចេកទុំ ល្ហុងទុំ ស្វាយទុំ ចេកឆឹង ដំឡូង​ជ្វា​ពណ៌​លឿង ត្រាវ។ ចូល​ដល់​វ័យ​នេះ ម៉ាក់ប៉ា​ត្រូវ​ផ្តល់​អាហារ​ដែល​កូន​អាច​កាន់​ញ៉ាំ​បាន។ អ្វី​ដែល​ម៉ាក់ប៉ា​ត្រូវ​យក​ចិត្ត​ទុក​ដាក់​នោះ គឺ​ត្រូវ​លាង​ដៃ​យើង និង​កូន​ឲ្យ​បាន​ស្អាត​ជាមួយ​សាប៊ូ​រាល់​ពេល​មុន​បញ្ចុក​អាហារ​កូន ត្រូវ​ដាក់​កូន​លើ​ភ្លៅ ហើយ​បញ្ចុក​អាហារ​កូន​ឲ្យ​សកម្ម ជាពិសេស​ត្រូវ​ផ្តល់​អាហារ​ឲ្យ​កូន​ញ៉ាំ​ក្នុង​បរិមាណ​ត្រឹម​ត្រូវ​ឲ្យ​អស់​ពី​ចាន។

ការលូតលាស់មុនអាយុ ៥ឆ្នាំ

ពេល​ដែល​មិន​បាន​អ្វី​តាម​បំណង អា​អូន​ខ្លះ​ចាប់​ផ្ដើម​ស្រែក​យំ បោក​ខ្លួន ទន្ត្រំ​ដៃ​ជើង បើ​និយាយ​សាមញ្ញ​គឺ​ក្មេង​​ខូច ក្បាល​រឹង។ ម៉ាក់​ប៉ា​ដែល​កូន​មាន​ចរិត​បែប​នេះ មាន​ផល​ពិបាក​ច្រើន​ក្នុង​ការ​កែ​ចរិត​កូន​ចេញ ហើយ​ម៉ាក់​ប៉ា​នៅ​ស្រុក​យើង​ភាគ​ច្រើន បើ​កូន​ខូច​​ហើយ និយាយ​មិន​ស្ដាប់ មាន​តែ​ចាត់​ការ​តាម​ធម៌​ក្ដៅ​ទេ​ទើប​បាន តែ​ធម៌​ក្ដៅ​មិន​មែន​ជា​មធ្យោបាយ​ល្អ​ទេ។ ចុះ​មាន​វិធី​ណា​ផ្សេង ល្អ​សម្រាប់​ដោះ​ស្រាយ​ជាមួយ​ក្មេង​ៗ​ក្បាល​ខូច​អត់? ធម្មតា ចរិត​ក្មេងៗ​ខូច​មិន​មែន​កើត​ឡើង​មក​ពី​ធម្មជាតិ​ទេ មាន​កត្តា​មួយ​ចំនួន​ដែល​អាច​ជំរុញ​ឲ្យ​អា​អូន​មាន​ចរិត​កោង​កាច​បែប​នេះ​ដូច​ជា ក្មេង​ឃ្លាន ហត់ ចង់​បាន​ចំណាប់​អារម្មណ៍ ជាដើម។ ប៉ុន្តែ បើ​ចរិត​កូន​កាន់​តែ​កាច ឬ​ប៉ះពាល់​ទៅ​ដល់​អ្នក​ក្បែរ​ខ្លួន យើង​ត្រូវ​តែ​ដោះ​ស្រាយ កែ​ចរិត​កូន​ចេញ​ភ្លាម​ដោយ៖ ១. ព្យាយាម​ទប់​អារម្មណ៍ នៅ​ពេល​ដែល​កូន​កិក​កុក​ច្រើន ពី​មួយ​ពេល​ទៅ​មួយ​ពេល យើង​ច្បាស់​ជា​ល្វីង​មុខ ខឹង​កូន​ទប់​លែង​បាន​មិន​ខាន។ តែ​ទោះ​យ៉ាង​ណា យើង​ត្រូវ​ព្យាយាម​រក​ដំណោះ​ស្រាយ​ណា​ល្អ មក​ដោះ​ស្រាយ​ជាមួយ​កូន ចៀស​វាង​ប្រើ​កម្លាំង​ធ្ងន់​ៗ​លើ​កូន មុខ​គេ​មុខ​ឯង។ ២.និយាយ​ជាមួយ​កូន ព្យាយាម​និយាយ​ស្រួល​បួល​ជាមួយ​កូន ពន្យល់​កូន​ពី​ទង្វើ​មិន​ល្អ​ដែល​កូន​កំពុង​ធ្វើ ឬ​អាច​ឲ្យ​កូន​ដឹង​ថា ម៉ាក់​ប៉ា​មិន​ចូល​ចិត្ត​អ្វី​ដែល​កូន​កំពុង​ធ្វើ​ទេ​ក៏​ល្អ។ មួយ​វិញ​ទៀត យើង​អាច​ជំរុញ​ឲ្យ​កូន ប្រាប់​ហេតុ​ផល​ថា​ហេតុអ្វី​បាន​កូន​បញ្ចេញ​ចរិត​មិន​ល្អ​បែប​នេះ ទុក​ឱកាស​ឲ្យ​កូន​ពន្យល់​ពី​ហេតុ​ផល​ដែល​ធ្វើ​ឲ្យ​កូន​អន់​ចិត្ត។ ការ​ធ្វើ​បែប​នេះ បង្ហាញ​ថា យើង​ស្ដាប់​ហេតុ​ផល​កូន និង​ជួយ​ដោះ​ស្រាយ​បញ្ហា​ដោយ​ស្រួល​បួល។ ៣.មាន​ភាព​វិជ្ជមាន​ចំពោះ​ទង្វើ​ល្អៗ បើ​កូន​ចាប់ផ្ដើម​បញ្ចេញ​ចរិត​មិន​ល្អ យើង​អាច​និយាយ​ប្រាប់​ថា ចរិត​បែប​នេះ​មិន​ល្អ ម៉ាក់​ប៉ា​មិន​ពេញ​ចិត្ត ហើយ​បន្ថែម​ដោយ​ការ​សរសើរ​ពី​ចរិត​កូន​ធ្វើ​ដែល​យើង​ពេញ​ចិត្ត។ ឧ. ម៉ាក់​ប៉ា​ចូល​ចិត្ត​ពេល​កូន​មាន​ចរិត​ស្លូត​បូត ឬ​ពេល​កូន​មិន​យំ មិន​កិក​កុក គួរ​ឲ្យ​ស្រលាញ់​ជាង។ល។ […]

វ័យកូនចេះដើរ

ម៉ាក់​ប៉ា​យើង​មួយ​ចំនួន​ឲ្យ​តែ​ពេល​ដើរ​ផ្សារ​ទិញ​អីវ៉ាន់​មិន​សូវ​ចង់​យក​កូន​ទៅ​តាម​ទេ ព្រោះ​អា​អូន​ឃើញ​របស់​លេង​ស្អាត ឬ​ការ៉េម​មិន​បាន ដឹង​តែ​ទារ​ទិញ​ហើយ។ បើ​ទារ​មិន​បាន​ដឹង​តែ​ស្រែក​យំ​បែក​ផ្សារ រហូត​ម៉ាក់​ប៉ា​ទិញ​ឲ្យ​ទាល់​តែ​បាន តែ​ការ​ធ្វើ​តាម​ចិត្ត​កូន​បែប​នេះ​មិន​ល្អ​ក្នុង​ការ​ចិញ្ចឹម​កូន​ទេ។ ម៉ាក់​ប៉ា​អាច​ចាប់​ផ្ដើម បដិសេធ​ពេល​កូន​ទារ​ទិញ​របស់​របរ លើក​ក្រោយៗ​បាន ដោយ​ដោះ​ស្រាយ​តាម​ក្បួន​ចិញ្ចឹម​កូន​សាមញ្ញៗ ខាង​ក្រោម​។ ១.ឆ្លើយ​តាម​របៀប​កូន​សួរ បើ​កូន​សុំ​ក្នុង​របៀប​គួរ​សម យើង​គួរ​សរសើរ​កូន​សម្រាប់​ការ​ចេះ​និយាយ​គួរ​សម ទោះ​យើង​មិន​ទិញ​របស់​ឲ្យ​កូន​ក៏​ដោយ។ ការ​ដែល​ធ្វើ​បែប​នេះ អាច​ជំរុញ​កូន​ឲ្យ​ប្រើ​ពាក្យ​គួរ​សម និង​និយាយ​បាន​ត្រឹម​ត្រូវ​ជាមួយ​យើង ឬ​ចាស់ៗ​ដទៃ។ តែ​បើ​កូន​ស្រែក ទារ​រងូវៗ ម៉ាក់​ប៉ា​អាច​ឲ្យ​កូន​សុំ​ឲ្យ​ត្រឹម​ត្រូវ ដោយ​ប្រើ​ពាក្យ​គួរ​សម មិន​ត្រូវ​សួរ​កំបុតៗ ឈ្លើយ​ទេ។ ២.ឲ្យ​ចម្លើយ​ដល់​កូន​ច្បាស់ៗ ការ​ដែល​ម៉ាក់ប៉ា​ឲ្យ​ចម្លើយ​កូន​មិន​ច្បាស់​ដូចជា​ "ចាំ​មើល​សិន​" ឬ "ប្រហែល" អាច​នឹង​ធ្វើ​ឲ្យ​ក្មេង​មាន​អារម្មណ៍​មិនសប្បាយ​ចិត្ត ហើយ​ពេល​ខ្លះ​ពួកគេ​នឹង​ទទូច​អង្វរ​ដើម្បី​ឲ្យ​ម៉ាក់ប៉ា​ប្ដូរ​ចម្លើយ។ ដូច​នេះ​ហើយ​ពេល​យើង​និយាយ​ថា "ទេ" គួរ​និយាយ​ឲ្យ​បាន​ម៉ឺង​ម៉ាត់ ដើម្បី​បង្ហាញ​ដល់​ពួក​គេ​ថា​យើង​ពិត​ជា​មាន​ន័យ​បែប​នេះ​មែន។ ៣. មិន​ត្រូវ​ប្ដូរ​ចម្លើយ មិន​ថា​កូន​ទទូច​អង្វរ ឬ​យំ​យ៉ាង​ណា​ទេ កុំ​ចុះចាញ់​ព្រោះ​ការ​ប្តូរ​ចម្លើយ​ទៅ​យល់​ព្រម​តាម​ពួកគេ​អាច​ធ្វើ​ឲ្យ​កូន​គិត​ថា​យើង​មិន​បាន​ប្រាកដ​នឹង​អ្វី​ដែល​បាន​និយាយ​ទេ។ ពេល​ខ្លះ​ម៉ាក់ប៉ា​អាច​នឹងឮ​កូន​តវ៉ា​ថា​ក្មេង​ដទៃ​អាច​ធ្វើ​រឿង​បែប​នេះ​បាន យក​ល្អ​ម៉ាក់ប៉ា​មិន​គួរ​ប្តូរ​ចម្លើយ​ទៅ​យល់ព្រមទេ ប៉ុន្តែ​គួរ​រម្លឹក​ដល់​កូន​ថា​នេះ​ជា​ច្បាប់​របស់​យើង និង​បញ្ចប់​ការ​សន្ទនា​នេះ​ដើម្បី​ចៀសវាង​ជម្លោះ។ ៤.ពន្យល់​ហេតុ​ផល​បដិសេធ ការ​ពន្យល់​ខ្លីៗ​ថា​ហេតុអ្វី​បាន​ជា​យើង​បដិសេធ ដែល​ការ​ពន្យល់​នេះ​អាច​ធ្វើ​ឲ្យ​ការ​បដិសេធ​ក្លាយ​ទៅ​ជា​បទពិសោធន៍​ក្នុង​ការ​រៀនសូត្រ​​របស់​កូន។ ប្រសិន​ជា​យើង​បដិសេធ​កូន​ទៅ​លើ​រឿង​អ្វី​មួយ​ដែល​គេ​ចង់​ធ្វើ​ដោយ​មិន​ប្រាប់​ពី​មូលហេតុ កូន​អាច​គិត​ថា​ម៉ាក់ប៉ា​ចិត្ត​អាក្រក់​។ ហេតុ​នេះ​ហើយ យើង​គួរ​ប្រាប់​មូលហេតុ​ឲ្យ​ច្បាស់​ក្រោយ​ពី​បដិសេធ​កូន ​ព្រោះ​នៅ​ពេល​កូន​យល់​ពី​មូលហេតុ​នេះ ពួក​គេ​នឹង​មិន​ធ្វើ​អ្វី​ដែល​អាច​បង្ក​គ្រោះថ្នាក់​នៅ​ពេល​ម៉ាក់ប៉ា​មិន​អនុញ្ញាត​ទេ។ ទឹក​ចិត្ត​ម៉ាក់​ប៉ា​ចំពោះ​កូន​ៗ គឺ​ធំធេង​ណាស់ អ្វី​ដែល​កូន​ចង់​បាន ប៉ា​ម៉ាក់​គ្រប់​រូប​ច្បាស់​ជា​ចង់​ផ្ដល់​ឲ្យ​កូន​ហើយ ទោះ​បី​ពេល​ខ្លះ​វា​អាច​ហួស​ពី​សមត្ថភាព​ខ្លួន​ក្ដី។ ហើយ​ការ​និយាយ​ថា "ទេ" ទៅ​កាន់​កូន អាច​ពិបាក​សម្រាប់​យើង […]

x