home

ជំងឺឆ្លង

ជំងឺឆ្លង - កូន​កាន់​តែ​ធំ ការ​ញ៉ាំ​ចំណី​ផ្ដេសផ្ដាស បញ្ហា​ការ​រស់​នៅ អាកាសធាតុ សុទ្ធ​តែ​ជា​អ្វី​ដែល​កូនៗ​ប្រឈម។ ដូច្នេះ​ម៉ាក់ៗ គួរ​ស្វែងយល់​ឲ្យ​កាន់​តែ​ច្រើន​ពី ជំងឺឆ្លងនានា ដែល​សង្ស័យ ឬ​គួរ​ឲ្យ​បារម្ភ ហើយ​ទាមទារ​ការ​យក​ចិត្តទុកដាក់ ឬ​ព្យាបាល​ភ្លាមៗ

ចំណេះដឹងទូទៅ

ជំងឺឆ្លង

អំឡុង​ពេល​នេះ​ម៉ាក់​ប៉ា​ច្បាស់​ជា​បារម្ភ​ខ្លាំង​ពី​សុខភាព​កូន ខ្លាច​អា​អូន​ឆ្លង​កូវីដ-១៩ តែ​ការ​ប្រើ​ជែល ឬ​អាល់កុល​លាង​ដៃ​លើ​ទារក និង​ក្មេង​ក្រោម​អាយុ ៥ឆ្នាំ មិនល្អនោះ​ទេ។ ដោយ​សារ​កូន​ក្មេង​អាច​ពុល​នឹង​ជាតិ​អាល់កុល បើ​សិន​ជា​ច្រឡំ​ដាក់ដៃចូល​ក្នុង​មាត់​បន្ទាប់​ពីលាង​អាល់កុល ឬ​ជែល​រួចភ្លាមៗ នេះ​បើ​តាម​ការ​លើក​ឡើង​របស់​ American Academy of Pediatrics (AAP)។ ជំនួស​ដោយ​ការ​ប្រើ​ជែល និង​អាល់កុល​លាង​ដៃ​លើ​ទារក និង​ក្មេង​តូចៗ ម៉ាក់​ប៉ា​អាច​ងាក​មក​ប្រើ​សាប៊ូ និង​ទឹក​ស្អាត​វិញ។ នេះជា​តិចនិក​ល្អ​បំផុត​សម្រាប់​សម្អាត​ដៃ​កូន ហើយ​យើង​មិន​ព្រួយ​ថា​ កូន​អាច​ពុល​ជាតិ​អាល់កុល​ដូច​ការ​ប្រើ​ជែល ឬ​អាល់កុល​លាង​ដៃ ពេល​អា​អូន​ដាក់​ដៃ​ចូល​មាត់​ទេ។ និយាយ​ដល់​ត្រង់​តិចនិក​លាង​ដៃ​កូន មជ្ឈមណ្ឌល​ត្រួត​ពិនិត្យ និង​បង្ការ​ជំងឺ​ឆ្លង​ (CDC) អាមេរិក បាន​ណែនាំ​ពី​តិចនិក​លាង​ដៃ​កូន​ឲ្យ​បាន​ត្រឹម​ត្រូវ​ដូច​ជា៖ ១. ដាក់​ដៃ​កូន​ឲ្យ​សើម រួច​ដាក់​សាប៊ូ​លើ​ដៃ​កូន ២. យក​ដៃ​យើង​ដុស​លើ​ដៃ​កូន​ឲ្យ​គ្រប់​សព្វ ទាំង​បាតដៃ ខ្នង​ដៃ ចន្លោះ​ម្រាម​ដៃ និង​ក្រចក​ដៃ ៣. ដុស​សម្អាត​ដៃ​កូន​យ៉ាង​តិច​ ២០​វិនាទី ៤. លាង​សម្អាត​ដៃ​កូន​ឲ្យ​ស្អាត​ជាមួយ​ទឹក​ស្អាត ៥. ជូត​សម្អាត​ដៃ​កូន​ជាមួយ​កន្សែង ឬ​ កំណាត់​ស្អាត វេជ្ជបណ្ឌិត Patricia Garcia ឯកទេស​ជំងឺ​កុមារ នៃ​មជ្ឈមណ្ឌល​វេជ្ជសាស្ត្រ​កុមារ Connecticut នៃ​សហរដ្ឋអាមេរិក បាន​ឲ្យ​ដឹង​ថា ក្នុង​ករណី​ដែល​យើង​នៅ​កន្លែង​គ្មាន​បន្ទប់​ប្រើ​ប្រាស់ យើង​អាច​លាង​សម្អាត​ដៃ​ដោយ​សាប៊ូ និង​ទឹក​ដប​បរិសុទ្ធ​យើង​ញ៉ាំ​ក៏​បាន​ដែរ រួច​ជូត​សម្អាត​ដោយ​ក្រដាស […]

ស្វែងរក​បន្ថែម​ទៀត ជំងឺឆ្លង អត្ថបទ

ជំងឺឆ្លង

ជំងឺ​ម៉េឡូអ៊ីតដូស (Melioidosis) គឺជា​ជំងឺ​ឆ្លង​ដែល​បណ្ដាល​មក​ពី​បាក់តេរី​ម្យ៉ាង​រស់​នៅ​ក្នុង​ដី និង​ទឹក​ឈ្មោះ បូក​ខូលដេរ្យ៉ា ផ្សឺដូម៉ាឡី (Burkholderia pseudomallei) ដែល​កើត​ឡើង​នៅ​អាស៊ី​តំបន់​ត្រូពិក ព្រោះ​មាន​អាកាសធាតុ​ក្ដៅ​សើម​ងាយ​ស្រួល​ជួយ​ឲ្យ​មេរោគ​កកើត និង​លូតលាស់។ លោក​វេជ្ជបណ្ឌិត ហ៊ាង រតនា បាន​ឲ្យ​ដឹង​ថា ការ​ឆ្លង​រោគ​តាមរយៈ ការ​ជ្រៀត​ចូល​នៃ​មេរោគ​នៅ​តាម​កន្លែង​ដែល​ស្បែក​មាន​ការ​ដាច់​រលាត់ តាម​រយៈ​ផ្លូវ​ដង្ហើម ឬ​តាម​រយៈ​ផ្លូវ​អាហារ។ ចំពោះ​រោគសញ្ញាដែល​បញ្ជាក់​ថា​នរណា​កើត​ជំងឺ​ម៉េឡូអ៊ីតដូស​នេះ វា​ចេញ​តាម​កន្លែង​បង្ក​រោគ ​មាន​ន័យ​ថា​ប្រសិនបើ​ស្បែក​មាន​បញ្ហា​ដាច់​រលាត់ ហើយ​ឆ្លង​វា​អាច​បង្ក​រោគ​ម្ដុំ​ស្បែក​នោះ​ធ្វើឲ្យ​ឈឺ ក្ដៅ ហើម រលួយ រលាក​ជាដើម។ បើ​វា​ឆ្លង​តាម​ច្រមុះ​វា​មាន​បង្ក​ឲ្យ​រលាក​សួត ហើយ​មិន​ថា​ចូល​តាម​ផ្លូវ​ណា​ទេ ពេល​ចូល​ដល់​ចរន្ត​ឈាម​វា​បង្ក​គ្រោះថ្នាក់​ចំពោះ​សុខភាព។ ជាទូទៅ​ពេល​ឆ្លង​ចូល ៤-៦ សប្ដាហ៍​ទើប​ចេញ​រោគសញ្ញា ហើយ​សម្រាប់​អ្នក​មាន​ប្រព័ន្ធ​ការពារ​រាងកាយ​រឹងមាំ​ ២-៣ ខែ​ទើប​ចេញ​រោគសញ្ញា។ វេជ្ជបណ្ឌិត​ឯកទេស​ជំងឺ​ទូទៅ​រូប​នោះ​បាន​ឲ្យ​ដឹង​ថា រោគវិនិច្ឆ័យ​ត្រូវ​បាន​បញ្ជាក់​ដោយ​ការ​បណ្ដុះ​មេរោគ ដែល​មាន​នៅ​ក្នុង​ឈាម ខ្ទុះ ទឹកនោម និង​សំណាក​ផ្សេងៗ។ ដូចនេះ​ដើម្បី​ចៀសវាង​កើត​ជំងឺ ម៉េឡូអ៊ីតដូស​ត្រូវ​ផឹក​ទឹក​ដែល​ដាំ​ពុះ ហើយ​ប្រទេស​កម្ពុជា​កំពុងតែ​ជួប​ប្រទះ​បញ្ហា​ធ្លាក់​ភ្លៀង និង​ទឹក​ជំនន់​ទៀត​នោះ​សូម​កុំ​លេង​ទឹក ព្រោះ​ទឹក​គគ្រិច​មាន​ទាំង​សំរាម និង​លាមក​ដែល​កង្វក់ ងាយ​ឲ្យ​មេរោគ​រស់នៅ​បាន។ ចំពោះ​កុមារ​នៅ​កម្ពុជា​តាម​ទី​ជនបទ ដែល​ភាគ​ច្រើន​ប្រឈម​នឹង​ការ​កើត​ជំងឺ​នេះ​រួមមាន ព្រៃវែង ស្វាយរៀង តាកែវ កំពង់ស្ពឺ និង​សៀមរាប​ជាដើមដែល​ឈឺ​ជំងឺ​នេះ​ក្នុង​រដូវ​ទឹក​ជំនន់ ឬ​រដូវ​ភ្លៀង​ធ្លាក់ ព្រោះ​មេរោគ​អាច​រស់នៅ​ក្នុង​ទឹក​ […]

ជំងឺឆ្លង

នៅពេលមានភ្លៀងធ្លាក់ ទឹកលិច ធ្វើឲ្យដីសើម ក្មេងៗអាចនឹងកើតជំងឺឈ្មោះ មេឡូអ៊ីដ (Melioidosis )។ លោកវេជ្ជបណ្ឌិត ហេង សុទ្ធី អនុប្រធានមន្ទីរពេទ្យគន្ធបុប្ផា នៅរាជធានីភ្នំពេញ បានឲ្យដឹងថា ជំងឺ Melioidosis នេះ ត្បិតតែមិនសូវកើតមានញឹកញាប់ដូចជំងឺគ្រុនឈាម ឬជំងឺដទៃទៀត តែបើក្មេងកើតមានជំងឺនេះធ្ងន់ធ្ងរខ្លាំង អាចប៉ះពាល់ដល់អាយុជីវិត និងពិបាកក្នុងការព្យាបាល ហើយការព្យាបាលមានរយៈពេលយូររហូតដល់ច្រើនខែ។ លោកវេជ្ជបណ្ឌិតបានបន្តថា ជំងឺ Melioidosis បង្កឡើងដោយសារបាក់តេរី Burkholderia pseudomallei រស់នៅនឹងដីសើម ហើយកុមារនៅតាមជនបទ ដែលភាគច្រើនប្រឈមនឹងការកើតជំងឺនេះរួមមាន ព្រៃវែង ស្វាយរៀង តាកែវ កំពង់ស្ពឺ និងសៀមរាបជាដើម។ "យើងដឹងហើយថា កុមារនៅតាមជនបទយើងនៅតែនឹងដី ដូច្នេះមេរោគហ្នឹងឆ្លងមកក្នុងខ្លួនតាមរយៈការលេងដី ការផឹកទឹកមិនស្អាត។ ជំងឺនេះធ្ងន់ធ្ងរបំផុតឲ្យកុមារហើមសួតខ្លាំង រលាកសួតធ្ងន់ធ្ងរ ក្រៅនោះអាចចេញជាបូសកូនកណ្តុរ ជាជំងឺមួយធ្ងន់ អាចប៉ះពាល់ដល់ជីវិតកុមារ ហើយពិបាកព្យាបាលទៀត"។ លោកវេជ្ជបណ្ឌិត ហេង សុទ្ធី រៀបរាប់។ លោកវេជ្ជបណ្ឌិតថា រោគសញ្ញាជំងឺ Melioidosis ទម្រង់ធ្ងន់ ពិសេសហើមសួត (Pneumonia) និងមេរោគបាក់តេរីចូលក្នុងឈាម (Septic […]

ជំងឺឆ្លង

អា​អូន​តូច​ៗ​ងាយ​ឆ្លង​មេរោគ​ណាស់ ដោយសារ​សុខភាព​នៅ​មិន​ទាន់​មាំ​ទាំ​ស្រួល​បួល ហើយ​អា​អូន​ចូល​ចិត្ត​យក​របស់​ដាក់​មាត់​មិន​ដឹង​កខ្វក់ ឬ​ស្អាត​ទេ។ ជួន​កាល​មេរោគ​អស់​នោះ​អាច​គ្រាន់​តែ​ធ្វើ​ឲ្យ​កូន​រាក ក្ដៅ​ខ្លួន​ឈឺ​ល្មមៗ​ទេ តែ​ពេល​ខ្លះ​វា​អាច​បណ្ដាល​ឲ្យ​អា​អូន​កើត​ជំងឺ​រលាក​ថ្លើម​ប្រភេទ A ​ជា​ដើម។ ជំងឺ​រលាក​ថ្លើម​ប្រភេទA គឺ​ជា​ជំងឺ​ឆ្លង​ដែល​បង្ក​ឡើង​ដោយ​វីរុស Piconaviridae។ នេះ​បើ​តាម​ការ​ឲ្យ​ដឹង​របស់​លោក​ស្រី​វេជ្ជបណ្ឌិត កុសល កណិការ ឯក​ទេស​ជំងឺ​កុមារ សញ្ញាប័ត្រ​ពី​បារាំង។ ជំងឺ​រលាក​ថ្លើម​ប្រភេទ​ A អាច​ចម្លង​ពី​មនុស្ស​ម្នាក់​ទៅ​មនុស្ស​ម្នាក់​ទៅ​ម្នាក់​តាម​មាត់។ យើង​គ្រប់​គ្នា មិន​ថា​ចាស់ ឬ​ក្មេង​អាច​ឆ្លង​ជំងឺ​នេះ​តាម​រយៈ​ការ​ញ៉ាំ​ចំណី​អាហារ ការ​ផឹក​ទឹក បន្ទាប់​ពី​បាន​ប៉ះ​កាន់​វត្ថុ​ផ្សេងៗ ដោយ​ប្រើ​ដៃ​មិន​ស្អាត មាន​ជាប់​មេរោគ​នេះ។ ជំងឺ​រលាក​ថ្លើម​ប្រភេទA នេះ​ភាគ​ច្រើន​កើត​ទៅ​លើ​ទារក រហូត​ដល់​ក្មេង​មាន​អាយុ​៦​ឆ្នាំ។ លោក​ស្រី​បន្ត​ថា ក្មេង​ដែល​មាន​ជំងឺ​នេះ​មិន​សូវ​ចេញ​រោគ​សញ្ញា​ឲ្យ​ដឹង​ទេ ជា​ពិសេស​ទារក ពោល​គឺ ក្មេង​កាន់​តែ​តូច​ដែល​កើត​ជំងឺ​រលាក​ថ្លើម​ប្រភេទ A កាន់​តែ​គ្មាន​រោគ​សញ្ញា​ឲ្យ​ដឹង ទើប​ពេល​ខ្លះ អា​អូន​អាច​ចម្លង​មេរោគ​ទៅ​ឲ្យ​ក្មេង​ដទៃ ម៉ាក់​ប៉ា ឬ​អ្នក​មើល​ថែ​ដោយ​គ្មាន​អ្នក​ណា​ដឹង​មុន​បាន។ តែ​ប្រសិន​បើ​ក្មេង​ធំ ឬ​មនុស្ស​ចាស់​កើត​ជំងឺ​នេះ​វិញ យើង​អាច​ដឹង​បាន​តាម​អាការៈ​ដូច​ជា៖ - ក្ដៅ​ខ្លួន - អស់​កម្លាំង - ក្អួត ចង្អោរ - ថយ​ចុះ​ចំណង់​នៃ​ការ​ញ៉ាំ​អាហារ - ចុក​ពោះ - រាករូស - រមាស់​ស្បែក និង​ស្បែក​លឿង (ជាទូទៅ ឃើញ​មាន ១សប្ដាហ៍​ក្រោយ​រោគសញ្ញា​ផ្សេងៗ)។ ចំពោះ​ក្មេង​ធំ និង​មនុស្ស​ធំ […]

ជំងឺឆ្លង

ឪម៉ាល់​ជា​សត្វ​មានពិសខ្លាំង ចូល​ចិត្ត​ធ្វើ​សំបុក​ជា​រន្ធ​តូចៗ​នៅ​រួម​គ្នា។ ក្មេង​មួយ​ចំនួនៗ ពិសេស​នៅ​ទី​ជនបទ ពេល​ឃើញ​សម្បុក​សត្វ​ឪម៉ាល់​តែ​គប់​លេង ឬ​ពេល​ខ្លះ​មិន​គប់​ទេ តែ​ទៅ​លេង​ក្បែរ​នោះ។ ការ​លេង​ក្បែរ ឬ​គប់​សម្បុក​ ឪម៉ាល់​អាច​ចេញ​មក​ទិច បង្ក​គ្រោះ​ថ្នាក់​ធ្ងន់ធ្ងរ​ដល់​ក្មេង ហើយ​បើ​វា​ទិច​ច្រើន​ទ្រនិច​អាច​បណ្តាល​ឲ្យ​ស្លាប់។ បើ​តាម​ការ​ផ្សព្វ​ផ្សាយ​នៅ​លើ​ផេក​របស់ Dr. Beat Richner ដែល​ជា​ស្ថាបនិក​មន្ទីរពេទ្យ​គន្ធបុប្ផា មាន​ករណី​ក្មេង​ស្រី​តូច អាយុ ៥ឆ្នាំម្នាក់ មក​ពី​ខេត្ត​ស្វាយរៀង ត្រូវ​ហ្វូង​សត្វ​ឪម៉ាល់ទិច ចំនួន ២៥មេ បណ្តាល​ឲ្យ​សន្លប់​ចំនួន ៥ថ្ងៃ ដោយសារ​ពិស​ឪម៉ាល់​ជ្រាប​ចូល​ក្នុង​ឈាម ធ្វើ​ឲ្យ​ហើម​ខួរក្បាល រលាយ​ជាលិកា​សាច់ដុំ រលាក​ខ្សោយ​ថ្លើម ពុល​តម្រង​នោម​មិន​ដំណើរ​ការ និង​ហើម​សួត​យ៉ាង​ធ្ងន់ធ្ងរ។ បច្ចុប្បន្ន​កុមារីរូប​នោះ​បាន​ក្រុម​គ្រូពេទ្យ​នៃ​មន្ទីរពេទ្យ​គន្ធបុប្ផា​ជួយ​សង្គ្រោះ ដោយ​វិធី​លាង​ឈាម​តាម​ស្រោម​ភ្នាស​ពោះវៀន អស់រយៈពេល ២៣ថ្ងៃ និង​សម្រាក​ពេទ្យ​អស់ ៣៣ថ្ងៃ។ តើត្រូវជួយសង្គ្រោះក្មេងឪម៉ាល់ទិចដោយរបៀបណា? ឱសថការី កឹម កាណែល បានផ្តល់ជាដំបូន្មានថា បើឪម៉ាល់ទិចក្មេង ត្រូវ​លាង​សម្អាត​កន្លែង​សត្វទិចជាមួយ​សាប៊ូ និង​ទឹក បន្ទាប់​មក​លាប​អាល់កុល អេទែរ (Either alcohol) ឬ​ទឹក Peroxide។ ដើម្បី​បន្ថយអា​ការៈ​ហើម និង​ជួយ​កុំឲ្យ​រមាស់​ស្បែក បន្ទាប់​ពី​ទិច​រួច សូម​ព្យាយាមស្អំទឹកក្តៅលើកន្លែងសត្វទិច ឬប្រេងលាប ​ដើម្បី​បន្ថយ​ការ​រមាស់-ហើម និងបំបាត់ការឈឺចាប់ […]

ជំងឺឆ្លង

កូន​​កើត​ជំងឺ​គ្រុន​ឈាម ជា​ក្តី​បារម្ភ​របស់​ម៉ាក់ប៉ា​គ្រប់រូប ដែល​ពេល​ខ្លះ​នៅ​ដំណាក់​កាល​ដំបូងៗម្នាក់ៗ​មិន​ដឹង​ទាំង​ថា កូន​កើត​ជំងឺ​គ្រុន​ឈាម​ផង។ អនុ​ប្រធាន​មន្ទីរពេទ្យ​គន្ធបុប្ផា នៅ​រាជធានី​ភ្នំពេញ លោក​វេជ្ជបណ្ឌិត ហេង សុទ្ធី នឹង​លម្អិត​ពី​មូលហេតុ​សំខាន់​៤​យ៉ាង ជំរុញ​ក្មេង​កើត​ជំងឺ​គ្រុន​​ឈាម​មាន​សភាព​ធ្ងន់ធ្ងរ ដែល​ករណី​ខ្លះ​ក្រុម​គ្រូពេទ្យ​មិន​អាច​ជួយ​សង្គ្រោះ​បាន។ ១. ភាព​ធ្ងន់ធ្ងរ​នៃ​ជំងឺ​គ្រុន​ឈាម ករណី​នេះ​សំដៅ​ទៅ​អាការៈ រួម​ទាំង​សុខភាព​របស់​ក្មេង​ដែល​កើត​ជំងឺ​គ្រុនឈាម បើ​ក្មេង​កើត​ជំងឺ​នេះ​ក្នុង​សភាព​ធ្ងន់ធ្ងរ​ហើយ ក្រុម​គ្រូពេទ្យ​ពិបាក​ក្នុង​ការ​ជួយ​សង្គ្រោះ​ជីវិត​ណាស់។ ២. ឪពុក​ម្តាយ​យក​កូន​មក​ពេទ្យ​យឺត​ពេល ដោយ​ហេតុ​ថា រោគ​សញ្ញា​ជំងឺ​គ្រុន​ឈាម​ស្រដៀង​នឹង​រោគ​សញ្ញា​ជំងឺ​ផ្សេង​ទៀត បែប​នេះ​ទើប​ធ្វើ​ឲ្យ​ឪពុកម្តាយ​មួយ​ចំនួន​យក​កូន​មក​ពេទ្យ​យឺត​ពេល។ ម្យ៉ាង​វិញ​ទៀត នៅ​អំឡុង ២-៣ ដំបូង កូន​ក្តៅ​ខ្លួន ម៉ាក់ប៉ា​ដាក់​ថ្នាំ​បញ្ចុះ​កម្តៅ​ទៅ​កូន​ត្រជាក់​វិញ គិត​ថា កូន​ជា​ហើយ តែ​តាម​ពិត នោះ​ជា​ដំណាក់កាល​ទី២ នៃ​ជំងឺ​គ្រុន​ឈាម ហើយ​ក៏​ជា​ដំណាក់​កាល​ធ្ងន់ធ្ងរ​ដែរ។ ៣. យក​កូន​ទៅ​ព្យាបាល​ជាមួយ​គ្រូពេទ្យ​គ្មាន​ជំនាញ យក​កូន​ទៅ​ព្យាបាល​ជាមួយ​គ្រូពេទ្យ​ដែល​មិន​មាន​ជំនាញ​ច្បាស់​លាស់​ក្នុង​ការ​ព្យាបាល​ជំងឺ​គ្រុន​ឈាម ក៏​ជា​មូលហេតុ​នាំ​ឲ្យ​កូន​កាន់​តែ​ធ្ងន់ធ្ងរ​ដែរ។ លោក​វេជ្ជបណ្ឌិត​ថា ណែនាំ​របស់​ក្រសួង​សុខាភិបាល គឺ​មិន​អនុញ្ញាត​ឲ្យ​គ្លីនិក​ឯកជន​ព្យាបាល​ជំងឺ​គ្រុនឈាម​ទេ។ កន្លែង​ដែល​អាច​ព្យាបាល​ជំងឺ​គ្រុនឈាម គឺ​មាន​តែ​មន្ទីរពេទ្យ​ដែល​មាន​ជំនាញ​ពិត​ប្រាកដ មាន​មន្ទីរ​ធំៗ​ថ្នាក់​ជាតិ មន្ទីរពេទ្យ​តាម​ខេត្ត​ជាដើម។ [caption id="attachment_117597" align="aligncenter" width="1920"] វេជ្ជបណ្ឌិត ហេង សុទ្ធី ពិនិត្យកុមារកើតជំងឺគ្រុនឈាម មកសម្រាកព្យាបាលនៅមន្ទីរពេទ្យ គន្ធបុប្ផា[/caption] ៤. ពុល​ថ្នាំ ក្នុង​នាម​មន្ទីរពេទ្យ​គន្ធបុប្ផា​ដែល​បាន​ទទួល​ព្យាបាល​កុមារ​កើត​គ្រុន​ឈាម​ច្រើន លោក​វេជ្ជបណ្ឌិត​ថា ជំងឺ​ពុល​ថ្នាំ ក៏​ធ្វើ​ឲ្យ​គ្រុន​ឈាម​ធ្ងន់ធ្ងរ ក្មេង​អាច​ឈាន​ទៅ​ស្លាប់​បាន​ដែរ។ ពុល​ថ្នាំ​បែប​ម៉េច? […]

ជំងឺឆ្លង

គ្រុន​ឈាម​ជា​​តួ​ឯក​នៅរដូវ​ភ្លៀង​ធ្លាក់ ដែល​យាយី និង​រាត​ត្បាត​លើ​កុមារ​ធ្ងន់ធ្ងរ​កាល​ពី​ឆ្នាំ ២០១៩ កន្លងទៅ​។ អនុ​ប្រធាន​មន្ទីរពេទ្យ​គន្ធបុប្ផា នៅ​រាជធានី​ភ្នំពេញ លោក​វេជ្ជបណ្ឌិត ហេង សុទ្ធី បាន​ឲ្យ​ដឹង​ថា ជំងឺ​គ្រុនឈាម​ចែក​ចេញ​ជា ៣ដំណាក់កាល​សំខាន់ៗ ហើយម៉ាក់ប៉ា​ត្រូវ​ដឹង​ពី​រោគ​សញ្ញា​នៅ​ដំណាក់កាលទី១ ឬ​ដំបូង​ឲ្យ​បាន​ច្បាស់ ទើប​កូន​មិន​ធ្ងន់ធ្ងរ គ្រូពេទ្យ​អាច​ជួយ​សង្គ្រោះ​បាន។ ដំណាក់កាល​ទី១ ជា​ដំណាក់កាល​ក្តៅ​ខ្លួន មាន​រយៈពេល​៣​ថ្ងៃ​ដំបូង ដែល​ក្មេង​ក្តៅ​ខ្លួន​ខ្លាំង ដាក់​ថ្នាំ​យ៉ាង​ណា​ក៏​មិន​ត្រជាក់​ខ្លួន។ ឧ. កុមារ​ឡើង​កម្តៅ​ដល់ ៤០ អង្សារសេ ដាក់​ថ្នាំ​បញ្ចុះ​កម្តៅ​ទៅ​យ៉ាង​ច្រើន​ចុះ​១អង្សារសេ​ប៉ុណ្ណោះ។ សញ្ញា​ទី២ ក្មេង​អាច​ឈឺ​ពេញ​ពោះ ពិសេស​ផ្នែក​ខាង​ស្តាំ នៃឆ្អឹងជំនីរ ក្មេង​មិន​សូវ​ញ៉ាំ មិន​សូវ​លេង ត្របក​ភ្នែក​ខាង​ក្នុង​ក្រហម​ខ្លាំង​ជាងធម្មតា ឈឺឆ្អឹង គេង​មិន​ស្ងប់ ឬ​ក៏​គេង​ច្រើន​ជាង​មុន និង​មាន​ស្នាម​អុច​ក្រហម​តូចៗ​នៅ​លើ​ស្បែក ដែល​ស្នាម​នេះ​ខុស​ពី​ស្នាម​មូស​ខាំ ដោយ​យក​ដៃ​ញែក​មិន​បាត់​ក្រហម​នោះ​ទេ។ ដោយ​ហេតុថា អាការៈ​ខាង​លើ​អាច​ច្រឡំ​នឹង​ជំងឺ​ផ្សេងៗ លោក​វេជ្ជបណ្ឌិត​បាន​លើក​ឡើង​ពី​ចំណុច​ពិសេស​នៃ​រោគ​សញ្ញា​ជំងឺ​គ្រុន​ឈាម​ដំណាក់​កាល​ដំបូង ដែល​អាច​ឲ្យ​ម៉ាក់ប៉ា​ងាយ​ស្រួល​ចំណាំ​បំផុត គឺ​ក្មេង​ក្តៅ​ខ្លួន៣ថ្ងៃ ចាប់​ផ្តើម​ត្រជាក់​វិញ តែ​អាការៈ​ផ្សេងៗ​នៅ​តែ​មិន​ធូរ បាន​ន័យថា​ក្មេង​នៅ​គេង​សន្លឹម មិន​សូវ​លេង មិន​សូវ​ញ៉ាំ​ដដែល ម៉ាក់ប៉ា​ត្រូវ​ប្រញាប់​នាំ​ជួប​គ្រូពេទ្យ។ ដំណាក់កាលទី២ ជា​ដំណាក់កាល​ក្មេង​ចាប់​ត្រជាក់​ខ្លួន ប៉ុន្តែ​សុខភាព​ក្មេង​មិន​ទាន់​ស្រួល​នោះ​ទេ ហើយ​រោគ​សញ្ញា​ដែល​កើត​ចេញ​នៅ​ដំណាក់កាល​ទី១ នៅ​មាន​ដដែល តែ​រាង​ធ្ងន់​ជាង​មុន។ ឧ. ក្មេង​ឈឺ​ពោះ​ជាង​មុន ក្មេង​ធ្លាប់​តែ​ដេកសន្លឹម […]

ជំងឺឆ្លង

មូសខ្លាជាភ្នាក់ងារចម្លងជំងឺគ្រុនឈាមពីមនុស្សម្នាក់ ទៅមនុស្សម្នាក់ទៀតតាមរយៈការខាំបឺតជញ្ជក់ឈាមដែលមានមេរោគគ្រុនឈាម។ ចំពោះក្មេងៗឧស្សាហ៍កើតជំងឺនេះញឹកញាប់ ពិសេសនៅរដូវភ្លៀងធ្លាក់នេះឯង ដែលសម្បូរមូសខ្លា។ តើក្មេងដែលកើតជំងឺគ្រុនឈាមម្តងហើយ អាចកើតម្តងទៀតទេ? សំណួរនេះ លោកវេជ្ជបណ្ឌិត ហេង សុទ្ធី អនុប្រធានមន្ទីរពេទ្យគន្ធបុប្ផា នៅរាជធានីភ្នំពេញ ឆ្លើយតបថា ក្មេងអាចកើតជំងឺគ្រុនឈាមលើសពី ១ ដង អាច ២ ដង ៣ ដង ឬ ៤ ដងក៏មាន។ លោកវេជ្ជបណ្ឌិតបន្តថា មេរោគគ្រុនឈាមមានដល់ទៅ ៤ ប្រភេទឯណោះ គឺប្រភេទ DENV-1, DENV-2, DENV-3 និង DENV-4 ដែលក្នុងចំណោម ៤ ប្រភេទនេះ ក្មេងអាចកើតគ្រុនឈាមប្រភេទណា ១ នៅពេលនេះ ឯពេលក្រោយ (យ៉ាងតិច៦ខែ) អាចកើតគ្រុនឈាមផ្សេងទៀត។ តែលោកវេជ្ជបណ្ឌិតសង្កត់ធ្ងន់ថា ជាទូទៅពេលក្មេងកើតគ្រុនឈាមម្តងហើយ អាចមានភាពស៊ាំនឹងការឆ្លងមេរោគគ្រុនឈាមលើកទី ២ បាន។ [caption id="attachment_115855" align="aligncenter" width="1920"] វេជ្ជបណ្ឌិត ហេង សុទ្ធី អនុប្រធានមន្ទីរពេទ្យគន្ធបុប្ផា[/caption] នៅពេលសួរថា […]

ជំងឺឆ្លង

ម៉ាក់​ប៉ា​សម័យ​ថ្មី​មួយ​ចំនួន​និយម​ចិញ្ចឹម​សត្វ​នៅ​ក្នុង​ផ្ទះ​ដូច​ជា ឆ្កែ ឬ​ឆ្មា​ជាដើម ស្រប​ពេល​ដែល​មាន​កូន​តូច​កំពុង​លូត​លាស់​នៅ​ក្នុង​ផ្ទះ ដោយសារ​គិត​ថា មាន​សត្វ​នៅ​ក្នុង​ផ្ទះ​អាច​ធ្វើ​ឲ្យ​កូន​សប្បាយ អត់​អផ្សុក។ ឯ​ម៉ាក់​ប៉ា​មួយ​ចំនួន​គិត​ថា ការ​ចិញ្ចឹម​សត្វ​អាច​ជួយ​ដល់​ការ​លូត​លាស់​របស់​កូន ថែម​ទាំង​ជួយ​សម្រួល​ដល់​អារម្មណ៍​កូន​បាន​ទៀត​ផង។ តើ​ការ​គិត​ថា ​ចិញ្ចឹម​សត្វ​ល្អ​ដល់​ក្មេង​ត្រឹម​ត្រូវ​ឬ​អត់? ឆ្លើយ​នឹង​បញ្ហា​នេះ លោក​វេជ្ជបណ្ឌិត អ៊ុន យូ ឯក​ទេស​រោគ​កុមារ​ពី​ប្រទេស​កូរ៉េ និង​បារាំង​បាន​ឲ្យ​ដឹង​ថា ការ​ដែល​គិត​ថា​ចិញ្ចឹម​សត្វ​អាច​ធ្វើ​ឲ្យ​កូន​តូច​ៗ​លូត​លាស់​មាន​សុខភាព​ល្អ គឺ​មិន​ត្រឹម​ត្រូវ​ទេ។ ការ​ដែល​កូន​តូច​អាច​លូត​លាស់​បាន​ល្អ គឺ​គ្មាន​អី​ពាក់​ព័ន្ធ​នឹង​ការ​ចិញ្ចឹម​ឆ្កែ ឆ្មា​នៅ​ក្នុង​ផ្ទះ​ទេ។ ផ្ទុយ​ទៅ​វិញ ក្នុង​ករណី​ដែល​កូន​តូច​មាន​ហ្សែន​អាឡែកហ្សី គឺ​អាច​បណ្ដាល​ឲ្យ​អា​អូន​តូច​ៗនោះ អាឡែកហ្សី​ជាមួយ​រោម​សត្វ​អស់​នោះ។ ម៉្យាង​វិញ​ទៀត សត្វ​ចិញ្ចឹម​ទាំងនោះ គឺ​ពិបាក​ថែ​ទាំ​ណាស់។ ប្រសិន​បើ​យើង​ថែ​មិន​បាន​ល្អ ធ្វើ​អនាម័យ​ឲ្យ​មិន​បាន​ត្រឹម​ត្រូវ ហើយ​ដល់​ពេល​ដែល​កូន​ទៅ​ប្រលែង​លេង​ជាមួយ វា​ងាយ​នឹង​ចម្លង​មេរោគ​ដែល​មាន​នៅ​លើ​សត្វ​នោះ​មក​ក្មេង​វិញ។ លោក​វេជ្ជបណ្ឌិតបន្ថែម​ថា បើ​សិន​ម៉ាក់​ប៉ា​ចង់​ឲ្យ​កូន​តូចៗ លូត​លាស់​បាន​ល្អ គឺ​ត្រូវ​បំប៉ន​អាហារ​កូន​ឲ្យ​បាន​ត្រឹម​ត្រូវ ឲ្យ​កូន​ញ៉ាំ​ឲ្យ​បាន​គ្រប់​គ្រាន់ គេង​ឲ្យ​បាន​គ្រប់​គ្រាន់ ហើយ​បើ​ចង់​ឲ្យ​កូន​មាន​សុខភាព​ល្អ​ទាំង​រាង​កាយ និង​ប្រាជ្ញា គួរ​ចំណាយ​ពេល​លេង ឬ​ហាត់ប្រាណ​ជាមួយ​កូន ឬ​អាច​បណ្ដុះ​គំនិត​ថ្មីៗ​ល្អៗ​ដល់​កូន។

ជំងឺឆ្លង

រដូវ​ធ្លាក់​ភ្លៀង ក៏​ជា​រដូវ​ជំងឺ​គ្រុន​ឈាម​ផង​ដែរ ដែល​ភ្នាក់ងារ​ចម្លង​ជំងឺ​គ្រុនឈាម​គឺ​មូសខ្លា​ញី ហើយនោះ​ជា​ក្ដី​កង្វល់​របស់​ម៉ាក់​ប៉ា​គ្រប់​គ្នា ព្រោះ​ពេល​ក្ដៅ​ខ្លួន និង​មាន​ស្នាម​អុជ​ក្រហម​លើ​ស្បែកតូចៗ​ទៀត​នោះ គឺ​គិត​ដល់​គ្រុន​ឈាម​នេះ​មុនគេ។ ប៉ុន្តែ​ប្រសិនបើ​ម៉ាក់​ប៉ា​ចេះ​មើល​ចំណុច​ក្រហម​នេះ ពិតជា​អាច​សន្និដ្ឋាន​បាន និង​អាច​នាំ​កូន​ទៅ​ជួប​គ្រូពេទ្យ​ទាន់​ពេល​វេលា។ លោកស្រី​វេជ្ជបណ្ឌិត គុជ ឆោមដាលីន បម្រើ​ការងារ​នៅ Singapore Medical Center បាន​ឲ្យ​ដឹង​ថា រោគ​សញ្ញា​គ្រុន​ឈាម​មិនមែន​ត្រឹម​តែ​ស្នាម​ក្រហម​នោះ​ប៉ុណ្ណោះ​ទេ មាន​ច្រើន​ទៀត​ដូចជា​ក្ដៅ​ខ្លួន​ពី ៣៩-៤០ អង្សារសេ មុខ​ក្រហម ឈឺ​ប្រឡង់​ភ្នែក​ចាក់​ទៅ​ក្រោយ ឈឺក្បាល ចង់​ក្អួត ឬ​ក្អួត ឈឺពោះ ឈឺ​សាច់ដុំ ឈឺ​សន្លាក់​ដៃជើង ហូរ​ឈាម​តាម​អញ្ចាញ​ធ្មេញ​ជាដើម។ ក្នុង​ករណី​​សង្កេត​ឃើញ​កូន​ក្ដៅ​ខ្លួន ហើយ​មាន​ស្នាម​អុជ​ក្រហម​លើ​ស្បែក បើ​ចង់​ដឹង​ថា​គ្រុន​ឈាម ឬ​មិន​មែន​ អាច​ទាញ​ស្បែក​កន្លែង​កន្ទួល​ក្រហម​នោះ បើ​ជា​មូស​ខាំ ឬសត្វខាំ ពេល​ទាញ​ទៅ​នឹង​ឃើញ​ស​មក​វិញ តែ​បើ​គ្រុន​ឈាម ដោយ​សារ​ហូរ​ឈាម​ក្រោម​ស្បែក ទាញ​ទៅ​ក៏​នៅ​តែ​ក្រហម​ដដែល។ វេជ្ជបណ្ឌិតឯកទេស​រោគ​កុមារ​រូប​នោះ​បន្ត​ទៀត​ថា នេះ​គ្រាន់តែ​ជា​របៀប​បែងចែក​បណ្ដោះ​អាសន្ន​ប៉ុណ្ណោះ ហើយ​ការ​ការ​ព្យាបាល និង​តាមដាន​រោគ​សញ្ញា​ទុកជា​តួនាទី​គ្រូពេទ្យ​។ ការ​ចែក​រំលែក​វិធី​ទាញ​មើល​ស្នាម​នេះ គ្រាន់តែ​ឲ្យម៉ាក់ប៉ា​ចេះ​មើល និង​អស់​ការ​សង្ស័យ​ចំពោះ​រោគសញ្ញា​នៃ​ជំងឺ​របស់​កូន​ប៉ុណ្ណោះ។

ជំងឺឆ្លង

មូសខ្លា​ញី​ជា​ភ្នាក់​ចម្លង​ជំងឺ​គ្រុន​ឈាម ដែល​វា​អាច​ចម្លង​មេរោគ​គ្រុន​ឈាម​ពី​មនុស្ស​ម្នាក់​ទៀត​តាម​រយៈ​ការ​ខាំ​បឺត​ឈាម។ ជា​ធម្មតា​​ចំណី​​អាហារ​​សម្រាប់​សត្វមូស​ ​គឺ​ទឹក​លម្អង​​ផ្អែម​ចេញ​​ពី​​ផ្កា ប៉ុន្តែ​​មាន​​តែ​​មូស​ញីប៉ុណ្ណោះ​ដែល​​ត្រូវ​​ការ​​ឈាម​​ដើម្បី​​ឲ្យ​​ពង​​របស់​​វា​​លូតលាស់។ តើ​មូសខ្លា​ញីចេញ​ខាំ​ញឹក​ញាប់​នៅ​ពេល​ណា? ហើយ​វា​ចូល​ចិត្ត​រស់​នៅ​កន្លែង​ណា​ជាង​គេ? មាន​រូបរាង​ដូច​ម្តេច? បើ​តាម​អង្គការ​សុខភាព​ពិភព​លោក (WHO) អត្រា​ចម្លង​ជំងឺ​គ្រុនឈាម​ខ្ពស់​នៅ​ខាង​ក្រៅ និង​នៅ​ពេល​ថ្ងៃ ដែល​ជា​ពេល​មូស​ខ្លា​ចេញ​ខាំ​ញឹកញាប់​បំផុត។ មូស​ខ្លា​បង្ក​បង្កើត​កូនចៅ​នៅ​ក្នុង​ទឹក​ថ្លា ស្អាត និង​ចូលចិត្ត​រស់នៅ​ជិត​មនុស្ស វា​ហើរ​បាន​ចម្ងាយ​មិន​លើស​ពី ១៥០ម៉ែត្រ ពី​ទី​កន្លែង​កកើត។ ​មូសខ្លា​ចូលចិត្ត​​បង្ក​បង្កើត​កូន​ចៅ​នៅ​ក្នុង​សំបក​កង់​ឡាន និង​សំបក​កង់​ម៉ូតូចាស់ៗ​១១​ដង ច្រើន​ជាង​វត្ថុ​ដាក់​ទឹក​សម្រាប់​ប្រើប្រាស់​ផ្សេងៗ​ទៀត។ នេះ​បើ​យោង​តាម​ការ​ស្រាវជ្រាវ​ផ្នែក​បាណកសាស្ត្រ​របស់​កម្មវិធី​ជាតិ​ប្រយុទ្ធ​នឹង​ជំងឺ​គ្រុនឈាម នៃ​មជ្ឈមណ្ឌល​ជាតិ​ប្រយុទ្ធ​នឹង​ជំងឺ​គ្រុនចាញ់ ប៉ារ៉ាស៊ីតសាស្ត្រ និង​បាណកសាស្ត្រ។ ការ​សិក្សា​របស់​ស្ថាប័ន​នេះ​កន្លង​មក​បាន​បញ្ជាក់​ថា ជំងឺ​គ្រុន​ឈាម​ក្នុង​រដូវវស្សា​កើន​ឡើង​ច្រើន​ជាង​២ដង បើ​ប្រៀបធៀប​នឹង​រដូវប្រាំង ហើយ​មាន​ទំនាក់​ទំនង​យ៉ាង​ខ្លាំង​​ជាមួយ​នឹង​កត្តា​អាកាសធាតុ ដូចជា កម្តៅ ចំនួន​ទឹកភ្លៀង និង​សំណើម។ ចំពោះ​រូបរាង​មូស​ខ្លា​វិញ វា​មា​ន​ប្រវែងពី ២-៨ មិល្លីម៉ែត្រ ស្លាប​ខ្មៅ​ថ្លា​គ្មាន​ស្នាម មាន​ឆ្នូត​ស​លើ​ខ្នង មាន​អង់តែន​ធំ២​លើ​ក្បាល និង​ជើង​មាន​ឆ្នូតខ្មៅស ទាំង​ជើង​មុខ​និង​​ជើង​ក្រោយ​។ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

x