តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

ក្មេងៗអាយុក្រោម ៣ ខែ កើតជំងឺរលាកទងសួត អាចប៉ះពាល់រហូតដល់ស្លាប់

    ក្មេងៗអាយុក្រោម ៣ ខែ កើតជំងឺរលាកទងសួត អាចប៉ះពាល់រហូតដល់ស្លាប់

    អា​អូន​តូច​ៗ​របស់​ប៉ា​ម៉ាក់ ងាយ​ប្រឈម​នឹង​ពពួក​វីរុស ឬ​បាក់តេរី​មើល​មិន​ឃើញ​ដែល​មាន​ជុំ​វិញ​ខ្លួន​យើង ហើយ​វា​អាច​បណ្ដាល​ឲ្យ​កូន​របស់​ឈឺ​ជំងឺ​ផ្សេងៗ ប៉ះពាល់​ដល់​សុខភាព​។ ស្រប​ពេល​ខែ​នេះ ធ្លាក់​ខ្យល់​ត្រជាក់​ផង​នោះ អា​អូន​មាន​ភាគ​រយ​ខ្ពស់​ប្រឈម​នឹង​បញ្ហា​រលាក​ទង​សួត។

    ជំងឺ​រលាក​ទង​សួត​លើ​កុមារ គឺ​ជា​ជំងឺ​រលាក​ផ្លូវ​ដង្ហើម​ដែល​បង្ក​ឡើង​ដោយ​វីរុស ជា​ពិសេស វីរុស RSV (Respiratory Syncytial Virus)។ នេះ​បើ​តាម​ការ​ឲ្យ​ដឹង​ពី​លោក​ស្រី​វេជ្ជបណ្ឌិត កុសល កណិការ ឯក​ទេស​ជំងឺ​កុមារ សញ្ញា​ប័ត្រ​ពី​ប្រទេស​បារាំង។

    ក្មេងៗ​កើត​ជំងឺ​រលាក​ទង​សួត ភាគ​ច្រើន​អាច​ព្យាបាល​បាន​ដោយ​យក​ថ្នាំ​ទៅ​ប្រើ​នៅ​ផ្ទះ​ដោយ​មិន​ចាំ​បាច់​ទៅ​សម្រាក​នៅ​មន្ទីរពេទ្យ​ឡើយ ហើយ​កូន​ៗ​អាច​នឹង​ជា​សះ​ស្បើយ​ធម្មតា​វិញ​ក្នុង​រយៈ​ពេល​ពី ៧-១០​ថ្ងៃ​ក្រោយ។ ប៉ុន្តែ ក្នុង​ករណី​មួយ​ចំនួន អា​អូន​ត្រូវ​ការ​សម្រាក និង​ព្យាបាល​នៅ​មន្ទីរពេទ្យ ដើម្បី​ទទួល​បាន​ជំនួយ​ពី​អុកស៊ីសែន ជួយ​អា​អូន​ឲ្យ​ងាយ​ស្រួល​ដក​ដង្ហើម។

    វេជ្ជបណ្ឌិត​ឯកទេស​ជំងឺ​កុមារ​រូប​នេះ​បន្ត​ថា ជំងឺ​រលាក​ទង​សួត​អាច​បង្ក​ជា​ប៉ះពាល់​ដល់​សុខភាព​កូន​បាន​ដូច​ជា៖

    • ជំងឺ​រលាក​ទង​សួត អាច​បណ្ដាល​ឲ្យ​ក្មេងៗ​ស្លាប់​បាន ប៉ុន្តែ​ក្នុង​កម្រិត​ទាប​បំផុត។ ក្រុម​កុមារ​ដែល​មាន​អត្រា​គ្រោះ​ថ្នាក់​ខ្ពស់ គឺ​ទារក​ដែល​មាន​អាយុ​ក្រោម​៣​ខែ ឬ​កុមារ ដែល​ជំងឺ​បេះដូងពី​កំណើត និង​ក្មេងៗ​ដែល​មាន​ភាព​មិន​ប្រក្រតី​ពី​កំណើត​មួយ​ចំនួន។
    • ក្នុង​ករណី​ខ្លះ​ទៀត ក្រោយ​ជា​សះ​ស្បើយ​ហើយ អា​អូន​អាច​កើត​មាន​ជា​អាការៈ ហត់ ឬ​ដង្ហក់​ច្រើន​លើក​ដដែល​ៗ។ ក្នុង​នោះ មាន​អា​អូន​មួយ​ចំនួន អាច​លែង​មាន​អាការៈ​ហត់ ឬ​ដង្ហក់​នេះ នៅ​ពេល​ដែល​អា​អូន​វិវត្ត​វ័យ​ធំ​ឡើង​ៗ។
    • អា​អូន​មួយ​ចំនួន​ទៀត អាច​កើត​ជា​ជំងឺ​ហឺត​ម្ដង ក្រោយ​ជា​ពី​ជំងឺ​រលាក​ទង​សួត​នេះ។

    ហេតុ​នេះ​ហើយ​ទើប លោក​ស្រី​បាន​ណែនាំ​ឲ្យ​ម៉ាក់​ប៉ា​ដឹង​ពី​វិធី​ការពារ​កូន​ពី​ជំងឺ រលាក​ទងសួត​ដោយ​មិន​ត្រូវ​ឲ្យ​កូន​លេង​ជាមួយ​ក្មេងៗ​ដែល​កើត​ជំងឺ​រលាក​ទងសួត ឬ​ប៉ះពាល់​ប្រដាប់​ប្រដា​ដែល​ក្មេង​ៗ​មាន​ជំងឺ​រលាក​ទង​សួត​លេង​នោះ​ទេ។

    មួយ​វិញ​ទៀត ម៉ាក់​ប៉ា​គ្រប់​រូប​ត្រូវ​ឲ្យ​កូនៗ​លាង​ដៃ​ជា​មួយ​នឹង​សាប៊ូ​ឲ្យ​បាន​ញឹក​ញាប់ និង​ចៀស​វាង​ការ​លេង​ជាមួយ​កុមារ​ដែល​មាន​ជំងឺ​រលាក​ទង​សួត។

    រលាកទងសួត

    health-tool-icon

    តារាងកាលវិភាគចាក់ថ្នាំបង្ការ(វ៉ាក់សាំង) ទារក

    សូមប្រើប្រាស់តារាង​ប្រព័ន្ធភាពស៊ាំ​ដើម្បី​ស្វែងយល់បន្ថែម​ពីប្រភេទថ្នាំបង្ការនិងពេលវេលា​ដែល​កូនរបស់អ្នក​ត្រូវការ​

    កូនប្រុសឬស្រី?

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 05/01/2021
    ត្រួតពិនិត្យដោយ វេជ្ជ. ចាន់ ស៊ីណេត