សារធាតុ Gluten ជាអ្វី? ហេតុអ្វីកុមារមួយចំនួនគួរចៀសវាង?

សារធាតុ Gluten ជាប្រភេទប្រូតេអ៊ីនដែលមាននៅក្នុងស្រូវសាលី។ ប្រព័ន្ធរំលាយអាហារយើង​មិនអាច​បំបែក​និងរំលាយសារធាតុ Gluten បានទាំងស្រុងទេ។ កុមារភាគច្រើនអាចទប់ទល់នឹងសារធាតុ gluten ដែលមិន​អាច​រំលាយ​បានដោយគ្មានបញ្ហា ប៉ុន្តែចំពោះកុមារមួយចំនួន សារធាតុ Gluten អាចបង្កឱ្យមានបញ្ហា​សុខភាពច្រើនយ៉ាង។

សារធាតុ Gluten មាននៅក្នុងអាហារដូចជានំបុ័ង នំខេក ដូណាត់ នំផាយ ភីសា បឺហ្គឺរ ផាស្តា ខូឃឺ និង​នំស្រួយជាដើម។ សារធាតុ Gluten ក្នុងស្រូវសាលី ជួយឱ្យម្សៅធ្វើនំស្អិតខាំជាប់គ្នាល្អ មានសភាពយឺត និងធ្វើឱ្យនំ ឬផាស្តាទន់ឆ្ងាញ់។

កុមារគួរចៀសវាងអាហារមានផ្ទុកសារធាតុ Gluten ឬស្រូវសាលី​បើ​មាន​បញ្ហា​សុខភាព​ទាំងនេះ

១. មានជំងឺ Celiac

ជំងឺ Celiac ជាជំងឺប្រព័ន្ធភាពសុំាវាយប្រហារខ្លួនឯងដែលបណ្តាលមកពីកត្តាហ្សែន។ នៅពេលកុមារ​មាន​ជំងឺ Celiac ញុំាអាហារមានសារធាតុ Gluten នឹងបង្កឱ្យមានប្រតិកម្មនៅក្នុងពោះវៀនតូច ហើយ​បណ្តាល​ឱ្យកុមារ រាកឬទល់លាមក។ យូរៗទៅ ស្រទាប់ពោះវៀនតូចរបស់កុមារនឹង​ខូច ហើយ​លែង​អាច​ស្រូបយកសារធាតុចិញ្ចឹមបានទៀតដែលបណ្តាលឱ្យកុមារ​ស្រកគីឡូ គ្មានកម្លាំងនិងស្លេកស្លាំង ហើយអាចបណ្តាលឱ្យកើតមហារីក​ពោះវៀនតូចទៀតផង។

២. ប្រតិកម្មនឹងសារធាតុ Gluten

នៅពេលកុមារមានប្រតិកម្មនឹងសារធាតុ Gluten ញុំាំអាហារមានផ្ទុកសារធាតុនេះ កុមារអាចនឹងឈឺពោះ ហើមពោះ រាក ទល់លាមក ឈឺក្បាល ឡើងកន្ទួលរមាស់ អស់កម្លាំង ពិបាកផ្ចង់អារម្មណ៍ ឈឺសាច់ដុំ ឈឺសន្លាក់ តឹងច្រមុះ ពិបាកដកដង្ហើម កើតហឺត មួម៉ៅនិងបាក់ទឹកចិត្តជាដើម។

ចង់គណនាថ្ងៃមេជីវិតញីទុំធ្លាក់ ចុចទីនេះ!

ចង់គណនាថ្ងៃសម្រាលកូន ចុចទីនេះ!

ចង់គណនាទម្ងន់ស្រ្តីពពោះ ចុចទីនេះ!

ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

៣. មានបញ្ហាជ្រាបពោះវៀន

ប្រព័ន្ធរំលាយអាហារមិនអាចរំលាយសារធាតុ Gluten បានទេ ហើយ​ភាគ​ល្អិត Gluten នឹងធ្វើ​ដំណើរ​ទៅ​កាន់ពោះវៀនតូច។ នៅពេលកុមារមានបញ្ហាជា្របពោះវៀន ជញ្ជាំង​ពោះវៀនកុមាររលាក ហើយ​បណ្តាល​ឱ្យជាតិ​ពុល បាក់តេរី វីរុស និង​​ភាគ​ល្អិត​អាហារ​រួមទាំងសារធាតុ Glutenដែល​មិន​ទាន់​រំលាយ​​ជ្រាបចូល​ទៅ​ក្នុង​ចរន្ត​ឈាម។ នៅពេលប្រព័ន្ធ​ភាពសុំា​ប្រទះឃើញ ប្រព័ន្ធភាពសុំា​ក៏វាយ​ប្រហារ ហើយបង្កឱ្យកុមារ​មាន​ការ​រលាកក្នុងខ្លួន មាន​បញ្ហាអាលែកហ្ស៊ីនិងមានបញ្ហាស្បែក​ដូចជា​កើតត្រអក​ឬរលាកស្បែករុំារ៉ៃ Psoriasis ជាដើម។

បើកុមារញុំាំអាហារមានសារធាតុ Gluten ហើយមានអាការៈមិនស្រួលខ្លួនដូចបានរៀបរាប់ខាងដើម ម៉ាក់ប៉ា​គួរចៀសវាងឱ្យកូនញុំាំអាហារ​ទំាង​ឡាយ​​ណាដែលមានជាតិស្រូវសាលី ហើយគួរឱ្យកូនញុំា​អាហារ​ស្រស់ៗដូចជាបន្លែ ផ្លែឈើ គ្រាប់ធញ្ញជាតិ សណ្តែក ឬយ៉ាអួរជំនួសវិញ។

បើកូននៅញុំាទឹកដោះគោម្សៅ ម៉ាក់ប៉ាអាចឱ្យកូនញុំាទឹកដោះគោម្សៅដែលមានផ្ទុក SYNBIOTICS ដែល​ជា​ការ​សំយោគ​បញ្ចូល​គ្នា​រវាង​ Prebiotics និង Probiotics ដើម្បីជួយ​ឲ្យ​ក្រពះពោះវៀន​កូន​មាន​សុខភាព​ល្អ កាត់បន្ថយបញ្ហាជ្រាបពោះវៀន បញ្ហាអាលែកហ្ស៊ី​ ជំងឺសើស្បែក និងជួយឱ្យកូន​មាន​ប្រព័ន្ធ​ភាពសុំារឹងមាំ។​​

អត្ថបទគួរអាន៖

• កូនចូលចិត្តញ៉ាំក្រៀមក្រោះ ល្អ ឬមិនល្អ? ប៉ះពាល់ការលូតលាស់ ឬអត់?
• ឮតែល្បី SYNBIOTICS! ជាអ្វីឲ្យប្រាកដ? មានប្រយោជន៍អ្វីខ្លះ?
• អាហារកូនៗចូលចិត្ត ពង្រឹងប្រព័ន្ធភាពស៊ាំចៀសផុតពីជំងឺផ្សេងៗ
• រោគសញ្ញា និងវិធីដោះស្រាយបញ្ហាជ្រាបពោះវៀនលើក្មេង
• កូនផឹកទឹកដោះគោ គួរផ្ដល់វីតាមីនបំប៉នឲ្យញ៉ាំទៀត ឬអត់?
• អាហារល្អសម្រាប់សុខភាពក្រពះ–ពោះវៀនកូន ម៉ាក់ៗគួរជ្រើសរើស