ចិញ្ចឹមកូន

ម៉េចបានកុមារ និងក្មេងជំទង់ខ្លះមានចរិតហិង្សា? ប៉ាម៉ាក់ជួយកូនតាមវិធីណា?

ប៉ាម៉ាក់ច្បាស់ជាមានការព្រួយបារម្ភមិនខាន បើកូនមានចរិតព្រហើនកោងកាច មិនស្តាប់បង្គាប់។ ប៉ុន្តែ អ្វីដែលសំខាន់នោះគឺយើងត្រូវស្វែងរកឫសគល់ ឬមូលហេតុច្បាស់លាស់ដែលបណ្តាលឲ្យកូនប្រព្រឹត្តទង្វើបែបនេះ។ ជាទូទៅ ចរិតកោងកោច ឬចរិតហិង្សារបស់ក្មេងចែកចេញជាពីរទម្រង់ គឺហិង្សាដោយពាក្យសំដី ដូចជាការស្រែក ជេរប្រទិច ឬស្រែកយំ។ល។ ចំណែកឯហិង្សារាងកាយ គឺជាការវាយដំ បោះចោល ឬដុតរបស់របរ ឬទាត់អ្នកណាម្នាក់ ឬវត្ថុអ្វីមួយ។ មូលហេតុអ្វីបានជាកុមារ និងក្មេងជំទង់មានចរិតហិង្សា? ជាក់ស្តែង មានកត្តាជាច្រើនដែលនាំឲ្យក្មេងមានអត្តចរិតហិង្សាបែបនេះ តួយ៉ាងដូចជា៖ ១. អតុល្យភាពសារធាតុគីមីក្នុងខួរក្បាល សម្រាប់កុមារដែលមានបញ្ហាអតុល្យភាពសារធាតុគីមីក្នុងខួរក្បាល អាចបណ្តាលឲ្យពួកគេមិនអាចគ្រប់គ្រងលើអត្តចរិត និងឥរិយាបថរបស់ខ្លួនបាន ជាហេតុនាំឲ្យក្មេងព្រហើនកោចកាច និងប្រើអំពើហិង្សា។ ២. ធ្លាប់ទទួលរងនូវអំពើហិង្សា ប្រសិនបើកូនធ្លាប់ទទួលរងនូវអំពើហិង្សាជាប្រចាំ នោះក្មេងអាចនឹងយកតម្រាប់តាមដោយការប្រព្រឹត្តនូវអំពើហិង្សាខ្លួនឯងផ្ទាល់ ហើយក៏មានហានិភ័យនៃបញ្ហាផ្លូវចិត្ត ព្រមទាំងងាយប្រឈមនឹងការប្រពឹ្រត្តបទឧក្រិដ្ឋនៅពេលដែលពួកគេធំពេញវ័យថែមទៀតផង។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ៣. ទម្លាប់ប្រៀនប្រដៅកូនរបស់ប៉ាម៉ាក់ នៅពេលដែលប៉ាម៉ាក់តឹងរ៉ឹងពេក ឬស្លូតបូតពេកនៅក្នុងការប្រៀនប្រដៅកូន នោះក៏អាចនាំឲ្យកូនមានចរិតហិង្សានៅវ័យជំទង់ផងដែរ។ ហេតុនេះហើយ ប៉ាម៉ាក់ត្រូវបង្រៀនកូនឲ្យចេះដោះស្រាយបញ្ហា ឬអារម្មណ៍អវិជ្ជមានដោយសុទិដ្ឋិនិយម និងប្រកបដោយទំនួលខុសត្រូវ។ [embed-health-tool-child-growth-chart] ប៉ាម៉ាក់ ឬលោកគ្រូអ្នកគ្រូគួរធ្វើម៉េច នៅពេលដែលកុមារផ្ទុះអំពើហិង្សា? ជំហានដំបូង យើងត្រូវគិតគូរពីសុវត្ថិភាពរបស់អ្នកដែលអាចនឹងរងគ្រោះដោយអំពើហិង្សាពីកុមារ ឬក្មេងជំទង់ ដោយព្យាយាមយកនូវសម្ភារៈណាដែលអាចបង្កគ្រោះថ្នាក់ចេញពីបរិវេណនោះ ឬឲ្យអ្នកដែលអាចនឹងរងគ្រោះចេញទៅកាន់កន្លែងមានសុវត្ថិភាព។ លើសពីនេះ យើងគួរទាក់ទងទៅសុំជំនួយ ប្រសិនបើចាំបាច់។ នៅពេលដែលកូនចាប់ផ្តើមផ្ទុះអំពើហិង្សា ដូចជាស្រែក គប់របស់របរ ទាត់ធាក់ យើងចាំបាច់ត្រូវនិយាយជាមួយពួកគេតាមសម្រួល ដោយមិនត្រូវស្រែកដាក់ពួកគេវិញឡើយ។ ជាមួយគ្នានេះដែរ […]

ការថែទាំទារក

ម៉ាក់ៗថ្មីថ្មោងដឹងអត់ថា ទារកទើបកើត អាចងូតទឹកលើកដំបូងនៅពេលណា?

ការងូតទឹកឱ្យទារកទើបកើតអាចជួយសម្អាតស្នាមប្រឡាក់ឈាម ទឹកភ្លោះ និងសារធាតុពណ៌សៗដែលជាប់លើស្បែកទារក ប៉ុន្តែការងូតទឹកឱ្យទារកភ្លាមបន្ទាប់ពីកើតអាចផ្តល់ផលវិបាកដល់សុខភាព។ តើការងូតទឹកឱ្យទារកទើបកើតភ្លាម បន្ទាប់ពីសម្រាលធ្វើឱ្យប៉ះពាល់សុខភាពទារកម៉េចខ្លះ? ហើយពេលណាទើបយើងអាចងូតទឹកឱ្យទារកទើបកើតបាន? អង្គការសុខភាពពិភពលោក (WHO) បានណែនាំថា យើងគួររង់ចាំ ២៤ ម៉ោងសិនចាំងូតទឹកឱ្យទារកទើបកើត។ ការងូតទឹកឲ្យទារកភ្លាម អង្គការអន្តរជាតិមួយនេះផ្ដល់ហេតុផលមួយចំនួនដូចខាងក្រោម។ ១. សីតុណ្ហភាពរាងកាយ និងកម្រិតជាតិស្ករធ្លាក់ចុះ ប្រសិនបើយើងងូតទឹកឱ្យទារកទើបកើតភ្លាមបន្ទាប់ពីសម្រាល សីតុណ្ហភាពរាងកាយអូនតូចអាចធ្លាក់ចុះដែលធ្វើឱ្យអូនតូចរងា។ ម្យ៉ាងទៀតភាពតានតឹងនៃការងូតទឹកដំបូងអាចធ្វើឱ្យកម្រិតជាតិស្ករក្នុងឈាមទារកទើបកើតមួយចំនួនធ្លាក់ចុះដែរ។ [embed-health-tool-baby-poop-tool] ២. ខ្វះភាពកក់ក្តៅ និងក្របៅទឹកដោះដំបូង ការងូតទឹកឱ្យទារកទើបកើតបន្ទាប់ពីសម្រាលរួចអាចរំខានដល់ការបង្កើនភាពជិតស្និទរវាងម៉ាក់ និងអាអូន ព្រោះក្រោយពេលសម្រាលភ្លាម អាអូនត្រូវដាក់លើទ្រូងម៉ាក់ៗភា្លមដើម្បីឱ្យអាអូនមានភាពកក់ក្តៅ និងបៅទឹកដោះដំបូង។ តាមការសិក្សាបានឱ្យដឹងថា ទារកដែលងូតទឹកក្រោយ ២៤ ម៉ោងបន្ទាប់ពីសម្រាល ឆាប់បៅដោះម្តាយជាងទារកដែលងូតទឹកភ្លាមៗបន្ទាប់ពីសម្រាល។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ៣. ស្ងួតស្បែក សារធាតុពណ៌ស (waxy) ដែលជាប់លើស្បែកទារកទើបកើតស្រោបស្បែកទារកតាំងពីមុនសម្រាលម៉្លេះ ហើយមានតួនាទីផ្តល់សំណើម និងការពារស្បែកទារកពីការឆ្លងបាក់តេរី។ ប្រសិនបើយើងងូតទឹកឱ្យទារកទើបកើតភ្លាមបន្ទាប់ពីសម្រាលនឹងធ្វើឱ្យស្បែកទារកបាត់បង់ស្រទាប់ការពារដែលធ្វើឱ្យស្បែកទារកឆាប់ស្ងួត ប្រេះ និងអាចមានបញ្ហាសើស្បែកដោយសារឆ្លងបាក់តេរី។ យ៉ាងណាមិញ ការងូតទឹកឱ្យទារកទើបកើតអាចប្រែប្រួលតាមលក្ខខណ្ឌសុខភាពរបស់ម៉ាក់ៗ និងទារក។ ប្រសិនបើទារកទើបកើតដែលមានម៉ាក់ៗមានផ្ទុកមេរោគហ៊ីវ (HIV) ឬមេរោគរលាកថ្លើម យើងអាចត្រូវងូតទឹកឱ្យទារកបន្ទាប់ពីទារកបៅទឹកដោះដំបូង ដើម្បីកាត់បន្ថយហានិភ័យឆ្លងមេរោគដល់បុគ្គលិកមន្ទីរពេទ្យ និងសមាជិកគ្រួសារ។ អត្ថបទគួរអាន៖ សម្រាលកូនដោយវះកាត់ អាចងូតទឹកបាននៅពេលណា? ស្រីៗពេលពពោះងូត ឬត្រាំទឹកក្ដៅបានឬអត់? មានសុវត្ថិភាពដល់គភ៌ឬយ៉ាងណា? ចម្ងល់ម៉ាក់ប៉ាថ្មីថ្មោង ចង់ដឹងញឹកញាប់ទាក់ទងនឹងការងូតទឹកឲ្យទារកទើបកើត […]