ចិញ្ចឹមកូន

ចូលដល់រដូវរងា ស្បែកកូនងាយស្ងួត និងរបក ប៉ាម៉ាក់អាចសាកតិចនិកទាំងនេះ

ដល់ចូលរដូវរងាភ្លាម ស្បែកទារកទើបកើត និងកុមារតូចៗងាយប្រឈមនឹងបញ្ហាស្បែកមួយចំនួន ដូចជាស្ងួត របក និងរលាក។ អ៊ីចឹងហើយ ប៉ាម៉ាក់ចាំបាច់ត្រូវគិតគូរពីវិធីសាស្រ្តការពារស្បែកកូនជាទីស្រលាញ់ ដើម្បីជៀសឆ្ងាយពីបញ្ហាខាងលើ។ តស់! មកដឹងពីគន្លឹះទាំង ៥ ដើម្បីជួយឱ្យស្បែកកូនទាំងអស់គ្នា! ១. ស្លៀកសំលៀកបំពាក់រដូវរងា កត្តាចម្បងក្នុងការការពារស្បែកក្មេង គឺការជ្រើសរើសសំលៀកបំពាក់ត្រឹមត្រូវទៅតាមរដូវកាល។ បន្ថែមពីនេះ យើងអាចពាក់មួក ឬស្រោមដៃ រួមទាំងកន្សែងបង់ក ដើម្បីការពារស្បែកអាអូនពីការរលាក និងស្ងួតគ្រើម។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. លាបឡេកាពារកម្តៅថ្ងៃ មិនថាជារដូវក្តៅ ឬរដូវរងាទេ ប៉ាម៉ាក់ចាំបាច់លាបឡេការពារកម្តៅថ្ងៃឱ្យកូនតូច ពីព្រោះទោះស្ថិតក្នុងអាកាសធាតុបែបណា កាំរស្មីUV នៅតែអាចបំផ្លាញស្បែករបស់កូនជាទីស្រលាញ់របស់ប៉ាម៉ាក់បានដូចគ្នា។ [embed-health-tool-baby-poop-tool] ៣. ប្រើឡេផ្តល់សំណើមជាទៀងទាត់ បើប៉ាម៉ាក់ចង់ឱ្យស្បែកកូនមានសុខភាពល្អនៅរដូវរងានេះ ប៉ាម៉ាក់កុំរំលងឡេផ្តល់សំណើម។ ដូចនេះ គួរលាបឡេផ្តល់សំណើមស្តើងៗបន្ទាប់ពីងូតទឹករួចភ្លាមៗ មុនពេលស្លៀកសំលៀកបំពាក់ឱ្យកូន។ ទោះជាស្បែកកូនមើលទៅមិនសូវស្ងួត ឬរបក ប៉ុន្តែអាអូនក៏អាចជួបបញ្ហារមាស់ស្បែកផងដែរ។ ៤. ចំណាយលើម៉ាស៊ីនផ្តល់សំណើម ការប្រើម៉ាស៊ីនផ្តល់សំណើម អាចជួយឱ្យខ្យល់មានសំណើម និងបញ្ចៀសបញ្ហាស្បែកស្ងួត រមាស់ ស្ងួតក និងឈាមច្រមុះលើកុមារបាន។ ៥. កាត់បន្ថយរយៈពេលងូតទឹក ងូតទឹកឱ្យកូនយូរពេក អាចធ្វើឱ្យស្បែកកូនស្ងួត និងរបកអំឡុងពេលរដូវរងានេះ ជាពិសេស បើប៉ាម៉ាក់មិនបានលាបឡេផ្តល់សំណើមភ្លាមៗឱ្យកូនបន្ទាប់ពីងូតទឹករួច។ ហេតុនេះហើយ ប៉ាម៉ាក់មិនគួរងូតទឹកឱ្យកូនលើសពី១០នាទីនោះទេ។ ចំណុចសំខាន់ ចូលដល់រដូវរងា ស្បែកកូនងាយស្ងួត និងរលាក ប៉ាម៉ាក់អាចសាកតិចនិកទាំង៥នេះ ដល់ចូលរដូវរងាភ្លាម ស្បែកទារកទើបកើត […]

ការថែទាំទារក

ប៉ាម៉ាក់ត្រូវដឹង ម៉េចក៏អាអូនចេះតែយំនៅពេលងូតទឹក?

ការងូតទឹកឲ្យកូនតូចជាប្រចាំ មិនត្រឹមតែមានភាពចាំបាច់ក្នុងការរក្សាអនាម័យឲ្យពួកគេប៉ុណ្ណោះទេ ប៉ុន្តែវាក៏មានសារសំខាន់ក្នុងការជួយឲ្យកូនគេងលក់ស្រួលផងដែរ។ យ៉ាងណាមិញ ប៉ាម៉ាក់ប្រហែលជាទទួលបានបទពិសោធន៍ខុសៗគ្នាក្នុងការងូតទឹកឲ្យកូនមិនខាន ពីព្រោះកូនខ្លះចូលចិត្តទឹក រីឯកូនខ្លះទៀតចាប់ផ្ដើមយំមិនបាត់សោះ។ កត្តានេះប្រហែលជាធ្វើឲ្យប៉ាម៉ាក់ពិបាកចិត្ត និងចង់ដឹងថាហេតុអីបានជាកូនមិនចូលចិត្តទឹកដូច្នេះ? គន្លឹះខាងក្រោម នឹងបង្ហាញប៉ាម៉ាក់ឲ្យយល់កាន់តែច្បាស់អំពីបញ្ហានេះ។ ១. សីតុណ្ហភាពទឹក ទារកតូចៗដែលមានស្បែកក្រអូបប្រហើរ និងទន់ល្មើយដូចសំឡី ច្បាស់ជាងាយរងគ្រោះដោយសារសីតុណ្ហភាពក្ដៅ ឬត្រជាក់មិនខាន។ ដូច្នេះ ប៉ាម៉ាក់ត្រូវមានការប្រុងប្រយ័ត្នចំពោះសីតុណ្ហភាពទឹក ដែលធ្វើយ៉ាងកុំឲ្យក្ដៅពេក ឬត្រជាក់ពេក។ ចូរងូតទឹកក្ដៅឧណ្ណៗឲ្យកូនជាប្រចាំ ដើម្បីឲ្យពួកគេមានអារម្មណ៍ស្រស់ស្រាយនៅរាល់ពេលងូតទឹក។ ២. លំហូរទឹក នៅរាល់ពេលងូតទឹក ប៉ាម៉ាក់គួរចាក់ទឹកលើខ្លួនរបស់កូនតូចយឺតៗ។ ប្រសិនបើយើងប្រើប្រាស់កាធុនងូតទឹក ចូលដាក់កូនចូលទៅក្នុងកាធុននោះជាមុន បន្ទាប់មកចាក់ទឹកយឺតៗចូលទៅក្នុងកាធុននោះ។ ធ្វើដូចនេះ ទើបកូនមិនសូវប៉ះពាល់ទឹកច្រើនក្នុងពេលតែមួយ។ ទោះបីជាយើងកក់សក់ឲ្យកូនយ៉ាងណាក្ដី ការចាក់ទឹកយឺតៗទើបជាការប្រសើរ។ ៣. កន្ទួល ឬដំបៅ ជាមួយគ្នានេះដែរ ប៉ាម៉ាក់គួររកមើលកន្ទួល ឬដំបៅណាដែលអាចរលាក នៅពេលប៉ះពាល់ផ្ទាល់ជាមួយសាប៊ូ និងទឹក ពីព្រោះកត្តានេះអាចបណ្ដាលឲ្យកូនមានការឈឺចាប់នៅពេលដែលងូតទឹកម្តងៗ។ ចូរចៀសវាងប្រើសាប៊ូនៅត្រង់បរិវេណនោះ។ ៤. ឃ្លាន ប៉ាម៉ាក់គប្បីងូតទឹកឲ្យអាអូននៅពេលដែលពួកគេញ៉ាំឆ្អែត និងគេងបានស្កប់ស្កល់។ ប្រសិនបើទារកហត់នឿយ ឬឃ្លានពេក ពួកគេនឹងចាប់ផ្ដើមរករឿងដោយការយំមិនបាត់នៅពេលងូតទឹកមិនខាន។ បន្ថែមពីនេះ ប៉ាម៉ាក់គួររង់ចាំរយៈពេល៣០ ទៅ៤៥នាទីសិន បន្ទាប់ពីបំបៅដោះ ឬផ្ដល់ចំណីអាហារដល់កូន សឹមងូតទឹកឲ្យពួកគេតាមក្រោយ។ ៥.បង្កើតទម្លាប់ក្នុងការងូតទឹក ការបង្កើតទម្លាប់ដោយងូតទឹកឲ្យកូនតូចនៅពេលម៉ោងដដែលៗ នឹងធ្វើឲ្យរាងកាយរបស់ទារកស៊ាំទៅនឹងការងារប្រចាំថ្ងៃរបស់ពួកគេ។ វាប្រៀបដូចជាការដាក់ឲ្យកូនគេងដូច្នោះដែរ ប្រសិនបើទារកដឹងច្បាស់អំពីម៉ោងគេង ប៉ាម៉ាក់នឹងងាយដាក់កូនឲ្យគេងលក់ជាក់ជាមិនខាន។