ចិញ្ចឹមកូន

ចូលដល់រដូវរងា ស្បែកកូនងាយស្ងួត និងរបក ប៉ាម៉ាក់អាចសាកតិចនិកទាំងនេះ

ដល់ចូលរដូវរងាភ្លាម ស្បែកទារកទើបកើត និងកុមារតូចៗងាយប្រឈមនឹងបញ្ហាស្បែកមួយចំនួន ដូចជាស្ងួត របក និងរលាក។ អ៊ីចឹងហើយ ប៉ាម៉ាក់ចាំបាច់ត្រូវគិតគូរពីវិធីសាស្រ្តការពារស្បែកកូនជាទីស្រលាញ់ ដើម្បីជៀសឆ្ងាយពីបញ្ហាខាងលើ។ តស់! មកដឹងពីគន្លឹះទាំង ៥ ដើម្បីជួយឱ្យស្បែកកូនទាំងអស់គ្នា! ១. ស្លៀកសំលៀកបំពាក់រដូវរងា កត្តាចម្បងក្នុងការការពារស្បែកក្មេង គឺការជ្រើសរើសសំលៀកបំពាក់ត្រឹមត្រូវទៅតាមរដូវកាល។ បន្ថែមពីនេះ យើងអាចពាក់មួក ឬស្រោមដៃ រួមទាំងកន្សែងបង់ក ដើម្បីការពារស្បែកអាអូនពីការរលាក និងស្ងួតគ្រើម។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. លាបឡេកាពារកម្តៅថ្ងៃ មិនថាជារដូវក្តៅ ឬរដូវរងាទេ ប៉ាម៉ាក់ចាំបាច់លាបឡេការពារកម្តៅថ្ងៃឱ្យកូនតូច ពីព្រោះទោះស្ថិតក្នុងអាកាសធាតុបែបណា កាំរស្មីUV នៅតែអាចបំផ្លាញស្បែករបស់កូនជាទីស្រលាញ់របស់ប៉ាម៉ាក់បានដូចគ្នា។ [embed-health-tool-baby-poop-tool] ៣. ប្រើឡេផ្តល់សំណើមជាទៀងទាត់ បើប៉ាម៉ាក់ចង់ឱ្យស្បែកកូនមានសុខភាពល្អនៅរដូវរងានេះ ប៉ាម៉ាក់កុំរំលងឡេផ្តល់សំណើម។ ដូចនេះ គួរលាបឡេផ្តល់សំណើមស្តើងៗបន្ទាប់ពីងូតទឹករួចភ្លាមៗ មុនពេលស្លៀកសំលៀកបំពាក់ឱ្យកូន។ ទោះជាស្បែកកូនមើលទៅមិនសូវស្ងួត ឬរបក ប៉ុន្តែអាអូនក៏អាចជួបបញ្ហារមាស់ស្បែកផងដែរ។ ៤. ចំណាយលើម៉ាស៊ីនផ្តល់សំណើម ការប្រើម៉ាស៊ីនផ្តល់សំណើម អាចជួយឱ្យខ្យល់មានសំណើម និងបញ្ចៀសបញ្ហាស្បែកស្ងួត រមាស់ ស្ងួតក និងឈាមច្រមុះលើកុមារបាន។ ៥. កាត់បន្ថយរយៈពេលងូតទឹក ងូតទឹកឱ្យកូនយូរពេក អាចធ្វើឱ្យស្បែកកូនស្ងួត និងរបកអំឡុងពេលរដូវរងានេះ ជាពិសេស បើប៉ាម៉ាក់មិនបានលាបឡេផ្តល់សំណើមភ្លាមៗឱ្យកូនបន្ទាប់ពីងូតទឹករួច។ ហេតុនេះហើយ ប៉ាម៉ាក់មិនគួរងូតទឹកឱ្យកូនលើសពី១០នាទីនោះទេ។ ចំណុចសំខាន់ ចូលដល់រដូវរងា ស្បែកកូនងាយស្ងួត និងរលាក ប៉ាម៉ាក់អាចសាកតិចនិកទាំង៥នេះ ដល់ចូលរដូវរងាភ្លាម ស្បែកទារកទើបកើត […]

ការលូតលាស់អាយុ ៦ឆ្នាំ

ប៉ាៗមានកូនប្រុស ហាមធ្វើរឿងទាំងនេះបើមិនចង់ឲ្យកូនខ្លាច ឬអារម្មណ៍មិនល្អ

ម៉ាក់ប៉ាសុទ្ធតែចង់ឲ្យកូនល្អ ប៉ុន្តែប៉ាៗមួយចំនួនអាចនឹងប្រើវិធីអប់រំកូនខុស ជាពិសេសកូនប្រុស ដែលនេះអាចបំផ្លាញទំនាក់ទំនងបាន ហើយប៉ាៗខ្លះតែងមើលរំលងចំណុចនេះ។ ការអប់រំកូនមួយចំនួនដែលប៉ាៗប្រើអាចនឹងបង្កផលប៉ះពាល់ដល់កូនប្រុសបាន។ ១. គ្រប់គ្រងការលេងរបស់កូន ប៉ាមានតួនាទីសំខាន់ក្នុងការជួយកូនក្នុងការបង្កើតទំនាក់ទំនងព្រោះប៉ាតែងប្រើពាក្យខុសពីម៉ាក់ប្រើពេលនិយាយជាមួយនឹងកូនប្រុស។ ប៉ុន្តែនៅពេលដែលប៉ាគ្រប់គ្រងលើការលេងរបស់កូនខ្លាំងពេក កូនអាចនឹងមានការលំបាកក្នុងការបង្កើតទំនាក់ទំនងជាមួយមិត្តភក្ដិ។ ប៉ាគួរតាមចិត្តរបស់កូនពេលកូនលេងដោយគ្រាន់តែបន្ថែមការប្រុងប្រយ័ត្ននៅពេលចាំបាច់ប៉ុណ្ណោះ។ ២. មិនលេងជាមួយកូន ប៉ាៗតែងមានការរវល់ខ្លាំងជាមួយនឹងការងារ ប៉ុន្តែនេះមិនមែនជាការល្អសម្រាប់កូនទេ។ វត្តមានរបស់ប៉ាជួយពង្រឹងទំនុកចិត្តដល់កូន ជួយកូនប្រុសឆ្លងកាត់បញ្ហាក្នុងវ័យកុមារភាព និងបង្កើនទំនាក់ទំនងជិតស្និទ្ធផងដែរ។ ៣. មិនឲ្យកូនបង្ហាញពីអារម្មណ៍ ម៉ាក់ប៉ាមួយចំនួននឹងបង្រៀនកូនប្រុសឲ្យលាក់អារម្មណ៍របស់ពួកគេ។ ការឲ្យកូនប្រុសលាក់មិនបង្ហាញអារម្មណ៍របស់ពួកគេអាចនឹងក្លាយជាបញ្ហានៅពេលអនាគត ដោយកូនអាចនឹងមិនដឹងពីវិធីដោះស្រាយបញ្ហាអារម្មណ៍របស់ខ្លួន ដែលនេះបង្កជាស្ត្រេស និងអាការៈថប់បារម្ភរួមទាំងសមត្ថភាពក្នុងការរក្សាមិត្តភាពឲ្យបានយូរអង្វែង។ ៤. អប់រំកូនដោយមិនបង្ហាញការស្រលាញ់ កូនប្រុសត្រូវការការអប់រំ និងការណែនាំ ប៉ុន្តែមិនមែនក្នុងទម្រង់ការដាក់ពិន័យទេ។ ប៉ាៗគួរកំណត់ច្បាប់ និងការរឹតត្បិតសម្រាប់កូនរួមទាំងរម្លឹកកូនថារាល់សកម្មភាពរបស់ពួកគេអាចសុទ្ធតែមានផលវិបាក។ យ៉ាងណាមិញការរម្លឹកកូនដោយមិនបង្ហាញក្តីស្រលាញ់ដូចជាការស្រែកគំហកកូនគ្រប់ពេល អាចបង្កភាពភ័យខ្លាចដល់កូនបាន។ ៥. មិនគោរពប្រពន្ធ ប្រសិនជាកូនប្រុសឃើញប៉ារបស់គេតែងខឹង និងមិនបង្ហាញការគោរពដល់ម៉ាក់របស់គេ នោះប៉ាមិនបានធ្វើជាគំរូល្អសម្រាប់ទំនាក់ទំនងរបស់កូនពេលអនាគតទេ។ ប៉ាគួរបង្ហាញការស្រលាញ់ដល់ប្រពន្ធដែលនេះជួយដល់កូនប្រុសក្នុងការប្រព្រឹត្តរបស់ពួកគេទៅលើបង ឬប្អូនស្រី ម៉ាក់ និងស្ត្រីគ្រប់រូបដែរ។