មកទល់ពេលនេះមិនទាន់មានវ៉ាក់សាំងការពារជំងឺមហារីកសុដន់នៅឡើយទេ មានតែរកឲ្យឃើញមហារីកសុដន់នៅដំណាក់កាលដំបូងៗ ទើបអាចព្យាបាលបានទាន់ពេល។ នេះជាលើកឡើងរបស់លោកសាស្ត្រាចារ្យវេជ្ជបណ្ឌិត អ៊ាវ សុខា ឯកទេសជំងឺមហារីក និងឈាម។
មាតិកា
រោគសញ្ញាមហារីកសុដន់ ស្រីៗគួររៀនសង្កេត និងតាមដាន
វិធីរកមើលមហារីកសុដន់នៅដំណាក់កាលដំបូងៗ មានដូចជា ការពិនិត្យសុដន់ដោយខ្លួនឯង អេកូសុដន់ ថតសុដន់ជាដើម ហើយខាងក្រោមនេះជារោគសញ្ញាជំងឺមហារីកសុដន់ ដែលស្ត្រីចាំបាច់ត្រូវតាមដាន និងសង្កេតមើល។
១. ចុងសុដន់ប្រែប្រួលទំហំ ឬរូបរាង
សញ្ញាដំបូងនៃជំងឺមហារីកសុដន់នោះ ចុងសុដន់ចាប់ផ្តើមប្រែប្រួល អាចចុងសុដន់លឹបចូលក្នុង ឬជ្រីវជ្រួញ ដូចសំបកក្រូចសើច។
២. ហូរឈាម ឬទឹកថ្លាៗតាមចុងសុដន់
ការហូរទឹករងៃ លាយជាមួយឈាមតាមចុងសដន់ នេះជារោគសញ្ញាមួយដែលអ្នកមហារីកសុដន់គ្រប់ដំណាក់កាលទាំងអស់ដែល តែងជួបប្រទះ។ ទឹកដែលហូរចេញ អាចមានពណ៌ថ្លា ពណ៌លឿងដូចខ្ទុះ ឬពណ៌ក្រហមដូចឈាម។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
៣. មានដុំក្នុងសុដន់
ស្រីៗមួយចំនួន ចាប់ផ្តើមមានអារម្មណ៍ថាមានដុំនៅទ្រូងមុនឈានដល់ដំណាក់កាលធ្ងន់ធ្ងរ។ តែជួនកាល អាចមាននៅជំុវិញតំបន់ក្លៀក ឯគ្នាយើងខ្លះទៀតមានអារម្មណ៍ថា ហើមទាំងនៅជុំវិញសុដន់ និងក្លៀក។ បើរកឃើញដុំមិនប្រក្រតី ត្រូវប្រញាប់ទៅជួបគ្រូពេទ្យជំនាញជាបន្ទាន់ ដុំពកខ្លះ អាចមិនមែនជាមហារីក ប៉ុន្ដែស្រីៗគួរទៅពិនិត្យឲ្យបានច្បាស់។
៤. ស្បែកសុដន់ប្រែពណ៌
ស្បែកសុដន់ប្រែប្រួល មកពីមហារីកសុដន់ កើតឡើងដោយសារការរលាក ឬដោយសារសរសៃទឹករងៃស្ទះកោសិកាមហារីក នាំឲ្យមានការឡើងក្រហម ហើម និងខូងស្បែក។
៥. ចេញអុជនៅស្បែកសុដន់
ស្បែកសុដន់ឡើងប្រេះស្រកា ឬរបកស្បែកសុដន់ ឬស្បែកចុងសុដន់ ពេលខ្លះឡើងពណ៌ក្រហមដូចផ្លែក្រូច និងមានចេញស្នាមអុជតូចៗ។
៦. ឈឺចាប់សុដន់ ឬក្បាលដោះ
បើមានឈឺក្នុងក្លៀក ឬសុដន់ មិនមែនបណ្ដាលពីការមកវដ្តរដូវទេ នោះគឺជាសញ្ញានៃជំងឺមហារីកសុដន់ហើយ ត្រូវប្រញាប់ទៅជួបគ្រូពេទ្យដើម្បីធ្វើរោគវិនិច្ច័យ។
អាន៖
- មហារីកសុដន់ អត់វ៉ាក់សាំងការពារមែន តែស្រីៗយើងអាចបង្ការបាន
- ធ្វើម៉េចដឹងថា មហារីកសុដន់ឈានដល់ដំណាក់កាលចុងក្រោយ?
- តិចនិកស្ទាប និងពិនិត្យសុដន់ រកជំងឺមហារីកដោយខ្លួនឯង
- ស្រីៗវះកាត់ពង្រីកដើមទ្រូងញឹកញាប់ អាចប្រឈមមហារីកសុដន់?
- ស្រីៗប្រយ័ត្នកើតមហារីកមិនដឹងខ្លួន បើនៅតែមានទម្លាប់អាក្រក់ទាំងនេះ
- ក្រោយព្យាបាលមហារីកសុដន់ អាចយកកូនបានអត់?
- បើស៊ាំនឹងថ្នាំ ពេលព្យាបាលជំងឺមហារីកសុដន់គួរធ្វើម៉េច?
- ស្វែងយល់ពីជំងឺមហារីកច្រើនទៀត
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Breast cancer in women
https://www.nhs.uk/conditions/breast-cancer/
Lifestyle-related Breast Cancer Risk Factors
https://www.cancer.org/cancer/breast-cancer/risk-and-prevention/lifestyle-related-breast-cancer-risk-factors.html
Make these 7 lifestyle changes to reduce your risk of cancer
https://connect.uclahealth.org/2021/12/16/make-these-7-lifestyle-changes-to-reduce-your-risk-of-cancer/
កំណែប្រែបច្ចុប្បន្ន
24/01/2022
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម