ជំងឺអុតស្វាកំពុងរាលដាលយ៉ាងឆាប់រហ័ស និងបង្កជាការព្រួយបារម្ភដល់ពិភពលោកទាំងមូល។ រហូតមកដល់បច្ចុប្បន្ន ករណីឆ្លងជំងឺអុតស្វាបានកើនឡើងដល់២០ ០០០ករណី គិតត្រឹមថ្ងៃទី២ ខែកក្កដា ឆ្នាំ២០២២ និងឆ្លងនៅក្នុងបណ្ដាប្រទេសដែលពុំធ្លាប់មានប្រវត្តិកើតជំងឺនេះទៀតផង។ តើជំងឺនេះមានរោគសញ្ញាអ្វីខ្លះ? ហើយអ្នកជំងឺអាចមិនមានរោគសញ្ញាដែរទេ?
[embed-health-tool-bmi]
អ្នកជំងឺដែលមិនបង្ហាញរោគសញ្ញា អាចចម្លងទៅអ្នកដទៃបានអត់?
ក្នុងករណីដែលអ្នកជំងឺអុតស្វា មានចេញរោគសញ្ញា យើងអាចនឹងមានការប្រុងប្រយ័ត្នខ្ពស់ ដោយនៅឲ្យឆ្ងាយ និងជៀសវាងប៉ះពាល់ផ្ទាល់នឹងអ្នកជំងឺ។ ប៉ុន្តែ ចំពោះអ្នកជំងឺដែលមិនបង្ហាញរោគសញ្ញា ក៏នៅតែអាចចម្លងទៅអ្នកដទៃបានដូចគ្នា ដែលកត្តានេះអាចបង្កើនហានិភ័យកាន់តែខ្ពស់ក្នុងការឆ្លងជំងឺអុតស្វា។
ហេតុអ្វីបានជាអ្នកជំងឺអុតស្វាខ្លះគ្មានរោគសញ្ញា?
អ្នកជំងឺមួយចំនួនអាចគ្មានរោគសញ្ញានៅអំឡុងពេលបង្ករោគដែលរយៈពេលពី៥ ទៅ២១ថ្ងៃ។ ក្នុងករណីកម្រខ្លះ យើងអាចនឹងឃើញមានរោគសញ្ញាតិចតួច ដែលពិបាកកត់សម្គាល់។ ប្រសិនបើគ្នាយើងមានប្រព័ន្ធភាពស៊ាំរឹងមាំ ហើយមេរោគដែលចូលក្នុងរាងកាយតិចតួច នោះយើងអាចនឹងគ្មានរោគសញ្ញា ប៉ុន្តែអាចចម្លងទៅអ្នកផ្សេងបាន។ ការសិក្សាថ្មីមួយបានបង្ហាញថា បុរសចំនួនបីនាក់ដែលឆ្លងវីរុសអុតស្វានេះ មិនមានលេចចេញរោគសញ្ញាអ្វីឡើយ។ អ្នកទាំងបីសុទ្ធតែបញ្ជាក់ថា ខ្លួនមិនមានរោគសញ្ញានៅមុន និងក្រោយយកសំណាកនោះទេ។
អត្ថបទគួរអាន៖
- អាមេរិក សម្រេចបញ្ចេញវ៉ាក់សាំងបង្ការជំងឺអុតស្វាដល់អ្នក
- ទាំងនេះជាអ្វីគ្រប់គ្នាគួរដឹងពីជំងឺអុតស្វា កំពុងផ្ទុះនៅប្រទេសនានា
- គ្រោះថ្នាក់ខ្លាំង បើកូនកើតស្អូច ឬអុតស្វាយ ត្រាំទឹករុក្ខជាតិ និងខ្ចៅខ្យងឲ្យងូត
- អាការៈក្មេងកើតអុតស្វាយ មុនឈានដល់ចេញពងបែក
- នេះជាហេតុផលគួរចាក់វ៉ាក់សាំងអុតស្វាយឲ្យកូន ព្រោះបើកើតអាចឲ្យរលាកខួរក្បាល
គន្លឹះបញ្ចៀសការចម្លងរោគទៅអ្នកផ្សេងទៀត
ពិតណាស់ យើងមិនគួររង់ចាំរហូតដល់ចេញរោគសញ្ញាដូចជាកន្ទួល ឬពងបែកនៅលើស្បែក ដើម្បីបញ្ជាក់ថាខ្លួនកើតជំងឺអុតស្វាឡើយ។ ប្រការល្អ គ្នាយើងដែលសង្ស័យថាខ្លួនកើតជំងឺនេះ ទោះបីជាគ្រាន់តែក្ដៅខ្លួនតិចតួចក៏ដោយ គួរតែនៅដាច់ដោយឡែកពីអ្នកផ្សេងទៀត។ អាការៈមួយចំនួនដូចជាគ្រុនក្ដៅតិចតួច ខ្សោយ មិនស្រួលខ្លួន គ្មានកម្លាំងកំហែង ដែលមានរយៈពេលច្រើនជាង២ឬ៣ថ្ងៃ ចាំបាច់ឲ្យយើងត្រូវពិគ្រោះយោបល់ជាមួយនឹងគ្រូពេទ្យ ទើបជាការប្រសើរ។
