ជំងឺឆ្លង

រាជ​រដ្ឋាភិបាល​បាន​សម្រេច​បន្ត​ការ​បិទ​ខ្ទប់​ភូមិសាស្រ្ត​រាជធានីភ្នំពេញ និង​ក្រុងតាខ្មៅ នៃ​ខេត្ត​កណ្តាល ដើម្បី​ប្រយុទ្ធ និង​ទប់ស្កាត់​ការ​ឆ្លង​រាលដាល​ជំងឺកូវីដ-១៩ រយៈពេល ១សប្តាហ៍​បន្ថែម​ទៀត រហូត​ដល់​ថ្ងៃទី៥ ខែឧសភា ឆ្នាំ​២០២១។ ភូមិសាស្រ្ត​ដែល​ត្រូវ​បាន​បិទខ្ទប់ ត្រូវ​បាន​បែង​ចែក​ជា ៣ តំបន់៖ ១. តំបន់ក្រហម៖ ភូមិសាស្រ្ត​ដែល​មាន​ការ​ឆ្លងរាលដាល​ជំងឺ​កូវីដ-១៩ ក្នុង​សហគមន៍​ធ្ងន់ធ្ងរ ២. តំបន់​លឿងទុំ៖ ភូមិសាស្រ្ត​ដែល​មាន​ការ​ឆ្លង​រាលដាល​ជំងឺកូវីដ-១៩ កម្រិត​មធ្យម ៣. តំបន់​លឿង៖ ភូមិសាស្រ្ត​ដែល​មាន​ការ​ឆ្លងរាលដាល​ជំងឺកូវីដ-១៩ កម្រិតស្រាល។ តាម​រយៈ​សេចក្តី​សម្រេច​ចុះថ្ងៃទី២៦ ខែ​មេសា ឆ្នាំ២០២១ នេះ រយៈពេល​នៃ​ការ​បិទ​ខ្ទប់​នេះ អាច​ត្រូវ​បាន​បន្ត​បន្ថែម​ទៀត អាស្រ័យ​លើ​ការ​ចូលរួម​អនុវត្ត​របស់​ប្រជាពលរដ្ឋ​នៅក្នុង​តំបន់​បិទខ្ទប់ និង​ស្ថានភាព​នៃ​ការ​វិវត្ត​នៃ​ការ​ឆ្លងរាលដាល​ជំងឺកូវីដ-១៩។

ប្រទេស​កម្ពុជា​យើង​នៅ​ថ្ងៃទី២៥ មេសា ២០២១ បន្ត​រក​ឃើញ​ការ​ឆ្លង​រាលដាល​ជំងឺ​កូវីដ ១៩ ក្នុង​ព្រឹត្តិការណ៍​សហគមន៍ ៥៧៨នាក់  និង​ពលករមកពីថៃចំនួនម្នាក់ សរុប​ទាំង​អស់  ៥៨០នាក់។ បើ​តាម​សេចក្តីជូន​ព័ត៌មាន​របស់​ក្រសួង​សុខាភិបាល ក៏​មាន​ករណី​ជា​សះស្បើយ​ពី​កូវីដ ១៩ ចំនួន ១៧៧នាក់​ និងស្លាប់ ៥ករណីដែរ។ ស្ថានភាព​ជំងឺ​កូវីដ ១៩ គិត​ត្រឹមថ្ងៃទី២៦ ខែមេសា ឆ្នាំ២០២១ – អ្នក​ឆ្លង​កូវីដ១៩ សរុប ១០ ៥៥៥ករណី – អ្នក​ពាក់​ព័ន្ធ​ព្រឹត្តិការណ៍​សហគមន៍ ១០ ០០៥នាក់ – ព្យាបាល​ជា​សះស្បើយ ៣ ៥៧៧នាក់ – កំពុង​សម្រាក​ព្យាបាល ៦ ៨៩២នាក់ – ស្លាប់ ៧៩នាក់។

ជនជាតិ​ខ្មែរចំនួន ៣នាក់ ស្លាប់​ដោយសារ​ជំងឺ​កូវីដ ១៩ នៅថ្ងៃទី២៤ មេសា ២០២១។ តាម​សេចក្តី​ប្រកាស​ព័ត៌មាន​របស់​ក្រសួង​សុខាភិបាល បុរសនិង​ស្ត្រីជនជាតិ​ខ្មែរ​ទាំង ៣នាក់​នោះ​​ស្លាប់​បាត់បង់​ជីវិត​រួច​ទៅ​ហើយ​មុន​ពេល​មក​ដល់​មន្ទីរពេទ្យ ដោយ​ជា​ករណី​សង្ស័យ​សព​ត្រូវ​បាន​ក្រុម​គ្រូពេទ្យ​យក​សំណាក​វិភាគ ជា​លទ្ធផល​បញ្ជាក់ថា​វិជ្ជមានកូវីដ ១៩។ ជន​ជាតិ​ខ្មែរទាំង ៣នាក់ ដែល​ស្លាប់​ដោយសារ​ជំងឺ​កូវីដ ១៩ នោះ​រួម​មាន៖ ១. ស្ត្រី​ជន​ជាតិ​ខ្មែរ អាយុ ៧៩ឆ្នាំ រស់នៅ​សង្កាត់​ភ្នំពេញថ្មី ខណ្ឌសែនសុខ រាជធានីភ្នំពេញ ២. បុរស​ជនជាតិខ្មែរ អាយុ ៥៧ឆ្នាំ រស់នៅ​ស្រុក​រលាប្អៀរ ខេត្តកំពង់ឆ្នាំង ៣. ស្ត្រីជនជាតិ​ខ្មែរ អាយុ ៦៥ឆ្នាំ រស់នៅ​ស្រុក​សំរោងទង ខេត្តកំពង់ស្ពឺ។ គិត​ចាប់​តាំង​ពី​ការ​រាលដាល​ជំងឺកូវីដ ១៩ ក្នុង​ព្រឹត្តិការណ៍​សហគមន៍ ២០ កុម្ភៈ រហូត​ដល់​ថ្ងៃទី ២៥ មេសា ២០២១ នេះ មានករណី​​​ស្លាប់ដោយសារ​ជំងឺ​កូវីដ ៧៤នាក់។

នៅថ្ងៃទី២៤ មេសា ២០២១ កម្ពុជារកឃើញករណីវិជ្ជមានកូវីដ ១៩ ចំនួន ៦១៦ករណី ជាសះស្បើយ ១៩០នាក់ និងមានអ្នកស្លាប់ ៣នាក់ ដោយសារជំងឺកូវីដ ១៩។ នេះបើតាមសេចក្តីជូនព័ត៌មានរបស់ក្រសួងសុខាភិបាល។ ស្ថានភាព​ជំងឺ​កូវីដ ១៩ គិត​ត្រឹមថ្ងៃទី២៥ ខែមេសា ឆ្នាំ២០២១ – អ្នក​ឆ្លង​កូវីដ១៩ សរុប ៩៩៧៥ករណី – អ្នក​ពាក់​ព័ន្ធ​ព្រឹត្តិការណ៍​សហគមន៍ ៩៤២៦នាក់ – ព្យាបាល​ជា​សះស្បើយ ៣៤០០នាក់ – កំពុង​សម្រាក​ព្យាបាល ៦៤៥៩នាក់ – ស្លាប់ ៧៤នាក់។

ក្រសួង​សុខាភិបាល​នៅ​ថ្ងៃនេះ បាន​ចេញ​សេចក្តី​ជូន​ព័ត៌មាន​មួយ អនុញ្ញាត​ឱ្យ​ម្ចាស់​សេវា​ព្យាបាល​ឯកជន និង​សម្ភព​ស្រប​ច្បាប់​ក្នុង​រាជធានី​ភ្នំពេញទាំងអស់​អាច​ទទួលពិនិត្យ ថែទាំ និង​ព្យាបាល​អ្នក​ជំងឺ​កូវីដ ១៩។ ក្នុង​សេចក្តី​ជូន​ព័ត៌មាន​នោះ​បាន​បញ្ជាប់ថា ម្ចាស់​សេវាព្យាបាល​ឯកជន​ទាំង​នោះ​ត្រូវ​ស្នើ​សុំការ​អនុញ្ញាត​ពី​ក្រសួង តាម​រយៈ​នាយកដ្ឋាន​មន្ទីរពេទ្យ និង​ត្រូវ​គោរព​លក្ខខណ្ឌ​ចំនួន ១១។ ខាង​ក្រោម​នេះ​ជា​សេចក្តី​ជូន​ព័ត៌មាន​លម្អិត​របស់​ក្រសួង​សុខាភិបាល ស្តីពី​ការ​អនុញ្ញាត​ឱ្យ​ម្ចាស់​សេវា​ព្យាបាល​ឯកជន និង​សម្ភព​ស្រប​ច្បាប់​ក្នុងរាជធានី​ភ្នំពេញ​ទាំងអស់​អាច​ទទួល​ពិនិត្យ ថែទាំ និង​ព្យាបាល​អ្នក​ជំងឺកូវីដ ១៩។

រាជ​រដ្ឋាភិបាលក​ម្ពុជា ចេញ​សេចក្តី​សម្រេច​ស្តីពី​ការ​បញ្ចប់​ការ​ហាមឃាត់​ការ​ធ្វើ​ដំណើរ និង​ការ​បញ្ចប់​ការ​បិទ​រមណីយដ្ឋាន​ទេសចរណ៍ នៅ​ទូទាំង​ប្រទេស។ នៅ​ក្នុង​ប្រការ១ នៃ​សេចក្តី​សម្រេច​នោះ​បាន​បញ្ជាក់​ថា ការ​ធ្វើ​ដំណើរ​ចេញ-ចូល និង​ឆ្លងកាត់​ភូមិសាស្ត្រ​នានា​ដែល​ត្រូវ​បាន​បិទ​ខ្ទប់​ត្រូវ​អនុវត្ត​តាម​សេចក្តី​សម្រេច​របស់​រាជរដ្ឋាភិបាល ស្តីពី​ការ​បិទ​ខ្ទប់​ភូមិសាស្ត្រ​រាជធានី​ភ្នំពេញ និង​ក្រុង​តាខ្មៅ នៃ​ខេត្ត​កណ្តាល និង​សេចក្តី​សម្រេច​ពាក់ព័ន្ធ​នានា​របស់​រដ្ឋបាល​រាជធានី ខេត្ត ដែល​មាន​ជាធរមាន។

តាម​សេចក្តី​ប្រកាស​របស់​ក្រសួង​សុខាភិបាល នៅថ្ងៃទី២៣ មេសា ២០២១ មាន​អ្នក​ស្លាប់​ដោយសារ​ជំងឺកូវីដ ១៩ ដល់ទៅ ១០នាក់ ក្នុង​នោះ​មានអ្នក​រស់នៅ​រាជធានី​ភ្នំពេញ ៨នាក់ ​ស្វាយរៀង​ ម្នាក់ និង​ខេត្ត​បន្ទាយមានជ័យ ម្នាក់។ អ្វីគួរ​ឲ្យ​កត់​សម្គាល់ នៅ​លេខ​រៀង​ទី៥ ជា​បុរស​ជនជាតិខ្មែរ អាយុ ២៤ឆ្នាំ រស់នៅ​ក្រុងបាវិត ខេត្តស្វាយរៀង បាន​ស្លាប់​មុន​ពេល​ចូល​ដល់​មណ្ឌលព្យាបាល​ជំងឺ​កូវីដ ១៩។ តាម​របាយការណ៍​របស់​មន្ទីរ​សុខាភិបាល​ខេត្ត​ស្វាយរៀង បុរស​ខាងលើ​មាន​អាការៈ​ក្តៅខ្លួន ក្អក ហត់​ដង្ហក់ខ្លាំង បាន​ចូលមក​ដល់​មណ្ឌល​ព្យាបាល​កូវីដ ១៩ បាវិត ពេល​ដល់​​មណ្ឌល​ព្យាបាល​ត្រូវ​បានគ្រូពេទ្យ​បញ្ជាក់ថា អ្នក​ជំងឺ​បាត់បង់​ជីវិត​ទៅហើយ​មុន​ពេលមក​ដល់​មណ្ឌល​ព្យាបាល​ នៅថ្ងៃទី២២ ខែមេសា ២០២១ វេលាម៉ោង៨៖០០។ ជា​ករណី​សង្ស័យ សព​ត្រូវ​បាន​យក​សំណាក ដោយ​ទទួល​បានលទ្ធផល​វិជ្ជមាន​កូវីដ ១៩។ នៅ​ក្នុង​សេចក្តី​លិខិត​រំលែក​ទុក្ខ​របស់​រដ្ឋបាល​ខេត្តស្វាយរៀង​ឯណេះវិញ បាន​បញ្ជាក់ថា បុរស​វ័យ ២៤ឆ្នាំ ​ខាងលើ មានឈ្មោះ ឡេង លីណា ជាពលរដ្ឋ​រស់នៅ​ភូមិ​បាវិត​កណ្តាល សង្កាត់បាវិត ក្រុងបាវិត ខេត្ត​ស្វាយរៀង។

កម្ពុជា​បន្ត​រក​ឃើញ​ករណី​វិជ្ជមាន​កូវីដ ១៩ ចំនួន ៥១១នាក់ និង​មាន​អ្នក​ជា​សះស្បើយ​ពី​ជំងឺ​កូវីដ ៦២នាក់ ខណៈអ្នកស្លាប់មានដល់ទៅ ១០នាក់ នៅថ្ងៃទី២៣ មេសា ២០២១។ នេះ​បើ​តាម​សេចក្តី​ជូន​ព័ត៌មាន​របស់​ក្រសួង​សុខាភិបាល។​ ស្ថានភាព​ជំងឺ​កូវីដ ១៩ គិត​ត្រឹមថ្ងៃទី២៤ ខែមេសា ឆ្នាំ២០២១ – អ្នក​ឆ្លង​កូវីដ១៩ សរុប ៩៣៥៩ករណី – អ្នក​ពាក់​ព័ន្ធ​ព្រឹត្តិការណ៍​សហគមន៍ ៨៨១០នាក់ – ព្យាបាល​ជា​សះស្បើយ ៣២១០នាក់ – កំពុង​សម្រាក​ព្យាបាល ៦០៧២នាក់ – ស្លាប់ ៧១នាក់។

ថ្ងៃទី២៣ ខែមេសា ឆ្នាំ២០២១ មាន​ករណី​ស្លាប់​ជនជាតិ​ខ្មែរ​ចំនួន ១០នាក់ ដោយសារ​ជំងឺ​កូវីដ-១៩ នេះ​បើ​តាម​សេចក្តី​ប្រកាស​ព័ត៌មាន​របស់ក្រសួង​សុខាភិបាល។ អ្នក​ស្លាប់​ដោយសារ​ជំងឺកូវីដ ១៩ ទាំង ១០នោះ រួមមាន៖ ១. ស្ត្រីជនជាតិ​ខ្មែរ អាយុ ៦៣ឆ្នាំ រស់​នៅ​សង្កាត់​ផ្សារកណ្តាល ខណ្ឌដូនពេញ រាជធានីភ្នំពេញ ២. បុរស​ជនជាតិខ្មែរ អាយុ ៧៧ឆ្នាំ រស់នៅ​សង្កាត់​គីឡូម៉ែត្រលេខ៦ ខណ្ឌ​ឫស្សីកែវ រាជធានី​ភ្នំពេញ ៣. បុរស​ជនជាតិខ្មែរ អាយុ ៣៤ឆ្នាំ រស់នៅ​សង្កាត់​បឹងសាឡាង ខណ្​ឌទួលគោក រាជធានី​ភ្នំពេញ ៤. បុរស​ជនជាតិខ្មែរ អាយុ ៦៤ឆ្នាំ រស់នៅ​សង្កាត់​ផ្សារកណ្តាល២ ខណ្ឌដូនពេញ រាជធានីភ្នំពេញ ៥. បុរស​ជន​ជាតិខ្មែរអាយុ ២៤ឆ្នាំ រស់នៅ​ក្រុងបាវិត ខេត្តស្វាយរៀង ៦. បុរស​ជនជាតិ​ខ្មែរ អាយុ ៤២ឆ្នាំ រស់នៅ​សង្កាត់​បឹងសាឡាង ខណ្ឌ​ទួលគោក រាជធានី​ភ្នំពេញ ៧. បុរស​ជនជាតិខ្មែរ អាយុ ៥៧ឆ្នាំ រស់នៅ​សង្កាត់ដង្កោ ខណ្ឌដង្កោ រាជធានី​ភ្នំពេញ ៨. ស្ត្រី​ជនជាតិខ្មែរ អាយុ ៦៧ឆ្នាំ […]

បងប្អូន​ប្រជាពលរដ្ឋ​កំពុង​រស់នៅ​តំបន់​បិទខ្ទប់ ដែល​ជា​តំបន់​ក្រហម អាច​ចេញ​ពី​ផ្ទះ​បាន លុះ​ណា​តែ​មាន​មូលហេតុ​សំខាន់ ៣ ប៉ុណ្ណោះ នេះបើតាមការ​លើក​ឡើងរបស់​​អ្នក​នាំ​ពាក្យ​ក្រសួង​យុត្តិធម៌ ឯកឧត្តម គឹម សន្តិភាព។ មូលហេតុសំខាន់ទាំង៣នោះរួមមាន៖ ១.សុខភាពបន្ទាន់ ២.ទៅ​យក​សំណាក​វិភាគ​រក​មេរោគកូវីដ-១៩ និង ៣.ទៅ​ចាក់​វ៉ាក់សាំង​ការពារ​ជំងឺ​កូវីដ-១៩ ដូសទី២។ ចំពោះ​ពលរដ្​ឋដែល​រស់​នៅក្នុង​តំបន់​បិទ​ខ្ទប់ តែ​មិនមែន​ជា​តំបន់​ក្រហម អាច​ធ្វើ​ដំណើរ​បាន ក្រោម​ហេតុផល​ដូចជា៖ ១. សុខភាព​បន្ទាន់ ២. ទៅ​រក​សំណាក​វិភាគរកកូវីដ ១៩ ៣. ទៅ​ចាក់​វ៉ាក់សាំង​ការពារ​កូវីដ​ ១៩ ដូសទី២ ៤. ទៅ​កន្លែង​លក់​ម្ហូបអាហារ ឬ​កន្លែង​លក់សម្ភារៈចាំបាច់​ប្រចាំថ្ងៃ ៣ដង/សប្តាហ៍ ៥. ទៅ​ឱសថស្ថាន និង​កន្លែង​លក់​ហ្គាស​សម្រាប់​ចម្អិន​អាហារ។ ខាងក្រោម​នេះ​ជាតារាង​ប្រៀបធៀបវិ​ធានការ​ពាក់ព័ន្ធនឹង​ការ​ហាមឃាត់​ការ​ធ្វើ​ដំណើ​របស់​ពលរដ្ឋរស់នៅ​ក្នុង​តំបន់​បិទខ្ទប់។