ជំងឺឆ្លង

ថ្ងៃទី ២៨ មេសា ២០២១​ កម្ពុជាបន្តរកឃេីញករណីជំងឺកូវីដ-១៩​ សរុបចំនួន ៨៨០នាក់ ជាករណីឆ្លងក្នុងព្រឹត្តិការណ៍សហគមន៍ ២០ កុម្ភៈ ទាំងអស់។ បើតាមនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល តួលេខឆ្លងកូវីដ ១៩ ទាំង ៨៨០នាក់​នោះរួមមាន ភ្នំពេញ ៥១៨​នាក់ ខេត្តព្រះសីហនុ ១៨៧​នាក់ កណ្តាល ៧៣​នាក់ កំពង់ចាម ៣៩នាក់​ បន្ទាយមានជ័យ​​ ៣៦នាក់​ កំពង់ស្ពឺ​ ៩នាក់​ តាកែវ​ ៥​នាក់ កំពង់ធំ ៤​នាក់ កំពង់ឆ្នាំង​ ៣នាក់​ ព្រៃវែង​​ ២នាក់​ ពោធិ៍សាត់​ ១នាក់​ កោះកុង​ ១​នាក់ តសៀមរាប​ ១នាក់ និងត្បូងឃ្មុំ​ ១នាក់។ ក្នុង​​សេចក្តី​​ជូន​​ព័ត៌មាន​​របស់​​ក្រសួង​​សុខាភិបាល​​ឯណោះ​​វិញ បាន​​បង្ហាញ​​ថា​ ក្រៅ​​ពី​​ករណី​​វិជ្ជមាន ៨៨០នាក់ ក៏​​មាន​​ករណី​​ជា​​សះស្បើយ ២៨៨នាក់ និងស្លាប់ ៣នាក់។ ស្ថានភាព​ជំងឺ​កូវីដ ១៩ គិត​ត្រឹមថ្ងៃទី២៩ ខែមេសា ឆ្នាំ២០២១ – […]

អាជ្ញាធ​រខេត្ត​កំពង់ចាម រក​ឃើញ​កម្មករ-កម្មការិនី ចំនួន ៣៨នាក់ វិជ្ជមាន​កូវីដ-១៩។ ក្នុង​សេចក្តី​ប្រកាសព័ត៌មាន​របស់​រដ្ឋបាល​ខេត្ត​កំពង់ចាម ចេញនៅថ្ងៃទី​២៩ មេសា ២០២១នេះ បញ្ជាក់​ថា កម្មករ-កម្មការិនីទាំង ៣៨នាក់នោះ​ធ្វើការ​នៅរោងចក្រ ស៊ិកផ្លើស ស្រុកមុខកំពូល ខេត្តកណ្តាល និង​រោងចក្រ ៧អ៊ិនជី ស្រុកខ្សាច់កណ្តាល ខេត្តកណ្តាល រួមទាំងកុមារីម្នាក់អាយុ ៤ឆ្នាំ ឆ្លងពីម្តាយ។ កម្មករ-កម្មការិនីទាំង ៣៨នាក់ ដែល​រក​ឃើញ​វិជ្ជមានកូវីដ ១៩ នោះ រស់នៅ​ស្រុក​កងមាស ២៤នាក់ ស្រុកបាធាយ ៦នាក់ ស្រុកស្រីសន្ធរ ៨នាក់។ ខាងក្រោមនេះ​ជា​សេចក្តី​ជូន​ដំណឹង​លម្អិត និង​អត្ត​សញ្ញាណ​កម្មករ​ដែល​បាន​រក​ឃើញ​វិជ្ជមានកូវីដ ១៩។

អាជ្ញាធរ​ខេត្ត​កណ្តាល​បាន​បន្ត​ចុះ​យក​សំណាក ធ្វើ​តេស្ត​រក​មេរោគ​កូវីដ-១៩ ក្នុង​រោងចក្រ​ចំនួន១០ នៅ​ស្រុក​អង្គស្នួល ដែល​មាន​កម្មករ និង​និយោជិត ជិត ៣ពាន់នាក់ នៅ​ព្រឹក​ថ្ងៃទី២៩ មេសា ២០២១នេះ។ ថ្លែងក្នុង​ឱកាស​នោះ ឯកឧត្តម គង់ សោភ័ណ្ឌ អភិបាល​ខេត្ត​កណ្ដាល បាន​ណែនាំ​ដល់​មន្ទីរ​សុខាភិបាល មន្ទីរ​ការងារ​បណ្ដុះ​បណ្ដាល​វិជ្ជាជីវៈ និង​អាជ្ញាធរស្រុក​អង្គស្នួល ត្រូវ​សហការ​គ្នា យក​ចិត្ត​ទុកដាក់​ក្នុង​ការ​យក​សំណាក​របស់​បងប្អូន​កម្មករ កម្មការនី និង​និយោជិត ដែល​កំពុង​បម្រើ​ការងារ​នៅ​ស្រុក​អង្គស្នួល ជាង​នេះ​ទៀត​អាជ្ញាធរ​ស្រុក ត្រូវ​ស្វែង​រក​អ្នក​ពាក់ព័ន្ធ​ដោយ​ផ្ទាល់ និង​ប្រយោល។

នៅថ្ងៃទី២៧ េមសា ២០២១ កម្ពុជា​បន្តរកឃើញករណីវិជ្ជមានកូវីដ ១៩ ចំនួន ៦៩៨នាក់ ជាសះស្បើយ ៩៩៤នាក់ និងស្លាប់ ៦នាក់។ នេះបើតាមសេចក្តីជូនព័ត៌មានរបស់ក្រសួងសុខាភិបាល។ ស្ថានភាព​ជំងឺ​កូវីដ ១៩ គិត​ត្រឹមថ្ងៃទី២៨ ខែមេសា ឆ្នាំ២០២១ – អ្នក​ឆ្លង​កូវីដ១៩ សរុប ១១ ៧៦១ករណី – អ្នក​ពាក់​ព័ន្ធ​ព្រឹត្តិការណ៍​សហគមន៍ ១១ ២១០នាក់ – ព្យាបាល​ជា​សះស្បើយ ៤ ១៦៥នាក់ – កំពុង​សម្រាក​ព្យាបាល ៦ ៩៦៨នាក់ – ស្លាប់ ៨៨នាក់។

មាន​រោងចក្រ​កាត់ដេរ​ចំនួន ២០៦ និង​មាន​កម្មករ​ចំនួន ១៦៧៣នាក់ បាន​ឆ្លង​កូវីដ ១៩ គិត​ត្រឹម​ថ្ងៃទី២៨ មេសា ២០២១ នេះ​បើ​តាម​ការ​ឲ្យ​ដឹង​ពី​អ្នក​នាំ​ពាក្យ​ក្រសួង​ការងារ និង​បណ្តុះ​បណ្តាល​វិជ្ជាជីវៈ ឯកឧត្តម ហេង សួរ។ ថ្លែង​ក្នុង​សន្និសីទ​ការសែត ស្តី​ពី​ការ​បន្ត​បិទ​ខ្ទប់​រាជធានី​ភ្នំពេញ និង​ក្រុង​តាខ្មៅ កាល​ព្រឹកមិញ​នេះ ឯកឧត្តម​បាន​បញ្ជាក់​ថា រោងចក្រ​ទាំង ២០៦ ដែល​មាន​កម្មករ​កម្មការិនី​ឆ្លងកូវីដ ១៩ នោះ រួមមាន ​ភ្នំពេញ​ ​១​៣​៤​រោងចក្រ​ ​ខេត្ត​កណ្តាល ២​៣​រោងចក្រ តាកែវ ២​៦​រោងចក្រ ព្រះ​សី​ហ​នុ ១​៦​រោងចក្រ ស្វាយរៀង​៤​រោងចក្រ កំពង់ឆ្នាំង ១​រោងចក្រ និង​កំពង់ចាម១​រោងចក្រ។ ក្នុងចំណោម​កម្មករ​កាត់​ដេរដែលឆ្លងជំងឺ​កូវីដ ១​៩​ទាំង ១​៦​៧​៣​នាក់ មាន​នៅ​រាជធានី​ភ្នំពេញ​​ច្រើនជាង​គេ​ដល់ទៅ​១៥​៩​៨​នាក់ រីឯ​កម្មករ​កំពុង​ធ្វើ​ច​ត្តាឡី​ស័ក​មាន​ជាង ១ម៉ឺននាក់។​

អ្នក​ជំងឺកូវីដ ១៩ ​ដែល​បាន​សម្រាក​ព្យាបាល​កូវីដ ១៩ នៅ​មជ្ឈមណ្ឌល​កោះពេជ្រ ចំនួន ៨៣៤នាក់ បាន​ជា​សះ​ស្បើយ​ពី​ជំងឺ​កូវីដ ១៩។ បើ​តាម​លោក​ជំទាវ ពេជ ចន្ទមុន្នី ប្រធាន​ក្រុម​ប្រឹក្សាភិបាល នៃ​សមាគម​គ្រូពេទ្យ​ស្ម័គ្រ​ចិត្ត​យុវជន​សម្តេច​តេជោ TYDA ឲ្យដឹង​នៅ​លើ​បណ្តាញ​សង្គម នាថ្ងៃទី២៧ ខែមេសា អ្នក​ជំងឺ​ទាំង​ជាង ៨០០នាក់​បាន​ជា​សះ​ស្បើយ និង​ត្រូវ​ធ្វើ​ចត្តាឡីស័ក​បន្ត​នៅ​ផ្ទះ​ចំនួន ១៤ថ្ងៃ​បន្ត​ទៀត។ "ខ្ញុំ​សូមផ្តាំផ្ញើ​ដល់​បងប្អូន​ដែល​បាន​ជា​សះស្បើយ​ហើយ​ត្រលប់​ទៅ​ផ្ទះវិញ​នោះ សុំ​មេត្តា​បន្ត​ធ្វើ​ចត្តាឡីស័ក​នៅ​ផ្ទះ​បន្ត និង​បន្ត​អនុវត្ត​នូវ​ដំបូន្មាន​របស់​គ្រូពេទ្យ និង​ត្រូវ​ត្រលប់​មក​យក​សំណាក​វិញ​នៅ​ថ្ងៃ​ទី១៣"។

នៅ​ព្រលប់​នេះ រដ្ឋបាល​រាជធានី​ភ្នំពេញ​បាន​សម្រេច​បែង​ចែក​តំបន់​ក្រហម លឿងទុំ និងលឿង ជាផ្លូវការ។ ក្នុង​នោះ​តំបន់​ក្រហម មាន​តែ​ក្នុង​សង្កាត់​មួយ​ចំនួន ក្នុង​ខណ្ឌ៥ ខាង​ក្រោមនេះ​ប៉ុណ្ណោះ។ ១. ខណ្ឌទួលគោក៖ សង្កាត់បឹងសាឡាង (ភូមិ១៤ ភូមិ១៦ និងភូមិ១៧) ២. ខណ្ឌដង្កោ៖ សង្កាត់ព្រៃស (ភូមិប្រការ) និងសង្កាត់ដង្កោ (ភូមិម័ល ភូមិថ្មី និងភូមិសំបូរ) ៣. ខណ្ឌមានជ័យ៖ សង្កាត់ស្ទឹងមានជ័យ១ សង្កាត់ស្ទឹងមានជ័យ២ សង្កាត់ស្ទឹងមានជ័យ៣ និងសង្កាត់បឹងទំពន់ទី១ ៤. ខណ្ឌឫស្សីកែវ៖ សង្កាត់ទួលសង្កែទី១ ៥. ខណ្ឌពោធិ៍សែនជ័យ៖ សង្កាត់ចោមចៅទី១។ តំបន់​ក្រហម សំដៅ​លើ​ភូមិសាស្ត្រ​ដែល​មាន​ការ​ឆ្លងរាលដាល​ជំងឺ​កូវីដ ១៩ ក្នុង​សហគមន៍​ធ្ងន់ធ្ងរ។

រដ្ឋបាល​រាជធានី​ភ្នំពេញ​នៅ​ព្រលប់​នេះ បាន​ប្រកាស​ជាផ្លូវការ​ស្តី​ពី​ការ​កំណត់​តំបន់​ក្រហម លឿងទុំ និង​តំបន់​លឿង ក្នុង​អំឡុង​ពេល​នៃ​ការ​អនុវត្ត​វិធានការ​បិទ​ខ្ទប់​រាជធានី​ភ្នំពេញ។ បើ​តាម​ឯកឧត្តម គឹម សន្តិភាព អ្នកនាំ​ពាក្យ​ក្រសួង​យុត្តិធម៌ បើ​ទោះបី​ជា​រដ្ឋបាល​រាជធានី​ភ្នំពេញ​បាន​កំណត់​អំពី​ភូមិសាស្ត្រ​ក្នុង​តំបន់​បិទ​ខ្ទប់​ជា តំបន់ក្រហម តំបន់លឿងទុំ និង​តំបន់​លឿង​រួចហើយ​ក៏​ដោយ ក៏​វិធានការ​ដែល​ត្រូវ​យក​មក​អនុវត្ត​សម្រាប់​តំបន់​នីមួយៗទាំង​នោះ មាន​ប្រសិទ្ធ​ភាព​អនុវត្ត​ចាប់​ពី​ម៉ោងសូន្យ នៃថ្ងៃទី២៩ ខែមេសា ឆ្នាំ២០២១ តទៅ។

ក្រសួង​សុខាភិបាល​បន្តរក​ឃើញ​ករណី​វិជ្ជមាន​​កូវីដ ១៩ ចំនួន ៥០៨ករណី ជា​សះស្បើយ ១២៧នាក់ និង​មាន​អ្នក​ស្លាប់ ៣នាក់ នៅថ្ងៃទី២៦ ខែមេសា ២០២១។ អ្នកឆ្លងទាំង ៥០៨នាក់នោះមាននៅភ្នំពេញ ២៤៨នាក់ កណ្តាល ១៣៥នាក់ បន្ទាយមានជ័យ ៧៣នាក់ ព្រះសីហនុ ៤៧នាក់ តាកែវ ២នាក់ ព្រៃវែង ២នាក់ និងកំពង់ស្ពឺ ១នាក់។​ ស្ថានភាព​ជំងឺ​កូវីដ ១៩ គិត​ត្រឹមថ្ងៃទី២៧ ខែមេសា ឆ្នាំ២០២១ – អ្នក​ឆ្លង​កូវីដ១៩ សរុប ១១ ០៦៣ករណី – អ្នក​ពាក់​ព័ន្ធ​ព្រឹត្តិការណ៍​សហគមន៍ ១០ ៥១៣នាក់ – ព្យាបាល​ជា​សះស្បើយ ៣ ៧០៤នាក់ – កំពុង​សម្រាក​ព្យាបាល ៧ ២៧០នាក់ – ស្លាប់ ៨២នាក់។

គ្នា​យើង​មួយ​ចំនួន ចាក់​វ៉ាក់សាំង​កូវីដ-១៩​ ហើយ មាន​អាការៈ​ក្ដៅ​ខ្លួន ងងុយ​គេង ឬ​អស់​កម្លាំង ដែល​បញ្ជាក់​ថា វ៉ាក់សាំង​កំពុង​បង្កើត​អង់ទីករ​ក្នុង​រាងកាយ ចំណែកគ្នា​យើង​មួយ​ចំនួន​វិញ ចាក់​វ៉ាកសាំង​ហើយ​មែន តែ​មិន​ឃើញ​លេចចេញ​សញ្ញា​ក្រោយ​ចាក់​វ៉ាក់សាំង​ដូច​គេ​ដទៃ​ទៀត។ បើ​ចាក់វ៉ាកសាំង​ហើយ មិន​មាន​ចេញ​រោគ​សញ្ញា វ៉ាក់សាំង​ក៏​អត់​មាន​ប្រសិទ្ធភាព​ដែរ​មែនទេ? ទោះ​បី​ជា​យើង​មិន​មាន​អារម្មណ៍​ពិបាក​ក្នុង​ខ្លួន គ្មាន​អាការៈ​ក្ដៅ​ខ្លួន ក្រោយ​ចាក់​វ៉ាក់សាំង​ក៏​ដោយ ក៏​រាង​កាយ​យើង​កំពុង​ផលិត​អង់ទីករ​ដើម្បី​ប្រឆាំង​នឹង​វីរុស មិន​មាន​អ្វី​គួរ​ឲ្យ​បារម្ភ​នោះ​ទេ។ នេះ​បើ​តាម​ការ​លើក​ឡើង​លោក​វេជ្ជបណ្ឌិត Chris Thompson ​សាស្ត្រាចារ្យ​ នៃ​សកល​វិទ្យាល័យ Loyola នៃ​រដ្ឋ​ Maryland សហរដ្ឋ​អាមេរិក។ មនុស្ស​ម្នាក់​ៗ​មាន​ប្រតិកម្ម​ខុស​គ្នា​ចំពោះ​វ៉ាក់សាំង​ដោយសារ​កត្តា​មួយ​ចំនួន​តូច​ដូច​ជា សុខភាព អាយុ ភេទ ហ្សែន អាហារូបត្ថម្ភ បរិស្ថាន និង​ការ​ប្រើប្រាស់​ថ្នាំ​ប្រឆាំង​នឹង​ការ​រលាក។ បន្ថែម​ពី​លើ​នេះ ចំពោះ​អ្នក​ដែល​ធ្លាប់​កើត​ជំងឺ​កូវីដ-១៩ ម្ដង​ហើយ​ទទួល​បាន​វ៉ាក់សាំង រាងកាយ​អាច​នឹង​បញ្ចេញ​ប្រតិកម្ម​ឆ្លើយ​តប​នឹង​វ៉ាក់សាំង​ខ្លាំង​ជាង​មនុស្ស​ធម្មតា។ វេជ្ជបណ្ឌិត​ដដែល​បន្ថែម​ឲ្យ​ដឹង​ថា ចំពោះ​មនុស្ស​ដែល​មាន​ប្រព័ន្ធ​ការពារ​រាងកាយ​ខ្សោយ​ក៏​ដូច​គ្នា​ដែរ នៅ​តែ​ទទួល​បាន​ការ​ការពារ​ក្រោយ​ចាក់វ៉ាក់សាំង ទោះ​ជា​មិន​ចេញ​អាការៈ​ក្រោយ​ចាក់វ៉ាក់សាំង​ក៏​ដោយ គ្រាន់​តែ​ថា អ្នក​ដែល​មាន​ប្រព័ន្ធ​ភាពស៊ាំ​ខ្សោយ រាងកាយ​បង្កើត​អង់ទីករ​យឺត និង​អាច​តិច​ជាង​មនុស្ស​មាន​សុខភាព​ធម្មតា។ ទោះ​ជា​យ៉ាង​ណា ក្រោយ​ចាក់​វ៉ាក់សាំង​នឹង​ទទួល​បាន​ការ​ការពារ​សុខភាព​ដូច​គ្នា​។ លើស​ពី​នេះ អ្នក​វិទ្យាសាស្ត្រ​នៅ​ពិបាក​ក្នុង​ការ​បញ្ជាក់​ពី​មូលហេតុ​មួយ​ចំនួន​ដែល​វិវត្ត​ទៅ​ជា​ផល​រំខាន​ក្រោយ​ចាក់​វ៉ាក់សាំង។ បច្ចុប្បន្ន​នេះ មិន​មាន​ទិន្នន័យ​បង្ហាញ​ថា​ប្រតិកម្ម​របស់​មនុស្ស​ម្នាក់​គឺ​ជា​ការ​ចង្អុល​បង្ហាញ​ថា​តើ​រាងកាយ​របស់​មនុស្ស​យើង​ផលិត​ការ​ឆ្លើយ​តប​ប្រព័ន្ធ​ភាពស៊ាំ​បាន​ល្អ​ប៉ុនណា​ក្រោយ​ចាក់​វ៉ាក់សាំង​នោះ​ទេ។