ជំងឺឆ្លង Archives - Page 54 of 61

ជំងឺអាថ៌កំបាំងមួយ បានសម្លាប់កុមារជាង៥០នៅប្រទេសកុងហ្គោ

ជំងឺអាថ៌កំបាំងមួយ ដែលដំបូងត្រូវបានគេរកឃើញថា បានកើតលើកុមារ៣នាក់ ក្រោយពីបានបរិភោគសត្វប្រចៀវ បានសម្លាប់កុមារច្រើនជាង៥០នាក់ នៅភាគពាយ័ព្យនៃប្រទេសសាធារណរដ្ឋប្រជាធិបតេយ្យកុងហ្គោ ក្នុងរយៈពេល៥សប្តាហ៍ចុងក្រោយនេះ។ នេះបើយោងទៅតាមការចេញផ្សាយរបស់គេហទំព័រ South China Morning Post។ លោក Serge Ngalebato នាយកផ្នែកវេជ្ជសាស្រ្តនៃមន្ទីរពេទ្យ Bikoro ដែលជាមជ្ឈមណ្ឌលតាមដានប្រចាំតំបន់នោះ បានបញ្ជាក់ថា ចន្លោះពេលនៃការចាប់ផ្តើមនៃចេញរោគសញ្ញា ដែលរួមមានគ្រុនក្តៅ ក្អួត និងហូរឈាមខាងក្នុងខ្លួន និងការស្លាប់ គឺមានតែរយៈពេល 48 ម៉ោងប៉ុណ្ណោះ ក្នុងករណីស្លាប់ភាគច្រើនរបស់កុមារទាំងនោះ។ ចុចទីនេះ ដើម្បីគណនាថ្ងៃមេជីវិតញីទុំធ្លាក់ ចុចទីនេះ ដើម្បីគណនាថ្ងៃសម្រាលកូន ចុចទីនេះ ដើម្បីគណនាការឡើងទម្ងន់ស្ត្រីអំឡុងពពោះ ចុចទីនេះ ដើម្បីគណនាទម្ងន់ធៀបកម្ពស់ (BMI) ចុចត្រង់នេះ ដើម្បីមើលកាលវិភាគចាក់វ៉ាក់សាំងទារក ហើយលោកបានបញ្ជាក់ថា ការវិវឌ្ឍដ៏រហ័សបែបនេះ ជារឿងដ៏គួរឱ្យព្រួយបារម្ភ។ រោគសញ្ញាដែលនាំឱ្យមានការហូរឈាមទាំងនេះ ហាក់មានទំនាក់ទំនងជាទូទៅទៅនឹងមេរោគដ៏សាហាវដែលគេស្គាល់ដូចជា អេបូឡា គ្រុនឈាម Marburg និងគ្រុនលឿង ប៉ុន្តែក្រុមអ្នកស្រាវជ្រាវបានបញ្ជាក់ថា មិនមានការទងទងនឹងជំងឺទាំងនោះឡើយ បើផ្អែកលើការធ្វើតេស្តគំរូជាច្រើន ដែលប្រមូលបានរហូតមកដល់ពេលនេះ។ ការផ្ទុះឡើងនៃជំងឺឆ្លងក្នុងប្រទេសកុងហ្គោនាពេលថ្មីៗនេះ បានចាប់ផ្តើមកាលថ្ងៃទី 21 ខែមករា ដោយមានករណីឆ្លងចំនួន 419 ករណី ហើយ 53 នាក់បានស្លាប់។ អង្គការសុខភាពពិភពលោកហៅកាត់ថា WHO ប្រចាំនៅទ្វីបអាហ្វ្រិក […]

វីរុសកូរ៉ូណា

ភស្តុតាងថ្មីៗ បង្ហាញកាន់តែច្បាស់ថាម៉ាស់អាចការពារការចម្លងវីរុស COVID-19

មជ្ឈមណ្ឌលប្រឆាំងនឹងជំងឺឆ្លង របស់សហរដ្ឋអាមេរិក (CDC) នៅតែបន្តណែនាំឲ្យពលរដ្ឋពាក់ម៉ាស់ដើម្បីបង្ការការចម្លងជំងឺ COVID-19 ទោះបីជាមនុស្សគ្រប់គ្នាមានមន្ទិលសង្ស័យទៅលើបញ្ហានេះក៏ដោយ។ ចំណែកឯអ្នកវិទ្យាសាស្ត្រក៏បន្តបង្ហាញភស្តុតាងបញ្ជាក់ថាម៉ាស់អាចជួយការពារពីជំងឺនេះបាន។ ការចម្លងជំងឺ COVID-19 គឺឆ្លងតាមរយៈតំណក់ទឹកតូចៗចេញពីផ្លូវដង្ហើមដែលបញ្ចេញមកនៅពេលនិយាយ ឬកណ្ដាស់។ ប្រសិនជាតំណក់ទឹកនេះត្រូវមនុស្សនៅជិតស្រូបចូលក្នុងផ្លូវដង្ហើម មនុស្សម្នាក់នោះអាចនឹងឆ្លងមេរោគនេះបាន។ ម៉ាស់គឺជារបាំងការពារដែលអាចទប់តំណក់ទឹក និងបង្ការក្នុងការបញ្ចេញទៅក្នុងអាកាសដូចធម្មតា។ ម៉ាស់នឹងកាន់តែសំខាន់ជាពិសេសសម្រាប់អ្នកមានជំងឺ COVID-19 ដែលមិនមានចេញរោគសញ្ញា។ ការសិក្សាជាច្រើនបានបង្ហាញថាទោះបីជាមិនមានរោគសញ្ញា អ្នកទាំងនោះនៅតែអាចចម្លងជំងឺទៅកាន់អ្នកដទៃបាន។ ការសិក្សាក៏បានរកឃើញថាការពាក់ម៉ាស់អាចជួយទប់ស្កាត់ការចម្លងបាន។ ក្រៅពីការសិក្សានេះក៏មានករណីសិក្សា២ដែលបានចេញផ្សាយកាលពីថ្ងៃទី១៤ ខែកក្កដា ឆ្នាំ២០២០។ ករណីសិក្សាទី១បង្ហាញថាគោលការណ៍ពាក់ម៉ាស់នៅមន្ទីរពេទ្យ Boston បានបន្ថយការចម្លងជំងឺនេះ។ មុននឹងមានគោលការណ៍ពាក់ម៉ាស់នេះ ចំនួនបុគ្គលិកសុខាភិបាលដែលមានប៉ះពាល់ដោយផ្ទាល់ ឬដោយប្រយោលមានចំនួនកើនឡើងខ្លាំង។ ប៉ុន្តែក្រោយពីមានគោលការណ៍នេះ ចំនួនបុគ្គលិកសុខាភិបាលដែលតេស្ដវិជ្ជមានមានការថយចុះវិញ។ ករណីសិក្សាមួយទៀតគឺទាក់ទងនឹងជាងកាត់សក់២នាក់។ ការសិក្សាបានឲ្យដឹងថាការពាក់ម៉ាស់បង្ការជាងកាត់សក់២នាក់មានជំងឺ COVID-19 ក្នុងការចម្លងទៅកាន់អតិថិជន។ ជាងកាត់សក់ទាំង២បានបន្តផ្តល់សេវាកម្មដល់អតិថិជនរយៈពេលជាច្រើនថ្ងៃក្រោយពីមានរោគសញ្ញា ប៉ុន្តែជាងកាត់សក់ និងអតិថិជនបានពាក់ម៉ាស់តាមការណែនាំរបស់រដ្ឋាភិបាល។ ក្នុងចំណោមអតិថិជន ១៣៩នាក់ដែលជាងកាត់សក់នេះបានជួបមុនពេលធ្វើតេស្ដមិនមានចេញរោគសញ្ញាអំឡុងពេលតាមដាន និងអ្នកដែលជាអតិថិជនទាំងនេះបានជួបឃើញមិនមានរោគសញ្ញាទេ។ បន្ថែមពីនេះទៀត អតិថិជន ៦៧នាក់ក្នុងចំណោមអតិថិជនទាំងអស់ដែលបានយល់ព្រមធ្វើតេស្ដគឺទទួលបានលទ្ធផលអវិជ្ជមាន។ យោងតាមភស្តុតាងទាំងនេះ ម៉ាស់អាចជួយបង្ការការចម្លងជំងឺ COVID-19 បាន។ ម៉ាស់គឺអាចចាប់តំណក់ទឹកដែលមានផ្ទុកវីរុសដែលបានបញ្ចេញពេលនិយាយ ក្អក ឬកណ្ដាស់បាន។ អ្នកជំនាញបានបន្តថាម៉ាស់កាន់តែមានប្រសិទ្ធភាពក្នុងការទប់ស្កាត់ការចម្លងប្រសិនជាយើងនាំគ្នាពាក់ម៉ាស់ការពារទាំងអស់គ្នា។