ជំងឺទឹកនោមផ្អែម គឺជាជំងឺរ៉ាំរ៉ៃមួយប្រភេទដែលកើតច្រើននៅពេលបច្ចុប្បន្ន ប៉ុន្តែទំនងជាមិនសូវមានអ្នកដឹងទេថាជំងឺទឹកនោមផ្អែមក៏ធ្វើឲ្យស្រីៗប្រឈមខ្ពស់នឹងការកើ់តជំងឺមហារីកសុដន់ផងដែរ។

ការសិក្សាជាច្រើនលើកឡើងថាជំងឺទឹកនោមផ្អែមបង្កជាហានិភ័យខ្ពស់ដល់ការកើតមានជំងឺមហារីកសុដន់ និងធ្វើឲ្យមានអត្រាមរណៈខ្ពស់ផងដែរសម្រាប់អ្នកមានជំងឺនេះ។ តើជំងឺទាំងពីរមានទំនាក់ទំនងគ្នាយ៉ាងដូចម្ដេច?

១. អ្វីជាជំងឺមហារីកសុដន់?

មហារីកសុដន់ ជាជំងឺមួយប្រភេទកើតមានច្រើនក្នុងចំណោមស្រីៗ ដែលជំងឺនេះវិវត្តចេញពីក្នុងជាលិកាសុដន់។ មានន័យថា មានកោសិកាលូតលាស់មិនអាចគ្រប់គ្រងបាន កើតចេញពីជាលិកាសុដន់។

ជំងឺមហារីកសុដន់ អាចកើតមាននៅផ្នែកផ្សេងៗនៃសុដន់ ហើយមហារីកខ្លះមិនរាលដាលទៅណាក្រៅពីសុដន់នោះទេ ខណៈមានមហារីកខ្លះបានរាលដាលទៅកាន់កន្លែងផ្សេងនៃរាងកាយក្រៅពីសុដន់។

ពិនិត្យជំងឺបម្រុងទឹកនោមផ្អែមឥតគិតថ្លៃ ចុចទីនេះ!

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ដូចទៅនឹងជំងឺមហារីកផ្សេងទៀតដែរ វេជ្ជបណ្ឌិតពិបាកក្នុងការកំណត់ថាជំងឺមហារីកសុដន់បង្កឡើងដោយអ្វីណាស់ ប៉ុន្តែមានកត្តាមួយចំនួនធ្វើឲ្យមានហានិភ័យកើតជំងឺនេះ។ កត្តាទាំងនោះរួមមាន៖

អាយុ
កើនឡើងសកម្មភាពអ័រម៉ូន
ប្រវត្តិគ្រួសារ
ធ្លាប់មានដុំសាច់ស្លូតលើសុដន់
ផឹកស្រាច្រើន និង
កើតជំងឺទឹកនោមផ្អែមប្រភេទ២ ជាដើម។

ទឺកនោមផ្អែម

២. ទំនាក់ទំនងជំងឺទឹកនោមផ្អែម និងជំងឺមហារីកសុដន់

ក្រុមអ្នកស្រាវជ្រាវបានលើកឡើងថាជំងឺមហារីកសុដន់កើតច្រើនលើមនុស្សស្រីដែលមានជំងឺទឹកនោមផ្អែម ពិសេសក្រោយពេលអស់រដូវ។ ការសិក្សាផ្សេងទៀតបញ្ជាក់ថាស្រ្តីមានជំងឺទឹកនោមផ្អែមក្នុងវ័យអស់រដូវទំនងជាអាចកើតជំងឺមហារីកសុដន់២០ភាគរយខ្ពស់ជាងស្រ្តីវ័យចំណាស់ផ្សេងទៀតមិនទាន់ដល់ដំណាក់កាលអស់រដូវ។

ការសិក្សាខ្លះលើកឡើងថា ក៏មានដែរទំនាក់ទំនងដោយប្រយោលជាមួយនឹងជំងឺធាត់ ដែលជំងឺធាត់នេះជាហានិភ័យធំមួយនាំឲ្យកើតមានជំងឺផ្សេងៗដែរ។

អ្នកវិទ្យាសាស្រ្តនៅ សហរដ្ឋអាមេរិក បានសិក្សាលើមូលហេតុកើតមានជំងឺមហារីកសុដន់លើស្រ្តីមានជំងឺទឹកនោមផ្អែម ដោយបានសិក្សាលើកោសិកាសុដន់មនុស្ស និងសត្វកណ្ដុរ។ ការសិក្សាបានរកឃើញថាកម្រិតជាតិស្ករបានដឹកនាំប្រូតេអ៊ីន(GLUT3) ៤០០ ដងនៅក្នុងកោសិកាមហារីកខ្ពស់ជាងកោសិកាមិនបង្កជាមហារីក ។ ប្រូតេអ៊ីនប្រភេទនេះ ជួយគ្លុយកូសឆ្លងការភ្នាសកោសិកា ហើយក្នុងករណីជំងឺមហារីក គ្លុយកូសធ្វើឲ្យមានការកកើតកោសិកាមហារីកថ្មីៗ និងផ្ដល់ថាមពលឲ្យកោសិកាទាំងនោះលូតលាស់។

៣. វិធីបង្ការជំងឺមហារីកសុដន់

ជំងឺមហារីកសុដន់ភាគច្រើនអាចរកឃើញអំឡុងពេលការពិនិត្យដោះជាប្រចាំ រួមទាំងមានការធ្វើ ការថតគៀបដោះផង។ ការថត X-ray ក៏អាចធ្វើដែរបើមានសង្ស័យលើកោសិកាសុដន់មិនប្រក្រតីណាមួយ។ ករណីខ្លះ ការឆ្លុះអេកូក៏ធ្វើដែរបើចាំបាច់។

ស្រ្តីវ័យចំណាស់ស្ថិតក្នុងក្រុមអាយុ៥០ទៅ៧០ឆ្នាំ គឺមានការណែនាំឲ្យទៅទទួលការពិនិត្យសុដន់ឲ្យបានទៀងទាត់ ដើម្បីអាចកំណត់ដឹងថាមានជំងឺមហារីក ឬអត់ឲ្យបានទាន់ពេល។ ពេលខ្លះការច្រឹមយកកោសិកាសុដន់ទៅវិភាគ ក៏អាចត្រូវធ្វើដែរ ដើម្បីពិនិត្យរកមើលកោសិកាមហារីក។

ក្រៅពីនេះ ការហូបចុកអាហារមានតុល្យភាព ហាត់ប្រាណជាប្រចាំ និងគេងបានគ្រប់គ្រាន់ ក៏ជាផ្នែកមួយជួយបង្ការស្រីៗមានជំងឺទឹកនោមផ្អែម ពីជំងឺមហារីកសុដន់នេះដែរ។

ចំណុចសំខាន់

ការសិក្សាជាច្រើនលើកឡើងថាជំងឺទឹកនោមផ្អែមបង្កជាហានិភ័យខ្ពស់ដល់ការកើតមានជំងឺមហារីកសុដន់ និងធ្វើឲ្យមានអត្រាមរណៈខ្ពស់ផងដែរសម្រាប់អ្នកមានជំងឺនេះ ព្រោះកត្តានាំឱ្យកើតកើតមហារីកដុដន់ មានដូចជា៖

អាយុ
កើនឡើងសកម្មភាពអ័រម៉ូន
ប្រវត្តិគ្រួសារ
ធ្លាប់មានដុំសាច់ស្លូតលើសុដន់
ផឹកស្រាច្រើន និង
កើតជំងឺទឹកនោមផ្អែមប្រភេទ២ ជាដើម។

អត្ថបទគួរអាន៖

ស្រីៗ បើកើតជំងឺទឹកនោមផ្អែម ងាយប្រឈមជំងឺមហារីកសុដន់?

១. អ្វី​ជា​ជំងឺ​មហារីក​សុដន់?​

២. ទំនាក់ទំនង​ជំងឺ​ទឹកនោម​ផ្អែម និង​ជំងឺ​មហារីក​សុដន់​

៣. វិធី​បង្ការជំងឺ​មហារីក​សុដន់

ចំណុចសំខាន់

១. អ្វីជាជំងឺមហារីកសុដន់?

២. ទំនាក់ទំនងជំងឺទឹកនោមផ្អែម និងជំងឺមហារីកសុដន់

៣. វិធីបង្ការជំងឺមហារីកសុដន់