តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

រោគសញ្ញា​ទាំង​៣​ របស់ជំងឺ​​មហារីក​កើត​លើ​កុមារ​ ប៉ា​ម៉ាក់​គួរ​ដឹង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

រោគសញ្ញា​ទាំង​៣​ របស់ជំងឺ​​មហារីក​កើត​លើ​កុមារ​ ប៉ា​ម៉ាក់​គួរ​ដឹង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ពិត​ណាស់​ កុមារ​ក៏​អាច​កើត​ជំងឺ​មហារីក​ដូច​ទៅ​នឹង​មនុស្ស​ពេញ​វ័យ​ដែរ ដូច្នេះ​ហើយ​​ប៉ា​ម៉ាក់​គប្បី​តាមដាន​ និង​សង្កេត​មើល​រោគសញ្ញា​មិន​ប្រក្រតី​មួយ​ចំនួន​ មុន​ពេល​ដែល​ជំងឺ​ដ៏​កាច​សាហាវ​មួយ​នេះ វិវត្ត​កាន់​តែ​ធ្ងន់ធ្ងរ​។

ជាក់​ស្ដែង ជំងឺ​មហារីក​​មិន​មែន​ជា​ជំងឺ​តែ​មួយ​ទេ ប៉ុន្តែ​វា​ជា​ចង្កោម​នៃ​ជំងឺ​ដែល​ពាក់ព័ន្ធ​មួយ​ចំនួន​។ ជំងឺ​មហារីក​កើត​ឡើង​ដោយ​សារ​តែ​ការ​បែងចែក​កោសិកា​​មិន​ធម្មតា និង​ពិបាក​គ្រប់គ្រង​ ហើយ​វា​អាច​ប៉ះពាល់​ដល់​កោសិកា​ក្បែរ​ៗ​ ព្រម​ទាំង​រាលដាល​ដល់​ផ្នែក​រាងកាយ​ផ្សេង​ទៀត​តាម​រយៈ​ប្រព័ន្ធ​​ឈាម​ និង​កូន​កណ្ដុរ

ជំងឺ​មហារីក​ទូទៅ​បំផុត​​កើត​លើ​កុមារ

ប្រភេទ​ជំងឺ​មហារីក​ទូទៅ​បំផុត​មួយ​ចំនួន​ដែល​​ឧស្សាហ៍​កើត​លើ​កុមារ​មាន​ដូចជា​ជំងឺ​មហារីក​ឈាម​ ដុំ​សាច់​ខួរ​ក្បាល​ មហារីក​ស្រទាប់​រ៉េទីន មហារីក​ឆ្អឹង និង​មហារីក​ពោះ ។ អ្នក​ជំនាញ​បាន​ឲ្យ​ដឹង​ថា ជំងឺ​មហារីក​​មួយ​ចំនួន​ដែល​កើត​លើ​កុមារ​ អាច​បណ្ដាល​មក​ពី​កត្តា​ហ្សែន​ ប៉ុន្តែ​មូលហេតុ​ជាក់លាក់​នៅ​មិន​ទាន់​ដឹង​ច្បាស់​នៅ​ឡើយ​ទេ​។

កម្មវិធី​ពិនិត្យ​​ជំងឺ​មហារីក​សុដន់​​​អន​ឡាញ

គណនា BMI

Verifying...

គណនា BMR

កម្មវិធី​ពិនិត្យ​​ជំងឺ​​មហារីក​ពោះវៀន​ធំ​អន​ឡាញ

​​រោគសញ្ញា​មិន​ប្រក្រតី​នៃ​ជំងឺ​មហារីក​លើ​កុមារ​

ការ​ដឹង​ពី​សញ្ញា​ និង​រោគសញ្ញា​នៃ​ជំងឺ​មហារីក​លើ​កុមារ​​ទាន់​ពេល​វេលា អាច​ជួយ​ឲ្យ​ការ​ព្យាបាល​កាន់​តែ​មាន​ប្រសិទ្ធភាព​។ ដូច្នេះ​ហើយ​ ប៉ា​ម៉ាក់​គប្បី​សង្កេត​មើល​រោគសញ្ញា​មួយ​ចំនួន​​​ខាង​ក្រោម​នេះ។

១. ស្លេកស្លាំង និង​គ្មាន​កម្លាំង​កំហែង

កម្រិត​​ថាមពល​ថយ​ចុះ​ខ្លាំង អាច​ជា​រោគសញ្ញា​ព្រមាន​ដំបូង​​នៃ​ជំងឺ​មហារីក​លើ​កុមារ​។ ទោះ​បី​ជា​មាន​ជំងឺ​មហារីក​ជា​ច្រើន​ប្រភេទ​ដែល​អាច​កើត​ចំពោះ​ក្មេង​យ៉ាង​ណា​ក្ដី ប៉ុន្តែ​រោគសញ្ញា​មួយ​នេះ​គឺ​​ជា​រោគសញ្ញា​ទូទៅ​បំផុត​នៃ​មហារីក​ទាំង​នោះ​។

២. ងាយ​មាន​ស្នាម​ជាំ​ ឬ​ចេញ​ឈាម​

ជាមួយ​គ្នា​នេះ​ដែរ​ ជំងឺ​មហារីក​លើ​កុមារ​ដែល​កើត​ញឹកញាប់​បំផុត គឺ​ជំងឺ​មហារីក​ឈាម​ ហើយ​ក្មេង​ដែល​​មាន​ជំងឺ​នេះ ​អាច​ចេញ​ឈាម​ច្រើន​ជាង​ធម្មតា​នៅ​ពេល​ដែល​​​ពួក​គេ​មាន​របួស​តិច​តួច ឬ​ចេញ​ឈាម​ច្រមុះ។ ហេតុ​នេះ​​ហើយ​ នៅ​ពេល​ដែល​កូន​ចេញ​ឈាម​ច្រើន​ជាង​ធម្មតា ប៉ា​ម៉ាក់​គួរតាមដាន​រោគសញ្ញា​នេះ​ឲ្យ​បាន​ដិតដល់ ក៏​ដូចជា​ពិគ្រោះ​ជាមួយ​នឹង​គ្រូពេទ្យ​ជំនាញ​។

អានបន្ថែម៖

៣. ឈឺ​ក្បាល​ញឹកញាប់​​ និង​​មាន​ក្អួត​

ទន្ទឹម​នឹង​នេះ អាការៈ​ឈឺ​​ក្បាល​រ៉ាំរ៉ៃ​​ព្រម​ទាំង​មាន​ក្អួត​ផង​នោះ ​អាច​ជា​រោគសញ្ញា​នៃ​ជំងឺ​ជា​ច្រើន​ ក៏​ដូចជា​បញ្ហា​សុខភាព​ធ្ងន់ធ្ងរ​។ មួយ​វិញ​ទៀត វា​ក៏​អាច​បញ្ជាក់​ថា​កូន​របស់​ប៉ា​ម៉ាក់​អាច​ប្រឈម​នឹង​ជំងឺ​មហារីក​ដូច​គ្នា។ ដូច​នេះ​ ​ប៉ា​ម៉ាក់​គួរ​នាំ​កូន​ទៅ​ជួប​គ្រូពេទ្យ​ជា​បន្ទាន់​ ប្រសិនបើ​សង្កេត​ឃើញ​រោគសញ្ញា​មិន​ប្រក្រតី​ណា​មួយ​​។

រោគសញ្ញា​នៃជំងឺមហារីក

រោគសញ្ញាមហារីក កើត លើ កុមារ

កុមារ​ក៏​​មាន​ហានិភ័យ​នៃ​ការ​កើត​ជំងឺ​មហារីក​ដូច​ទៅ​នឹង​មនុស្ស​ពេញ​វ័យ​ដែរ។ កត្តាហ្សែន​អាច​ជា​មូលហេតុ​នៃ​ការ​កើត​ជំងឺ​មហារីក​លើ​កុមារ​។ យ៉ាងណា​មិញ ប៉ា​ម៉ាក់​គប្បី​សង្កេត​មើល​រោគសញ្ញា​ទូទៅ​បំផុតទាំង​៣​នៃ​ជំងឺ​មហារីក​​ដេល​កើត​លើ​កុមារ​។
  • ស្លេកស្លាំង និង​គ្មាន​កម្លាំង​កំហែង
  • ងាយ​មាន​ស្នាម​ជាំ ឬ​ចេញ​ឈាម​
  • ឈឺ​ក្បាល​ញឹកញាប់​ និង​មាន​ក្អួត

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

ផឹក​គ្រឿង​ស្រវឹង​ច្រើន​ អាច​បង្កើន​ហានិភ័យ​កើតជំងឺ​មហារីក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

រោគសញ្ញា​នៃ​​ជំងឺ​មហារីក​ក្រពេញ​ទីរ៉ូអ៊ីត គ្នា​យើង​គួរ​ដឹង

រោគសញ្ញា​មិន​ប្រក្រតី​នៃជំងឺ​មហារីក​មាត់​ស្បូន​ ស្រី​ៗ​គួរ​ដឹង​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

មិនត្រឹមស្រីៗ! ប្រុសៗចាក់វ៉ាក់សាំងមហារីកមាត់ស្បូន ការពារពីជំងឺសាហាវច្រើន

​អ្នកជាពីជំងឺមហារីក​សុដន់​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​៖ សុខភាពផ្លូវចិត្តជា​រឿងសំខាន់​ពេលកំពុងព្យាបាល


រូបថត​របស់​អ្នក​និពន្ធbadge
ដោយ នូ សោភ័ណ្ឌ កែសម្រួល​ចុងក្រោយ 18/02/2022
ត្រួតពិនិត្យដោយ វេជ្ជ. ចាន់ ស៊ីណេត