តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ជំងឺមួយនេះ អាចឲ្យស្ត្រីមករដូវតិច អត់កូន និងរលូតកូនញឹកញាប់!

    ជំងឺមួយនេះ អាចឲ្យស្ត្រីមករដូវតិច អត់កូន និងរលូតកូនញឹកញាប់!

    យើង​ធ្លាប់​តែ​ឮ​ញឹក​ញាប់​ពី​ជំងឺ​គីស​ដៃ​ស្បូន ដោយឡែក​ជំងឺ​ស្អិត​ស្បូន​វិញ​ប្រហែល​ជា​មិន​សូវ​ឮ​នោះ​ទេ? តែ​តាម​ពិត​ទៅ​ជំងឺ​នេះ​ស្រីៗ​គ្នា​យើង​ក៏​ឧស្សាហ៍​កើត​មាន​ដែរ។ តើ​ជំងឺ​ស្អិត​ស្បូន បណ្តាល​មក​ពី​អ្វី? មាន​ផល​វិបាក​អីខ្លះ?

    តាម​រយៈ​ការ​ជួប​សម្ភាស​ជាមួយ​ប្រធាន​ផ្នែក​សម្ភព និង​រោគ​ស្ត្រី នៃ​មន្ទីរពេទ្យ​កាល់ម៉ែត លោក​វេជ្ជបណ្ឌិត គាន់ អូន បាន​ឲ្យ​ដឹង​ថា ស្បូន​ស្អិត​ជា​មូលហេតុ​ធ្វើ​ឲ្យ​ស្ត្រី​មាន​រដូវ​តិចតួច រដូវ​មក​មិន​ទៀង ពេល​មក​រដូវ​មក​ម្តងៗ​ចុក​ខ្លាំង មាន​គីស​នៅ​ដៃ​ស្បូន ស្ត្រី​អាច​គ្មាន​កូន ឬ​រលូត​កូន​ញឹក​ញាប់។

    “កាលណា​ស្បូន​ស្អិត ដោយសារ​ការ​កូន​រលូត ឬ​រម្លូត​កូន ស្បូន​គាត់​ស្អិត​អស់​រលីង គាត់​មាន​កូន កូន​អត់​នៅ ហើយ​គាត់​សម្អាត​អស់ ស្បូន​ស្អិត អ៊ីចឹង​ផ្ទៃ​ស្បូន​ស្អិត​អស់​ហើយ នៅ​សល់​តិច ធ្វើ​ឲ្យ​មាន​រដូវ​តិច​តួច”។ លោក​វេជ្ជបណ្ឌិត​រៀប​រាប់។

    ក្រៅ​ពី​ការ​រំលូត​កូន​ញឹក​ញាប់ ការ​រលាក​ភ្នាស​ក្នុង​ស្បូន​រ៉ាំរ៉ៃ និង​ការ​រលាក​អាង​ត្រគាក ក៏​ជា​មូលហេតុ​ធ្វើ​ឲ្យ​ស្ត្រី​មាន​ជំងឺ​ស្អិត​ស្បូន​ដែរ។

    រោគសញ្ញាជំងឺស្អិតស្បូន៖

    – ឈឺអាងត្រគាក
    – ចុកពោះខ្លាំងពេកមករដូវ
    – មករដូវតិចតួច។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ដេត ធន្នី កែសម្រួល​ចុងក្រោយ 19/06/2020
    ត្រួតពិនិត្យដោយ វេជ្ជ. ចាន់ ស៊ីណេត
    Next article: