តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ប្រយ័ត្នស្រីៗ! មានសញ្ញាទាំងនេះ តិចកើតមហារីកមាត់ស្បូនមិនដឹងខ្លួន

    ប្រយ័ត្នស្រីៗ! មានសញ្ញាទាំងនេះ តិចកើតមហារីកមាត់ស្បូនមិនដឹងខ្លួន

    ស្រីៗជាធម្មតា មានសុខភាពទន់ខ្សោយជាងប្រុសៗ អាចប្រឈមជំងឺកាចសាហាវជាច្រើនពេលឈានចូលដល់វ័យចំណាស់ ក្នុងនោះជំងឺគួរឲ្យព្រួយបារម្ភបំផុត គឺមហារីកមាត់ស្បូន។ បើមិនចង់កើតជំងឺនេះ ទៅថ្ងៃមុខ អានអត្ថបទ “Hello គ្រូពេទ្យ” ហោចណាស់ អាចឲ្យគ្នាយើងត្រៀមខ្លួនបង្ការបានដែរ។

    ប្រមាណ ៨០ភាគរយ នៃស្រីៗមានជំងឺកាមរោគ អាចវិវត្ដទៅជាមហារីកមាត់ស្បូនបានយ៉ាងងាយ ដោយសារមេរោគនោះ។ ឯរោគសញ្ញាទូទៅនៃមហារីកមាត់ស្បូនមាន៖

    ១- ហូរឈាមតាមទ្វារមាស

    ហូរឈាមចន្លោះរដូវ ជារឿងធម្មតាសម្រាប់ស្រីៗគ្នាយើងកំពុងប្រើថ្នាំពន្យារកំណើត។ ប៉ុន្តែករណីហូរឈាមពីប្រដាប់ភេទចន្លោះរដូវក្រោយរួមភេទ ឬក្រោយអស់រដូវ គួរទៅពិនិត្យជាមួយគ្រូពេទ្យ ព្រោះអាចជាសញ្ញាមហារីកមាត់ស្បូន។

    ២- ឆ្អល់ក្តៅចុងដង្ហើម ឬពិបាករំលាយអាហារ

    មានអារម្មណ៍មិនស្រួលក្នុងពោះ ឬក៏ឈឺឆ្អល់ក្រោយពេលញ៉ាំអាហារក្នុងបរិមាណច្រើន ពិសេសអាហារសម្បូរខ្លាញ់ ឬហឹរ អាចជារឿងធម្មតា ប៉ុន្តែបើអាការៈទាំងនេះកើតឡើងកាន់តែញឹកញាប់ និងកាន់តែធ្ងន់ធ្ងរ ឬបង្កឲ្យឈឺចាប់ខ្លាំង។ គប្បីពិគ្រោះយោបល់ជាមួយគ្រូពេទ្យ។

    ៣- ហើមពោះមិនបាត់

    ស្រីៗគ្នាយើងជួបអាការៈហើមពោះម្តងម្កាល ហើយភាគច្រើននឹងបាត់ទៅវិញដោយឯកឯង។ ប៉ុន្តែ ប្រសិនស្រីៗគ្នាយើងមានអាការៈបែបនេះលើស ២ សប្តាហ៍ឡើងទៅ កុំអែអង់ ទៅពិគ្រោះយោបល់ជាមួយគ្រូពេទ្យ។

    ៤- បែកញើសខ្លាំងពេលយប់

    អាការៈបែកញើសពេលយប់ អាចជាសញ្ញាឆ្លងមេរោគណាមួយ ឬបង្ហាញប្រាប់ថា រាងកាយយើងកំពុងប្រតិកម្មជាមួយថ្នាំណាមួយ។ ស្រីៗដល់វ័យអស់រដូវ អាចជួបប្រទះនឹងអាការៈបែបនេះដូចគ្នា។ ប៉ុន្តែ អាការៈបែកញើសកាន់តែធ្ងន់ធ្ងរ ដូចជា បែកញើសជោកតែម្តង អាចជាសញ្ញាមហារីកមាត់ស្បូន ត្រូវប្រញាប់ទៅពិគ្រោះយោបល់ជាមួយគ្រូពេទ្យ ដើម្បីធ្វើរោគវិនិច្ឆ័យច្បាស់លាស់។

    ៥- សុដន់ប្រែប្រួល

    គ្នាយើងមិនគួរចាប់អារម្មណ៍តែដុំនៅលើសុដន់នោះទេ គួរកត់សម្គាល់ការប្រែប្រួលផ្សេងៗទៀត ដូចជា ទំហំ រូបរាង លក្ខណៈរបស់ស្បែក អាការៈកន្ទួលក្រហម អាការៈឈឺ មានសារធាតុរាវហូរចេញពីចុងសុដន់ (គ្មានកូន ឬមិនកំពុងបំបៅដោះ) ជាដើម។ កុំរង់ចាំយូរប្រញាប់ទៅពិគ្រោះយោបល់ជាមួយពេទ្យភ្លាម។

    ៦- មានឈាមក្នុងទឹកនោម

    បើមានករណីនេះ ចាំបាច់ណាស់ត្រូវទៅពេទ្យប្រឹក្សា និងធ្វើរោគវិនិច្ឆ័យ ទោះបីជាអាការៈនោមឈាម ងាយស្រួលព្យាបាល តែអាចជាសញ្ញាមួយមហារីកមាត់ស្បូនដូចគ្នា។

    ៧- មានឈាមក្នុងលាមក

    ឈាមក្នុងលាមក ភាគច្រើនបណ្តាលមកពីជំងឺឫសដូងបាត ប៉ុន្តែក៏អាចជាសញ្ញាមហារីកមាត់ស្បូនដូចគ្នា។

    ៨- ក្អកឈាម

    អាការៈក្អកឈាម មិនថាក្នុងឈាមមានពណ៌អ្វីក៏ដោយ (ឈាមក្រមៅ ឬស្រស់) ទាមទារឲ្យមានការពិនិត្យពីគ្រូពេទ្យបន្ថែម។ ទោះបីមើលទៅហាក់មិនធ្ងន់ធ្ងរ ប៉ុន្តែត្រូវតែពិនិត្យ និងធ្វើរោគវិនិច្ឆ័យច្បាស់លាស់។

    ៩- ឈឺចាប់ដោយគ្មានមូលហេតុ

    ពេលសរីរាង្គណាមួយមានបញ្ហា អាការៈឈឺចាប់អាចកើតឡើងភ្លាមៗ គ្នាយើងនឹងជួបប្រទះអាការៈទាំងនេះកាន់តែញឹកញាប់ នៅពេលវ័យកាន់តែច្រើន ព្រោះថាសរីរាង្គកាន់តែទ្រុឌទ្រោមដូចគ្នា។ យ៉ាងណា បើមានផ្នែកណាមួយមានការឈឺចាប់ខ្លាំងដោយគ្មានមូលហេតុ ហើយមិនបាត់ទៅវិញលើសពី ៤សប្តាហ៍ ជួបពេទ្យឲ្យបានឆាប់។

    អាការៈទាំងអស់រៀបរាប់ខាងលើ មិនមែនជារោគសញ្ញាជំងឺមហារីកមាត់ស្បូនតែមួយនោះទេ នៅមានជំងឺជាច្រើនផ្សេងទៀតដែលបណ្តាលឲ្យមានអាការៈបែបនេះ ហេតុនេះគប្បីធ្វើការពិគ្រោះ និងប្រឹក្សាយោបល់ជាមួយនឹងគ្រូពេទ្យ បើយើងប្រទះឃើញអាការៈណាមួយ។

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត​ សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគ​វិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Key signs and symptoms of cancer. http://www.cancerresearchuk.org/about-cancer/cancer-symptoms. Accessed December 30, 2016.

    Signs and symptoms of cervical cancer. http://www.cancer.org/cancer/cervicalcancer/detailedguide/cervical-cancer-signs-symptoms. Accessed December 30, 2016.

    Cervical cancer symptoms. http://www.cancercenter.com/cervical-cancer/symptoms/ Accessed December 30, 2016.

    រូបថត​របស់​អ្នក​និពន្ធbadge
    ដោយ Sao Solynet កែសម្រួល​ចុងក្រោយ 15/11/2019
    ត្រួតពិនិត្យដោយ វេជ្ជ. ចាន់ ស៊ីណេត
    Next article: